Juan 4:48 - Mixteco del suroeste de Tlaxiaco Oaxaca

⁴⁸ Saájee nkachiꞌ Jesús nu̱u̱nꞌ re̱ꞌ: ―Retánꞌ ntu néꞌyá rán rá seña jín tiñu a̱nasɨ́, jee nsáꞌ kúneí kuitɨꞌ iniꞌ rán nuꞌuꞌ ―nkachiꞌ Jesús.

Juan 4:48 Iomraidhean Croise

Mateo 16:1

Rá te̱e yɨ́ꞌɨ́ ñujiínꞌ fariseo jín rá saduceo nkenta ráa nu̱u̱nꞌ Jesús, sáva sikúvi ráa iniꞌ re̱ꞌ sáva kototúníꞌ ráa re̱ꞌ. Jee saáva ni̱ka̱nꞌ ráa nu̱u̱nꞌ re̱ꞌ ya̱ saꞌá re̱ꞌ ɨɨn seña a̱nasɨ́ ya̱ stúvi re̱ꞌ ya̱ níso re̱ꞌ fesáꞌ ííꞌ váji ne̱ nu̱u̱nꞌ Ndiosíꞌ nééꞌ antivɨ́ súkún.

Mateo 24:24

Chi kiji rá te̱e xínáꞌví ya̱ kachiꞌ ráa nika̱ꞌ ya̱ Cristo ví ráa. Jee kenta rá ñɨvɨ ya̱ kachiꞌ ráa nika̱ꞌ ya̱ nákani ráa tu̱ꞌun kéne yuꞌú Ndiosíꞌ, jee saꞌá ráa rá seña a̱nasɨ́ jín rá tiñu a̱nasɨ́ ya̱ ti̱vɨ́ xíniꞌ rá ñɨvɨ sáva xináꞌví ráa rá ñɨvɨ. Jee saꞌá ráa maa sáva xináꞌví ráa ne̱ rá ñɨvɨ nka̱ji Ndiosíꞌ, retú sa̱naanꞌ kuvi.

Mateo 27:42

―Rá inka ka̱ꞌ ñɨvɨ nsi̱káku re̱ꞌ, soo ntu kúvi sikáku re̱ꞌ maáréꞌ. ¡Retú te̱e nísotíñú ya̱ tátúníꞌ rá ñɨvɨ ñuunꞌ nación Israel ví re̱ꞌ, jee nuun re̱ꞌ nu̱u̱nꞌ kurúsiꞌ sáva i̱nu̱ꞌ iniꞌ‑ó re̱ꞌ!

Marcos 13:22

chi kiji rá te̱e xínáꞌví ya̱ kachiꞌ ráa nika̱ꞌ ya̱ Cristo ví ráa. Jee kenta rá ñɨvɨ ya̱ kachiꞌ ráa nika̱ꞌ ya̱ nákani ráa tu̱ꞌun kéne yuꞌú Ndiosíꞌ. Jee saꞌá ráa rá seña a̱nasɨ́ jín rá tiñu a̱nasɨ́ ya̱ ti̱vɨ́ xíniꞌ rá ñɨvɨ sáva xináꞌví ráa rá ñɨvɨ. Jee saꞌá ráa maa sáva xináꞌví ráa ne̱ rá ñɨvɨ nka̱ji Ndiosíꞌ, retú sa̱naanꞌ kuvi.

Lucas 10:18

Jee nkachiꞌ Jesús nu̱u̱nꞌ ráa: ―Niniꞌ ni̱ꞌ nkininkava Satanás kui̱ꞌna̱ꞌ kúñáꞌnú ne̱ antivɨ́ kuéntáꞌ nkuun ɨɨn nuva tajia.

