Juan 17:1 - Mixteco del suroeste de Tlaxiaco Oaxaca

¹ Jee sáá nkuvi nkachiꞌ Jesús rá tu̱ꞌun yaꞌá, jee nna̱neꞌen nu̱u̱nꞌ re̱ꞌ ne̱ antivɨ́ súkún, jee nkachiꞌ re̱ꞌ: ―Tátáꞌ ni̱ꞌ, vitan jee ya̱ nkenta tiempúꞌ ya̱ kunoꞌo ni̱ꞌ, jee stúvi ya̱ kúñáꞌnú ni̱ꞌ ya̱ kúvi ni̱ꞌ Se̱ꞌya nú, jee sáva nuꞌuꞌ suni stúvi ni̱ꞌ ya̱ maánú kúvi ya̱ kúñáꞌnú nasɨ́kuitɨꞌ ka̱ꞌ.

Juan 17:1 Iomraidhean Croise

Marcos 14:41

Jee nnenta re̱ꞌ ya̱ uníꞌ íchí, jee nkachiꞌ re̱ꞌ nu̱u̱nꞌ ráa: ―¿Á kíxíꞌ i̱i̱ꞌ rán jee nájiáví rán? Ya nkuvira. Ya nkenta hora. Kune̱ꞌyá rán, jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, naku̱ꞌva ñɨvɨ nuꞌuꞌ xi̱ntíín rá ñɨvɨ kua̱chi.

Lucas 18:13

Soo te̱e vá ya̱ nástútú xu̱ꞌún náneeꞌ ñuunꞌ Roma, íñɨ́ íká‑a ntíꞌ, jee ni ntu kíji iniꞌ‑i nna̱nenu̱u̱nꞌ‑u súkún, chisaꞌ kúun‑u naꞌá‑a ni̱ka‑a, jee káchíꞌ‑i: “Ndiosíꞌ, kunáꞌví iniꞌ nú kune̱ꞌyá nú nuꞌuꞌ ya̱ ñɨvɨ kua̱chi kúvi ni̱ꞌ”, nkachiꞌ‑i.

Lucas 22:53

Ni ki̱vɨ̱ꞌ nééꞌ ni̱ꞌ jín rán iniꞌ chíkéꞌi veñu̱ꞌun káꞌnú jee ntu ntɨ́ɨn rán nuꞌuꞌ. Soo yaꞌá ví hora rán ya̱ nkuna̱a̱ꞌ iniꞌ Ndiosíꞌ ya̱ saꞌá rán ya̱ niváꞌa jín tiñu tátúníꞌ kui̱ꞌna̱ꞌ kúñáꞌnú nu̱u̱nꞌ ñuunꞌ neenꞌ.

Juan 11:4

Jee sáá nteso̱ꞌo Jesús rá tu̱ꞌun yaꞌá, jee nkachiꞌ re̱ꞌ: ―Kue̱ꞌi̱ꞌ yaꞌá jee nsú kue̱ꞌi̱ꞌ kuviꞌ re̱ꞌ kuvi‑i. Chisaꞌ sáva stúvi‑i ya̱ kúñáꞌnú nasɨ́kuitɨꞌ Ndiosíꞌ, sáva jie̱ꞌe̱ꞌ vá kuniꞌ rá ñɨvɨ ya̱ kúñáꞌnú ni̱ꞌ ya̱ kúvi Se̱ꞌya Ndiosíꞌ ―nkachiꞌ Jesús.

Juan 11:41

Saájee nxi̱tá ráa yu̱u̱ꞌ nu̱u̱nꞌ yɨ́ꞌɨ́ te̱e níꞌiꞌ vá. Jee nna̱neꞌen nu̱u̱nꞌ Jesús, jee nna̱kune̱ꞌyá re̱ꞌ ne̱ súkún, jee nkachiꞌ re̱ꞌ: ―Tátáꞌ ni̱ꞌ, táji ni̱ꞌ ya̱ kutaꞌviꞌ ni̱ꞌ nu̱u̱nꞌ nú, chi ntɨɨn kuéntáꞌ nú nu̱u̱nꞌ tu̱ꞌun nkachiꞌ ni̱ꞌ.

