Juan 21:7 - Mixteco del suroeste de Tlaxiaco Oaxaca

⁷ Saájee te̱e ya̱ súkuáꞌa Jesús maa ya̱ nñunu̱u̱nꞌ re̱ꞌ nkachiꞌ te̱e vá nu̱u̱nꞌ Pedro: ―¡Máá I̱toꞌoꞌ‑ó kúvi‑i! Sáá nteso̱ꞌo Simón Pedro ya̱ suvire̱ꞌ ví I̱toꞌoꞌ, jee nna̱ku̱ꞌun Pedro saꞌma re̱ꞌ (chi ntavaꞌ re̱ꞌ maa), jee íchíni nnava re̱ꞌ nu̱u̱nꞌ nute.

Juan 21:7 Iomraidhean Croise

Marcos 11:3

Jee ré ɨɨn ñɨvɨ kachiꞌ‑i nu̱u̱nꞌ rán: “¿Na̱chi sáꞌá rán sukuán?”, kachiꞌ rán nu̱u̱nꞌ‑u: “Maá I̱toꞌoꞌ‑ó jíniñúꞌún maa. Jee ya̱chi̱ꞌ natají i̱i̱ꞌ re̱ꞌ ti̱ꞌ yaꞌá” ―nkachiꞌ Jesús nu̱u̱nꞌ ráa.

Lucas 12:35

Jee suni nkachiꞌ re̱ꞌ: ―Íyó koo nito rán maárán satúꞌva rán maárán kuéntáꞌ kua̱ꞌ ɨɨn musúꞌ satúꞌva re̱ꞌ maáréꞌ ki̱vɨ̱ꞌ nikó tuku I̱toꞌoꞌ re̱ꞌ nenta‑a, ya̱ kuꞌun stákoo re̱ꞌ saꞌma re̱ꞌ jín ya̱ kutuunꞌ tu̱ꞌva ñuꞌunꞌ re̱ꞌ kunetu re̱ꞌ maa.

Lucas 2:11

Chi vitan jee nkaku ɨɨn te̱e ya̱ natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó ya̱ kúvi re̱ꞌ Cristo ya̱ kúvi re̱ꞌ I̱toꞌoꞌ‑ó, jee nkaku re̱ꞌ nu̱u̱nꞌ ñuunꞌ Belén ya̱ kúvi ñuunꞌ nkaku David.

Lucas 7:47

Jee saáva káchíꞌ ni̱ꞌ nu̱u̱nꞌ nú: nne̱káꞌnú iniꞌ ni̱ꞌ rá kue̱ꞌe̱ꞌ kua̱chi ña. Saáva ñúnúunꞌ víꞌí ña nuꞌuꞌ. Soo ñɨvɨ ya̱ yakuꞌ nékáꞌnú iniꞌ ni̱ꞌ jee yakuꞌ ñúnúunꞌ‑u nuꞌuꞌ ―nkachiꞌ Jesús.

Juan 13:23

Jee ɨɨn rá te̱e súkuáꞌa re̱ꞌ ráa, ya̱ ñúnúunꞌ víꞌí re̱ꞌ, ya̱ nééꞌ‑e xiín re̱ꞌ yuꞌú mesa nu̱u̱nꞌ kúxíní ráa.

Juan 19:26

Saájee sáá niniꞌ Jesús nánáꞌ re̱ꞌ, jee íñɨ́ nkáá ña jín ɨɨn rá te̱e ya̱ nsu̱kuáꞌa re̱ꞌ maa ya̱ kúvi te̱e ya̱ ñúnúunꞌ re̱ꞌ, jee nkachiꞌ re̱ꞌ nu̱u̱nꞌ nánáꞌ re̱ꞌ: ―Nánáꞌ. Kune̱ꞌyá, i̱ña̱ꞌ íñɨ́ se̱ꞌya nú.

Juan 20:2

Saájee ninu ña kua̱ꞌa̱nꞌ ña nu̱u̱nꞌ nééꞌ Simón Pedro jín inka ka̱ꞌ te̱e ya̱ nku̱táꞌán nsu̱kuáꞌa Jesús maa, ya̱ nñunu̱u̱nꞌ víꞌí Jesús maa, jee nkachiꞌ ña nu̱u̱nꞌ ráa: ―Ntavaꞌ rá ñɨvɨ ñunéꞌyúꞌ I̱toꞌoꞌ‑ó yaviꞌ ni̱yɨ re̱ꞌ jee kua̱ꞌa̱nꞌ ráa jín re̱ꞌ, jee ntu̱ví jíníꞌ ráníꞌ né núꞌ ñakɨnꞌ ráa maa ―nkachiꞌ ña.

Juan 20:20

Sáá nkuvi nkachiꞌ Jesús tu̱ꞌun yaꞌá, jee nxi̱néꞌénꞌ re̱ꞌ rá naꞌá re̱ꞌ jín yɨkɨ íkáꞌ re̱ꞌ nu̱u̱nꞌ ntúfiꞌ re̱ꞌ nu̱u̱nꞌ ráa jee saájee nnusɨ̱ɨ̱ꞌ víꞌí iniꞌ ánímaꞌ rá te̱e súkuáꞌa re̱ꞌ ráa néꞌyá ráa I̱toꞌoꞌ‑ó.

