Juan 20:21 - Mixteco del suroeste de Tlaxiaco Oaxaca

²¹ Saájee tukuni nkachiꞌ Jesús nu̱u̱nꞌ ráa: ―Va̱ne̱ꞌ va̱ꞌa kino̱o iniꞌ ánímaꞌ rán. Kuéntáꞌ nchu̱ichí Tátáꞌ ni̱ꞌ nuꞌuꞌ jee suni sukuán tájí ni̱ꞌ ránoꞌó jín tiñu táji ni̱ꞌ nu̱u̱nꞌ rán.

Juan 20:21 Iomraidhean Croise

Mateo 10:16

’Jee kune̱ꞌyá rán, chi nuꞌuꞌ chúichí ni̱ꞌ ránoꞌó kɨ̱ꞌɨ̱nꞌ rán nteñu rá ñɨvɨ, kuéntáꞌ kuáꞌánꞌ rá lanchi nteñu rá váꞌúꞌ xe̱e̱nꞌ. Saáva nito koo rán kuéntáꞌ ko̱o̱ꞌ, soo kuꞌun másúꞌ saɨn iniꞌ rán kuéntáꞌ paloma.

Mateo 10:40

’Jee ɨɨn ñɨvɨ ya̱ íyó maniꞌ iniꞌ‑i nákuatáꞌví‑i ránoꞌó jee suni íyó maniꞌ iniꞌ‑i nakuatáꞌví‑i nuꞌuꞌ ranika̱ꞌ. Jee ñɨvɨ ya̱ íyó maniꞌ iniꞌ‑i nakuatáꞌví‑i nuꞌuꞌ jee íyó maniꞌ iniꞌ‑i nákuatáꞌví‑i Ndiosíꞌ ranika̱ꞌ ya̱ nchu̱ichí nuꞌuꞌ va̱ji ni̱ꞌ.

Lucas 24:36

Jee ni káchíꞌ i̱i̱ꞌ ráa rá tu̱ꞌun yaꞌá, jee nkitu̱vi Jesús nna̱kui̱ñɨ̱ꞌ re̱ꞌ ma̱ꞌñú ráa, jee nkachiꞌ re̱ꞌ nu̱u̱nꞌ ráa: ―Va̱ne̱ꞌ va̱ꞌa kino̱o iniꞌ ánímaꞌ rán ―nkachiꞌ re̱ꞌ.

Juan 13:20

Máá nááꞌ vá káchíꞌ ni̱ꞌ nu̱u̱nꞌ rán: néni ɨɨn ñɨvɨ ya̱ íyó maniꞌ iniꞌ‑i nákuatáꞌví‑i ñɨvɨ ya̱ chuichí ni̱ꞌ jee íyó maniꞌ iniꞌ‑i nákuatáꞌví‑i nuꞌuꞌ ranika̱ꞌ. Jee ñɨvɨ vá ya̱ íyó maniꞌ iniꞌ‑i nákuatáꞌví nuꞌuꞌ, jee suni íyó maniꞌ iniꞌ‑i nákuatáꞌví‑i ne̱ Ndiosíꞌ ranika̱ꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.

Juan 14:27

’Xinóo ni̱ꞌ ránoꞌó jee kɨ̱ꞌɨ̱nꞌ ni̱ꞌ, soo ne̱ va̱ꞌa koo iniꞌ rán kino̱o rán saꞌá ni̱ꞌ. Sáꞌá ni̱ꞌ ya̱ ne̱ va̱ꞌa kino̱o ánímaꞌ ránoꞌó kuéntáꞌ kúváꞌa iniꞌ ánímaꞌ ni̱ꞌ. Chi ntu nuún nótaꞌan sáꞌá ni̱ꞌ kuéntáꞌ kua̱ꞌ sáꞌá rá ñɨvɨ ñɨ̱vɨ́ yaꞌá ya̱ ntu yɨ́ꞌɨ́ ráa xi̱ntíín Ndiosíꞌ, chi ntu sáꞌá ráa ya̱ ne̱ va̱ꞌa koo iniꞌ rán kuéntáꞌ sáꞌá ni̱ꞌ. Saáva koto nániꞌvɨꞌ iniꞌ ánímaꞌ rán ni koto yúꞌví rán.

Juan 20:19

Sáá nkua̱a̱ꞌ máá ki̱vɨ̱ꞌ yukuán, ya̱ kúvi máá ki̱vɨ̱ꞌ xíꞌnañúꞌún jiákui̱ñɨ̱ꞌ semana, jee nnu̱tútú rá te̱e ya̱ nsu̱kuáꞌa Jesús ráa ɨɨn iniꞌ veꞌi jee násɨ́ꞌ kutú yuvéꞌí chi yúꞌví ráa rá te̱e kúñáꞌnú nu̱u̱nꞌ ñɨvɨ Israel. Sa̱naanꞌ ni jee nkenta Jesús nna̱kui̱ñɨ̱ꞌ re̱ꞌ ma̱ꞌñú ráa jee nkachiꞌ re̱ꞌ nu̱u̱nꞌ ráa: ―Va̱ne̱ꞌ va̱ꞌa kino̱o iniꞌ ánímaꞌ rán.

