Juan 20:22 - Mixteco del suroeste de Tlaxiaco Oaxaca

²² Jee saájee ntivɨꞌ ta̱chi̱ꞌ Jesús jee nkachiꞌ re̱ꞌ nu̱u̱nꞌ ráa: ―Yaꞌá rán maáréꞌ ya̱ kúvi Ta̱chi̱ꞌ Ííꞌ ni̱ꞌ.

Juan 20:22 Iomraidhean Croise

Génesis 2:7

Saájee jín ti̱ka̱cha̱a̱ꞌ ñuꞌun nsa̱ꞌá I̱toꞌoꞌ‑ó Ndiosíꞌ ɨɨn ñɨvɨ. Jee ntivɨꞌ ta̱chi̱ꞌ re̱ꞌ i̱xti̱nꞌ ñɨvɨ vá jín yo̱ko̱yuꞌú re̱ꞌ ya̱ stekúꞌ‑u ñɨvɨ vá, jee nkenta kúvi ñɨvɨ vá ɨɨn ya̱ tékúꞌ.

Juan 14:16

Jee nuꞌuꞌ, jee ka̱ka̱nꞌ táꞌvíꞌ ni̱ꞌ nu̱u̱nꞌ Tátáꞌ ni̱ꞌ, jee chuichí re̱ꞌ ɨɨn ya̱ chineí chituvi‑i nachuꞌun neí‑i iniꞌ ránoꞌó, sáva koo‑o jín rán nɨ́ɨ́nkání.

Juan 15:26

’Jee chuichí ni̱ꞌ ɨɨn ya̱ kiji re̱ꞌ ne̱ nu̱u̱nꞌ Tátáꞌ ni̱ꞌ, jee chineí chituvi re̱ꞌ nachuꞌun neí re̱ꞌ iniꞌ ánímaꞌ rán, jee suvire̱ꞌ kúvi Ta̱chi̱ꞌ Ííꞌ ya̱ xínéꞌénꞌ re̱ꞌ tu̱ꞌun na̱a̱ꞌ. Jee sáá kene re̱ꞌ ne̱ nu̱u̱nꞌ maá Tátáꞌ ni̱ꞌ kiji re̱ꞌ jee ku̱ꞌva re̱ꞌ ya̱ naáꞌ jie̱ꞌe̱ꞌ nuꞌuꞌ.

Juan 16:7

Soo káchíꞌ ni̱ꞌ ya̱ naáꞌ nu̱u̱nꞌ rán ya̱ va̱ꞌa ka̱ꞌ kúvi nu̱u̱nꞌ ránoꞌó ya̱ kɨ̱ꞌɨ̱nꞌ noꞌonꞌ ni̱ꞌ, chi retánꞌ nkɨ̱ꞌɨ́nꞌ ni̱ꞌ, jee nsáꞌ kiji maáréꞌ ya̱ chineí chituvi re̱ꞌ nachuꞌun neí re̱ꞌ iniꞌ ánímaꞌ rán. Soo retú kɨ̱ꞌɨ̱nꞌ ni̱ꞌ, jee chuichí ni̱ꞌ re̱ꞌ kiji re̱ꞌ nu̱u̱nꞌ ránoꞌó.

Juan 20:21

Saájee tukuni nkachiꞌ Jesús nu̱u̱nꞌ ráa: ―Va̱ne̱ꞌ va̱ꞌa kino̱o iniꞌ ánímaꞌ rán. Kuéntáꞌ nchu̱ichí Tátáꞌ ni̱ꞌ nuꞌuꞌ jee suni sukuán tájí ni̱ꞌ ránoꞌó jín tiñu táji ni̱ꞌ nu̱u̱nꞌ rán.

Juan 20:23

Néni ɨɨn ñɨvɨ ya̱ kunekáꞌnú iniꞌ rán kua̱chi sáꞌá ñɨvɨ vá, jee ya̱ nne̱káꞌnú iniꞌ jie̱ꞌe̱ꞌ kua̱chi‑i, jee ñɨvɨ ya̱ ntu̱ví kunekáꞌnú iniꞌ rán kua̱chi ñɨvɨ vá, jee kino̱o‑o jín kua̱chi‑i.

