Juan 3:2 - Mixteco del suroeste de Tlaxiaco Oaxaca

² Jee ña̱ꞌa̱nꞌ te̱e yaꞌá yakuááꞌ nu̱u̱nꞌ nééꞌ Jesús, jee nkachiꞌ re̱ꞌ nu̱u̱nꞌ Jesús: ―Mestrúꞌ, jíníꞌ ránꞌ ya̱ máá Ndiosíꞌ nchu̱ichí noꞌó va̱ji nú sáva xínéꞌénꞌ nú rá tu̱ꞌun re̱ꞌ, kuéntáꞌ ɨɨn Mestrúꞌ nu̱u̱nꞌ ránꞌ. Chi ni̱ꞌ ɨɨn ñɨvɨ nsáꞌ kúvi saꞌá rá seña a̱nasɨ́ sáꞌá nú, retú ntu íyó Ndiosíꞌ jín‑i.

Juan 3:2 Iomraidhean Croise

Mateo 22:16

Jee nchu̱ichí ráa sava rá te̱e súkuáꞌa ráa rává jín sava rá te̱e íñɨ́ jín Herodes kua̱ꞌa̱nꞌ rává nu̱u̱nꞌ Jesús, jee nkachiꞌ rává nu̱u̱nꞌ re̱ꞌ: ―Mestrúꞌ, jíníꞌ ráníꞌ ya̱ ɨɨn te̱e na̱a̱ꞌ kúvi nú, jee na̱a̱ꞌ xínéꞌénꞌ nú rá ñɨvɨ ichi Ndiosíꞌ, chi ntu nániꞌvɨꞌ iniꞌ nú na̱ja jiáni iniꞌ ñɨvɨ, chi ntu sáꞌá nú kuéntáꞌ na̱ja íyó rá ñɨvɨ.

Mateo 23:7

Jee ñúnúunꞌ ráa ya̱ káꞌánꞌ yɨ́ñúꞌún ñɨvɨ jín ráa rá nu̱yáꞌvi, jín ya̱ káꞌánꞌ ñɨvɨ ráa mestrúꞌ.

Mateo 23:8

’Soo ránoꞌó, koto jiáꞌa rán ya̱ kaꞌanꞌ rá ñɨvɨ mestrúꞌ kúñáꞌnú ránoꞌó. Chi métúꞌún ni mestrúꞌ kúñáꞌnú rán íyó, ya̱ kúvi Cristo, jee ntáká ránoꞌó chi ɨɨn ni kúvi rán ya̱ kúvi rán ñaniꞌ jín ku̱ꞌva.

Marcos 12:14

Jee nkiji ráa jee nkachiꞌ ráa nu̱u̱nꞌ‑u: ―Mestrúꞌ, jíníꞌ ránꞌ ya̱ ɨɨn te̱e na̱a̱ꞌ kúvi nú, chi ntu sáꞌá nú kuéntáꞌ na̱ja íyó rá ñɨvɨ, chi ɨɨn ni kúvi rá ñɨvɨ nu̱u̱nꞌ nú. Jee na̱a̱ꞌ xínéꞌénꞌ nú rá ñɨvɨ ichi Ndiosíꞌ. ¿Á yɨ́netuꞌ ya̱ chunáán‑ó xu̱ꞌún náneeꞌ te̱e tátúníꞌ nación Roma áxí ntu̱ví? ¿Á íyó chunáán‑ó áxí ntu íyó chunáán‑ó? ―nkachiꞌ ráa nu̱u̱nꞌ Jesús.

Juan 1:38

Saájee nna̱koto yátá Jesús, jee niniꞌ re̱ꞌ ya̱ níkɨ́nꞌ ráa ya̱ta̱ꞌ re̱ꞌ, jee nkachiꞌ re̱ꞌ nu̱u̱nꞌ ráa: ―¿Ná kúvi ya̱ nánukú rán? ―nkachiꞌ re̱ꞌ nu̱u̱nꞌ ráa. Jee nna̱xiníkó ráa nu̱u̱nꞌ re̱ꞌ, jee nkachiꞌ ráa: ―Mestrúꞌ, ¿né núꞌ kúvi nu̱u̱nꞌ nééꞌ nú? ―nkachiꞌ ráa.