Lucas 16:31

’Soo nkachiꞌ Abraham nu̱u̱nꞌ‑u: “Soo retú ntu tɨɨn kuéntáꞌ ráa tu̱ꞌun ntee Moisés jín rá tu̱ꞌun nna̱kani rá te̱e ya̱ njiáꞌa Ndiosíꞌ nu̱u̱nꞌ rává, jee asúnika̱ꞌ natekuꞌ ɨɨn ni̱yɨ nako̱o‑o kɨ̱ꞌɨ̱nꞌ‑ɨ nu̱u̱nꞌ ráa, suni ni nsáꞌ sijínúꞌ‑u iniꞌ ráa”, nkachiꞌ Abraham ―nkachiꞌ Jesús.

Juan 12:37

Soo súnika̱ꞌ kue̱ꞌe̱ꞌ víꞌí rá seña a̱nasɨ́ nsa̱ꞌá Jesús nu̱u̱nꞌ ráa, soo ni ntu̱ví nínúꞌ iniꞌ ráa re̱ꞌ.

Juan 15:24

Chi retánꞌ ni ntu̱ví nsáꞌá ni̱ꞌ rá tiñu a̱nasɨ́ váꞌa nteñu ráa, ya̱ ntu̱ví sáꞌá ni ɨɨn inka ñɨvɨ maa, jee nsáꞌ koo kua̱chi si̱kɨ̱ꞌ ráa nékúvi. Soo vitan jee ya̱ niniꞌ ráa rá tiñu ya̱ nsa̱ꞌá ni̱ꞌ jee táꞌvi iniꞌ ráa néꞌyá ráa nuꞌuꞌ jín Tátáꞌ ni̱ꞌ.

Juan 2:18

Saájee rá te̱e kúñáꞌnú nu̱u̱nꞌ rá ñɨvɨ Israel nkachiꞌ ráa nu̱u̱nꞌ re̱ꞌ: ―¿Na̱ seña xtúvi nú nu̱u̱nꞌ ránꞌ ya̱ íyó tiñu níso nú ya̱ sáꞌá nú rá tiñu yaꞌá résa? ―nkachiꞌ ráa.

Juan 20:29

Jee nkachiꞌ Jesús nu̱u̱nꞌ re̱ꞌ: ―Tomás, ¿á jínúꞌ iniꞌ nú chi niniꞌ nú nuꞌuꞌ? Na̱ ka̱ꞌ netuꞌ ka̱ꞌ kúvi rá ñɨvɨ ya̱ ntu néꞌyá ráa nuꞌuꞌ jee kúneí iniꞌ ránuꞌuꞌ.

Juan 4:49

Jee nkachiꞌ te̱e nísotíñú vá: ―Tátáꞌ, kɨ̱ꞌɨ̱nꞌ nú ne̱ ntiáꞌan ka̱ꞌ kuviꞌ se̱ꞌya ni̱ꞌ ―nkachiꞌ re̱ꞌ.

Hechos 14:3

Soo kue̱ꞌe̱ꞌ tiempúꞌ nkino̱o Pablo jín Bernabé yukuán, jee nkaꞌanꞌ neí iniꞌ ráa, chi kúneí iniꞌ ráa I̱toꞌoꞌ‑ó. Jee I̱toꞌoꞌ‑ó nsa̱ꞌá re̱ꞌ ya̱ saꞌá ráa rá seña jín a̱nasɨ́ sáva nstúvi ya̱ íyó na̱a̱ꞌ tu̱ꞌun káꞌánꞌ ráa, jie̱ꞌe̱ꞌ íyó mániꞌ iniꞌ re̱ꞌ néꞌyá re̱ꞌ rá ñɨvɨ ya̱ síkáku re̱ꞌ yó ya̱ ntu íyó ni̱ꞌi̱nꞌ‑ó maa.

Hechos 15:12

Níín nkuvi rá ñɨvɨ nku̱tútú, jee nteso̱ꞌo ráa ni nna̱kani Bernabé jín Pablo rá seña jín rá a̱nasɨ́ nsa̱ꞌá Ndiosíꞌ jín ráa nteñu rá ñɨvɨ ntu kúvi Israel, sáva kuniꞌ rá ñɨvɨ ya̱ íyó na̱a̱ꞌ tu̱ꞌun káchíꞌ ráa.

