Juan 19:20 - Mixteco del suroeste de Tlaxiaco Oaxaca

²⁰ Jee kue̱ꞌe̱ꞌ víꞌí rá ñɨvɨ Israel nkaꞌvi ráa tu̱ꞌun níso xi̱ni̱ꞌ kurúsiꞌ vá, chi nu̱u̱nꞌ nte̱kaa ráa Jesús jee káá‑a yatin ñuunꞌ, jee xi̱ni̱ꞌ kurúsiꞌ vá ntee ráa tu̱ꞌun hebreo, jín tu̱ꞌun griego, jín tu̱ꞌun latín.

Juan 19:20 Iomraidhean Croise

Lucas 23:38

Jee suni nééꞌ ɨɨn tutuꞌ xi̱ni̱ꞌ kurúsiꞌ re̱ꞌ nu̱u̱nꞌ kúvi xi̱ni̱ꞌ re̱ꞌ nu̱u̱nꞌ ntee ráa [rá tu̱ꞌun griego, jín tu̱ꞌun latín, jín tu̱ꞌun hebreo], jee káchíꞌ tu̱ꞌun vá suꞌva: “Te̱e kúñáꞌnú tátúníꞌ nu̱u̱nꞌ rá ñɨvɨ ñuunꞌ Israel kúvi te̱e yaꞌá”, káchíꞌ‑i.

Juan 19:13

Saájee sáá nteso̱ꞌo Pilato rá tu̱ꞌun yaꞌá, jee nta̱jí re̱ꞌ ntavaꞌ ráa Jesús chíkéꞌi, jee ña̱kuneeꞌ re̱ꞌ nu̱u̱nꞌ teyuꞌ kúñáꞌnú nu̱u̱nꞌ tátúníꞌ re̱ꞌ, jee yukuán naní nu̱u̱nꞌ káá piso yu̱u̱ꞌ, jee tu̱ꞌun hebreo naní Gabata.

Juan 19:42

Jee saájee yukuán nchi̱só ráa ñunéꞌyúꞌ Jesús, chi jie̱ꞌe̱ꞌ nééꞌ yatin yaviꞌ yu̱u̱ꞌ vá yukuán chi jie̱ꞌe̱ꞌ ni ka̱ꞌ ya̱ nkenta nku̱yatin ki̱vɨ̱ꞌ nájiáví rá ñɨvɨ Israel.

Juan 5:2

Jee nu̱u̱nꞌ ñuunꞌ Jerusalén vá íyó ɨɨn pila nute ya̱ naní Betesda tu̱ꞌun hebreo. Jee káá pila vá yatin ɨɨn rá yuvéꞌí nu̱u̱nꞌ ki̱vɨ̱ꞌ rá ñɨvɨ ñuunꞌ Jerusalén naní‑i Yuvéꞌí Lanchi. Jee íyó ne̱ u̱ꞌu̱nꞌ yúvéꞌi pila vá.

Hechos 21:37

Sáá ma̱kuáꞌ ki̱vɨ ráa iniꞌ veꞌi vá, jee Pablo nkachiꞌ nu̱u̱nꞌ general: ―¿Á kuvi kachiꞌ ni̱ꞌ ntíꞌ nu̱u̱nꞌ nú? Jee nkachiꞌ general: ―¿Á jíníꞌ nú kaꞌanꞌ nú tu̱ꞌun griego?

Hechos 21:40

Jee sáá ña̱netuꞌ general kaꞌanꞌ‑a, jee ña̱kui̱ñɨ̱ꞌ Pablo nu̱u̱nꞌ escalerá, jee ntee re̱ꞌ naꞌá re̱ꞌ nu̱u̱nꞌ ráa, sáva níín koo ráa. Jee sáá níín nkuvi ráa jee nkaꞌanꞌ re̱ꞌ tu̱ꞌun hebreo:

Hechos 22:2

Sáá nteso̱ꞌo ráa ya̱ nkaꞌanꞌ‑a tu̱ꞌun hebreo, jee níín ka̱ꞌ nkuvi ráa. Jee nkachiꞌ‑i:

Hechos 26:14

Jee sáá nna̱niso nɨꞌɨ ránꞌ nu̱u̱nꞌ ñuꞌún, jee nteso̱ꞌo ni̱ꞌ ɨɨn ta̱chi̱yuꞌú nkachiꞌ nu̱u̱nꞌ ni̱ꞌ tu̱ꞌun hebreo: “¡Saulo! ¡Saulo! ¿Na̱kui chi sáꞌá kini nú nuꞌuꞌ? Sáꞌá kini nú maánú [kuéntáꞌ sáꞌá ɨɨn xi̱ni̱kɨ̱ꞌ sáá] jiáñúꞌ ti̱ꞌ xi̱ni̱ꞌ yutun xe̱e̱nꞌ [jee túfíꞌ ti̱ꞌ].”

Hebreos 13:12

Jee suni sukuán nnoꞌo Jesús ne̱ yuñúúnꞌ jee ni̱ꞌi̱ꞌ re̱ꞌ ñatɨ ni̱ñɨ̱ꞌ re̱ꞌ, sáva jín ni̱ñɨ̱ꞌ maáréꞌ sasɨ́ɨ́n re̱ꞌ ñɨvɨ nu̱u̱nꞌ kua̱chi ráa sáva kuvi ráa ñɨvɨ Ndiosíꞌ.

Apoclipsis 16:16

Jee nna̱stútú rá ta̱chi̱ꞌ kíni vá rá ñɨvɨ tátúníꞌ vá jín rá soldado ráa ɨɨn nu̱u̱nꞌ naní Armagedón, tu̱ꞌun káꞌánꞌ rá ñɨvɨ hebreo kúvi‑i.

Apoclipsis 9:11

Jee íyó ɨɨn ya tátúníꞌ ya̱ kúñáꞌnú nu̱u̱nꞌ rátíꞌ. Kúvi‑i ɨɨn najiáꞌáꞌ kánéꞌén ya̱ kúmí‑i numaꞌ yukuán ya̱ ntu jínu nu̱u̱nꞌ kúnú‑u. Jee tu̱ꞌun káꞌánꞌ rá ñɨvɨ hebreo súví najiáꞌáꞌ vá ví Abadón, jee tu̱ꞌun káꞌánꞌ rá ñɨvɨ griego súví najiáꞌáꞌ vá ví Apolión.