Juan 10:38

Soo retú sáꞌá ni̱ꞌ tiñu re̱ꞌ, asúꞌ ntu̱ví jínúꞌ iniꞌ rán nuꞌuꞌ, íyó i̱nu̱ꞌ iniꞌ rán ya̱ tiñu Tátáꞌ ni̱ꞌ ví rá tiñu sáꞌá ni̱ꞌ, sáva kukáꞌnú iniꞌ rán jee xiníꞌin rán kuniꞌ rán ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ jín ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ ―nkachiꞌ Jesús.

Juan 12:37

Soo súnika̱ꞌ kue̱ꞌe̱ꞌ víꞌí rá seña a̱nasɨ́ nsa̱ꞌá Jesús nu̱u̱nꞌ ráa, soo ni ntu̱ví nínúꞌ iniꞌ ráa re̱ꞌ.

Juan 14:10

¿Á ntu̱ví jínúꞌ iniꞌ nú ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ jín ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ résa? Chi ntáká rá tu̱ꞌun ya̱ káchíꞌ ni̱ꞌ nu̱u̱nꞌ rán, jee nsú rá tu̱ꞌun ya̱ jiáni xi̱ni̱ꞌ maáníꞌ kúvi ya̱ káchíꞌ ni̱ꞌ. Chisaꞌ jie̱ꞌe̱ꞌ ni ka̱ꞌ ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ, jee saáva maáréꞌ sáꞌá ntáká tiñu ya̱ sáꞌá nuꞌuꞌ.

Juan 15:24

Chi retánꞌ ni ntu̱ví nsáꞌá ni̱ꞌ rá tiñu a̱nasɨ́ váꞌa nteñu ráa, ya̱ ntu̱ví sáꞌá ni ɨɨn inka ñɨvɨ maa, jee nsáꞌ koo kua̱chi si̱kɨ̱ꞌ ráa nékúvi. Soo vitan jee ya̱ niniꞌ ráa rá tiñu ya̱ nsa̱ꞌá ni̱ꞌ jee táꞌvi iniꞌ ráa néꞌyá ráa nuꞌuꞌ jín Tátáꞌ ni̱ꞌ.

Juan 2:11

Jee tiñu yaꞌá ya̱ nsa̱ꞌá Jesús nu̱u̱nꞌ ñuunꞌ Caná ya̱ tɨ́ɨn Galilea nkuvi seña a̱nasɨ́ xíꞌnañúꞌún ya̱ nsa̱ꞌá Jesús. Jee seña yukuán nstúvi‑i ya̱ kúñáꞌnú nasɨ́kuitɨꞌ re̱ꞌ, jee rá te̱e súkuáꞌa re̱ꞌ ráa ni̱nu̱ꞌ iniꞌ ráa re̱ꞌ.

Juan 20:16

Nkachiꞌ Jesús nu̱u̱nꞌ ña: ―¡María! Jee nna̱koto ña jee káꞌánꞌ ña tu̱ꞌun hebreo jee nkachiꞌ ña: ―¡Raboni! ―ya̱ kuíni káchíꞌ Mestrúꞌ.

Juan 3:26

Jee ña̱ꞌa̱nꞌ ráa nu̱u̱nꞌ Juan, jee nkachiꞌ ráa nu̱u̱nꞌ re̱ꞌ: ―Mestrúꞌ, kune̱ꞌyá, chi te̱e ya̱ nku̱táꞌán jín nú íyó ka̱ꞌ ichi ntekáꞌnú Jordán, jie̱ꞌe̱ꞌ re̱ꞌ ya̱ njia̱ꞌa nú ya̱ naáꞌ, jee te̱e vá síkuánuté re̱ꞌ jee nɨꞌɨ ñɨvɨ kua̱ꞌa̱nꞌ nu̱u̱nꞌ re̱ꞌ.

Juan 4:31

Jee ni kua̱ꞌa̱nꞌ ña, jee rá te̱e súkuáꞌa re̱ꞌ ráa, jíkánꞌ táꞌvíꞌ ráa nu̱u̱nꞌ re̱ꞌ: ―Mestrúꞌ, kajiꞌ nú ―nkachiꞌ ráa.

