Juan 15:19 - Mixteco del suroeste de Tlaxiaco Oaxaca

¹⁹ Chi retánꞌ íñɨ́ i̱i̱ꞌ rán ichi jiáꞌnu rá ñɨvɨ ñɨ̱vɨ́ ya̱ ntu yɨ́ꞌɨ́ ráa xi̱ntíín Ndiosíꞌ, saájee íyó kunu̱u̱nꞌ ráa ránoꞌó, kuéntáꞌ ñúnúunꞌ ráa rá ñɨvɨ íñɨ́ jín ráa. Soo jie̱ꞌe̱ꞌ ya̱ nka̱ji ni̱ꞌ ránoꞌó ya̱ nsáꞌ kɨꞌɨ rán ka̱ꞌ nu̱u̱nꞌ ñujiínꞌ ñɨvɨ ñɨ̱vɨ́ yaꞌá jee ntu káꞌ jiáꞌnu rán kuéntáꞌ jiáꞌnu ráa. Jee jie̱ꞌe̱ꞌ saáva táꞌvi iniꞌ ráa néꞌyá ráa ránoꞌó.

Juan 15:19 Iomraidhean Croise

Mateo 10:22

Taꞌvi iniꞌ kua̱íyó rá ñɨvɨ kune̱ꞌyá ráa ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ. Soo rá ñɨvɨ kuni̱ꞌin kuiñɨ kutú ráa jín ni̱ꞌ ne̱ nu̱u̱nꞌ kenta ji̱nu jee suviráa ví ya̱ sikáku Ndiosíꞌ ráa.

Mateo 24:9

’Saájee naku̱ꞌva rá ñɨvɨ ránoꞌó xi̱ntíín rá te̱e jiéꞌnéꞌ kua̱chi ya̱ xinóꞌo ránoꞌó, jee kaꞌniꞌ ráa ránoꞌó, jee taꞌvi iniꞌ kua̱íyó rá ñɨvɨ kune̱ꞌyá ráa ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ.

Lucas 6:32

’Chi retú ñúnúunꞌ rán rá ñɨvɨ ya̱ ñúnúunꞌ ráa ránoꞌó jee, ¿ná váꞌa kúvi ya̱ sáꞌá rán rúja? Chi ne̱ rá ñɨvɨ yɨ́ꞌɨ́ nu̱u̱nꞌ kua̱chi suni sáꞌá ráa sukuán, chi ñúnúunꞌ ráa rá ñɨvɨ ya̱ ñúnúunꞌ rává ráa.

Juan 13:18

’Nsú jie̱ꞌe̱ꞌ ntáká rán káꞌánꞌ ni̱ꞌ. Chi jíníꞌ ni̱ꞌ né ɨɨn ví ránoꞌó ya̱ nka̱ji ni̱ꞌ. Soo sáva sikúnkuvi rá tu̱ꞌun ya̱ nééꞌ nu̱u̱nꞌ Tutuꞌ níso Tu̱ꞌun Ndiosíꞌ ya̱ káꞌánꞌ‑a jie̱ꞌe̱ꞌ nuꞌuꞌ, jee káchíꞌ‑i: Te̱e ya̱ yájíꞌ nkáá jín nuꞌuꞌ, jee nkenta re̱ꞌ si̱kɨ̱ꞌ ni̱ꞌ, káchíꞌ nu̱u̱nꞌ Tutuꞌ.

Juan 15:16

Chi nsú ránoꞌó nka̱ji rán nuꞌuꞌ, chisaꞌ nuꞌuꞌ nka̱ji ni̱ꞌ ránoꞌó ya̱ kɨꞌɨ rán nu̱u̱nꞌ ni̱ꞌ, jee ñani ni̱ꞌ ránoꞌó kuneeꞌ tiñu si̱kɨ̱ꞌ rán, sáva saꞌá rán tiñu ni̱ꞌ kuéntáꞌ kúun uva, sáva tiñu váꞌa vá kino̱o‑o kutú‑u. Sáva néni ɨɨn ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee taji re̱ꞌ maa nu̱u̱nꞌ rán.

Juan 6:70

Jee nna̱xiníkó Jesús nu̱u̱nꞌ ráa: ―¿Á nsú nuꞌuꞌ nka̱ji ni̱ꞌ u̱xu̱vi̱ꞌ (12) ránoꞌó rúja? Jee ɨɨn ránoꞌó kúvi kui̱ꞌna̱ꞌ.

Santiago 4:4

¡Ñɨvɨ ya̱ ntu jiáꞌnu na̱a̱ꞌ nu̱u̱nꞌ Ndiosíꞌ! Retú íyó mániꞌ táꞌán rán jín ya̱ níyo iniꞌ rá ñɨvɨ ñɨ̱vɨ́ yaꞌá, ¿á ntu jíníꞌ rán, ya̱ suvivá kúvi ya̱ túfíꞌ ta̱ꞌán rán néꞌyá rán Ndiosíꞌ? Saáva néni ɨɨn ñɨvɨ ya̱ nkuna̱a̱ꞌ iniꞌ‑i koo mániꞌ táꞌán‑a jín ya̱ níyo iniꞌ rá ñɨvɨ ñɨ̱vɨ́ yaꞌá, jee nkenta‑a kúvi‑i ñɨvɨ ya̱ túfíꞌ ta̱ꞌán‑a néꞌyá‑a Ndiosíꞌ.

1 Pedro 4:3

Chi ya̱ nkuvi sukuáni ya̱ nsa̱ꞌá rán tiempúꞌ ya̱ta̱ꞌ rá tiñu niváꞌa níyo iniꞌ rá ñɨvɨ ntu jíníꞌ ráa iniꞌ Ndiosíꞌ. Ñaꞌnu rán jín rá tiñu kánéꞌí, jín rá tiñu téní sɨ̱ɨ̱ꞌ iniꞌ, jín rá tiñu jíni, rá tiñu viko néꞌí sɨ̱ɨ̱ꞌ iniꞌ, rá viko néꞌí tu̱nkánuun, jee nneñu̱ꞌun rán rá nantíñú ya̱ ntu kúvi ráa Ndiosíꞌ ya̱ kúníichiꞌ Ndiosíꞌ néꞌyá re̱ꞌ maa.

1 Juan 3:12

Jee koto sáꞌá‑ó kuéntáꞌ nsa̱ꞌá Caín, ya̱ ni̱ñɨ re̱ꞌ jín kui̱ꞌna̱ꞌ kúñáꞌnú, jee ñaꞌniