Juan 17:23 - Mixteco del suroeste de Tlaxiaco Oaxaca

²³ Nuꞌuꞌ, jee yɨ́ꞌɨ́ ni̱ꞌ iniꞌ ráa, jee noꞌó, yɨ́ꞌɨ́ nú iniꞌ nuꞌuꞌ, sáva kenta kuna̱a̱ꞌ nuún koo iniꞌ ráa, sáva kuniꞌ rá ñɨvɨ ñɨ̱vɨ́ ya̱ maánú nchu̱ichí nú nuꞌuꞌ, jín ya̱ ñúnúunꞌ nú ráa kuéntáꞌ ñúnúunꞌ nú nuꞌuꞌ.

Juan 17:23 Iomraidhean Croise

Juan 10:38

Soo retú sáꞌá ni̱ꞌ tiñu re̱ꞌ, asúꞌ ntu̱ví jínúꞌ iniꞌ rán nuꞌuꞌ, íyó i̱nu̱ꞌ iniꞌ rán ya̱ tiñu Tátáꞌ ni̱ꞌ ví rá tiñu sáꞌá ni̱ꞌ, sáva kukáꞌnú iniꞌ rán jee xiníꞌin rán kuniꞌ rán ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ jín ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ ―nkachiꞌ Jesús.

Juan 13:35

Chi retú nu̱u̱nꞌ viiꞌ ñúnúunꞌ rán ɨɨn inka táꞌán rán, yukuán jee kuniꞌ ntáká rá ñɨvɨ ya̱ maárán kúvi te̱e súkuáꞌa ni̱ꞌ ―nkachiꞌ Jesús.

Juan 14:10

¿Á ntu̱ví jínúꞌ iniꞌ nú ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ jín ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ résa? Chi ntáká rá tu̱ꞌun ya̱ káchíꞌ ni̱ꞌ nu̱u̱nꞌ rán, jee nsú rá tu̱ꞌun ya̱ jiáni xi̱ni̱ꞌ maáníꞌ kúvi ya̱ káchíꞌ ni̱ꞌ. Chisaꞌ jie̱ꞌe̱ꞌ ni ka̱ꞌ ya̱ yɨ́ꞌɨ́ Tátáꞌ ni̱ꞌ iniꞌ ni̱ꞌ, jee saáva maáréꞌ sáꞌá ntáká tiñu ya̱ sáꞌá nuꞌuꞌ.

Juan 14:23

Jee nna̱xiníkó Jesús, jee nkachiꞌ re̱ꞌ nu̱u̱nꞌ‑u: ―Ɨɨn ñɨvɨ ya̱ ñúnúunꞌ‑u nuꞌuꞌ, jee sikúnkuvi‑i tu̱ꞌun ni̱ꞌ, jee kunu̱u̱nꞌ Tátáꞌ ni̱ꞌ maa, jee ni núvíꞌ ni̱ꞌ jín Tátáꞌ ni̱ꞌ kiji ránꞌ nu̱u̱nꞌ ñɨvɨ vá, jee koo ránꞌ jín‑i.

Juan 15:9

’Kuéntáꞌ sánikua̱ꞌ ñúnúunꞌ Tátáꞌ ni̱ꞌ nuꞌuꞌ, jee suni sukuán ñúnúunꞌ ni̱ꞌ ránoꞌó. Jee íyó kino̱o kutú rán kuiñɨ ni̱ꞌin rán nu̱u̱nꞌ tu̱ꞌun ñúnúunꞌ ni̱ꞌ ránoꞌó.

Juan 16:27

Chi maá Tátáꞌ ni̱ꞌ kúvi ya̱ ñúnúunꞌ re̱ꞌ ránoꞌó, chi jie̱ꞌe̱ꞌ ni ka̱ꞌ ñúnúunꞌ rán nuꞌuꞌ, jee suni jínúꞌ iniꞌ rán ya̱ ne̱ nu̱u̱nꞌ maá Tátáꞌ ni̱ꞌ Ndiosíꞌ nkene ni̱ꞌ va̱ji ni̱ꞌ.

