Juan 2:10 - Mixteco del suroeste de Tlaxiaco Oaxaca

¹⁰ Jee nkachiꞌ re̱ꞌ nu̱u̱nꞌ‑u: ―Nta̱ká ñɨvɨ jee xíꞌna ka̱ꞌ jiáꞌa ráa maá nixiꞌ nu̱xi uva váꞌa ka̱ꞌ. Jee sáá ya̱ jíjin rá ñɨvɨ jee jiáꞌa ráa nixiꞌ nu̱xi uva láꞌví ka̱ꞌ. Soo noꞌó chi nte̱va̱ꞌa nú ya̱ váꞌa ka̱ꞌ ne̱ ntañúꞌún.

Juan 2:10 Iomraidhean Croise

Génesis 43:34

Jee ne̱ nu̱u̱nꞌ mesa maáréꞌ njia̱ꞌa ya̱ kajiꞌ ta ɨɨn ráa, jee nu̱u̱nꞌ Benjamín njia̱ꞌa kue̱ꞌe̱ꞌ víꞌí ka̱ꞌ kajiꞌ re̱ꞌ, chi njia̱ꞌa ya̱ kajiꞌ‑i u̱ꞌu̱nꞌ íchí ka̱ꞌ nsú káꞌ rá inka ka̱ꞌ. Jee niꞌi nkaa ráa jín re̱ꞌ jee nnusɨ̱ɨ̱ꞌ víꞌí iniꞌ ráa jín re̱ꞌ.

Mateo 24:49

jee kajiéꞌé ku̱ꞌva re̱ꞌ rá táꞌán musúꞌ re̱ꞌ, jee kajiꞌ re̱ꞌ koꞌo re̱ꞌ jín rá ñɨvɨ jíni.

Lucas 12:45

Soo retú jiáni iniꞌ musúꞌ vá iniꞌ ánímaꞌ re̱ꞌ: “Kúkuéé i̱toꞌoꞌ ni̱ꞌ nenta re̱ꞌ”, jee kajiéꞌé ku̱ꞌva re̱ꞌ rá te̱e jín rá ñaꞌan kúvi musúꞌ yɨ́ꞌɨ́ xi̱ntíín re̱ꞌ jee kajiꞌ re̱ꞌ koꞌo re̱ꞌ jee ku̱ni re̱ꞌ,

Lucas 16:25

’Soo nkachiꞌ Abraham nu̱u̱nꞌ re̱ꞌ: “Se̱ꞌya, naku̱ꞌun iniꞌ nú ya̱ nni̱ꞌi̱nꞌ nú rá váꞌa nú sáá ntekuꞌ nú iniꞌ ñɨ̱vɨ́, soo Lázaro chi nni̱ꞌi̱nꞌ re̱ꞌ rá niváꞌa. Soo vitan jee nániꞌinꞌ neí iniꞌ re̱ꞌ yaꞌá, jee noꞌó chi nóꞌo nú.

Hechos 2:15

Chi ntu jíni rá te̱e yaꞌá sáni jiáni iniꞌ rán, chi kaɨ̱ɨ̱nꞌ ya̱neꞌenꞌ ví.

1 Corintios 11:21

chi sáá yájíꞌ rán, jee ta ɨɨn rán xíꞌnañúꞌún ka̱ꞌ tɨ́ɨn‑ɨ xíní maáa ya̱ kajiꞌ‑i. Jee ɨɨn ñɨvɨ ntu̱ví níꞌínꞌ‑i ya̱ kajiꞌ‑i jee jíꞌíꞌ‑i so̱ko, jee inka ka̱ꞌ ñɨvɨ jíni‑i.

Efesios 5:18

Jee koto jíꞌi rán nixiꞌ ne̱ ku̱ni rán, ya̱ stívɨ́ rán maárán. Chisaꞌ kukánáa iniꞌ ánímaꞌ rán kɨꞌɨ chitú Ta̱chi̱ꞌ Ííꞌ Ndiosíꞌ ya̱ kuneí‑i kunaka‑a ránoꞌó.

1 Tesalonicenses 5:7

Chi kíxíꞌ rá ñɨvɨ yakuááꞌ. Jee rá te̱e jíni jíꞌi ráa yakuááꞌ.

Apoclipsis 17:2

Jee rá te̱e nísotíñú ya̱ tátúníꞌ nu̱u̱nꞌ rá ñuunꞌ íyó ñɨ̱vɨ́, kuéntáꞌ nsa̱ꞌá téní ráa jín ñaꞌan vá, jee kuéntáꞌ nsa̱ꞌá téní ña nsi̱jíta ña xi̱ni̱ꞌ rá ñɨvɨ nééꞌ ñɨ̱vɨ́ ne̱ ni̱so̱ꞌ ni̱ñɨ̱ꞌ ráa, kuéntáꞌ njia̱ꞌa ña nixiꞌ vinúꞌ uva niꞌi ráa ne̱ ni̱ni ráa.

Apoclipsis 17:6

Jee niniꞌ ni̱ꞌ ya̱ jíni ñaꞌan vá jín ni̱ñɨ̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Ndiosíꞌ, jín ni̱ñɨ̱ꞌ rá ñɨvɨ ya̱ nnákani ráa ya̱ nááꞌ jie̱ꞌe̱ꞌ Jesús, ya̱ káchíꞌ‑ó ya̱ ñaꞌniꞌ víꞌí ña ráa. Jee nti̱vɨ́ víꞌí xíniꞌ ni̱ꞌ sáá niniꞌ ni̱ꞌ ña.