Juan 18:32 - Mixteco del suroeste de Tlaxiaco Oaxaca

³² Jee sukuán nsi̱kúnkuvi nu̱u̱nꞌ rá tu̱ꞌun nkachiꞌ Jesús jie̱ꞌe̱ꞌ ya̱ na̱sa íyó kuviꞌ re̱ꞌ.

Juan 18:32 Iomraidhean Croise

Mateo 20:19

Jee naku̱ꞌva ráa nuꞌuꞌ xi̱ntíín rá ñɨvɨ ya̱ ntu kúvi nación Israel, jee kaꞌanꞌ u̱ꞌvi̱ꞌ ráa kune̱ꞌyá ráa nuꞌuꞌ, jee kuun ráa yoꞌo nuꞌuꞌ, jee tekaa ráa nuꞌuꞌ nu̱u̱nꞌ kurúsiꞌ, jee kuviꞌ ni̱ꞌ, soo ki̱vɨ̱ꞌ uníꞌ jee natekuꞌ i̱i̱ꞌ ni̱ꞌ kene ni̱ꞌ nteñu rá ni̱yɨ ―nkachiꞌ Jesús.

Mateo 26:2

―Ya jíníꞌ rán ya̱ u̱vi̱ꞌ ni ka̱ꞌ ki̱vɨ̱ꞌ kúníꞌ jee koo viko Pascua, jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee naku̱ꞌva rá ñɨvɨ nuꞌuꞌ sáva kuntakaa ni̱ꞌ nu̱u̱nꞌ kurúsiꞌ ―nkachiꞌ Jesús.

Marcos 10:33

―Kune̱ꞌyá rán. Kua̱nkaa‑ó ñuunꞌ káꞌnú Jerusalén. Jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee naku̱ꞌva ɨɨn te̱e nuꞌuꞌ nu̱u̱nꞌ rá su̱tu̱ꞌ kúñáꞌnú jín nu̱u̱nꞌ rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ. Jee sanáaꞌ ráa ya̱ kaꞌniꞌ ráa nuꞌuꞌ. Jee naku̱ꞌva ráa nuꞌuꞌ xi̱ntíín rá ñɨvɨ ya̱ ntu kúvi nación Israel.

Juan 10:31

Saájee rá te̱e kúñáꞌnú nu̱u̱nꞌ ñuunꞌ Israel nna̱keꞌen tuku ráa yu̱u̱ꞌ sáva kuun ráa maa Jesús.

Juan 10:33

Jee rá te̱e kúñáꞌnú nu̱u̱nꞌ ñuunꞌ Israel nna̱xiníkó ráa nu̱u̱nꞌ Jesús: ―Nsú jie̱ꞌe̱ꞌ ɨɨn tiñu va̱ꞌa nsa̱ꞌá nú kúvi ya̱ kuun ránꞌ yu̱u̱ꞌ noꞌó, chisaꞌ jie̱ꞌe̱ꞌ ya̱ káꞌánꞌ nú tu̱níváꞌa jie̱ꞌe̱ꞌ Ndiosíꞌ kúvi ya̱ kuun ránꞌ yu̱u̱ꞌ noꞌó. Chi noꞌó ya̱ kúvi nú te̱e, jee káchíꞌ nú ya̱ kúvi nú Ndiosíꞌ ―nkachiꞌ ráa.

Juan 13:18

’Nsú jie̱ꞌe̱ꞌ ntáká rán káꞌánꞌ ni̱ꞌ. Chi jíníꞌ ni̱ꞌ né ɨɨn ví ránoꞌó ya̱ nka̱ji ni̱ꞌ. Soo sáva sikúnkuvi rá tu̱ꞌun ya̱ nééꞌ nu̱u̱nꞌ Tutuꞌ níso Tu̱ꞌun Ndiosíꞌ ya̱ káꞌánꞌ‑a jie̱ꞌe̱ꞌ nuꞌuꞌ, jee káchíꞌ‑i: Te̱e ya̱ yájíꞌ nkáá jín nuꞌuꞌ, jee nkenta re̱ꞌ si̱kɨ̱ꞌ ni̱ꞌ, káchíꞌ nu̱u̱nꞌ Tutuꞌ.

