Biblia Todo Logo
Bìoball air-loidhne

- Sanasan -




Juan 18:20 - Mixteco del suroeste de Tlaxiaco Oaxaca

20 Jee nna̱xiníkó Jesús nu̱u̱nꞌ re̱ꞌ: ―Nuꞌuꞌ, jee nu̱u̱nꞌ nijinꞌ nu̱u̱nꞌ íyó chitú ñɨvɨ nkaꞌanꞌ ni̱ꞌ. Jee sukuáni nxi̱néꞌénꞌ ni̱ꞌ maa iniꞌ rá veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ, jín chíkéꞌi iniꞌ veñu̱ꞌun káꞌnú, nu̱u̱nꞌ nútútú ntáká rá ñɨvɨ Israel. Jee ni ɨɨn tu̱ꞌun ntu̱náꞌ nkáꞌánꞌ yuꞌuꞌ kuitɨꞌ ni̱ꞌ.

Faic an caibideil Dèan lethbhreac




Juan 18:20
25 Iomraidhean Croise  

Saáva retú káchíꞌ ráa nu̱u̱nꞌ ránoꞌó: “Kune̱ꞌyá, íñɨ́ Cristo ne̱ nu̱u̱nꞌ ñu̱ꞌún saɨn nu̱u̱nꞌ ntu̱náꞌ íyó yukuán”, kachiꞌ ráa, jee koto kéne rán kɨ̱ꞌɨ̱nꞌ rán kune̱ꞌyá rán yukuán. Áxí retú kachiꞌ ráa: “Kune̱ꞌyá, chi iniꞌ veꞌi yaꞌá nééꞌ‑e”, kachiꞌ ráa, jee koto ínúꞌ iniꞌ rán ya̱ káchíꞌ ráa.


Jee kuíre nkachiꞌ re̱ꞌ nu̱u̱nꞌ rá ñɨvɨ kue̱ꞌe̱ꞌ vá: ―¿Á nkene rán va̱ji rán jín yuchiꞌ jín yutun si̱kɨ̱ꞌ nuꞌuꞌ sáva tɨɨn rán nuꞌuꞌ, kuéntáꞌ réáꞌ ɨɨn te̱e kuíꞌná ví ni̱ꞌ rúja? Ni ki̱vɨ̱ꞌ nééꞌ ni̱ꞌ iniꞌ chíkéꞌi veñu̱ꞌun káꞌnú xínéꞌénꞌ ni̱ꞌ Tu̱ꞌun Ndiosíꞌ, jee ntu ntɨ́ɨn rán nuꞌuꞌ.


Saájee su̱tu̱ꞌ kúñáꞌnú vá nna̱tá‑a saꞌma‑a [kuéntáꞌ ɨɨn seña ya̱ máá nki̱tɨ̱ꞌ iniꞌ‑i], jee nkachiꞌ‑i: ―Te̱e yaꞌá ténúunꞌ‑u néꞌyá‑a Ndiosíꞌ. ¿Na̱ nu̱u̱nꞌ jíniñúꞌún‑ó ka̱ꞌ ñɨvɨ sanáaꞌ ya̱ nááꞌ si̱kɨ̱ꞌ re̱ꞌ nu̱u̱nꞌ‑ó? Chi ya nteso̱ꞌo maárán rá tu̱ꞌun ntenu̱u̱nꞌ re̱ꞌ nne̱ꞌyá re̱ꞌ Ndiosíꞌ.


Jee jíkónúun Jesús kua̱íyó rá ñuunꞌ sánitɨ́ɨn Galilea, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel yukuán, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ ya̱ kuvi ki̱vɨ ñɨvɨ naꞌá Ndiosíꞌ nu̱u̱nꞌ tátúníꞌ‑i, jee xínúvi re̱ꞌ ntáká rá ñɨvɨ kúꞌvíꞌ jín ntáká rá ñɨvɨ ya̱ táyáꞌ ñunéꞌyúꞌ ráa.


Nni̱kónúun Jesús ntáká rá ñuunꞌ jín rá kuaríáꞌ, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ kuvi ki̱vɨ ñɨvɨ naꞌá Ndiosíꞌ tátúníꞌ‑i nu̱u̱nꞌ ráa, jee suni xínúvi re̱ꞌ rá ñɨvɨ kúꞌvíꞌ nu̱u̱nꞌ ntáká rá kue̱ꞌi̱ꞌ jín rá ñɨvɨ ya̱ táyáꞌ ñunéꞌyúꞌ ráa.


Na̱a̱ꞌ kuitɨꞌ nkachiꞌ re̱ꞌ tu̱ꞌun yaꞌá. I̱ña̱jée kua̱ꞌa̱nꞌ sɨ́ɨ́n Pedro jín re̱ꞌ jee nka̱jiéꞌé‑e núxeenꞌ‑e nu̱u̱nꞌ re̱ꞌ jie̱ꞌe̱ꞌ káchíꞌ re̱ꞌ sukuán.