Juan 17:11

’Jee nsáꞌ kuneeꞌ ni̱ꞌ ka̱ꞌ iniꞌ ñɨ̱vɨ́ yaꞌá. Jee suviráa kino̱o ráa kuneeꞌ ráa iniꞌ ñɨ̱vɨ́ yaꞌá, jee nuꞌuꞌ chi kua̱najiaaꞌ ni̱ꞌ nu̱u̱nꞌ nú, Tátáꞌ ni̱ꞌ ya̱ ííꞌ nasɨ́kuitɨꞌ. Jee jíkánꞌ táꞌvíꞌ ni̱ꞌ nu̱u̱nꞌ nú ya̱ kumaꞌñu kusava nú ráa jín fuersáꞌ ííꞌ nú ya̱ ntaji nú nu̱u̱nꞌ ni̱ꞌ, sáva saꞌá nú ya̱ ɨɨn ni kuvi ráa kuéntáꞌ kua̱ꞌ maánú jín nuꞌuꞌ.

Juan 17:21

Jee jíkánꞌ táꞌvíꞌ ni̱ꞌ jie̱ꞌe̱ꞌ ráa ya̱ ɨɨn ni kuvi ráa, kuéntáꞌ maánú, Tátáꞌ ni̱ꞌ, chi yɨ́ꞌɨ́ nú iniꞌ nuꞌuꞌ, jee yɨ́ꞌɨ́ ni̱ꞌ iniꞌ noꞌó, jee suni sáva sukuán kɨꞌɨ ráa nu̱u̱nꞌ‑ó, sáva kuniꞌ rá ñɨvɨ ñɨ̱vɨ́ jee ji̱nu̱ꞌ iniꞌ ráa ya̱ maánú ví ya̱ nchu̱ichí nú nuꞌuꞌ va̱ji ni.

Juan 17:24

’Tátáꞌ ni̱ꞌ, jee rá ñɨvɨ ya̱ ntaji nú nu̱u̱nꞌ ni̱ꞌ, jee kuíni ni̱ꞌ ya̱ suni maáráa kuneeꞌ ráa jín nuꞌuꞌ nu̱u̱nꞌ kuneeꞌ ni̱ꞌ, sáva kuniꞌ ráa na̱ja viiꞌ nasɨ́kuitɨꞌ kúñáꞌnú ni̱ꞌ ya̱ ntaji nú nu̱u̱nꞌ ni̱ꞌ, chi ñúnúunꞌ nú nuꞌuꞌ ne̱ ntiáꞌan ka̱ꞌ nsa̱ꞌá nú ñɨ̱vɨ́.

Juan 17:26

Ni̱stúvi ni̱ꞌ noꞌó nu̱u̱nꞌ ráa jee istúvi ni̱ꞌ ka̱ꞌ noꞌó, sáva kuéntáꞌ kua̱ꞌ ñúnúunꞌ nú nuꞌuꞌ, jee suni sukuán kunu̱u̱nꞌ ráa rá táꞌán ráa, jee kɨꞌɨ ni̱ꞌ iniꞌ ráa ―nkachiꞌ Jesús.

Juan 17:3

Jee suꞌva kúvi ya̱ kutekuꞌ ñɨvɨ nɨ́ɨ́nkání jín‑ó: ya̱ kuniꞌ ráa iniꞌ noꞌó, ya̱ métúꞌún maánú vá kúvi nijia maá Ndiosíꞌ nijia, jín ya̱ suni kuniꞌ ráa iniꞌ nuꞌuꞌ, ya̱ maáníꞌ vá kúvi Jesús ya̱ níso ni̱ꞌ tiñu Cristo ya̱ nchu̱ichí nú nuꞌuꞌ va̱ji ni̱ꞌ jín tiñu ntaji nú níso ni̱ꞌ.

Juan 17:8

Chi ntáká rá tu̱ꞌun ya̱ ntaji nú nu̱u̱nꞌ ni̱ꞌ, jee njia̱ꞌa ni̱ꞌ maa nu̱u̱nꞌ ráa. Jee ntɨɨn ráa ñúꞌún iniꞌ ráa maa, chi nku̱káꞌnú iniꞌ ráa ya̱ máá naáꞌ nijia kúvi ya̱ ne̱ nu̱u̱nꞌ maánú nkene ni̱ꞌ va̱ji ni̱ꞌ, jee suni ni̱nu̱ꞌ iniꞌ ráa ya̱ maánú nchu̱ichí nú nuꞌuꞌ va̱ji ni̱ꞌ jín tiñu sáꞌá ni̱ꞌ.

Juan 3:17

Chi nsáꞌ nta̱jí Ndiosíꞌ Se̱ꞌya re̱ꞌ iniꞌ ñɨ̱vɨ́ yaꞌá sáva sijíta re̱ꞌ rá ñɨvɨ ñɨ̱vɨ́, chisaꞌ nta̱jí re̱ꞌ Se̱ꞌya re̱ꞌ sáva saꞌá re̱ꞌ ya̱ sikáku Se̱ꞌya re̱ꞌ ráa sáva ntu síjíta re̱ꞌ ráa jie̱ꞌe̱ꞌ kua̱chi ráa.

