Juan 4:46 - Mixteco del suroeste de Tlaxiaco Oaxaca

⁴⁶ Saájee nni̱kó tuku Jesús kua̱ꞌa̱nꞌ re̱ꞌ nu̱u̱nꞌ ñuunꞌ Caná, ya̱ kúvi ɨɨn ñuunꞌ tɨ́ɨn Galilea, nu̱u̱nꞌ nna̱saꞌá Jesús nute nuvi‑i nixiꞌ nu̱xi uva. Jee íyó ɨɨn te̱e ñuunꞌ Capernaum ya̱ níso re̱ꞌ tiñu ya̱ njia̱ꞌa te̱e tátúníꞌ Roma nu̱u̱nꞌ re̱ꞌ. Jee kúꞌvíꞌ se̱ꞌya re̱ꞌ.

Juan 4:46 Iomraidhean Croise

Mateo 15:22

Jee yukuán nééꞌ ɨɨn ñaꞌan ñuunꞌ Canaán, jee nkenta ña nu̱u̱nꞌ Jesús, jee ne̱ kánajíín ña, jee nkachiꞌ ña: ―I̱toꞌoꞌ, noꞌó ya̱ kúvi nú Se̱ꞌya tataꞌ ichiyúkúnꞌ veꞌi David, kunáꞌví iniꞌ nú nuꞌuꞌ. Chi se̱ꞌya sɨ́ꞌɨ́ ni̱ꞌ yɨ́ꞌɨ́ ta̱chi̱ꞌ kíni ña, jee nóꞌo víꞌí ña ―nkachiꞌ‑i.

Mateo 4:13

Jee nxi̱nóo re̱ꞌ ñuunꞌ Nazaret jee kua̱ꞌa̱nꞌ re̱ꞌ kuneeꞌ re̱ꞌ ñuunꞌ Capernaum, ya̱ káá yúnteñúꞌún, nu̱u̱nꞌ káá ñuꞌun rá ñɨvɨ ya̱ kúvi ráa rá se̱ꞌya ichiyúkúnꞌ nkene ráa nu̱u̱nꞌ Zabulón jín Neftalí.

Mateo 9:18

Jee ni káchíꞌ ka̱ꞌ Jesús rá tu̱ꞌun vá, jee saájee nkenta ɨɨn te̱e kúñáꞌnú nu̱u̱nꞌ rá ñɨvɨ ñuunꞌ Israel jee ña̱kui̱ñi̱ꞌ ítɨ́‑ɨ nu̱u̱nꞌ Jesús, jee nkachiꞌ‑i: ―Se̱ꞌya sɨ́ꞌɨ́ ni̱ꞌ sukuán ni̱ꞌi̱ꞌ ña. Soo kɨ̱ꞌɨ̱nꞌ nú xá chisó nú naꞌá nú ña, jee kutekuꞌ ña ―nkachiꞌ‑i.

Lucas 4:23

Saájee nkachiꞌ re̱ꞌ nu̱u̱nꞌ ráa: ―Jíníꞌ ni̱ꞌ ya̱ jín tu̱ꞌun suꞌva kachiꞌ rán kune̱ꞌyá rán nuꞌuꞌ: “Te̱e tátán, xinúvi nú maánú.” Jee, “ntáká rá tiñu ya̱ nteso̱ꞌo ránꞌ ya̱ nsa̱ꞌá nú nu̱u̱nꞌ ñuunꞌ Capernaum suni saꞌá nú maa yaꞌá nu̱u̱nꞌ ñuunꞌ nú” ―nkachiꞌ re̱ꞌ.

Lucas 7:2

Jee yukuán nééꞌ ɨɨn capitán tátúníꞌ nu̱u̱nꞌ rá soldado Roma, jee ɨɨn rá musúꞌ re̱ꞌ, ya̱ ñúnúunꞌ víꞌí re̱ꞌ maa, jee kúꞌvíꞌ‑i jee sa̱néꞌ íyó kuviꞌ‑i.

Lucas 8:42

Chi se̱ꞌya sɨ́ꞌɨ́ métúꞌún re̱ꞌ, ya̱ íñɨ́ ña yatin u̱xu̱ꞌ u̱vi̱ꞌ (12) kui̱ya̱ꞌ, sa̱néꞌ íyó kuviꞌ ña. Soo ni kua̱ꞌa̱nꞌ Jesús jín re̱ꞌ, jee ne̱ nákuniꞌi rá ñɨvɨ kue̱ꞌe̱ꞌ vá Jesús níkɨ́nꞌ ráa maa.

Juan 2:12

Jee sáá njia̱ꞌa ya̱ nkuvi rá tiñu yaꞌá, jee kuíre kua̱ꞌa̱nꞌ re̱ꞌ nu̱u̱nꞌ ñuunꞌ Capernaum, jín nánáꞌ re̱ꞌ, jín rá ñaniꞌ re̱ꞌ, jín rá te̱e súkuáꞌa re̱ꞌ ráa. Jee nééꞌ ráa yakuꞌ ni ki̱vɨ̱ꞌ yukuán.

Juan 21:2

Íñɨ́ nkáá Simón Pedro, jín Tomás ya̱ káꞌánꞌ ráa kuatíꞌ, jín Natanael ya̱ kúvi re̱ꞌ te̱e ñuunꞌ Caná ya̱ kúvi ñuunꞌ tɨ́ɨn Galilea, jín rá se̱ꞌya Zebedeo, jín u̱vi̱ꞌ ka̱ꞌ rá te̱e súkuáꞌa Jesús ráa.