Juan 20:22

Jee saájee ntivɨꞌ ta̱chi̱ꞌ Jesús jee nkachiꞌ re̱ꞌ nu̱u̱nꞌ ráa: ―Yaꞌá rán maáréꞌ ya̱ kúvi Ta̱chi̱ꞌ Ííꞌ ni̱ꞌ.

Juan 20:26

Sáá njia̱ꞌa ki̱vɨ̱ꞌ u̱na̱ꞌ, jee rá te̱e nsu̱kuáꞌa Jesús ráa nnu̱tútú tuku ráa ɨɨn iniꞌ veꞌi, jee kútáꞌán Tomás jín ráa. Saájee, súnika̱ꞌ násɨ́ꞌ rá yuvéꞌí, jee nki̱vɨ Jesús, jee ña̱kui̱ñɨ̱ꞌ re̱ꞌ nteñu ráa jee nkachiꞌ re̱ꞌ: ―Va̱ne̱ꞌ va̱ꞌa kino̱o iniꞌ ánímaꞌ rán.

Juan 3:17

Chi nsáꞌ nta̱jí Ndiosíꞌ Se̱ꞌya re̱ꞌ iniꞌ ñɨ̱vɨ́ yaꞌá sáva sijíta re̱ꞌ rá ñɨvɨ ñɨ̱vɨ́, chisaꞌ nta̱jí re̱ꞌ Se̱ꞌya re̱ꞌ sáva saꞌá re̱ꞌ ya̱ sikáku Se̱ꞌya re̱ꞌ ráa sáva ntu síjíta re̱ꞌ ráa jie̱ꞌe̱ꞌ kua̱chi ráa.

Hechos 1:2

jín ne̱ ki̱vɨ̱ꞌ nna̱keꞌen Tátáꞌ re̱ꞌ maáréꞌ kua̱noꞌonꞌ re̱ꞌ súkún. Jee ne̱ ntiáꞌan kɨ̱naa re̱ꞌ súkún, jee nta̱túníꞌ re̱ꞌ jín Ta̱chi̱ꞌ Ííꞌ Ndiosíꞌ sáá saꞌá rá najiáꞌáꞌ re̱ꞌ ya̱ kúvi apóstol ya̱ nka̱ji re̱ꞌ jín ya̱ chuichí re̱ꞌ ráa.

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

2 Timoteo 2:2

Jee nta̱ká tu̱ꞌun, ya̱ nteso̱ꞌo nú ya̱ nkachiꞌ ni̱ꞌ nu̱u̱nꞌ nú ichinúúnꞌ kue̱ꞌe̱ꞌ ñɨvɨ ya̱ kúvi stúvi ráa maa, jee natetíñú nú tu̱ꞌun vá nu̱u̱nꞌ inka rá te̱e na̱a̱ꞌ, ya̱ síkúnkuvi va̱ꞌa ráa, ya̱ kuvi naxinéꞌénꞌ ráa maa nu̱u̱nꞌ rá inka ñɨvɨ.

Hebreos 3:1

Jee saáva, ránoꞌó ñanitáꞌán, ya̱ nsa̱ꞌá sɨ́ɨ́n Ndiosíꞌ ránoꞌó sáva kɨꞌɨ rán nu̱u̱nꞌ re̱ꞌ, jín ya̱ jíꞌín rán nkana re̱ꞌ ránoꞌó ne̱ súkún nu̱u̱nꞌ nééꞌ re̱ꞌ, jee saáva íyó tɨɨn kuéntáꞌ va̱ꞌa rán jie̱ꞌe̱ꞌ [Cristo] Jesús ya̱ níso re̱ꞌ tiñu apóstol ya̱ nchu̱ichí Ndiosíꞌ ntaji re̱ꞌ Tu̱ꞌun Ndiosíꞌ nu̱u̱nꞌ‑ó, jee suni kúvi re̱ꞌ su̱tu̱ꞌ kúñáꞌnú nu̱u̱nꞌ‑ó, jie̱ꞌe̱ꞌ tu̱ꞌun re̱ꞌ ya̱ jiáꞌayuꞌú‑ó ya̱ kúneí iniꞌ‑ó re̱ꞌ.

3 Juan 1:14

chi íyó tu̱ꞌun neí iniꞌ ni̱ꞌ ya̱ ñamani kua̱jiane̱ꞌyá ni̱ꞌ noꞌó, jee kaꞌanꞌ máá maáó.