Juan 18:3 - Mixteco del suroeste de Tlaxiaco Oaxaca

³ Saájee nkenta Judas yukuán náka kue̱ꞌe̱ꞌ víꞌí rá soldado, jín rá te̱e kúmí veñu̱ꞌun káꞌnú, ya̱ nta̱jí rá su̱tu̱ꞌ kúñáꞌnú jín rá fariseo ráa kua̱ꞌa̱nꞌ ráa, jee ínaꞌá ráa rá kantil, jín rá ñuꞌunꞌ itɨ sújié, jee níso ráa rá yuchiꞌ espada ráa.

Juan 18:3 Iomraidhean Croise

Mateo 25:1

’Saájee, nééꞌ Ndiosíꞌ antivɨ́ súkún jee suꞌva kenta tatúníꞌ re̱ꞌ nu̱u̱nꞌ rá ñɨvɨ kívɨ naꞌá re̱ꞌ kuéntáꞌ u̱ji̱ꞌ rá ñaꞌan súchí núún íyó ninuꞌun, ya̱ ntɨɨn tanu̱u̱nꞌ ráa kantil ráa, jee nkene ráa kua̱taꞌanꞌ ráa te̱e tánáꞌá.

Juan 13:2

Jee viko Pascua ni kúxíní Jesús jín rá te̱e súkuáꞌa re̱ꞌ ráa, jee ya nchuꞌun kui̱ꞌna̱ꞌ kúñáꞌnú iniꞌ ánímaꞌ Judas ya̱ naku̱ꞌva re̱ꞌ Jesús xi̱ntíín rá te̱e kánéꞌén. Judas kúvi se̱ꞌya Simón Iscariote.

Juan 18:12

Saájee rá soldado jín te̱e tátúníꞌ nu̱u̱nꞌ ráa, jín rá te̱e kúmí veñu̱ꞌun káꞌnú ya̱ nta̱jí rá te̱e kúñáꞌnú nu̱u̱nꞌ Israel, ntɨɨn ráa Jesús, jee nte̱nuꞌniꞌ ráa re̱ꞌ.

Juan 18:18

Jee rá musúꞌ jín rá te̱e ya̱ kúmí veñu̱ꞌun káꞌnú nsta̱ꞌánꞌ ráa ñuꞌunꞌ chi vi̱jin, jee núvixinꞌ ráa. Jee suni nu̱u̱nꞌ íñɨ́ ráa yukuán íñɨ́ Pedro núvixinꞌ re̱ꞌ ranika̱ꞌ.

Juan 18:22

Jee sáá nkachiꞌ Jesús rá tu̱ꞌun yaꞌá, ɨɨn rá te̱e ya̱ íñɨ́ yukuán, ya̱ kúmí veñu̱ꞌun káꞌnú, jee nkatuꞌ te̱e vá nu̱u̱nꞌ Jesús jee nkachiꞌ‑i nu̱u̱nꞌ re̱ꞌ: ―¿Á sukuán náxiníkó nú nu̱u̱nꞌ su̱tu̱ꞌ kúñáꞌnú rúja?

Juan 19:6

Rá su̱tu̱ꞌ kúñáꞌnú jín rá te̱e kúmí veñu̱ꞌun káꞌnú sáá niniꞌ ráa Jesús, jee nka̱najíín ráa, jee nkachiꞌ ráa: ―¡Tekaa maa nu̱u̱nꞌ kurúsiꞌ! ¡Tekaa maa nu̱u̱nꞌ kurúsiꞌ! ―nkachiꞌ ráa. Jee nkachiꞌ Pilato nu̱u̱nꞌ ráa: ―Yaꞌá rán te̱e yaꞌá, jee tekaa maárán maa. Chi nuꞌuꞌ jee ni ntu̱náꞌ kua̱chi nnániꞌinꞌ ni̱ꞌ si̱kɨ̱ꞌ re̱ꞌ ―nkachiꞌ Pilato.

Juan 7:32

Sáá nteso̱ꞌo rá te̱e fariseo tu̱ꞌun yaꞌá ya̱ káchíꞌ rá ñɨvɨ jee nchu̱ichí rá su̱tu̱ꞌ kúñáꞌnú jín rá fariseo vá rá te̱e kúmí yukuán sáva tɨɨn ráa Jesús.

Hechos 1:16

―¡Ránoꞌó ñanitáꞌán! Ni̱yo ya̱ sikúnkuvi Ndiosíꞌ tu̱ꞌun jie̱ꞌe̱ꞌ Judas ya̱ njia̱ꞌa Ta̱chi̱ꞌ Ííꞌ Ndiosíꞌ nu̱u̱nꞌ David, ne̱ yanaꞌán, jee ntee re̱ꞌ maa nu̱u̱nꞌ Tutuꞌ níso Tu̱ꞌun Ndiosíꞌ. Jee Judas ví ya̱ nyosoꞌ nu̱u̱nꞌ rá te̱e ya̱ ntɨɨn ráa Jesús.

Hechos 10:1

Íyó ɨɨn te̱e nééꞌ ñuunꞌ Cesarea, ya̱ naní re̱ꞌ Cornelio. Kúvi re̱ꞌ capitán ya̱ tátúníꞌ nu̱u̱nꞌ ɨɨn sientúꞌ (100) soldado ejército Roma. Yɨ́ꞌɨ́ re̱ꞌ nu̱u̱nꞌ batallón naní Italiano.