Juan 6:2 - Mixteco del suroeste de Tlaxiaco Oaxaca

² Jee kue̱ꞌe̱ꞌ víꞌí rá ñɨvɨ níkɨ́nꞌ ráa re̱ꞌ, chi nne̱ꞌyá ráa rá seña a̱nasɨ́ va̱ꞌa sáꞌá re̱ꞌ ya̱ xínúvi re̱ꞌ rá ñɨvɨ kúꞌvíꞌ.

Juan 6:2 Iomraidhean Croise

Mateo 12:15

Jee ya jíníꞌ Jesús ya̱ sukuán jiáni iniꞌ rá fariseo, jee nkene re̱ꞌ yukuán kua̱ꞌa̱nꞌ re̱ꞌ. Jee kue̱ꞌe̱ꞌ nasɨ́kuitɨꞌ ñɨvɨ níkɨ́nꞌ ráa re̱ꞌ, jee nxi̱núvi re̱ꞌ ntáká rá ñɨvɨ kúꞌvíꞌ.

Mateo 13:2

Jee nku̱tútú kue̱ꞌe̱ꞌ víꞌí ñɨvɨ nu̱u̱nꞌ re̱ꞌ yukuán. Saáva nkívɨ re̱ꞌ iniꞌ ɨɨn barkúꞌ, jee ña̱kuneeꞌ re̱ꞌ, jee ntáká rá ñɨvɨ íñɨ́ ráa yuꞌú nteñúꞌún.

Mateo 14:14

Jee sáá nkene Jesús iniꞌ barkúꞌ, jee niniꞌ re̱ꞌ ñɨvɨ kue̱ꞌe̱ꞌ víꞌí yukuán, jee nku̱náꞌví iniꞌ re̱ꞌ nne̱ꞌyá re̱ꞌ ráa, jee nxi̱núvi re̱ꞌ ntáká rá ñɨvɨ kúꞌvíꞌ ya̱ kuáꞌánꞌ jín ráa.

Mateo 8:1

Jee sáá nna̱kaninuun Jesús ya̱ ña̱ꞌa̱nꞌ re̱ꞌ yuku vá, jee kue̱ꞌe̱ꞌ víꞌí rá ñɨvɨ nnikɨnꞌ ráa re̱ꞌ.

Marcos 1:45

Soo kua̱ꞌa̱nꞌ te̱e vá jee nka̱jiéꞌé nna̱kani víꞌí‑i nu̱u̱nꞌ nɨꞌɨ rá ñɨvɨ. Jee ñe̱te̱nuun tu̱ꞌun jie̱ꞌe̱ꞌ ya̱ nkuvi yukuán, saáva ntu nkúvi ka̱ꞌ ki̱vɨ nijinꞌ Jesús nu̱u̱nꞌ ni ɨɨn rá ñuunꞌ. Chisaꞌ ni̱kónúun iyo re̱ꞌ nu̱u̱nꞌ ñu̱ꞌún sáɨn, jee nkiji rá ñɨvɨ ne̱ ntáká ichi nu̱u̱nꞌ re̱ꞌ.

Marcos 6:33

Soo niniꞌ kue̱ꞌe̱ꞌ rá ñɨvɨ ya̱ kua̱ꞌa̱nꞌ ráa, jee nna̱kuniꞌ rá ñɨvɨ vá Jesús. Jee va̱ji ráa nta̱ká rá ñuunꞌ jee nika ninu ráa kua̱ꞌa̱nꞌ ráa yukuán. Jee xíꞌna ráa ka̱ꞌ nkenta yukuán nsú káꞌ suvire̱ꞌ.

Juan 11:47

Saájee rá su̱tu̱ꞌ kúñáꞌnú jín rá te̱e ya̱ kúvi fariseo nku̱tútú ráa Junta Káꞌnú jín rá inka te̱e kúñáꞌnú, jee nkachiꞌ ráa: ―¿Ná kúvi ya̱ saꞌá‑o? Chi Jesús yaꞌá sáꞌá víꞌí re̱ꞌ rá seña a̱nasɨ́.

Juan 12:18

Saáva jie̱ꞌe̱ꞌ yaꞌá kúvi ya̱ nkene kue̱ꞌe̱ꞌ ñɨvɨ ña̱taꞌanꞌ ráa Jesús, chi nteso̱ꞌo ráa ya̱ nsa̱ꞌá re̱ꞌ seña a̱nasɨ́ yaꞌá.

Juan 12:37

Soo súnika̱ꞌ kue̱ꞌe̱ꞌ víꞌí rá seña a̱nasɨ́ nsa̱ꞌá Jesús nu̱u̱nꞌ ráa, soo ni ntu̱ví nínúꞌ iniꞌ ráa re̱ꞌ.