Hechos 2:19

Jee saꞌá ni̱ꞌ rá a̱nasɨ́ kuvi súkún nu̱u̱nꞌ kúvi súkún ya̱ ti̱vɨ́ xíniꞌ rá ñɨvɨ. Jee saꞌá ni̱ꞌ rá seña a̱nasɨ́ chi̱ji nu̱u̱nꞌ kúvi nu̱u̱nꞌ ñɨ̱vɨ́ ya̱ kuniꞌ ráa ya̱ kúñáꞌnú ni̱ꞌ: chi koo ni̱ñɨ̱ꞌ, jee koo ñuꞌunꞌ, jín vi̱ko̱ꞌ ñu̱ꞌmáꞌ.

Hechos 2:22

Jee suni nkachiꞌ Pedro nu̱u̱nꞌ ráa: ―¡Ránoꞌó tántéyɨ́ɨ́ Israel! Teso̱ꞌo rán rá tu̱ꞌun yaꞌá. Jesús, ya̱ váji ñuunꞌ Nazaret, nstúvi Ndiosíꞌ nteñu ránoꞌó ya̱ nchu̱ichí re̱ꞌ maa. Chi nsa̱ꞌá Ndiosíꞌ, ya̱ nsa̱ꞌá re̱ꞌ rá milagrúꞌ, rá tiñu a̱nasɨ́ ya̱ nsa̱ꞌá‑a ya̱ nti̱vɨ́ xíniꞌ‑ó, jín rá seña, ya̱ stúvi ya̱ kúñáꞌnú ví re̱ꞌ. Nsa̱ꞌá re̱ꞌ rá yaꞌá nteñu ránú, sáni ya̱ jíníꞌ ránú.

Hechos 2:43

Jee nñu̱yúꞌví iniꞌ ntáká rá ñɨvɨ, chi nsa̱ꞌá Ndiosíꞌ ya̱ rá te̱e nísotíñú apóstol saꞌá ráa kue̱ꞌe̱ꞌ a̱nasɨ́ jín seña ya̱ stúvi Ndiosíꞌ ya̱ kúñáꞌnú re̱ꞌ ka̱ꞌ.

Hechos 4:30

Jee jín fuersáꞌ ííꞌ nú xinúvi nú rá kúꞌvíꞌ, jee saꞌá nú rá seña a̱nasɨ́ ya̱ kuniꞌ ráa ya̱ kúñáꞌnú nú, jín rá a̱nasɨ́ ya̱ xtívɨ́‑ɨ xíniꞌ rá ñɨvɨ, nu̱u̱nꞌ súví Se̱ꞌya ííꞌ nú, Jesús.

Hechos 5:12

Nsa̱ꞌá Ndiosíꞌ saꞌá rá te̱e nísotíñú apóstol kue̱ꞌe̱ꞌ seña, ya̱ stúvi ya̱ nchu̱ichí Ndiosíꞌ ráa jín tu̱ꞌun re̱ꞌ, jín kue̱ꞌe̱ꞌ a̱nasɨ́, nteñu rá ñɨvɨ ya̱ tívɨ́ xíniꞌ ráa. Nuún iniꞌ ntáká rá ñɨvɨ ya̱ kúneí iniꞌ ráa Jesús, jee kútútú ráa yuꞌú véꞌi veñu̱ꞌun vá naní Yuꞌú Véꞌi Salomón.

Hechos 6:8

Jee yɨ́tuvi nasɨ́kuitɨꞌ Ndiosíꞌ Esteban. Jee njia̱ꞌa Ndiosíꞌ ya̱ ííꞌ níso‑o nu̱u̱nꞌ re̱ꞌ, ya̱ nsa̱ꞌá re̱ꞌ a̱nasɨ́ ya̱ tívɨ́ xíniꞌ ñɨvɨ jín seña nteñu rá ñɨvɨ, ya̱ stúvi ya̱ ñáꞌnú ví Ndiosíꞌ.

