Juan 20:25 - Mixteco del suroeste de Tlaxiaco Oaxaca

²⁵ Jee kuíre rá inka te̱e ya̱ nsu̱kuáꞌa Jesús ráa nkachiꞌ ráa nu̱u̱nꞌ Tomás. ―Niniꞌ ráníꞌ I̱toꞌoꞌ‑ó ―nkachiꞌ ráa. Soo nkachiꞌ Tomás nu̱u̱nꞌ ráa. ―Retú ntu̱ví néꞌyá ni̱ꞌ naꞌá I̱toꞌoꞌ‑ó rá nu̱u̱nꞌ ntúfiꞌ nu̱u̱nꞌ nyɨ́ꞌɨ rá nu̱yu, jee tuví ni̱ꞌ xi̱ntíín ni̱ꞌ nu̱u̱nꞌ nyɨ́ꞌɨ rá nu̱yu, jee tuví ni̱ꞌ naꞌá ni̱ꞌ yɨkɨ íkáꞌ re̱ꞌ, jee nsáꞌ ji̱nu̱ꞌ kuitɨꞌ iniꞌ ni̱ꞌ.

Juan 20:25 Iomraidhean Croise

Mateo 27:42

―Rá inka ka̱ꞌ ñɨvɨ nsi̱káku re̱ꞌ, soo ntu kúvi sikáku re̱ꞌ maáréꞌ. ¡Retú te̱e nísotíñú ya̱ tátúníꞌ rá ñɨvɨ ñuunꞌ nación Israel ví re̱ꞌ, jee nuun re̱ꞌ nu̱u̱nꞌ kurúsiꞌ sáva i̱nu̱ꞌ iniꞌ‑ó re̱ꞌ!

Marcos 16:11

Soo sáá nteso̱ꞌo ráa ya̱ nna̱tekuꞌ i̱i̱ꞌ re̱ꞌ, jín ya̱ niniꞌ ña maa, soo ntu nínúꞌ iniꞌ ráa ña.

Marcos 16:13

Jee sáá kua̱ꞌa̱nꞌ ráa jee nkachitu̱ꞌún ráa maa nu̱u̱nꞌ rá inka ka̱ꞌ, jee suni ntu nínúꞌ iniꞌ rává.

Marcos 16:14

Jee kuéé ka̱ꞌ, ntu̱vi Jesús nu̱u̱nꞌ rá ni u̱ji̱ꞌ ɨɨn te̱e, ni nééꞌ ráa nu̱u̱nꞌ mesa kúxíní ráa. Jee nku̱xeenꞌ re̱ꞌ nu̱u̱nꞌ ráa, ya̱ ntu nínúꞌ iniꞌ ráa, ya̱ ni̱ꞌin ánímaꞌ ráa, chi ntu nínúꞌ iniꞌ ráa rá ñɨvɨ niniꞌ ya̱ nna̱tekuꞌ i̱i̱ꞌ re̱ꞌ.

Lucas 24:25

Saájee nkachiꞌ Jesús nu̱u̱nꞌ ráa: ―¡Na̱ ka̱ꞌ te̱e naanꞌ!, ya̱ kuéé ínúꞌ iniꞌ ánímaꞌ rán ntáká rá tu̱ꞌun ya̱ nkachiꞌ rá te̱e ya̱ nna̱kani tu̱ꞌun kene yuꞌú Ndiosíꞌ.

Juan 1:41

Saájee ña̱nanukú‑u ñaniꞌ‑i Simón, jee nkachiꞌ‑i nu̱u̱nꞌ Simón: ―Nna̱ketáꞌán ránꞌ Mesías ―nkachiꞌ re̱ꞌ. Mesías kuíni kachiꞌ Cristo [ya̱ ñani Ndiosíꞌ sáva tatúníꞌ nu̱u̱nꞌ ñɨ̱vɨ́].

Juan 20:27

Kuíre nkachiꞌ Jesús nu̱u̱nꞌ Tomás: ―Tuví xi̱ntíín nú yaꞌá, jee kune̱ꞌyá rá naꞌá ni̱ꞌ, jee saꞌá yatin naꞌá nú jee tuví naꞌá nú yɨkɨ íkáꞌ ni̱ꞌ. Koto kúkaꞌán nú ré ni̱núꞌ iniꞌ nú, chisaꞌ i̱nu̱ꞌ iniꞌ nú.

Juan 21:7

Saájee te̱e ya̱ súkuáꞌa Jesús maa ya̱ nñunu̱u̱nꞌ re̱ꞌ nkachiꞌ te̱e vá nu̱u̱nꞌ Pedro: ―¡Máá I̱toꞌoꞌ‑ó kúvi‑i! Sáá nteso̱ꞌo Simón Pedro ya̱ suvire̱ꞌ ví I̱toꞌoꞌ, jee nna̱ku̱ꞌun Pedro saꞌma re̱ꞌ (chi ntavaꞌ re̱ꞌ maa), jee íchíni nnava re̱ꞌ nu̱u̱nꞌ nute.

Juan 6:30

Saáva nkachiꞌ ráa nu̱u̱nꞌ re̱ꞌ: ―¿Na̱ seña a̱nasɨ́ saꞌá nú sáva kuniꞌ ráníꞌ maa, sáva i̱nu̱ꞌ iniꞌ ránꞌ noꞌó? ¿Na̱ tiñu saꞌá nú?

Hebreos 3:12

Jee ránoꞌó ñanitáꞌán, kumí rán maárán ya̱ ni ɨɨn táꞌán rán koto ñúꞌún niva̱ꞌa iniꞌ ánímaꞌ‑a ya̱ ntu ínúꞌ iniꞌ‑i Tu̱ꞌun Ndiosíꞌ sáva ntu kúsɨ́ɨ́n‑ɨ nu̱u̱nꞌ Ndiosíꞌ tékúꞌ.

Hebreos 3:18

Jee, ¿né ɨɨn nu̱u̱nꞌ rá ñɨvɨ nsa̱ꞌá na̱a̱ꞌ Ndiosíꞌ tu̱ꞌun nchi̱sóyuꞌú re̱ꞌ ya̱ nsáꞌ ni̱ꞌi̱nꞌ ráa ki̱vɨ ráa nu̱u̱nꞌ ñu̱ꞌún nu̱u̱nꞌ saꞌá re̱ꞌ ya̱ najia̱ví ráa rúja? Suviráa kúvi rá ñɨvɨ ya̱ ntu nka̱níjiá ráa re̱ꞌ.