Juan 2:11

Jee tiñu yaꞌá ya̱ nsa̱ꞌá Jesús nu̱u̱nꞌ ñuunꞌ Caná ya̱ tɨ́ɨn Galilea nkuvi seña a̱nasɨ́ xíꞌnañúꞌún ya̱ nsa̱ꞌá Jesús. Jee seña yukuán nstúvi‑i ya̱ kúñáꞌnú nasɨ́kuitɨꞌ re̱ꞌ, jee rá te̱e súkuáꞌa re̱ꞌ ráa ni̱nu̱ꞌ iniꞌ ráa re̱ꞌ.

Juan 2:23

Jee sáá nééꞌ Jesús nu̱u̱nꞌ ñuunꞌ Jerusalén ya̱ kúvi rá ki̱vɨ̱ꞌ viko Pascua ya̱ sáꞌá rá ñɨvɨ Israel, jee kue̱ꞌe̱ꞌ rá ñɨvɨ ni̱nu̱ꞌ iniꞌ ráa re̱ꞌ, sáá niniꞌ ráa rá seña a̱nasɨ́ sáꞌá re̱ꞌ.

Juan 20:30

Saájee kue̱ꞌe̱ꞌ nasɨ́kuitɨꞌ ka̱ꞌ rá seña a̱nasɨ́ nsa̱ꞌá Jesús ichinúúnꞌ rá te̱e ya̱ nsu̱kuáꞌa re̱ꞌ ráa jee niniꞌ ráa maa, ya̱ nsú ntáká rá seña níso ráa nu̱u̱nꞌ tutuꞌ yaꞌá.

Juan 3:2

Jee ña̱ꞌa̱nꞌ te̱e yaꞌá yakuááꞌ nu̱u̱nꞌ nééꞌ Jesús, jee nkachiꞌ re̱ꞌ nu̱u̱nꞌ Jesús: ―Mestrúꞌ, jíníꞌ ránꞌ ya̱ máá Ndiosíꞌ nchu̱ichí noꞌó va̱ji nú sáva xínéꞌénꞌ nú rá tu̱ꞌun re̱ꞌ, kuéntáꞌ ɨɨn Mestrúꞌ nu̱u̱nꞌ ránꞌ. Chi ni̱ꞌ ɨɨn ñɨvɨ nsáꞌ kúvi saꞌá rá seña a̱nasɨ́ sáꞌá nú, retú ntu íyó Ndiosíꞌ jín‑i.

Juan 6:14

Saájee sáá niniꞌ rá ñɨvɨ vá seña a̱nasɨ́ ya̱ nsa̱ꞌá re̱ꞌ, jee nkachiꞌ ráa: ―Máá nááꞌ nijia ya̱ te̱e yaꞌá kúvi máá te̱e ya̱ íyó kiji iniꞌ ñɨ̱vɨ́ nakani‑i tu̱ꞌun kene yuꞌú Ndiosíꞌ ―nkachiꞌ ráa.

Juan 6:22

Jee ki̱vɨ̱ꞌ steñu̱ꞌún, jee rá ñɨvɨ kue̱ꞌe̱ꞌ ya̱ íñɨ́ íyo ka̱ꞌ ichi yuꞌú nteñúꞌún vá, niniꞌ ráa ya̱ ni ɨɨn barkúꞌ ka̱ꞌ ntu̱náꞌ íñɨ́ yunúte vá chi kua̱chi métúꞌún ni barkúꞌ ví ya̱ ni̱ñɨ yukuán, jee ntu nkívɨ Jesús iniꞌ barkúꞌ vá jín rá te̱e súkuáꞌa re̱ꞌ ráa chi kua̱ꞌa̱nꞌ maáráa iniꞌ barkúꞌ vá.

Juan 6:26

Jee nna̱xiníkó Jesús nu̱u̱nꞌ ráa jee nkachiꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ rán ya̱ nánukú rán nuꞌuꞌ nsú jie̱ꞌe̱ꞌ ya̱ niniꞌ rán rá seña a̱nasɨ́ nsa̱ꞌá ni̱ꞌ, chisaꞌ jie̱ꞌe̱ꞌ ya̱ nyajiꞌ rán i̱xta̱tíláꞌ ne̱ nnaꞌaꞌ iniꞌ rán.

Juan 6:30

Saáva nkachiꞌ ráa nu̱u̱nꞌ re̱ꞌ: ―¿Na̱ seña a̱nasɨ́ saꞌá nú sáva kuniꞌ ráníꞌ maa, sáva i̱nu̱ꞌ iniꞌ ránꞌ noꞌó? ¿Na̱ tiñu saꞌá nú?