Juan 6:56

Chi ɨɨn ñɨvɨ ya̱ yájíꞌ‑i yɨkɨkúñu ni̱ꞌ jee jíꞌi‑i ni̱ñɨ̱ꞌ ni̱ꞌ, jee kínóo‑o yɨ́ꞌɨ́‑ɨ nu̱u̱nꞌ ni̱ꞌ, jee kínóo ni̱ꞌ yɨ́ꞌɨ́ ni̱ꞌ nu̱u̱nꞌ maáa.

1 Corintios 1:30

Soo maá Ndiosíꞌ chi nsa̱ꞌá re̱ꞌ ya̱ kɨꞌɨ rán xi̱ntíín Cristo Jesús, jee ne̱ nu̱u̱nꞌ Jesús va̱ji tu̱ꞌun níchí tánɨ́ꞌ xi̱ni̱ꞌ táji Ndiosíꞌ nu̱u̱nꞌ‑ó, jee nsa̱ꞌá re̱ꞌ ya̱ kínóo na̱a̱ꞌ‑ó nu̱u̱nꞌ Ndiosíꞌ, jee nsa̱ꞌá sɨ́ɨ́n re̱ꞌ yó sáva kɨꞌɨ‑ó nu̱u̱nꞌ Ndiosíꞌ, jee nna̱kani núne re̱ꞌ yó nu̱u̱nꞌ kua̱chi ya̱ nkɨ́ꞌɨ‑ó ka̱ꞌ xi̱ntíín kua̱chi.

2 Corintios 5:21

Chi Cristo, jee ni ntu̱ví íyó kua̱chi re̱ꞌ, soo nsa̱ꞌá Ndiosíꞌ ya̱ kuniso Cristo kua̱chi‑ó, sáva kúvi ya̱ váꞌa nu̱u̱nꞌ‑ó, sáva saꞌá re̱ꞌ ya̱ na̱a̱ꞌ kúvi‑ó sánikua̱ꞌ kúvi Ndiosíꞌ, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo.

Gálatas 3:28

Maáóránꞌ ya̱ yɨ́ꞌɨ́‑ó nu̱u̱nꞌ Cristo Jesús, ntu sɨ́ɨ́n íyó‑ó nu̱u̱nꞌ Ndiosíꞌ, sú kúvi rán ñɨvɨ Israel áxí ñɨvɨ ntu kúvi Israel, ni te̱e kúvi musúꞌ ya̱ nkeꞌen ñɨvɨ, ni te̱e xí tiñu ya̱ íñɨ́ núne, ni te̱e jín ni ñaꞌan, chi ɨɨn ni kúvi nɨꞌɨ‑ó nu̱u̱nꞌ Ndiosíꞌ, ya̱ yɨ́ꞌɨ́‑ó nu̱u̱nꞌ Cristo Jesús.

Filipenses 3:15

Saájee nta̱ká‑ó ya̱ nijia iniꞌ‑ó kuiñɨ‑ó ichi Jesús, jee íyó kuꞌun iniꞌ‑ó suꞌva. Jee retú sɨ́ɨ́n ñúꞌún iniꞌ rán jie̱ꞌe̱ꞌ néni ɨɨn tiñu, Ndiosíꞌ suni stúvi re̱ꞌ nu̱u̱nꞌ rán ya̱ íyó kuꞌun iniꞌ rán sáni nkachiꞌ ni̱ꞌ.

Colosenses 1:28

Jee jie̱ꞌe̱ꞌ Cristo stékútu̱ꞌún ránꞌ, jee stúꞌva ránꞌ, jee xínéꞌénꞌ ránꞌ nu̱u̱nꞌ nta̱ká ñɨvɨ nɨꞌɨ tu̱ꞌun níchí nta̱jí Ndiosíꞌ, sáva saꞌá ránꞌ ya̱ kujia iniꞌ nta̱ká ráa nu̱u̱nꞌ Ndiosíꞌ, ya̱ yɨ́ꞌɨ́ ráa nu̱u̱nꞌ Cristo.

