Juan 18:8 - Mixteco del suroeste de Tlaxiaco Oaxaca

⁸ Jee nna̱xiníkó Jesús: ―Ya nkachiꞌ ni̱ꞌ nu̱u̱nꞌ rán ya̱ Nuꞌuꞌ Ví‑i. Jee saáva retú nuꞌuꞌ kúvi ya̱ nánukú rán, jee ku̱ꞌva rán nkɨ́ꞌɨ́nꞌ rá te̱e kútáꞌán jín nuꞌuꞌ yaꞌá.

Juan 18:8 Iomraidhean Croise

Mateo 26:56

Soo nɨꞌɨ yaꞌá kúvi suꞌva sáva sikúnkuvi rá tu̱ꞌun nééꞌ nu̱u̱nꞌ Tutuꞌ níso Tu̱ꞌun Ndiosíꞌ ya̱ ntee rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán ―nkachiꞌ Jesús. Saájee ntáká rá te̱e súkuáꞌa re̱ꞌ ráa nkeꞌen ráa nxi̱nóo ráa re̱ꞌ jee ninu ráa kua̱ꞌa̱nꞌ ráa.

Juan 10:28

Jee ku̱ꞌva ni̱ꞌ nu̱u̱nꞌ ráa ya̱ kutekuꞌ ráa nɨ́ɨ́nkání jín nuꞌuꞌ, soo ni nsáꞌ kuviꞌ ánímaꞌ ráa chi koo ráa jín Ndiosíꞌ nɨ́ɨ́nkání, jee ni ɨɨn ntu̱náꞌ kaneeꞌ‑e rá ñɨvɨ vá naꞌá ni̱ꞌ.

Juan 13:1

Saájee chi̱ji viko Pascua jee ya̱ jíníꞌ Jesús ya̱ nkenta ki̱vɨ̱ꞌ ya̱ kene re̱ꞌ iniꞌ ñɨ̱vɨ́ yaꞌá kɨ̱ꞌɨ̱nꞌ re̱ꞌ nu̱u̱nꞌ Tátáꞌ re̱ꞌ. Jee ñúnúunꞌ re̱ꞌ rá ñɨvɨ maáréꞌ [ya̱ súkuáꞌa re̱ꞌ ráa] ya̱ nééꞌ iniꞌ ñɨ̱vɨ́, jee ñúnúunꞌ re̱ꞌ ráa ne̱ ki̱vɨ̱ꞌ nu̱u̱nꞌ nɨ́ꞌɨ ntekuꞌ re̱ꞌ iniꞌ ñɨ̱vɨ́ yaꞌá.

Juan 13:36

Jee nkachiꞌ Simón Pedro nu̱u̱nꞌ Jesús: ―I̱toꞌoꞌ, ¿né núꞌ kɨ̱ꞌɨ̱nꞌ nú? Jee nna̱xiníkó Jesús: ―Nu̱u̱nꞌ kɨ̱ꞌɨ̱nꞌ ni̱ꞌ, jee nkúvi kunikɨnꞌ nú nuꞌuꞌ ntañúꞌún. Soo ne̱ kuéé ka̱ꞌ jee kunikɨnꞌ nú nuꞌuꞌ ―nkachiꞌ Jesús.

Juan 16:32

Vitan jee ya̱ nku̱yatin hora, jee ya̱ nkenta tiempúꞌ, ya̱ kutenuun ta ɨɨn ɨɨn rán kɨ̱noꞌonꞌ rán ta veꞌi rán, jee xinóo métúꞌún rán nuꞌuꞌ. Soo nsáꞌ kino̱o métúꞌún ni̱ꞌ, chi íyó Tátáꞌ ni̱ꞌ jín ni̱ꞌ.

Juan 18:7

Jee saáva tukuni ni̱ka̱tu̱ꞌún Jesús ráa: ―¿Né ɨɨn nánukú rán? Jee nkachiꞌ ráa: ―Jesús tée ñuunꞌ Nazaret ―nkachiꞌ ráa.

Juan 18:9

Nkachiꞌ re̱ꞌ sukuán sáva sikúnkuvi tu̱ꞌun ya̱ nkaꞌanꞌ re̱ꞌ jín Tátáꞌ re̱ꞌ Ndiosíꞌ, sáá nkachiꞌ re̱ꞌ: “Rá ñɨvɨ ya̱ ntaji nú nu̱u̱nꞌ ni̱ꞌ, jee ntu̱ví nsu̱kuíta ni̱ꞌ ni ɨɨn ráa”, nkachiꞌ re̱ꞌ.

1 Corintios 10:13

Chi íyó ya̱ nóꞌo rán ya̱ núkú‑u sikívɨ‑ɨ ránoꞌó nu̱u̱nꞌ kua̱chi, chi suni kua̱ꞌ nóꞌo rán suni sukuán nóꞌo rá inka ka̱ꞌ rá ñɨvɨ. Soo na̱a̱ꞌ síkúnkuvi Ndiosíꞌ jee kúvi kuneí iniꞌ rán re̱ꞌ, chi ntu yɨ́netuꞌ re̱ꞌ sikúvi iniꞌ rán ka̱ꞌ nsú ká kuvi kúneí rán jín‑i. Chisaꞌ sáá síkúvi iniꞌ rán saꞌá rán kua̱chi, jee máá Ndiosíꞌ chineí re̱ꞌ ránoꞌó sáva kuvi kuneí rán ka̱ku rán nu̱u̱nꞌ kua̱chi vá sáva kuvi keꞌneꞌ iniꞌ rán ya̱ nóꞌo rán.

2 Corintios 12:9

Soo nkachiꞌ re̱ꞌ nu̱u̱nꞌ ni̱ꞌ: “Íyó nñátin nu̱u̱nꞌ nú ya̱ ma̱ni̱ꞌ iniꞌ ni̱ꞌ néꞌyá ni̱ꞌ noꞌó, ya̱ chíneí chítuvi ni̱ꞌ noꞌó, chi fuersáꞌ ííꞌ ni̱ꞌ síjínu tiñu ni̱ꞌ iniꞌ ñɨvɨ ya̱ táyáꞌ iniꞌ‑i ne̱ tu̱vi nijinꞌ nijia”, nkachiꞌ I̱toꞌoꞌ‑ó. Saáva kúsɨ́ɨꞌ iniꞌ ni̱ꞌ kaꞌanꞌ téyɨ́ɨ́ ni̱ꞌ jie̱ꞌe̱ꞌ táyáꞌ iniꞌ maáníꞌ, sáva sátíñú fuersáꞌ ííꞌ Cristo iniꞌ ni̱ꞌ.

Efesios 5:25

Jee rá te̱e ya̱ kúvi yɨɨ́, íyó kunu̱u̱nꞌ ráa ñasɨ́ꞌɨ́ ráa, kuéntáꞌ kua̱ꞌ nñunu̱u̱nꞌ Cristo yó ya̱ kúneí iniꞌ‑ó re̱ꞌ, jee nna̱ku̱ꞌva re̱ꞌ maáréꞌ ni̱ꞌi̱ꞌ re̱ꞌ jie̱ꞌe̱ꞌ‑ó.

1 Pedro 5:7

Naku̱ꞌva rán nu̱u̱nꞌ Ndiosíꞌ ntáká rá tiñu xínániꞌvɨꞌ iniꞌ íyó rán, chi máá re̱ꞌ ví ya̱ kúmí re̱ꞌ ránoꞌó.