Juan 12:23

Jee nna̱xiníkó Jesús nu̱u̱nꞌ ráa, jee nkachiꞌ re̱ꞌ: ―Ya nkenta ki̱vɨ̱ꞌ ya̱ kenta tu̱vi ya̱ viiꞌ kúñáꞌnú nasɨ́kuitɨꞌ ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Juan 13:1

Saájee chi̱ji viko Pascua jee ya̱ jíníꞌ Jesús ya̱ nkenta ki̱vɨ̱ꞌ ya̱ kene re̱ꞌ iniꞌ ñɨ̱vɨ́ yaꞌá kɨ̱ꞌɨ̱nꞌ re̱ꞌ nu̱u̱nꞌ Tátáꞌ re̱ꞌ. Jee ñúnúunꞌ re̱ꞌ rá ñɨvɨ maáréꞌ [ya̱ súkuáꞌa re̱ꞌ ráa] ya̱ nééꞌ iniꞌ ñɨ̱vɨ́, jee ñúnúunꞌ re̱ꞌ ráa ne̱ ki̱vɨ̱ꞌ nu̱u̱nꞌ nɨ́ꞌɨ ntekuꞌ re̱ꞌ iniꞌ ñɨ̱vɨ́ yaꞌá.

Juan 16:32

Vitan jee ya̱ nku̱yatin hora, jee ya̱ nkenta tiempúꞌ, ya̱ kutenuun ta ɨɨn ɨɨn rán kɨ̱noꞌonꞌ rán ta veꞌi rán, jee xinóo métúꞌún rán nuꞌuꞌ. Soo nsáꞌ kino̱o métúꞌún ni̱ꞌ, chi íyó Tátáꞌ ni̱ꞌ jín ni̱ꞌ.

Juan 7:30

Saájee nniꞌvɨꞌ ka̱ꞌ iniꞌ ráa ya̱ tɨɨn ráa re̱ꞌ. Soo ni ɨɨn ráa ni ntu̱ví ntɨ́ɨn ráa re̱ꞌ, chi ni ntiáꞌan kantaꞌ hora re̱ꞌ.

Juan 7:39

Soo nkachiꞌ Jesús rá tu̱ꞌun yaꞌá jie̱ꞌe̱ꞌ Ta̱chi̱ꞌ Ííꞌ Ndiosíꞌ, chi rá ñɨvɨ ya̱ kúneí iniꞌ ráa re̱ꞌ, jee ni̱ꞌi̱nꞌ ráa Ta̱chi̱ꞌ Ííꞌ Ndiosíꞌ kɨꞌɨ‑ɨ iniꞌ ánímaꞌ ráa. Chi ni ntiáꞌan taji Ndiosíꞌ Ta̱chi̱ꞌ Ííꞌ re̱ꞌ, chi jie̱ꞌe̱ꞌ ntiáné kɨ̱naa Jesús antivɨ́ súkún nu̱u̱nꞌ kúñáꞌnú re̱ꞌ.

Juan 8:20

Jee rá tu̱ꞌun yaꞌá nkachiꞌ Jesús sáá súkuáꞌa re̱ꞌ rá ñɨvɨ chíkéꞌi iniꞌ veñu̱ꞌun káꞌnú yatin nu̱u̱nꞌ káá ya̱tu̱nꞌ nu̱u̱nꞌ sókóꞌ rá ñɨvɨ xu̱ꞌún nu̱u̱nꞌ Ndiosíꞌ. Soo ni ɨɨn ráa ntu̱ví ntɨ́ɨn ráa re̱ꞌ, chi ni ntiáꞌan kenta hora re̱ꞌ.

Hechos 3:13

Ndiosíꞌ ví re̱ꞌ ya̱ nneñu̱ꞌun rá jííꞌ‑ó yanaꞌán Abraham jín Isaac jín Jacob. Jee suni Ndiosíꞌ ví re̱ꞌ ya̱ nneñu̱ꞌun rá inka tátáꞌ jííꞌ‑ó yanaꞌán re̱ꞌ. Suvire̱ꞌ ví ya̱ nsa̱ꞌá re̱ꞌ ya̱ kúñáꞌnú Se̱ꞌya re̱ꞌ Jesús. Jee suvirán nna̱ku̱ꞌva rán Jesús nu̱u̱nꞌ rá te̱e néetiñu. Jee suvirán nku̱ichi iniꞌ rán maa nu̱u̱nꞌ Pilato, sú nkuna̱a̱ꞌ iniꞌ re̱ꞌ siaáꞌ re̱ꞌ maa.

1 Pedro 1:21

Chi jie̱ꞌe̱ꞌ Cristo jee jínúꞌ iniꞌ rán Ndiosíꞌ, ya̱ kúvi re̱ꞌ ya̱ nna̱xinátekuꞌ i̱i̱ꞌ tuku re̱ꞌ Cristo nnene‑e nteñu rá níyɨ, jee nnu̱ñáꞌnú nasɨ́kuitɨꞌ‑ɨ nsa̱ꞌá re̱ꞌ, jee saáva kúneí iniꞌ rán ínúꞌ iniꞌ rán Ndiosíꞌ, jee íyó kutú tu̱neí iniꞌ rán nétu rán ya̱ saꞌá re̱ꞌ.