Juan 19:13 - Mixteco del suroeste de Tlaxiaco Oaxaca

¹³ Saájee sáá nteso̱ꞌo Pilato rá tu̱ꞌun yaꞌá, jee nta̱jí re̱ꞌ ntavaꞌ ráa Jesús chíkéꞌi, jee ña̱kuneeꞌ re̱ꞌ nu̱u̱nꞌ teyuꞌ kúñáꞌnú nu̱u̱nꞌ tátúníꞌ re̱ꞌ, jee yukuán naní nu̱u̱nꞌ káá piso yu̱u̱ꞌ, jee tu̱ꞌun hebreo naní Gabata.

Juan 19:13 Iomraidhean Croise

Mateo 27:19

Jee ni nééꞌ Pilato nu̱u̱nꞌ teyuꞌ nu̱u̱nꞌ jiéꞌnéꞌ re̱ꞌ kua̱chi, jee nta̱jí ñasɨ́ꞌɨ́ re̱ꞌ tu̱ꞌun nu̱u̱nꞌ re̱ꞌ ya̱ káchíꞌ‑i: ―Koto jíꞌín nú jiéꞌnéꞌ kua̱chi si̱kɨ̱ꞌ te̱e na̱a̱ꞌ i̱ña̱ꞌ, chi vitan nnoꞌo víꞌí ni̱ꞌ nsa̱ꞌá ña̱ní nu̱u̱nꞌ ñuma̱ꞌná ni̱ꞌ jie̱ꞌe̱ꞌ re̱ꞌ ―nkachiꞌ ñaꞌ.

Lucas 12:5

Soo xinéꞌénꞌ ni̱ꞌ nu̱u̱nꞌ rán né ɨɨn vá íyó kuyu̱ꞌví rán: ya̱ íyó kuyu̱ꞌví rán ví Ndiosíꞌ, chi ré njia̱ꞌa ya̱ nsa̱ꞌá re̱ꞌ ya̱ jíꞌíꞌ rán, jee níso re̱ꞌ fuersáꞌ ííꞌ níꞌin re̱ꞌ ya̱ kuvi chuꞌun re̱ꞌ ránoꞌó nu̱u̱nꞌ ñuꞌúnꞌ xéénꞌ. Jee saáva káchíꞌ ni̱ꞌ nu̱u̱nꞌ rán ya̱ íyó nijia ya̱ maáréꞌ ví ya̱ íyó kuyu̱ꞌví rán.

Juan 19:17

Jee níso Jesús kurúsiꞌ re̱ꞌ, jee nkene re̱ꞌ kua̱ꞌa̱nꞌ re̱ꞌ nu̱u̱nꞌ naní Yɨkɨ Xíníꞌ Ni̱yɨ, jee tu̱ꞌun hebreo naní Gólgota.

Juan 19:20

Jee kue̱ꞌe̱ꞌ víꞌí rá ñɨvɨ Israel nkaꞌvi ráa tu̱ꞌun níso xi̱ni̱ꞌ kurúsiꞌ vá, chi nu̱u̱nꞌ nte̱kaa ráa Jesús jee káá‑a yatin ñuunꞌ, jee xi̱ni̱ꞌ kurúsiꞌ vá ntee ráa tu̱ꞌun hebreo, jín tu̱ꞌun griego, jín tu̱ꞌun latín.

Juan 19:8

Soo sáá nteso̱ꞌo Pilato rá tu̱ꞌun yaꞌá, jee nyu̱ꞌví nasɨ́kuitɨꞌ re̱ꞌ ka̱ꞌ.

Juan 5:2

Jee nu̱u̱nꞌ ñuunꞌ Jerusalén vá íyó ɨɨn pila nute ya̱ naní Betesda tu̱ꞌun hebreo. Jee káá pila vá yatin ɨɨn rá yuvéꞌí nu̱u̱nꞌ ki̱vɨ̱ꞌ rá ñɨvɨ ñuunꞌ Jerusalén naní‑i Yuvéꞌí Lanchi. Jee íyó ne̱ u̱ꞌu̱nꞌ yúvéꞌi pila vá.

Hechos 4:19

Soo Pedro jín Juan nkachiꞌ rává nu̱u̱nꞌ ráa: ―I̱ña̱vá kachiꞌ maárán ré na̱a̱ꞌ ví‑i nu̱u̱nꞌ Ndiosíꞌ, retú kaníjiá ránꞌ ránoꞌó, nsú káꞌ kaníjiá ránꞌ Ndiosíꞌ.