Juan 16:2 - Mixteco del suroeste de Tlaxiaco Oaxaca

² Chi tavaꞌ ráa ránoꞌó iniꞌ rá veꞌi sinagoga nu̱u̱nꞌ kútútú rá ñɨvɨ Israel jee nkúꞌva ráa ka̱ꞌ ki̱vɨ rán nteñu ráa. Jee nsú kua̱chi sukuán ni chi kenta ki̱vɨ̱ꞌ ya̱ néni ɨɨn ráa kaꞌniꞌ‑i ránoꞌó, jee kukaꞌvi iniꞌ‑i ya̱ ɨɨn tiñu váꞌa sáꞌá‑a nu̱u̱nꞌ Ndiosíꞌ.

Juan 16:2 Iomraidhean Croise

Mateo 10:28

Jee koto yúꞌví rán rá ñɨvɨ ya̱ jiáꞌníꞌ ráa ñunéꞌyúꞌ, soo ntu kúvi kaꞌniꞌ ráa ánímaꞌ rán. Chisaꞌ íyó kuyu̱ꞌví rán Ndiosíꞌ, ya̱ suvire̱ꞌ ví ya̱ kúvi xínáánꞌ re̱ꞌ ne̱ ánímaꞌ jín ñunéꞌyúꞌ nu̱u̱nꞌ ñuꞌúnꞌ xéénꞌ.

Mateo 24:9

’Saájee naku̱ꞌva rá ñɨvɨ ránoꞌó xi̱ntíín rá te̱e jiéꞌnéꞌ kua̱chi ya̱ xinóꞌo ránoꞌó, jee kaꞌniꞌ ráa ránoꞌó, jee taꞌvi iniꞌ kua̱íyó rá ñɨvɨ kune̱ꞌyá ráa ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ.

Lucas 6:22

’Na̱ ka̱ꞌ netuꞌ ka̱ꞌ kúvi ránoꞌó sáá táꞌvi iniꞌ ñɨvɨ néꞌyá ráa ránoꞌó, jín sáá táváꞌ ráa ránoꞌó nteñu ráa, jín sáá ténúunꞌ ráa ránoꞌó, jín sáá jíníichiꞌ ráa ránoꞌó káꞌánꞌ niva̱ꞌa ráa jie̱ꞌe̱ꞌ rán jie̱ꞌe̱ꞌ íñɨ́ rán jín nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Juan 12:42

Soo sú na̱ja ka̱ꞌ jee kue̱ꞌe̱ꞌ ne̱ rá te̱e kúñáꞌnú nu̱u̱nꞌ rá ñɨvɨ Israel ni̱nu̱ꞌ iniꞌ ráa Jesús. Soo ntu nstúvi nijinꞌ ráa maa chi yúꞌví ráa rá te̱e fariseo, sáva ntu tavaꞌ rává ráa veꞌi sinagoga nu̱u̱nꞌ kútútú rá ñɨvɨ Israel jee nkúꞌva rává ki̱vɨ ráa ka̱ꞌ.

Juan 16:25

’Nkachiꞌ ni̱ꞌ nu̱u̱nꞌ rán rá tu̱ꞌun kúnkunuún káꞌánꞌ. Soo kiji rá ki̱vɨ̱ꞌ ya̱ nsáꞌ kaꞌanꞌ ni̱ꞌ ka̱ꞌ jín rán rá tu̱ꞌun kúnkunuún káꞌánꞌ, chisaꞌ kájí ni kachitu̱ꞌún ni̱ꞌ nu̱u̱nꞌ rán tu̱ꞌun jie̱ꞌe̱ꞌ Tátáꞌ ni̱ꞌ.

Juan 16:32

Vitan jee ya̱ nku̱yatin hora, jee ya̱ nkenta tiempúꞌ, ya̱ kutenuun ta ɨɨn ɨɨn rán kɨ̱noꞌonꞌ rán ta veꞌi rán, jee xinóo métúꞌún rán nuꞌuꞌ. Soo nsáꞌ kino̱o métúꞌún ni̱ꞌ, chi íyó Tátáꞌ ni̱ꞌ jín ni̱ꞌ.

Juan 4:21

Jee nkachiꞌ Jesús nu̱u̱nꞌ ña: ―Nánáꞌ, íyó i̱nu̱ꞌ iniꞌ nú tu̱ꞌun kachiꞌ ni̱ꞌ nu̱u̱nꞌ nú, chi kiji ki̱vɨ̱ꞌ ya̱ nsú yuku yaꞌá, jee ni nsú Jerusalén kuvi nu̱u̱nꞌ kuneñu̱ꞌun nú Tátáꞌ ya̱ kúvi Ndiosíꞌ.

Juan 4:23

Soo va̱ji máá hora, jee ya̱ nkenta‑a, ya̱ nta̱ká rá ñɨvɨ ya̱ néñu̱ꞌun nijia ráa Tátáꞌ ráa Ndiosíꞌ ya̱ saɨn kuneñu̱ꞌun ráa re̱ꞌ ne̱ ánímaꞌ ráa sáni sáꞌá Ta̱chi̱ꞌ Ííꞌ iniꞌ ráa, jín sáni tu̱ꞌun nááꞌ ntaji re̱ꞌ nu̱u̱nꞌ‑ó. Chi núkú Tátáꞌ‑ó Ndiosíꞌ ñɨvɨ ya̱ suꞌva kuneñu̱ꞌun ráa re̱ꞌ.

