Juan 21:2 - Mixteco del suroeste de Tlaxiaco Oaxaca

² Íñɨ́ nkáá Simón Pedro, jín Tomás ya̱ káꞌánꞌ ráa kuatíꞌ, jín Natanael ya̱ kúvi re̱ꞌ te̱e ñuunꞌ Caná ya̱ kúvi ñuunꞌ tɨ́ɨn Galilea, jín rá se̱ꞌya Zebedeo, jín u̱vi̱ꞌ ka̱ꞌ rá te̱e súkuáꞌa Jesús ráa.

Juan 21:2 Iomraidhean Croise

Mateo 10:3

jee súví ka̱ꞌ rá apóstol ví Felipe, jín Bartolomé, jín Tomás, jín Mateo, ya̱ kúvi‑i ɨɨn rá te̱e tɨ́ɨn xu̱ꞌún nu̱u̱nꞌ rá ñɨvɨ chúnáán xu̱ꞌún ya̱ náneeꞌ Roma, jín Jacobo ya̱ kúvi se̱ꞌya yɨ́ɨ́ Alfeo, jee Lebeo, ya̱ suni káꞌánꞌ ráa maa Tadeo,

Marcos 1:19

Jee kua̱jia̱ꞌa Jesús yakuꞌ ntíꞌ ka̱ꞌ ichinúúnꞌ, jee niniꞌ re̱ꞌ Jacobo jín ñaniꞌ‑i Juan, rá se̱ꞌya Zebedeo. Ñúꞌún ráa iniꞌ barkúꞌ, jee násaꞌá ráa rá ñunu yúꞌvé tɨ́ɨn tia̱ká.

Lucas 5:10

Jee suni sukuán nti̱vɨ́ xíniꞌ Jacobo jín Juan, rá se̱ꞌya Zebedeo, ya̱ táꞌán sátíñú nkáꞌnú kúvi ráa jín Simón. Jee nkachiꞌ Jesús nu̱u̱nꞌ Simón: ―Koto yúꞌví nú, chi ne̱ vitan jee stútú nú rá ñɨvɨ ki̱vɨ ráa naꞌá Ndiosíꞌ kuéntáꞌ kua̱ꞌ tɨ́ɨn rán tia̱ká ntañúꞌún ―nkachiꞌ re̱ꞌ.

Juan 1:45

Saájee ña̱nanukú Felipe Natanael, jee nkachiꞌ re̱ꞌ nu̱u̱nꞌ‑u: ―Nna̱ketáꞌán ránꞌ maáréꞌ ya̱ kúvi te̱e jie̱ꞌe̱ꞌ ya̱ ntee Moisés nu̱u̱nꞌ Tutuꞌ Ííꞌ níso tu̱ꞌun ley Ndiosíꞌ, jín suni jie̱ꞌe̱ꞌ‑e ya̱ ntee rá te̱e ya̱ nna̱kani tu̱ꞌun nkene yuꞌú Ndiosíꞌ ne̱ yanaꞌán. Jee yaꞌá ví Jesús se̱ꞌya José ya̱ kúvi te̱e ñuunꞌ Nazaret ―nkachiꞌ Felipe.

Juan 11:16

Saájee Tomás, ya̱ suni naní re̱ꞌ kuatíꞌ, jee nkachiꞌ re̱ꞌ nu̱u̱nꞌ rá táꞌán ya̱ súkuáꞌa nkáá re̱ꞌ jín ráa jín Jesús: ―Suni nkóꞌónꞌ‑órán ranika̱ꞌ sáva kuviꞌ nkáá‑órán jín re̱ꞌ ―nkachiꞌ Tomás.

Juan 2:1

Jee sáá njia̱ꞌa ki̱vɨ̱ꞌ uníꞌ, jee ni̱yo ɨɨn viko tánáꞌá nu̱u̱nꞌ ñuunꞌ Caná ya̱ kúvi ɨɨn ñuunꞌ ya̱ tɨ́ɨn Galilea. Jee yukuán íñɨ́ nánáꞌ Jesús.

Juan 2:11

Jee tiñu yaꞌá ya̱ nsa̱ꞌá Jesús nu̱u̱nꞌ ñuunꞌ Caná ya̱ tɨ́ɨn Galilea nkuvi seña a̱nasɨ́ xíꞌnañúꞌún ya̱ nsa̱ꞌá Jesús. Jee seña yukuán nstúvi‑i ya̱ kúñáꞌnú nasɨ́kuitɨꞌ re̱ꞌ, jee rá te̱e súkuáꞌa re̱ꞌ ráa ni̱nu̱ꞌ iniꞌ ráa re̱ꞌ.

Juan 20:28

Saájee nna̱xiníkó Tomás jee nkachiꞌ‑i nu̱u̱nꞌ re̱ꞌ: ―¡I̱toꞌoꞌ maáníꞌ jín Ndiosíꞌ maáníꞌ!

Juan 4:46

Saájee nni̱kó tuku Jesús kua̱ꞌa̱nꞌ re̱ꞌ nu̱u̱nꞌ ñuunꞌ Caná, ya̱ kúvi ɨɨn ñuunꞌ tɨ́ɨn Galilea, nu̱u̱nꞌ nna̱saꞌá Jesús nute nuvi‑i nixiꞌ nu̱xi uva. Jee íyó ɨɨn te̱e ñuunꞌ Capernaum ya̱ níso re̱ꞌ tiñu ya̱ njia̱ꞌa te̱e tátúníꞌ Roma nu̱u̱nꞌ re̱ꞌ. Jee kúꞌvíꞌ se̱ꞌya re̱ꞌ.