Juan 7:13 - Mixteco del suroeste de Tlaxiaco Oaxaca

¹³ Soo ni ɨɨn ráa ntu káꞌánꞌ nijinꞌ ráa xi̱ni̱ꞌ re̱ꞌ, chi yúꞌví ráa néꞌyá ráa rá te̱e kúñáꞌnú nu̱u̱nꞌ rá ñɨvɨ Israel.

Juan 7:13 Iomraidhean Croise

Juan 19:38

Sáá nkuvi yaꞌá jee José ya̱ kúvi re̱ꞌ te̱e ñuunꞌ Arimatea, jee nkuvi re̱ꞌ ɨɨn rá te̱e ya̱ nsu̱kuáꞌa Jesús maa, soo nsu̱kuáꞌa yuꞌuꞌ José jie̱ꞌe̱ꞌ ya̱ yúꞌví re̱ꞌ rá te̱e kúñáꞌnú ñuunꞌ Israel, jee ni̱ka̱nꞌ re̱ꞌ nu̱u̱nꞌ Pilato ya̱ kuvi nakeꞌen re̱ꞌ ñunéꞌyúꞌ Jesús. Jee njia̱ꞌa Pilato nakeꞌen re̱ꞌ maa, jee saáva ña̱nake̱ꞌen re̱ꞌ ñunéꞌyúꞌ Jesús.

Juan 20:19

Sáá nkua̱a̱ꞌ máá ki̱vɨ̱ꞌ yukuán, ya̱ kúvi máá ki̱vɨ̱ꞌ xíꞌnañúꞌún jiákui̱ñɨ̱ꞌ semana, jee nnu̱tútú rá te̱e ya̱ nsu̱kuáꞌa Jesús ráa ɨɨn iniꞌ veꞌi jee násɨ́ꞌ kutú yuvéꞌí chi yúꞌví ráa rá te̱e kúñáꞌnú nu̱u̱nꞌ ñɨvɨ Israel. Sa̱naanꞌ ni jee nkenta Jesús nna̱kui̱ñɨ̱ꞌ re̱ꞌ ma̱ꞌñú ráa jee nkachiꞌ re̱ꞌ nu̱u̱nꞌ ráa: ―Va̱ne̱ꞌ va̱ꞌa kino̱o iniꞌ ánímaꞌ rán.

Juan 3:2

Jee ña̱ꞌa̱nꞌ te̱e yaꞌá yakuááꞌ nu̱u̱nꞌ nééꞌ Jesús, jee nkachiꞌ re̱ꞌ nu̱u̱nꞌ Jesús: ―Mestrúꞌ, jíníꞌ ránꞌ ya̱ máá Ndiosíꞌ nchu̱ichí noꞌó va̱ji nú sáva xínéꞌénꞌ nú rá tu̱ꞌun re̱ꞌ, kuéntáꞌ ɨɨn Mestrúꞌ nu̱u̱nꞌ ránꞌ. Chi ni̱ꞌ ɨɨn ñɨvɨ nsáꞌ kúvi saꞌá rá seña a̱nasɨ́ sáꞌá nú, retú ntu íyó Ndiosíꞌ jín‑i.

Juan 7:1

Jee sáá njia̱ꞌa rá yaꞌá, jee Jesús jíkanuun re̱ꞌ ichi ñuunꞌ Galilea, chi ntu̱ví kuíni re̱ꞌ kakanuun re̱ꞌ ñuunꞌ Judea. Chi rá te̱e kúñáꞌnú nu̱u̱nꞌ rá ñɨvɨ Israel níꞌvɨ́ꞌ iniꞌ ráa kaꞌniꞌ ráa re̱ꞌ.

Juan 7:11

Jee rá te̱e kúñáꞌnú nu̱u̱nꞌ rá ñɨvɨ Israel nna̱nukú ráa re̱ꞌ viko, jee sava ráa nkachiꞌ: ―¿Né núꞌ íyó te̱e yukuán rúja? ―nkachiꞌ ráa.

Juan 7:15

Jee nti̱vɨ́ xíniꞌ rá ñɨvɨ Israel, jee káchíꞌ ráa: ―¿Na̱ja chi jíníꞌ víꞌí te̱e yaꞌá rá tu̱ꞌun níchí, chi ntu̱ví nsúkuáꞌa víꞌí re̱ꞌ? ―nkachiꞌ ráa.

Juan 9:22

Jee rá tu̱ꞌun yaꞌá nkachiꞌ tááꞌ re̱ꞌ jín náánꞌ re̱ꞌ chi yúꞌví ráa néꞌyá ráa rá te̱e kúñáꞌnú nu̱u̱nꞌ rá ñɨvɨ Israel, chi ya nna̱túꞌún rá te̱e kúñáꞌnú nu̱u̱nꞌ rá ñɨvɨ Israel vá ya̱ retú néni ɨɨn ñɨvɨ jiáꞌayuꞌú ya̱ Jesús kúvi Cristo, [ya̱ nchu̱ichí Ndiosíꞌ maa sáva tatúníꞌ‑i nu̱u̱nꞌ ñɨ̱vɨ́], yukuán jee tavaꞌ ráa ñɨvɨ vá rá veꞌi sinagoga nu̱u̱nꞌ kútútú rá ñɨvɨ Israel, jee nsáꞌ ku̱ꞌva ráa ka̱ꞌ ki̱vɨ ñɨvɨ vá iniꞌ veꞌi sinagoga yukuán.

Juan 9:34

Saájee nna̱xiníkó ráa, jee nkachiꞌ ráa nu̱u̱nꞌ re̱ꞌ: ―Noꞌó chi ne̱ ki̱vɨ̱ꞌ nkaku nú jee ne̱ íyó chitú kanáa noꞌó jín kua̱chi. Jee, ¿á noꞌó xínéꞌénꞌ nú nu̱u̱nꞌ ránuꞌuꞌ rúja? ―nkachiꞌ ráa, jee íchí ntavaꞌ ráa re̱ꞌ iniꞌ veꞌi sinagoga vá ya̱ ni ntu jiáꞌa ráa ka̱ꞌ ki̱vɨ re̱ꞌ maa.

Apoclipsis 2:13

[Jee jíníꞌ ni̱ꞌ ntáká tiñu váꞌa sáꞌá rán.] Jee jíníꞌ ni̱ꞌ ya̱ nééꞌ rán nu̱u̱nꞌ tátúníꞌ kui̱ꞌna̱ꞌ kúñáꞌnú naní Satanás. Soo súka̱ꞌ sukuán soo íñɨ́ ni̱ꞌin rán níkɨ́nꞌ na̱a̱ꞌ rán nuꞌuꞌ. Jee ni ntu nníkó iniꞌ rán ya̱ jínúꞌ iniꞌ rán nuꞌuꞌ, ni súnika̱ꞌ sáá nkuvi rá ki̱vɨ̱ꞌ nneeꞌ Antipas nteñu rán, ɨɨn te̱e ya̱ nsi̱kúnkuvi na̱a̱ꞌ re̱ꞌ nna̱kani na̱a̱ꞌ re̱ꞌ tu̱ꞌun ni̱ꞌ, jee ñaꞌniꞌ ráa maa nteñu rán yukuán ñuunꞌ nu̱u̱nꞌ nééꞌ Satanás.