Juan 2:22 - Mixteco del suroeste de Tlaxiaco Oaxaca

²² Saáva sáá nna̱tekuꞌ Jesús nkene re̱ꞌ nteñu rá níꞌiꞌ, jee nna̱ku̱ꞌun iniꞌ rá te̱e nsu̱kuáꞌa re̱ꞌ ráa tu̱ꞌun yaꞌá ya̱ nkachiꞌ re̱ꞌ, jee ni̱nu̱ꞌ iniꞌ ráa rá tu̱ꞌun ya̱ níso nu̱u̱nꞌ Tutuꞌ nééꞌ Tu̱ꞌun Ndiosíꞌ jín rá tu̱ꞌun ya̱ nkachiꞌ re̱ꞌ.

Juan 2:22 Iomraidhean Croise

Lucas 24:26

¿Á nsú saá íyó kunoꞌo Cristo ntáká rá tu̱nóꞌó yaꞌá, jee kuíre ki̱vɨ re̱ꞌ tiñu re̱ꞌ ya̱ viiꞌ nasɨ́kuitɨꞌ kúñáꞌnú re̱ꞌ nu̱u̱nꞌ nɨꞌɨ? ―nkachiꞌ Jesús.

Lucas 24:44

Jee nkachiꞌ re̱ꞌ nu̱u̱nꞌ ráa: ―Rá tu̱ꞌun ni̱ꞌ yaꞌá ya̱ nkachiꞌ ni̱ꞌ nu̱u̱nꞌ rán ne̱ sáá nneeꞌ ni̱ꞌ jín rán ya̱ íyó sikúnkuvi ni̱ꞌ nta̱ká tu̱ꞌun ya̱ níso‑o nu̱u̱nꞌ Tutuꞌ Ndiosíꞌ ya̱ káꞌánꞌ jie̱ꞌe̱ꞌ nuꞌuꞌ ya̱ ntee Moisés jín ya̱ ntee rá te̱e ya̱ nnákani tu̱ꞌun nkene yuꞌú Ndiosíꞌ yanaꞌán jín rá tu̱ꞌun salmo ―nkachiꞌ re̱ꞌ nu̱u̱nꞌ ráa.

Juan 12:16

Jee ya̱ xíꞌnañúꞌún jee ni ntu̱ví ñáku̱ꞌun iniꞌ ráa te̱e súkuáꞌa Jesús ráa jie̱ꞌe̱ꞌ rá tiñu vá. Soo ne̱ sáá nxi̱náa Ndiosíꞌ Jesús antivɨ́ nu̱u̱nꞌ nstúvi re̱ꞌ ya̱ kúñáꞌnú‑u, jee ne̱ saájee nna̱ku̱ꞌun iniꞌ ráa ya̱ rá tu̱ꞌun vá níso nu̱u̱nꞌ Tutuꞌ Ííꞌ káchíꞌ‑i yaꞌá jie̱ꞌe̱ꞌ re̱ꞌ, jín ya̱ sukuán nsa̱ꞌá ráa jín re̱ꞌ.

Juan 14:26

Soo nu̱u̱nꞌ súví nuꞌuꞌ chuichí Tátáꞌ ni̱ꞌ Ta̱chi̱ꞌ Ííꞌ re̱ꞌ kiji‑i ya̱ maáa ví ya̱ chineí chituvi‑i nachuꞌun neí‑i iniꞌ ránoꞌó. Jee maáa vá xinéꞌénꞌ‑e ránoꞌó jie̱ꞌe̱ꞌ ntáká tu̱ꞌun ni̱ꞌ jee xinákúꞌun‑u iniꞌ rán ntáká tu̱ꞌun ni̱ꞌ ya̱ nkachiꞌ ni̱ꞌ nu̱u̱nꞌ rán.

Juan 16:4

Jee ya̱ nkachiꞌ ni̱ꞌ rá tu̱ꞌun yaꞌá nu̱u̱nꞌ rán, sáva sáá kenta ki̱vɨ̱ꞌ ya̱ kunoꞌo rán, jee naku̱ꞌun iniꞌ rán rá tu̱ꞌun yaꞌá ya̱ nkachiꞌ ni̱ꞌ maa nu̱u̱nꞌ rán jie̱ꞌe̱ꞌ vá. ’Ntu̱ví nkáchíꞌ ni̱ꞌ rá tu̱ꞌun yaꞌá nu̱u̱nꞌ rán ne̱ tiempúꞌ xíꞌnañúꞌún ya̱ nka̱jiéꞌé ni̱ꞌ nna̱kani ni̱ꞌ rá tu̱ꞌun váꞌa ni̱ꞌ, chi jie̱ꞌe̱ꞌ ni ka̱ꞌ ya̱ nku̱táꞌán ni̱ꞌ jín ránoꞌó.

Juan 2:11

Jee tiñu yaꞌá ya̱ nsa̱ꞌá Jesús nu̱u̱nꞌ ñuunꞌ Caná ya̱ tɨ́ɨn Galilea nkuvi seña a̱nasɨ́ xíꞌnañúꞌún ya̱ nsa̱ꞌá Jesús. Jee seña yukuán nstúvi‑i ya̱ kúñáꞌnú nasɨ́kuitɨꞌ re̱ꞌ, jee rá te̱e súkuáꞌa re̱ꞌ ráa ni̱nu̱ꞌ iniꞌ ráa re̱ꞌ.

Juan 2:17

Saájee nna̱ku̱ꞌun iniꞌ rá te̱e súkuáꞌa re̱ꞌ rává tu̱ꞌun níso nu̱u̱nꞌ Tutuꞌ nééꞌ Tu̱ꞌun Ndiosíꞌ: “Ñúkuíñɨ́ iniꞌ ni̱ꞌ jie̱ꞌe̱ꞌ ve̱ꞌí nú ne̱ tɨ́ɨn ñuꞌunꞌ nuꞌuꞌ.”

Juan 2:2

Jee suni nkana rá ñɨvɨ vá Jesús jín rá te̱e súkuáꞌa re̱ꞌ ráa ya̱ kɨ̱ꞌɨ̱nꞌ ráa viko tánáꞌá vá.

Hechos 11:16

Jee nna̱ku̱ꞌun iniꞌ ni̱ꞌ tu̱ꞌun ya̱ nkachiꞌ I̱toꞌoꞌ‑ó Jesús, ya̱: “Juan nsi̱kuánuté nijia jín nute, soo ránoꞌó kuanuté jín Ta̱chi̱ꞌ Ííꞌ Ndiosíꞌ, jee kɨꞌɨ re̱ꞌ iniꞌ rán”, nkachiꞌ Jesús.

Hechos 13:33

Stékútu̱ꞌún ráníꞌ ya̱ nsi̱kúnkuvi Ndiosíꞌ tu̱ꞌun váꞌa yaꞌá nu̱u̱nꞌ rá se̱ꞌya ichiyúkúnꞌ váji ne̱ nu̱u̱nꞌ ráa, ya̱ súví kúvi‑ó. Chi ñani re̱ꞌ Jesús jee nxi̱nátekuꞌ i̱i̱ꞌ re̱ꞌ maa. Suni káchíꞌ suꞌva nu̱u̱nꞌ Tutuꞌ níso Tu̱ꞌun Ndiosíꞌ, naní salmo uvíꞌ. Yukuán káchíꞌ Ndiosíꞌ: Suvinú kúvi Se̱ꞌya ni̱ꞌ. Vitan nsa̱ꞌá ni̱ꞌ ya̱ nkenta kúvi ni̱ꞌ tááꞌ nú.