Juan 2:18 - Mixteco del suroeste de Tlaxiaco Oaxaca

¹⁸ Saájee rá te̱e kúñáꞌnú nu̱u̱nꞌ rá ñɨvɨ Israel nkachiꞌ ráa nu̱u̱nꞌ re̱ꞌ: ―¿Na̱ seña xtúvi nú nu̱u̱nꞌ ránꞌ ya̱ íyó tiñu níso nú ya̱ sáꞌá nú rá tiñu yaꞌá résa? ―nkachiꞌ ráa.

Juan 2:18 Iomraidhean Croise

Mateo 21:23

Sáá nki̱vɨ tuku Jesús chíkéꞌi nééꞌ ichinúúnꞌ veñu̱ꞌun káꞌnú, jee nku̱yatin rá su̱tu̱ꞌ kúñáꞌnú ka̱ꞌ, jín rá te̱e kúñáꞌnú tátúníꞌ nu̱u̱nꞌ rá ñɨvɨ, nu̱u̱nꞌ íñɨ́ re̱ꞌ xínéꞌénꞌ re̱ꞌ Tu̱ꞌun Ndiosíꞌ rá ñɨvɨ, jee nkachiꞌ rá te̱e vá nu̱u̱nꞌ re̱ꞌ: ―¿Na̱ tiñu níso nú ya̱ sáꞌá nú rá tiñu yaꞌá? Jee, ¿né ɨɨn ntaji tiñu yaꞌá nu̱u̱nꞌ nú sáꞌá nú maa rúja? ―nkachiꞌ ráa.

Marcos 8:11

Jee nkenta rá te̱e yɨ́ꞌɨ́ ñujiínꞌ fariseo, jee nka̱jiéꞌé ráa kántáꞌán túꞌun ráa jín Jesús. Jee ni̱ka̱nꞌ ráa nu̱u̱nꞌ re̱ꞌ ya̱ saꞌá re̱ꞌ ɨɨn seña, ya̱ stúvi re̱ꞌ ya̱ níso re̱ꞌ fuersáꞌ ííꞌ va̱ji ne̱ nu̱u̱nꞌ Ndiosíꞌ nééꞌ‑e antivɨ́. Ni̱ka̱nꞌ ráa suꞌva, sáva kototúníꞌ ráa re̱ꞌ.

Lucas 11:29

Jee sáá ntakaꞌ víꞌí rá ñɨvɨ kue̱ꞌe̱ꞌ ka̱ꞌ jee nka̱jiéꞌé Jesús nkachiꞌ re̱ꞌ: ―Rá ñɨvɨ ya̱ íyó tiempúꞌ vitan jee máá ñɨvɨ níváꞌa kúvi ráa, chi jíkánꞌ ráa ya̱ ku̱ꞌva ni̱ꞌ ɨɨn seña a̱nasɨ́ nu̱u̱nꞌ ráa. Soo ni ɨɨn seña ntu̱náꞌ ku̱ꞌva ni̱ꞌ nu̱u̱nꞌ ráa, chisaꞌ kua̱chi ku̱ꞌva ni̱ꞌ nu̱u̱nꞌ ráa máá seña a̱nasɨ́ kuéntáꞌ kua̱ꞌ máá seña a̱nasɨ́ ya̱ nsa̱ꞌá Ndiosíꞌ jín Jonás.

Juan 1:19

Jee rá tee nísotíñú nu̱u̱nꞌ rá ñɨvɨ Israel nchu̱ichí ráa sava rá su̱tu̱ꞌ jín sava rá te̱e tataꞌ Leví, ya̱ sátíñú nu̱u̱nꞌ veñu̱ꞌun káꞌnú, ne̱ nu̱u̱nꞌ ñuunꞌ Jerusalén kɨ̱ꞌɨ̱nꞌ ráa nu̱u̱nꞌ Juan sáva katu̱ꞌún ráa re̱ꞌ: ―¿Né ɨɨn kúvi nú? Jee yaꞌá ví ya̱ naáꞌ njia̱ꞌa Juan.

Juan 1:25

Jee ni̱ka̱tu̱ꞌún ráa Juan, jee nkachiꞌ ráa nu̱u̱nꞌ re̱ꞌ: ―¿Na̱kui chi síkuánuté nú retú nsú noꞌó kúvi Cristo, ni Elías, ni máá te̱e ya̱ íyó kiji nakani tu̱ꞌun kene yuꞌú Ndiosíꞌ rúja? ―nkachiꞌ ráa.

Juan 6:30

Saáva nkachiꞌ ráa nu̱u̱nꞌ re̱ꞌ: ―¿Na̱ seña a̱nasɨ́ saꞌá nú sáva kuniꞌ ráníꞌ maa, sáva i̱nu̱ꞌ iniꞌ ránꞌ noꞌó? ¿Na̱ tiñu saꞌá nú?

Hechos 4:7

Jee ñani ráa Pedro jín Juan ma̱ꞌñú ráa, jee nxi̱náꞌmáꞌ ráa rává: ―¿Na̱ fesáꞌ ííꞌ níso rán?, áxí, ¿nu̱u̱nꞌ né ɨɨn súví nsa̱ꞌá rán tiñu yaꞌá?

Hechos 5:28

―Nta̱túníꞌ ni̱ꞌin ráníꞌ nu̱u̱nꞌ rán, ya̱ koto xínéꞌénꞌ rán ka̱ꞌ tu̱ꞌun nu̱u̱nꞌ súví te̱e vá. ¡Soo kune̱ꞌyá rán! Nchu̱chítú rán ñuunꞌ Jerusalén jín tu̱ꞌun xínéꞌénꞌ rán. Jee kuíni rán saꞌá rán si̱kɨ̱ꞌ ránuꞌuꞌ jie̱ꞌe̱ꞌ ya̱ níꞌiꞌ te̱e vá ―nkachiꞌ su̱tu̱ꞌ kúñáꞌnú ka̱ꞌ.