Juan 2:23 - Mixteco del suroeste de Tlaxiaco Oaxaca

²³ Jee sáá nééꞌ Jesús nu̱u̱nꞌ ñuunꞌ Jerusalén ya̱ kúvi rá ki̱vɨ̱ꞌ viko Pascua ya̱ sáꞌá rá ñɨvɨ Israel, jee kue̱ꞌe̱ꞌ rá ñɨvɨ ni̱nu̱ꞌ iniꞌ ráa re̱ꞌ, sáá niniꞌ ráa rá seña a̱nasɨ́ sáꞌá re̱ꞌ.

Juan 2:23 Iomraidhean Croise

Lucas 8:13

Jee rá nikɨn ya̱ ñákava ráa nu̱u̱nꞌ yúúꞌ kúvi ráa rá ñɨvɨ ya̱ sáá tésóꞌo ráa Tu̱ꞌun Ndiosíꞌ jee ne̱ kúsɨ́ɨꞌ iniꞌ ráa tɨ́ɨn ráa maa, soo ntu kúun yoꞌo tu̱ꞌun vá iniꞌ ánímaꞌ ráa chi ntu kúkutú ráa ntu kúníꞌin ráa jín‑i, chi yakuꞌ ni tiempúꞌ jínúꞌ iniꞌ ráa maa. Chi sáá kenta táꞌán ráa tu̱nóꞌó, jee níkóyátá iniꞌ ráa nu̱u̱nꞌ tu̱ꞌun vá.

Juan 11:45

Saájee kue̱ꞌe̱ꞌ víꞌí rá ñɨvɨ Israel ya̱ váji kútáꞌán jín María, jee sáá niniꞌ ráa rá tiñu ya̱ nsa̱ꞌá Jesús jee ni̱nu̱ꞌ iniꞌ ráa re̱ꞌ.

Juan 2:11

Jee tiñu yaꞌá ya̱ nsa̱ꞌá Jesús nu̱u̱nꞌ ñuunꞌ Caná ya̱ tɨ́ɨn Galilea nkuvi seña a̱nasɨ́ xíꞌnañúꞌún ya̱ nsa̱ꞌá Jesús. Jee seña yukuán nstúvi‑i ya̱ kúñáꞌnú nasɨ́kuitɨꞌ re̱ꞌ, jee rá te̱e súkuáꞌa re̱ꞌ ráa ni̱nu̱ꞌ iniꞌ ráa re̱ꞌ.

Juan 2:13

Jee ya̱ nku̱yatin ki̱vɨ̱ꞌ koo viko Pascua ya̱ sáꞌá rá ñɨvɨ Israel, jee yukuán kua̱ꞌa̱nꞌ Jesús nu̱u̱nꞌ ñuunꞌ Jerusalén.

Juan 3:2

Jee ña̱ꞌa̱nꞌ te̱e yaꞌá yakuááꞌ nu̱u̱nꞌ nééꞌ Jesús, jee nkachiꞌ re̱ꞌ nu̱u̱nꞌ Jesús: ―Mestrúꞌ, jíníꞌ ránꞌ ya̱ máá Ndiosíꞌ nchu̱ichí noꞌó va̱ji nú sáva xínéꞌénꞌ nú rá tu̱ꞌun re̱ꞌ, kuéntáꞌ ɨɨn Mestrúꞌ nu̱u̱nꞌ ránꞌ. Chi ni̱ꞌ ɨɨn ñɨvɨ nsáꞌ kúvi saꞌá rá seña a̱nasɨ́ sáꞌá nú, retú ntu íyó Ndiosíꞌ jín‑i.

Juan 4:45

Jee sáá nkenta Jesús nu̱u̱nꞌ ñuunꞌ Galilea, jee rá ñɨvɨ ñuunꞌ vá nna̱kuatáꞌví ráa re̱ꞌ, chi niniꞌ ráa nta̱ká rá tiñu váꞌa ya̱ nsa̱ꞌá re̱ꞌ nu̱u̱nꞌ ñuunꞌ Jerusalén rá ki̱vɨ̱ꞌ ya̱ níyo viko. Chi suni ña̱ꞌa̱nꞌ ráa viko vá.

Juan 5:36

’Soo íyó ɨɨn ya̱ jiáꞌa ya̱ naáꞌ máá ñáꞌnú yɨ́yáꞌvi ka̱ꞌ jie̱ꞌe̱ꞌ ni̱ꞌ nsú káꞌ ya̱ njia̱ꞌa Juan. Chi rá tiñu ya̱ ntaji Tátáꞌ ni̱ꞌ sáva sikúnkuvi ni̱ꞌ, jee rá tiñu vá ya̱ sáꞌá ni̱ꞌ jiáꞌa ya̱ naáꞌ jie̱ꞌe̱ꞌ ni̱ꞌ, chi rá tiñu vá stúvi ya̱ Tátáꞌ ni̱ꞌ nchu̱ichí re̱ꞌ nuꞌuꞌ.

Juan 6:14

Saájee sáá niniꞌ rá ñɨvɨ vá seña a̱nasɨ́ ya̱ nsa̱ꞌá re̱ꞌ, jee nkachiꞌ ráa: ―Máá nááꞌ nijia ya̱ te̱e yaꞌá kúvi máá te̱e ya̱ íyó kiji iniꞌ ñɨ̱vɨ́ nakani‑i tu̱ꞌun kene yuꞌú Ndiosíꞌ ―nkachiꞌ ráa.

Juan 6:2

Jee kue̱ꞌe̱ꞌ víꞌí rá ñɨvɨ níkɨ́nꞌ ráa re̱ꞌ, chi nne̱ꞌyá ráa rá seña a̱nasɨ́ va̱ꞌa sáꞌá re̱ꞌ ya̱ xínúvi re̱ꞌ rá ñɨvɨ kúꞌvíꞌ.

Juan 7:31

Jee kue̱ꞌe̱ꞌ rá ñɨvɨ ni̱nu̱ꞌ iniꞌ ráa ya̱ kúvi re̱ꞌ Cristo, jee nkachiꞌ ráa: ―Jee sáá kiji máá maá Cristo, ¿á saꞌá re̱ꞌ ka̱ꞌ seña a̱nasɨ́ nsú káꞌ te̱e yaꞌá rúja? ¡Ntu̱ví!, [saáva íyó kúvi re̱ꞌ Cristo].

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

1 Juan 3:23

Jee yaꞌá kúvi tiñu ya̱ tátúníꞌ re̱ꞌ: ya̱ kuneí iniꞌ‑ó Se̱ꞌya re̱ꞌ Jesucristo, jín ya̱ kunu̱u̱nꞌ‑ó ɨɨn inka táꞌán‑ó, sánikua̱ꞌ nta̱túníꞌ re̱ꞌ nu̱u̱nꞌ‑ó.