Hechos 7:36

Te̱e vá nyosoꞌ re̱ꞌ nu̱u̱nꞌ ráa, nu̱u̱nꞌ kuákene ráa. Jee nsa̱ꞌá re̱ꞌ a̱nasɨ́ ya̱ sáꞌá‑a ya̱ ti̱vɨ́ xíniꞌ ñɨvɨ jín seña nu̱u̱nꞌ nación Egipto, jín nu̱u̱nꞌ nteñúꞌún naní Kuéꞌé, jín nu̱u̱nꞌ ñu̱ꞌún saɨn u̱vi̱xiko (40) kui̱ya̱ꞌ.

Romanos 15:19

jín ya̱ káꞌánꞌ ni̱ꞌ jie̱ꞌe̱ꞌ ya̱ nsa̱ꞌá re̱ꞌ jín ni̱ꞌ rá seña ya̱ níso fuersáꞌ ííꞌ jín rá a̱nasɨ́ sáva stúvi ya̱ kúñáꞌnú re̱ꞌ, chi Ta̱chi̱ꞌ Ííꞌ re̱ꞌ nsa̱ꞌá maa jín fuersáꞌ ííꞌ níso re̱ꞌ. Nsa̱ꞌá re̱ꞌ nɨꞌɨ yaꞌá sáva sikúnkuvi ni̱ꞌ stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ Cristo ne̱ ñuunꞌ Jerusalén, jín ntáká rá ñuunꞌ ya̱ káá ni̱kótíyu ntáká ichi yukuán, kénta kua̱íyó ne̱ rá ñuunꞌ ya̱ sánitɨ́ɨn ñuunꞌ Ilírico.

1 Corintios 1:22

Chi rá ñɨvɨ ñuunꞌ ni̱ꞌ Israel jee jíkánꞌ ráa ya̱ saꞌá Ndiosíꞌ tiñu a̱nasɨ́ sáva i̱nu̱ꞌ iniꞌ ráa ya̱ Tu̱ꞌun Ndiosíꞌ ví‑i. Jee rá ñɨvɨ ntu kúvi ráa ñɨvɨ ñuunꞌ Israel núkú ráa tu̱ꞌun níchí ya̱ sijínúꞌ‑u iniꞌ ráa.

2 Corintios 12:12

Chi maá nááꞌ nijia ya̱ káꞌnú íyó iniꞌ ni̱ꞌ nsa̱ꞌá ni̱ꞌ rá seña nteñu rán, ya̱ stúvi‑i ya̱ níso ni̱ꞌ tiñu apóstol ya̱ chúichi Cristo, chi nsa̱ꞌá ni̱ꞌ rá milagrúꞌ ya̱ tívɨ́ xíniꞌ ñɨvɨ jie̱ꞌe̱ꞌ Ndiosíꞌ maá ñáꞌnú, jín rá tiñu a̱nasɨ́ nsa̱ꞌá ni̱ꞌ jín fuersáꞌ ííꞌ Ndiosíꞌ.

2 Tesalonicenses 2:9

Jee te̱e vá kiji re̱ꞌ saꞌá Satanás. Jee kuniso te̱e vá kua̱íyó fuersáꞌ Satanás ya̱ saꞌá re̱ꞌ rá milagrúꞌ, jín seña, jín tiñu a̱nasɨ́ ya̱ ti̱vɨ́ xíniꞌ rá ñɨvɨ kune̱ꞌyá ráa maa, jee xináꞌví‑i ráa.

Hebreos 2:4

Jee stúvi maá Ndiosíꞌ ya̱ naáꞌ ví tu̱ꞌun vá. Chi nsa̱ꞌá re̱ꞌ ya̱ saꞌá rá te̱e vá rá seña, jín tiñu ñáꞌnú ya̱ tívɨ́ xíniꞌ‑ó, jín kéꞌín nu̱u̱nꞌ a̱nasɨ́, ya̱ stúvi ya̱ naáꞌ ví tu̱ꞌun vá. Jee suni ntaji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ta ɨɨn ɨɨn‑órán, sáva saꞌá‑a ya̱ kuvi saꞌá‑ó sɨ́ɨ́n sɨ́ɨ́n tiñu re̱ꞌ, sánikua̱ꞌ kuíni maáréꞌ.