Juan 9:22

Jee rá tu̱ꞌun yaꞌá nkachiꞌ tááꞌ re̱ꞌ jín náánꞌ re̱ꞌ chi yúꞌví ráa néꞌyá ráa rá te̱e kúñáꞌnú nu̱u̱nꞌ rá ñɨvɨ Israel, chi ya nna̱túꞌún rá te̱e kúñáꞌnú nu̱u̱nꞌ rá ñɨvɨ Israel vá ya̱ retú néni ɨɨn ñɨvɨ jiáꞌayuꞌú ya̱ Jesús kúvi Cristo, [ya̱ nchu̱ichí Ndiosíꞌ maa sáva tatúníꞌ‑i nu̱u̱nꞌ ñɨ̱vɨ́], yukuán jee tavaꞌ ráa ñɨvɨ vá rá veꞌi sinagoga nu̱u̱nꞌ kútútú rá ñɨvɨ Israel, jee nsáꞌ ku̱ꞌva ráa ka̱ꞌ ki̱vɨ ñɨvɨ vá iniꞌ veꞌi sinagoga yukuán.

Juan 9:34

Saájee nna̱xiníkó ráa, jee nkachiꞌ ráa nu̱u̱nꞌ re̱ꞌ: ―Noꞌó chi ne̱ ki̱vɨ̱ꞌ nkaku nú jee ne̱ íyó chitú kanáa noꞌó jín kua̱chi. Jee, ¿á noꞌó xínéꞌénꞌ nú nu̱u̱nꞌ ránuꞌuꞌ rúja? ―nkachiꞌ ráa, jee íchí ntavaꞌ ráa re̱ꞌ iniꞌ veꞌi sinagoga vá ya̱ ni ntu jiáꞌa ráa ka̱ꞌ ki̱vɨ re̱ꞌ maa.

Hechos 5:33

Sáá nteso̱ꞌo rá te̱e Justicia rá tu̱ꞌun vá, jee nsa̱a̱ꞌ nasɨ́kuitɨꞌ xi̱ni̱ꞌ ráa, jee nkuini ráa kaꞌniꞌ ráa rává.

Hechos 7:56

Jee nkachiꞌ re̱ꞌ: ―¡Kune̱ꞌyá rán! Néꞌyá ni̱ꞌ núne antivɨ́ nu̱u̱nꞌ nééꞌ Ndiosíꞌ. Jee néꞌyá ni̱ꞌ Jesús, ya̱ nta̱jí Ndiosíꞌ re̱ꞌ nu̱u̱nꞌ ñɨ̱vɨ́ sáva kuvi re̱ꞌ Se̱ꞌya Ñɨvɨ, jee íñɨ́ re̱ꞌ ichi kuáꞌá Ndiosíꞌ ―nkachiꞌ Esteban.

1 Corintios 4:13

jee kákuíyuꞌú ráa si̱kɨ̱ꞌ ránuꞌuꞌ, soo másúꞌ iniꞌ ránꞌ nákama̱ni̱ꞌ ránꞌ. Jee ne̱ vitan sáꞌá rá ñɨvɨ ñɨ̱vɨ́ jín ránuꞌuꞌ kuéntáꞌ ya̱ká kúvi ránꞌ ya̱ kúníichiꞌ ráa.

Filipenses 3:6

nñu̱ꞌun káñá nasɨ́kuitɨꞌ iniꞌ ni̱ꞌ jie̱ꞌe̱ꞌ ñujiínꞌ ráa, ne̱ nito u̱ꞌvi̱ꞌ ni̱ꞌ rá ñɨvɨ kúneí iniꞌ rává Jesús, jee sáni káchíꞌ ñɨvɨ ya̱ kuvi kino̱o na̱a̱ꞌ ɨɨn te̱e jie̱ꞌe̱ꞌ síkúnkuvi tu̱ꞌun ley vá, jee ntu nkúvi chikua̱chi ni ɨɨn ñɨvɨ nuꞌuꞌ.

Apoclipsis 6:9

Jee sáá nsine re̱ꞌ ya̱ úꞌúnꞌ seyúꞌ, jee niniꞌ ni̱ꞌ maa nu̱u̱nꞌ chíñúꞌún ráa Ndiosíꞌ nu̱u̱nꞌ naní altar, jee niniꞌ ni̱ꞌ ya̱ chi̱ji yukuán yɨ́ꞌɨ́ rá ánímaꞌ rá ñɨvɨ ya̱ ni̱ꞌi̱ꞌ ráa chi ñaꞌniꞌ ñɨvɨ ráa jie̱ꞌe̱ꞌ ni̱nu̱ꞌ iniꞌ ráa tu̱ꞌun váꞌa Ndiosíꞌ jín ya̱ nstúvi ráa ya̱ naáꞌ jie̱ꞌe̱ꞌ tu̱ꞌun vá.