Juan 7:1 - Mixteco del suroeste de Tlaxiaco Oaxaca

¹ Jee sáá njia̱ꞌa rá yaꞌá, jee Jesús jíkanuun re̱ꞌ ichi ñuunꞌ Galilea, chi ntu̱ví kuíni re̱ꞌ kakanuun re̱ꞌ ñuunꞌ Judea. Chi rá te̱e kúñáꞌnú nu̱u̱nꞌ rá ñɨvɨ Israel níꞌvɨ́ꞌ iniꞌ ráa kaꞌniꞌ ráa re̱ꞌ.

Juan 7:1 Iomraidhean Croise

Mateo 10:23

’Jee retú koto u̱ꞌvi̱ꞌ ráa ránoꞌó nu̱u̱nꞌ ɨɨn ñuunꞌ, jee kenekunu rán kɨ̱ꞌɨ̱nꞌ rán nu̱u̱nꞌ inka ñuunꞌ. Chi máá naáꞌ vá káchíꞌ ni̱ꞌ nu̱u̱nꞌ rán ya̱ nsáꞌ kuneí rán kɨ̱ꞌɨ̱nꞌ rán nu̱u̱nꞌ ntáká rá ñuunꞌ yɨ́ꞌɨ́ xi̱ntíín Israel ne̱ ntiáꞌan ka̱ꞌ nenta ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Mateo 21:38

Soo rá te̱e sátíñú vá, sáá niniꞌ ráa se̱ꞌya yɨ́ɨ́ maáréꞌ, jee nkachiꞌ ɨɨn inka ráa: “Te̱e yaꞌá chi nu̱u̱nꞌ re̱ꞌ kino̱o ta̱ꞌvi̱ꞌ ñuꞌun yaꞌá. Nkóꞌónꞌ‑ó jee kaꞌniꞌ‑ó maa, jee kino̱o yó jín ta̱ꞌvi̱ꞌ‑i kuvi‑ó”, nkachiꞌ ráa.

Marcos 11:18

Jee rá su̱tu̱ꞌ kúñáꞌnú jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán, jee sáá nteso̱ꞌo ráa tu̱ꞌun yaꞌá nkachiꞌ re̱ꞌ, jee nki̱jiéꞌé ráa núkú ráa na̱ja kuvi kaꞌniꞌ ráa re̱ꞌ. Chi yúꞌví ráa maa, chi nɨꞌɨ rá ñɨvɨ nti̱vɨ́ xíniꞌ jie̱ꞌe̱ꞌ ya̱ xínéꞌénꞌ‑e.

Juan 1:19

Jee rá tee nísotíñú nu̱u̱nꞌ rá ñɨvɨ Israel nchu̱ichí ráa sava rá su̱tu̱ꞌ jín sava rá te̱e tataꞌ Leví, ya̱ sátíñú nu̱u̱nꞌ veñu̱ꞌun káꞌnú, ne̱ nu̱u̱nꞌ ñuunꞌ Jerusalén kɨ̱ꞌɨ̱nꞌ ráa nu̱u̱nꞌ Juan sáva katu̱ꞌún ráa re̱ꞌ: ―¿Né ɨɨn kúvi nú? Jee yaꞌá ví ya̱ naáꞌ njia̱ꞌa Juan.

Juan 4:3

Jee sáá nku̱káꞌnú iniꞌ Jesús ya̱ sukuán íyó tu̱ꞌun ya̱ nni̱ꞌi̱nꞌ rá te̱e yɨ́ꞌɨ́ ñujiínꞌ fariseo, saáva nkene re̱ꞌ nu̱u̱nꞌ ñuunꞌ Judea, jee nni̱kó tuku re̱ꞌ kua̱noꞌonꞌ re̱ꞌ ñuunꞌ Galilea.

Juan 4:54

Jee yaꞌá kúvi ya̱ uvíꞌ seña a̱nasɨ́ nsa̱ꞌá Jesús sáá nkene re̱ꞌ ñuunꞌ Judea ña̱ꞌa̱nꞌ re̱ꞌ ñuunꞌ Galilea.

