Juan 4:6 - Mixteco del suroeste de Tlaxiaco Oaxaca

⁶ Jee yukuán nééꞌ ɨɨn sókó nute ya̱ nsa̱ꞌá Jacob yanaꞌán víꞌí. Jee jiáví Jesús ya̱ jíka re̱ꞌ kua̱ꞌa̱nꞌ re̱ꞌ ichi, jee ña̱kuneeꞌ re̱ꞌ xiín sókó vá. Kúvi‑i nɨ́ kaxu̱vi̱ꞌ.

Juan 4:6 Iomraidhean Croise

Mateo 27:45

Jee sáá nkuvi kaxu̱vi̱ꞌ (12), jee nnu̱neenꞌ kua̱ꞌ íyó kuitɨꞌ iniꞌ ñɨ̱vɨ́ nkenta ne̱ kau̱ni̱ꞌ ya̱ kuáini.

Mateo 4:2

Jee yukuán nneeꞌ niteꞌ Jesús u̱vi̱xiko (40) ki̱vɨ̱ꞌ ne̱ jín u̱vi̱xiko (40) yakuááꞌ, jee kuíre nkenta so̱ko iniꞌ re̱ꞌ.

Mateo 8:24

Saájee sa̱naanꞌ kuitɨꞌ ña̱kɨ̱ꞌɨ ta̱chi̱ꞌ sa̱vi xéénꞌ nu̱u̱nꞌ nteñúꞌún, jee nka̱jiéꞌé síkɨ́ nteñúꞌún jee jísóꞌ nute nu̱u̱nꞌ barkúꞌ. Soo kíxíꞌ Jesús ñúꞌún re̱ꞌ iniꞌ barkúꞌ.

Lucas 2:7

Jee nsi̱káku ña se̱ꞌya yɨ́ɨ́ ña ya̱ kúvi se̱ꞌya xíꞌnañúꞌún ña, jee nsu̱kún ña saꞌma maa, jee ñakɨnꞌ ña maa nu̱u̱nꞌ káá ya̱ yájíꞌ rá sa̱na̱ꞌ, chi ntu̱ví íyó núne ka̱ꞌ iniꞌ veꞌi nu̱u̱nꞌ kínóo rá ñɨvɨ.

Lucas 9:58

Jee nkachiꞌ Jesús nu̱u̱nꞌ‑u: ―Rá ñu̱nkuii chi íyó rá yaviꞌ kava nu̱u̱nꞌ kíxíꞌ rátíꞌ, jee rá kitɨ chúchíyoꞌ ya̱ jíkó súkún íyó takaꞌ rátíꞌ. Soo nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, ni ntu̱ví íyó nu̱u̱nꞌ kosoꞌ xi̱ni̱ꞌ ni̱ꞌ najia̱ví ni̱ꞌ ―nkachiꞌ re̱ꞌ.

Juan 11:9

Jee nna̱xiníkó Jesús [ya̱ íyó saꞌá re̱ꞌ tiñu Tátáꞌ re̱ꞌ]: ―¿Á nsú u̱xu̱ꞌ u̱vi̱ꞌ (12) hora ya̱ ɨɨn nuví rúja? Retú néni ɨɨn ñɨvɨ jíka‑a ni kúvi nuví, jee ntu kákɨ́ꞌɨ jie̱ꞌe̱ꞌ‑e, chi néꞌyá‑a ñuꞌunꞌ túúnꞌ nu̱u̱nꞌ ñɨ̱vɨ́ yaꞌá.

Juan 4:12

Áxí, ¿á suvinú vá kúñáꞌnú ka̱ꞌ nsú káꞌ Jacob ya̱ kúvi tátáꞌ jííꞌ‑ó yanaꞌán, ya̱ maáréꞌ vá nxi̱nóo‑o sókó yaꞌá nu̱u̱nꞌ ránꞌ? Jee suni sókó yaꞌá niꞌi maáréꞌ nute, jín rá se̱ꞌya re̱ꞌ, jín rá sa̱na̱ꞌ re̱ꞌ ―nkachiꞌ ña.

Juan 4:5

Saájee nkenta re̱ꞌ nu̱u̱nꞌ ñuunꞌ naní Sicar ya̱ tɨ́ɨn Samaria, yatin nu̱u̱nꞌ káá ñuꞌun ya̱ njiáꞌa Jacob nu̱u̱nꞌ se̱ꞌya re̱ꞌ José ne̱ yanaꞌán.

Juan 4:7

Jee nkenta ɨɨn ñaꞌan ñuunꞌ Samaria, ya̱ kua̱tavaꞌ ña nute iniꞌ sókó vá, jee nkachiꞌ Jesús nu̱u̱nꞌ ña: ―Taji nú xá ntíꞌ nute koꞌo ni̱ꞌ ―nkachiꞌ re̱ꞌ.

2 Corintios 8:9

Chi ya̱ jíníꞌ rán ya̱ íyó mániꞌ iniꞌ I̱toꞌoꞌ‑ó Jesús ya̱ kúvi Cristo néꞌyá re̱ꞌ yó ya̱ sáꞌá re̱ꞌ ya̱ váꞌa jín‑ó. Chi sú kúká re̱ꞌ chi xi̱ntíín re̱ꞌ ví nɨꞌɨ ya̱ íyó, soo nna̱saꞌá láꞌví re̱ꞌ maáréꞌ jie̱ꞌe̱ꞌ ya̱ kúvi ya̱ váꞌa nu̱u̱nꞌ ránoꞌó, sáva ni̱ꞌi̱nꞌ‑órán ya̱ yɨ́yáꞌvi ka̱ꞌ ya̱ táji Ndiosíꞌ, jie̱ꞌe̱ꞌ ya̱ nnoꞌo láꞌví Cristo.

Hebreos 2:17

Jee saáva niniñúꞌún re̱ꞌ nkenta nkuvi re̱ꞌ kuéntáꞌ mákua íyó kuitɨꞌ rá ñaniꞌ re̱ꞌ, sáva nkenta nkuvi re̱ꞌ ɨɨn su̱tu̱ꞌ kúñáꞌnú nasɨ́kuitɨꞌ, ya̱ náꞌví iniꞌ re̱ꞌ néꞌyá re̱ꞌ ráa, jee síkúnkuvi na̱a̱ꞌ re̱ꞌ tiñu Ndiosíꞌ, sáva nso̱ko̱ꞌ re̱ꞌ maáréꞌ sáva siíyo re̱ꞌ kua̱chi rá ñɨvɨ.

Hebreos 4:15

Chi maá su̱tu̱ꞌ kúñáꞌnú ya̱ íyó jín‑ó, jee ntu kúvi re̱ꞌ ɨɨn su̱tu̱ꞌ ya̱ ntu kúvi kunáꞌví iniꞌ re̱ꞌ kune̱ꞌyá re̱ꞌ yó jie̱ꞌe̱ꞌ ya̱ táyáꞌ iniꞌ‑ó, chi suni ne̱ maáréꞌ ni̱yo tu̱ꞌun xíníyo iniꞌ jín re̱ꞌ ntáká nu̱u̱nꞌ kuéntáꞌ kua̱ꞌ maáó ranika̱ꞌ. Soo ni ɨɨn kua̱chi ntu nsa̱ꞌá re̱ꞌ.