Juan 20:28

Saájee nna̱xiníkó Tomás jee nkachiꞌ‑i nu̱u̱nꞌ re̱ꞌ: ―¡I̱toꞌoꞌ maáníꞌ jín Ndiosíꞌ maáníꞌ!

Juan 21:20

Jee nna̱koto yátá Pedro jee niniꞌ re̱ꞌ ya̱ níkɨ́nꞌ táꞌán te̱e ya̱ súkuáꞌa Jesús maa ya̱ ñúnúunꞌ ka̱ꞌ Jesús maa. Jee suni te̱e vá ví ya̱ ña̱kuyatin ka̱ꞌ xiín‑i Jesús sáá nku̱xíní ráa jee nkachiꞌ‑i nu̱u̱nꞌ Jesús: “¿Né ɨɨn kúvi te̱e ya̱ naku̱ꞌva‑a noꞌó?”

Juan 21:24

Jee te̱e súkuáꞌa Jesús vá ya̱ ñúnúunꞌ víꞌí ka̱ꞌ Jesús kúvi ya̱ jiáꞌa ya̱ naáꞌ jie̱ꞌe̱ꞌ rá tiñu yaꞌá, jee ntee‑e rá tu̱ꞌun yaꞌá jie̱ꞌe̱ꞌ rá tiñu yaꞌá, jee jíníꞌ ráníꞌ ya̱ íyó na̱a̱ꞌ rá tu̱ꞌun jiáꞌa‑a.

Juan 21:8

Rá inka ka̱ꞌ rá táꞌán súkuáꞌa Jesús ráa va̱ji nene ráa nu̱u̱nꞌ nute stákaa ráa ñunu ñúꞌún chitú tia̱ká, chi nsáꞌ jíká íñɨ́ ráa chi kúvi yatin ɨɨn sientúꞌ (100) metro ya̱ jíká yuꞌú nute yaꞌá.

Hechos 10:36

’Nchu̱ichí re̱ꞌ tu̱ꞌun va̱ꞌa nu̱u̱nꞌ rá se̱ꞌya tataꞌ Israel, jee stékútu̱ꞌún re̱ꞌ ya̱ kuneeꞌ ma̱ni̱ꞌ ñɨvɨ jín re̱ꞌ sáꞌá Jesús ya̱ kúvi‑i Cristo, ya̱ kúvi‑i I̱toꞌoꞌ nɨꞌɨ ñɨvɨ ñɨ̱vɨ́.

Hechos 2:36

―Saájee kukáꞌnú na̱a̱ꞌ iniꞌ ntáká ñɨvɨ tataꞌ Israel, ya̱ ñani Ndiosíꞌ Jesús yaꞌá ya̱ kuvi‑i I̱toꞌoꞌ‑ó jín ya̱ kuvi‑i Cristo, sáva natavaꞌ re̱ꞌ ñɨvɨ nu̱u̱nꞌ kua̱chi ráa. Jesús yaꞌá ví ya̱ nte̱kaa rán nu̱u̱nꞌ kurúsiꞌ jee ñaꞌniꞌ rán maa ―nkachiꞌ Pedro.

1 Corintios 15:47

Chi Adán ya̱ nkuvi te̱e xíꞌnañúꞌún jee nkiji re̱ꞌ ne̱ nu̱u̱nꞌ ñu̱ꞌún, chi jín ti̱ka̱cha̱a̱ꞌ ñuꞌun nsa̱ꞌá Ndiosíꞌ re̱ꞌ. Soo inka te̱e uvíꞌ, ya̱ kúvi Cristo, chi ne̱ antivɨ́ súkún nkiji re̱ꞌ.

2 Corintios 5:14

Chi jie̱ꞌe̱ꞌ ya̱ ñúnúunꞌ Cristo yó ví ya̱ tétuvi‑i ránuꞌuꞌ ya̱ kɨtíñú ránꞌ nu̱u̱nꞌ re̱ꞌ. Jee ya̱ nku̱túníꞌ iniꞌ ránꞌ yaꞌá, ya̱ Cristo ni̱ꞌi̱ꞌ jie̱ꞌe̱ꞌ kua̱íyó ñɨvɨ jee saáva íyó kuéntáꞌ níꞌiꞌ nta̱ká‑ó jín re̱ꞌ.

Santiago 2:1

Ránoꞌó ñaniꞌ ni̱ꞌ jín ku̱ꞌva ni̱ꞌ, jie̱ꞌe̱ꞌ kúneí iniꞌ rán I̱toꞌoꞌ‑ó Jesús ya̱ kúvi Cristo, ya̱ viiꞌ nasɨ́kuitɨꞌ kúñáꞌnú re̱ꞌ, jee sukuán koto sáꞌá rán kuéntáꞌ na̱sa íyó ɨɨn ɨɨn ñɨvɨ, chisaꞌ ɨɨn nuún ni saꞌá‑ó maáó jín nɨꞌɨ ñɨvɨ.