Juan 5:36

’Soo íyó ɨɨn ya̱ jiáꞌa ya̱ naáꞌ máá ñáꞌnú yɨ́yáꞌvi ka̱ꞌ jie̱ꞌe̱ꞌ ni̱ꞌ nsú káꞌ ya̱ njia̱ꞌa Juan. Chi rá tiñu ya̱ ntaji Tátáꞌ ni̱ꞌ sáva sikúnkuvi ni̱ꞌ, jee rá tiñu vá ya̱ sáꞌá ni̱ꞌ jiáꞌa ya̱ naáꞌ jie̱ꞌe̱ꞌ ni̱ꞌ, chi rá tiñu vá stúvi ya̱ Tátáꞌ ni̱ꞌ nchu̱ichí re̱ꞌ nuꞌuꞌ.

Juan 6:2

Jee kue̱ꞌe̱ꞌ víꞌí rá ñɨvɨ níkɨ́nꞌ ráa re̱ꞌ, chi nne̱ꞌyá ráa rá seña a̱nasɨ́ va̱ꞌa sáꞌá re̱ꞌ ya̱ xínúvi re̱ꞌ rá ñɨvɨ kúꞌvíꞌ.

Juan 7:31

Jee kue̱ꞌe̱ꞌ rá ñɨvɨ ni̱nu̱ꞌ iniꞌ ráa ya̱ kúvi re̱ꞌ Cristo, jee nkachiꞌ ráa: ―Jee sáá kiji máá maá Cristo, ¿á saꞌá re̱ꞌ ka̱ꞌ seña a̱nasɨ́ nsú káꞌ te̱e yaꞌá rúja? ¡Ntu̱ví!, [saáva íyó kúvi re̱ꞌ Cristo].

Juan 9:16

Saájee sava rá te̱e fariseo vá nkachiꞌ: ―Te̱e vá nsú ne̱ nu̱u̱nꞌ Ndiosíꞌ va̱ji re̱ꞌ, chi ntu̱ví néñu̱ꞌun re̱ꞌ ki̱vɨ̱ꞌ nájiáví. Jee sava rá inka ka̱ꞌ nkachiꞌ: ―¿Na̱sa kúvi saꞌá te̱e íyó kua̱chi seña a̱nasɨ́ ííꞌ suꞌva rúja? ―nkachiꞌ ráa. Jee sɨ́ɨ́n sɨ́ɨ́n jiáni iniꞌ ɨɨn inka ráa jie̱ꞌe̱ꞌ Jesús.

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.

Hechos 2:22

Jee suni nkachiꞌ Pedro nu̱u̱nꞌ ráa: ―¡Ránoꞌó tántéyɨ́ɨ́ Israel! Teso̱ꞌo rán rá tu̱ꞌun yaꞌá. Jesús, ya̱ váji ñuunꞌ Nazaret, nstúvi Ndiosíꞌ nteñu ránoꞌó ya̱ nchu̱ichí re̱ꞌ maa. Chi nsa̱ꞌá Ndiosíꞌ, ya̱ nsa̱ꞌá re̱ꞌ rá milagrúꞌ, rá tiñu a̱nasɨ́ ya̱ nsa̱ꞌá‑a ya̱ nti̱vɨ́ xíniꞌ‑ó, jín rá seña, ya̱ stúvi ya̱ kúñáꞌnú ví re̱ꞌ. Nsa̱ꞌá re̱ꞌ rá yaꞌá nteñu ránú, sáni ya̱ jíníꞌ ránú.

Filipenses 1:14

Jie̱ꞌe̱ꞌ yɨ́ꞌɨ́ ni̱ꞌ veka̱a, jee yatin kúnɨꞌɨ rá ñaniꞌ kúneí ka̱ꞌ iniꞌ ráa sáꞌá I̱toꞌoꞌ‑ó, saáva kukueꞌeꞌ ka̱ꞌ kíji iniꞌ ráa stékútu̱ꞌún ráa Tu̱ꞌun Ndiosíꞌ, jee ntu níkó iniꞌ ráa sáꞌá ráa maa.