Colosenses 2:2

Sáꞌá ni̱ꞌ suꞌva sáva nuneí iniꞌ ánímaꞌ rá ñaniꞌ vá, jín sáva nuún koo iniꞌ ráa jie̱ꞌe̱ꞌ ñúnúunꞌ ráa ɨɨn inka rá táꞌán ráa. Jee sáva kuéntáꞌ kukúká ráa ya̱ kino̱o kutú ánímaꞌ ráa, jie̱ꞌe̱ꞌ ki̱ku̱ꞌun iniꞌ ráa Tu̱ꞌun Ndiosíꞌ, sáva kuniꞌ ráa tu̱ꞌun re̱ꞌ ya̱ nyɨ́ꞌɨ se̱ꞌí ne̱ yanaꞌán nékúvi, jee jie̱ꞌe̱ꞌ maá Cristo ví tu̱ꞌun vá.

Colosenses 3:14

Jee nu̱u̱nꞌ kua̱íyó nu̱u̱nꞌ nɨꞌɨ ví ya̱ kunu̱u̱nꞌ rán táꞌán rán, chi yaꞌá sáꞌá ya̱ viiꞌ nuún iniꞌ rán jín táꞌán rán sáni íyó koo.

1 Pedro 5:10

Jee máá Ndiosíꞌ ya̱ nta̱ká íchí íyó mániꞌ nasɨ́kuitɨꞌ iniꞌ re̱ꞌ néꞌyá re̱ꞌ yó, ya̱ maáréꞌ nkana re̱ꞌ yó sáva viiꞌ kuñáꞌnú‑ó jín Cristo nɨ́ɨ́nkání jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo. Sáá jiáꞌa ya̱ kunoꞌo rán yakuꞌ ni̱ꞌ tiempúꞌ, soo máá Ndiosíꞌ saꞌá ya̱ kujia na̱a̱ꞌ va̱ꞌa iniꞌ rán nu̱u̱nꞌ tu̱ꞌun re̱ꞌ, jín ya̱ kuiñɨ ni̱ꞌin rán, jín ya̱ nachuneí re̱ꞌ iniꞌ ránoꞌó, jín ya̱ kukutú rán nu̱u̱nꞌ tu̱ꞌun re̱ꞌ.

1 Juan 1:3

Jee ya̱ niniꞌ jínúunꞌ ráníꞌ, jín ya̱ nteso̱ꞌo ránꞌ ya̱ nkaꞌanꞌ re̱ꞌ, jee suvi‑i vá káchítu̱ꞌún ránꞌ nu̱u̱nꞌ ránú, sáva unuún koo iniꞌ ránú jín ránuꞌuꞌ. Jee íyó unuún nijia iniꞌ‑ó jín Tátáꞌ‑ó Ndiosíꞌ jín Se̱ꞌya re̱ꞌ Jesús ya̱ níso re̱ꞌ tiñu Cristo.

1 Juan 3:1

Kune̱ꞌyá rán ya̱ na̱ka̱ꞌ váꞌ ñúnúunꞌ ka̱ꞌ Tátáꞌ‑ó Ndiosíꞌ yó ya̱ se̱ꞌya re̱ꞌ káꞌánꞌ re̱ꞌ yó, jee suvi kúvi nijia‑ó. Jee rá ñɨvɨ jiáꞌnu ñujiínꞌ ñɨ̱vɨ́ yaꞌá ntu̱ví tɨ́ɨn kuéntáꞌ ráa ya̱ kúvi‑ó se̱ꞌya Ndiosíꞌ, chi ntu jíníꞌ ráa re̱ꞌ.

1 Juan 4:19

Jee maáó chi ñúnúunꞌ‑ó Ndiosíꞌ jín ñɨvɨ chi xíꞌna maáréꞌ ka̱ꞌ vá nñunu̱u̱nꞌ re̱ꞌ yó.

Apoclipsis 3:9

Soo kune̱ꞌyá, rá ñɨvɨ kútútú ráa veꞌi sinagoga ñɨvɨ Israel ya̱ yɨ́ꞌɨ́ ráa xi̱ntíín Satanás jee káchíꞌ ráa ya̱ ñɨvɨ ñuunꞌ Israel kúvi ráa ya̱ ñɨvɨ Ndiosíꞌ kúvi ráa, soo ntu̱ví, chisaꞌ kátúꞌún ráa, jee saꞌá ni̱ꞌ ya̱ kenta ráa nu̱u̱nꞌ rán, jee nakui̱ñɨ̱ꞌ ítɨ́ ráa nu̱u̱nꞌ rán saꞌá ni̱ꞌ, sáva kuniꞌ va̱ꞌa ráa ya̱ ñúnúunꞌ nijia ni̱ꞌ ránoꞌó.