Juan 18:31

Saájee nkachiꞌ Pilato nu̱u̱nꞌ ráa: ―Kuáꞌán rán jín‑i jee saꞌá na̱a̱ꞌ rán kua̱chi si̱kɨ̱ꞌ‑ɨ kua̱ꞌ káchíꞌ ley rán. Jee nna̱xiníkó rá te̱e kúñáꞌnú nu̱u̱nꞌ ñuunꞌ Israel nu̱u̱nꞌ re̱ꞌ: ―Soo ntu jiáꞌa te̱e tátúnúꞌ Roma nu̱u̱nꞌ ránuꞌuꞌ kaꞌniꞌ ránꞌ ni ɨɨn ñɨvɨ.

Juan 21:19

Nkachiꞌ Jesús rá tu̱ꞌun yaꞌá sáva stúvi‑i na̱ja kuviꞌ Pedro, jee jie̱ꞌe̱ꞌ na̱ja kuviꞌ Pedro stúvi‑i ya̱ kúñáꞌnú nasɨ́kuitɨꞌ Ndiosíꞌ. Jee sáá nkuvi nkachiꞌ Jesús rá tu̱ꞌun yaꞌá, jee kuíre nkachiꞌ tuku re̱ꞌ nu̱u̱nꞌ Pedro: ―¡Kunikɨnꞌ nuꞌuꞌ!

Juan 3:14

Kuéntáꞌ nkuvi sáá nsi̱káa Moisés nte̱kaa re̱ꞌ ɨɨn ko̱o̱ꞌ ka̱a nu̱u̱nꞌ yutun nu̱u̱nꞌ ñu̱ꞌún saɨn, jee suni sukuán íyó sikáa ñɨvɨ tekaa ráa nuꞌuꞌ nu̱u̱nꞌ yutun, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Juan 8:28

Saájee nkachiꞌ Jesús: ―Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, sáá xináa rán nuꞌuꞌ nu̱u̱nꞌ kurúsiꞌ, jee kuniꞌ rán ya̱ Nuꞌuꞌ Ví‑i, ya̱ káchíꞌ ni̱ꞌ, Jee kuniꞌ rán ya̱ ni ɨɨn tiñu ntu sáꞌá ni̱ꞌ ya̱ máá maáníꞌ. Chisaꞌ sáꞌá ni̱ꞌ sánikua̱ꞌ nxi̱néꞌénꞌ Tátáꞌ ni̱ꞌ nuꞌuꞌ, jee rá tu̱ꞌun yukuán ví ya̱ káchíꞌ ni̱ꞌ.

Hechos 7:59

Jee ni kúun ráa yu̱u̱ꞌ Esteban, jee ni̱ka̱nꞌ táꞌvíꞌ re̱ꞌ, jee nkachiꞌ re̱ꞌ: ―¡I̱toꞌoꞌ ni̱ꞌ Jesús! Nakeꞌen ta̱chi̱ꞌ káꞌánꞌ ni̱ꞌ.

Gálatas 3:13

Cristo nchu̱náán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi sáꞌá‑ó, sáva nakani núne re̱ꞌ yó nu̱u̱nꞌ ya̱ chísónínu tu̱ꞌun ley yó. Chi nkenta nyosoni̱nu re̱ꞌ sáva kuvi ya̱ váꞌa nu̱u̱nꞌ‑ó, chi níso nu̱u̱nꞌ Tutuꞌ Tu̱ꞌun Ndiosíꞌ ya̱: “Yósóni̱nu nta̱ká ñɨvɨ níntakaa nu̱u̱nꞌ yutun.”