Jee ni ki̱vɨ̱ꞌ rá nuví xínéꞌénꞌ Jesús Tu̱ꞌun Ndiosíꞌ chíkéꞌi iniꞌ veñu̱ꞌun káꞌnú, jee rá yakuááꞌ kéne re̱ꞌ jiáꞌánꞌ re̱ꞌ kínóo re̱ꞌ yuku naní Olivos.


Jee xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel rá ñuunꞌ yukuán, jee kua̱íyó rá ñɨvɨ nákuetúꞌún ráa re̱ꞌ.


Jee, ¿na̱ kuvi chi jíkátu̱ꞌún nú nuꞌuꞌ rúja? Ka̱ka̱tu̱ꞌún rá ñɨvɨ ya̱ nteso̱ꞌo rá tu̱ꞌun ya̱ nkachiꞌ ni̱ꞌ nu̱u̱nꞌ ráa. Kune̱ꞌyá, chi suviráa vá jíníꞌ na̱a̱ꞌ nijia na̱ tu̱ꞌun kúvi ya̱ nkachiꞌ ni̱ꞌ.


Jee rá tu̱ꞌun yukuán nkachiꞌ Jesús sáá xínéꞌénꞌ re̱ꞌ rá ñɨvɨ iniꞌ veꞌi sinagoga nu̱u̱nꞌ kútútú rá ñɨvɨ Israel ñuunꞌ Capernaum.


Soo sáá nku̱sáva íyó viko, jee nki̱vɨ Jesús chíkéꞌi iniꞌ veñu̱ꞌun káꞌnú jee xínéꞌénꞌ re̱ꞌ rá ñɨvɨ.


Jee kune̱ꞌyá rán, chi nu̱chitú káꞌánꞌ re̱ꞌ, jee ni ntu̱náꞌ káchíꞌ ráa nu̱u̱nꞌ re̱ꞌ. ¿Á vansáꞌ sa̱naanꞌ jíníꞌ nijia rá te̱e nísotíñú ya̱ kúvi te̱e yaꞌá Cristo?


Saájee sáá súkuáꞌa Jesús rá ñɨvɨ chíkéꞌi iniꞌ veñu̱ꞌun káꞌnú, jee nkaꞌanꞌ ni̱ꞌin re̱ꞌ: ―¿Á jíníꞌ nijia rán nuꞌuꞌ, jee á jíníꞌ nijia rán ne̱ núꞌ va̱ji ni̱ꞌ rúja? Soo nsáꞌ kúvi iniꞌ maáníꞌ ya̱ va̱ji ni̱ꞌ ñɨ̱vɨ́ yaꞌá. Chi maáréꞌ ya̱ nchu̱ichí re̱ꞌ nuꞌuꞌ jee na̱a̱ꞌ víꞌí re̱ꞌ. Jee ni̱ꞌ ntu̱ví jíníꞌ rán iniꞌ re̱ꞌ.


Chi retú núkú ɨɨn ñɨvɨ ya̱ tu̱vi nijinꞌ‑i nu̱u̱nꞌ nɨꞌɨ, jee ntu̱ví sáꞌá yuꞌuꞌ‑u tiñu sáꞌá‑a. Jee retú sáꞌá nú rá tiñu sukuán, jee stúvi nú maánú nu̱u̱nꞌ nɨꞌɨ ñɨvɨ ñɨ̱vɨ́.


Jee ya̱neꞌenꞌ ki̱vɨ̱ꞌ steñu̱ꞌún, jee nkenta tuku re̱ꞌ chíkéꞌi iniꞌ veñu̱ꞌun káꞌnú, jee nɨꞌɨ rá ñɨvɨ nkiji ráa nu̱u̱nꞌ re̱ꞌ, jee nxi̱néꞌénꞌ re̱ꞌ ráa.


Íyó kue̱ꞌe̱ꞌ tu̱ꞌun ya̱ kachiꞌ ni̱ꞌ jie̱ꞌe̱ꞌ rán, jín suni kue̱ꞌe̱ꞌ jie̱ꞌe̱ꞌ sanáaꞌ ni̱ꞌ jie̱ꞌe̱ꞌ rán. Soo maáréꞌ ya̱ nchu̱ichí re̱ꞌ nuꞌuꞌ, na̱a̱ꞌ kúvi re̱ꞌ, jee rá tu̱ꞌun ya̱ nteso̱ꞌo ni̱ꞌ ya̱ nkachiꞌ re̱ꞌ ví rá tu̱ꞌun káchíꞌ ni̱ꞌ nu̱u̱nꞌ ñɨvɨ ñɨ̱vɨ́ yaꞌá.


Chi ya̱ jíníꞌ rey jie̱ꞌe̱ꞌ rá yaꞌá. Ntu íñɨ́ yúꞌví ni̱ꞌ káꞌánꞌ ni̱ꞌ jín re̱ꞌ. Chi ínúꞌ iniꞌ ni̱ꞌ ya̱ ntu níyo yuꞌuꞌ yaꞌá nu̱u̱nꞌ re̱ꞌ. Chi nsú nu̱u̱nꞌ yuꞌuꞌ skináꞌ iniꞌ veꞌi nkuvi rá yaꞌá.


Lean sinn:

Sanasan


Sanasan