Juan 3:10 - Mixteco del suroeste de Tlaxiaco Oaxaca

¹⁰ Saájee nna̱xiníkó Jesús jee nkachiꞌ‑i nu̱u̱nꞌ re̱ꞌ: ―Noꞌó kúvi ɨɨn mestrúꞌ nu̱u̱nꞌ rá ñɨvɨ Israel jee, ¿á ntu jíníꞌ nú jie̱ꞌe̱ꞌ vá rúja?

Juan 3:10 Iomraidhean Croise

Mateo 11:25

Jee tiempúꞌ yukuán, jee ni̱ka̱nꞌ táꞌvíꞌ Jesús nu̱u̱nꞌ Tátáꞌ‑a Ndiosíꞌ, jee nkachiꞌ‑i: ―Nákuetúꞌún ni̱ꞌ noꞌó, Tátáꞌ ni̱ꞌ, ya̱ kúvi nú I̱toꞌoꞌ tátúníꞌ nu̱u̱nꞌ antivɨ́ jín iniꞌ ñɨ̱vɨ́ yaꞌá, chi nchise̱ꞌí nú tiñu ñáꞌnú nú yaꞌá nu̱u̱nꞌ rá ñɨvɨ tu̱ꞌva jín rá ñɨvɨ níchí ya̱ ntu njiáꞌa nú ya̱ ki̱ku̱ꞌun iniꞌ ráa maa, chisaꞌ nstúvi nú maa nu̱u̱nꞌ rá ñɨvɨ ñúláꞌví iniꞌ ya̱ kúvi ráa kuéntáꞌ rá súchí lúlí.

Mateo 15:14

Nkɨ́kuee ráa, chi kúvi ráa kuéntáꞌ kúvi te̱e kuáá ya̱ chúꞌun ráa ichi nu̱u̱nꞌ inka ka̱ꞌ ñɨvɨ kuáá. Chi retú ɨɨn ñɨvɨ kuáá chúꞌun‑u ichi inka ka̱ꞌ ñɨvɨ kuáá, jee ni núvíꞌ ráa kininkava iniꞌ ɨɨn yaviꞌ ―nkachiꞌ Jesús.

Mateo 22:29

Saájee nkachiꞌ Jesús nu̱u̱nꞌ ráa: ―Na̱ ka̱ꞌ naanꞌ ka̱ꞌ jiáni iniꞌ rán, chi ntu jiáku̱ꞌun iniꞌ rán ni Tu̱ꞌun Ndiosíꞌ ya̱ níso nu̱u̱nꞌ Tutuꞌ, ni jín jie̱ꞌe̱ꞌ fuersáꞌ ííꞌ níꞌin níso Ndiosíꞌ.

Lucas 2:46

Jee ne̱ ki̱vɨ̱ꞌ uníꞌ nkuvi jee nna̱niꞌinꞌ ráa re̱ꞌ iniꞌ veñu̱ꞌun káꞌnú Jerusalén, nééꞌ re̱ꞌ nteñu rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, tésóꞌo re̱ꞌ tu̱ꞌun káchíꞌ ráa, jee jíkátu̱ꞌún re̱ꞌ ráa.

Lucas 5:17

Jee ɨɨn ki̱vɨ̱ꞌ sáá xínéꞌénꞌ Jesús Tu̱ꞌun Ndiosíꞌ, jee yukuán nééꞌ sava rá te̱e yɨ́ꞌɨ́ ráa nu̱u̱nꞌ ñujiínꞌ fariseo jín sava rá te̱e ya̱ xínéꞌénꞌ ráa jie̱ꞌe̱ꞌ tu̱ꞌun nta̱túníꞌ Ndiosíꞌ, jee va̱ji ráa ntáká rá ñuunꞌ tɨ́ɨn Galilea jín rá ñuunꞌ tɨ́ɨn Judea, jín ñuunꞌ káꞌnú Jerusalén. Jee fuersáꞌ níꞌinꞌ níso I̱toꞌoꞌ‑ó Ndiosíꞌ íyó‑o jín Jesús sáva xinúvi re̱ꞌ rá ñɨvɨ.

Juan 3:9

Saájee nna̱xiníkó Nicodemo jee nkachiꞌ‑i nu̱u̱nꞌ re̱ꞌ: ―¿Na̱sa kúvi sáva kuvi sukuán résa? ―nkachiꞌ re̱ꞌ.

Hechos 5:34

Soo nnakui̱ñɨ̱ꞌ nichiꞌ ɨɨn te̱e naní Gamaliel ichinúúnꞌ Justicia. Kúvi re̱ꞌ ɨɨn te̱e yɨ́ꞌɨ́ ñujiínꞌ fariseo, ya̱ xínéꞌénꞌ re̱ꞌ jie̱ꞌe̱ꞌ tu̱ꞌun ley Ndiosíꞌ. Jee íyó ñáꞌnú nɨꞌɨ rá ñɨvɨ nu̱u̱nꞌ re̱ꞌ. Jee nta̱túníꞌ re̱ꞌ ya̱ tavaꞌ ráa rá te̱e vá chíkéꞌi unúún.

Romanos 2:28

Chi nsú jie̱ꞌe̱ꞌ ya̱ túvi nu̱u̱nꞌ nijínꞌ ɨɨn ñɨvɨ ya̱ kúvi ñɨvɨ Israel sáꞌá‑a ya̱ kúvi nijia‑a ñɨvɨ Israel. Jee ni nsáꞌ kúvi circuncisión nijia kua̱chi seña ya̱ níso te̱e nu̱u̱nꞌ nijínꞌ nu̱u̱nꞌ yɨkɨkúñu‑u.

Filipenses 3:3

Chi suvió kúvi‑ó ñɨvɨ Ndiosíꞌ, jee suꞌva kúvi‑ó ñɨvɨ circuncidado nijia nu̱u̱nꞌ re̱ꞌ, chi suvió ví ya̱ chíneí Ta̱chi̱ꞌ Ííꞌ maáó ya̱ néñu̱ꞌun‑ó Ndiosíꞌ, chi kúsɨ́ɨꞌ téyɨ́ɨ́ iniꞌ‑ó jie̱ꞌe̱ꞌ ya̱ sáꞌá Cristo Jesús, chi ntu kúkáꞌnú iniꞌ‑ó maáó ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ sáꞌá‑ó.

Colosenses 2:11

Jee jie̱ꞌe̱ꞌ ya̱ yɨ́ꞌɨ́ rán nu̱u̱nꞌ Cristo, jee saáva níso rán seña Ndiosíꞌ, soo nsáꞌ kúvi ya̱ nsiíyo ñɨvɨ ntíꞌ ñɨɨn kuéntáꞌ sáꞌá rá ñɨvɨ Israel. Chisaꞌ nsiíyo re̱ꞌ ránoꞌó xi̱ntíín kua̱chi ya̱ níyo néꞌén iniꞌ rán saꞌá rán jín ñunéꞌyúꞌ kua̱chi. Suꞌva tée Cristo seña Ndiosíꞌ yó.