Juan 7:39

Soo nkachiꞌ Jesús rá tu̱ꞌun yaꞌá jie̱ꞌe̱ꞌ Ta̱chi̱ꞌ Ííꞌ Ndiosíꞌ, chi rá ñɨvɨ ya̱ kúneí iniꞌ ráa re̱ꞌ, jee ni̱ꞌi̱nꞌ ráa Ta̱chi̱ꞌ Ííꞌ Ndiosíꞌ kɨꞌɨ‑ɨ iniꞌ ánímaꞌ ráa. Chi ni ntiáꞌan taji Ndiosíꞌ Ta̱chi̱ꞌ Ííꞌ re̱ꞌ, chi jie̱ꞌe̱ꞌ ntiáné kɨ̱naa Jesús antivɨ́ súkún nu̱u̱nꞌ kúñáꞌnú re̱ꞌ.

Hechos 10:47

I̱ña̱jée nkachiꞌ Pedro: ―¿Á kúvi kasɨꞌ néni ɨɨn ñɨvɨ ya̱ kuanuté rá ñɨvɨ yaꞌá jín nute, ya̱ nkívɨ Ta̱chi̱ꞌ Ííꞌ iniꞌ ráa kuéntáꞌ nkívɨ re̱ꞌ ránuꞌuꞌ, résa? Ntu̱ví.

Hechos 19:2

Jee ni̱ka̱tu̱ꞌún‑u: ―¿Á nki̱vɨ Ta̱chi̱ꞌ Ííꞌ ránoꞌó sáá ni̱nu̱ꞌ iniꞌ rán? Nna̱xiníkó ráa: ―Soo ni ntiáꞌan nteso̱ꞌo ránꞌ ré íyó Ta̱chi̱ꞌ Ííꞌ.

Hechos 2:38

Jee nna̱xiníkó Pedro nu̱u̱nꞌ ráa: ―Nakani iniꞌ rán kua̱chi rán, jee kuanuté rán, sáva stúvi rán ya̱ ya nki̱vɨ rán nu̱u̱nꞌ Jesús ya̱ kúvi Cristo, sáva kunekáꞌnú iniꞌ Ndiosíꞌ kua̱chi rán, jee kutaꞌviꞌ rán Ta̱chi̱ꞌ Ííꞌ re̱ꞌ.

Hechos 2:4

Jee Ta̱chi̱ꞌ Ííꞌ Ndiosíꞌ nki̱vɨ re̱ꞌ iniꞌ ntáká ráa, jee nchi̱tú re̱ꞌ iniꞌ ráa. Jee nka̱jiéꞌé ráa káꞌánꞌ ráa inka rá tu̱ꞌun ya̱ ntu káꞌánꞌ ráa, sáni njia̱ꞌa Ta̱chi̱ꞌ Ííꞌ Ndiosíꞌ nu̱u̱nꞌ ráa sákachiꞌ ráa.

Hechos 4:8

Jee kuíre nchi̱tú Ta̱chi̱ꞌ Ííꞌ Ndiosíꞌ Pedro sáva kaꞌanꞌ re̱ꞌ, jee nkachiꞌ re̱ꞌ nu̱u̱nꞌ ráa: ―Ránoꞌó ya̱ nísotíñú nu̱u̱nꞌ rá ñɨvɨ jín ránoꞌó te̱e kúñáꞌnú.

Hechos 8:15

Sáá nkenta ráa yukuán, jee ni̱ka̱nꞌ táꞌvíꞌ ráa nu̱u̱nꞌ Ndiosíꞌ jie̱ꞌe̱ꞌ rá ñɨvɨ vá, sáva ni̱ꞌi̱nꞌ rá ñɨvɨ vá Ta̱chi̱ꞌ Ííꞌ ki̱vɨ‑ɨ ráa.

Gálatas 3:2

Kua̱chi kuíni ni̱ꞌ katu̱ꞌún ni̱ꞌ tu̱ꞌun yaꞌá ránoꞌó. ¿Na̱sa nni̱ꞌi̱nꞌ rán Ta̱chi̱ꞌ Ííꞌ Ndiosíꞌ? ¿Á nni̱ꞌi̱nꞌ rán re̱ꞌ chi nsi̱kúnkuvi rán sáni tátúníꞌ tu̱ꞌun ley Moisés? ¡Ntu̱ví kuitɨꞌ!, chi nni̱ꞌi̱nꞌ rán maa chi ínúꞌ iniꞌ rán tu̱ꞌun Jesús sáá nteso̱ꞌo rán maa.