Juan 6:1

Jee sáá njia̱ꞌa rá yaꞌá, kua̱ꞌa̱nꞌ Jesús íyo ka̱ꞌ ichi yúnteñúꞌún Galilea, ya̱ suni naní Tiberias.

Juan 7:11

Jee rá te̱e kúñáꞌnú nu̱u̱nꞌ rá ñɨvɨ Israel nna̱nukú ráa re̱ꞌ viko, jee sava ráa nkachiꞌ: ―¿Né núꞌ íyó te̱e yukuán rúja? ―nkachiꞌ ráa.

Juan 7:13

Soo ni ɨɨn ráa ntu káꞌánꞌ nijinꞌ ráa xi̱ni̱ꞌ re̱ꞌ, chi yúꞌví ráa néꞌyá ráa rá te̱e kúñáꞌnú nu̱u̱nꞌ rá ñɨvɨ Israel.

Juan 7:19

¿Á ntu ntaji Moisés tu̱ꞌun ley ya̱ nta̱túníꞌ Ndiosíꞌ nu̱u̱nꞌ rán rúja? Jee ni ɨɨn rán ni ntu̱ví síkúnkuvi rán ya̱ tátúníꞌ tu̱ꞌun ley vá. ¿Na̱ kuvi chi níꞌvɨ́ꞌ iniꞌ rán kaꞌniꞌ rán nuꞌuꞌ? ―nkachiꞌ Jesús.

Juan 7:25

Saájee sava rá ñɨvɨ Jerusalén káchíꞌ ráa nu̱u̱nꞌ táꞌán ráa: ―¿Á nsú te̱e yaꞌá ví ya̱ nánukú rá te̱e kúñáꞌnú kaꞌniꞌ ráa maa?

Juan 7:35

Saájee rá te̱e kúñáꞌnú nu̱u̱nꞌ rá ñɨvɨ Israel jíkátu̱ꞌún táꞌán ráa, jee káchíꞌ ráa: ―¿Né núꞌ kúvi nu̱u̱nꞌ kɨ̱ꞌɨ̱nꞌ te̱e yaꞌá, ya̱ nsáꞌ naniꞌinꞌ‑ó maa rúja? ¿Á nsáꞌ kɨ̱ꞌɨ̱nꞌ re̱ꞌ nu̱u̱nꞌ nééꞌ rá táꞌán ñuunꞌ‑ó ya̱ kua̱ꞌa̱nꞌ ráa ñe̱te̱nuun ráa nééꞌ ráa rá ñuunꞌ Grecia? Jee, ¿á kɨ̱ꞌɨ̱nꞌ re̱ꞌ sukuáꞌa re̱ꞌ rá ñɨvɨ ñuunꞌ Grecia vá?

Juan 8:37

Jíníꞌ ni̱ꞌ ya̱ ichiyúkúnꞌ kéne nu̱u̱nꞌ Abraham kúvi rán, soo sú sukuán íyó jee níꞌvɨ́ꞌ iniꞌ rán kaꞌniꞌ rán nuꞌuꞌ, chi ntu̱ví jiáꞌa rán ki̱vɨ tu̱ꞌun káchíꞌ ni̱ꞌ iniꞌ ánímaꞌ rán.

Juan 8:40

Soo vitan jee ránoꞌó, jee níꞌvɨ́ꞌ iniꞌ rán kaꞌniꞌ rán nuꞌuꞌ, ya̱ kúvi ni ɨɨn te̱e ya̱ nkachiꞌ ya̱ naáꞌ nu̱u̱nꞌ rán, ya̱ nteso̱ꞌo ni̱ꞌ ya̱ nkachiꞌ Ndiosíꞌ nu̱u̱nꞌ ni̱ꞌ. Abraham chi ntu̱ví nsa̱ꞌá re̱ꞌ sukuán.

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.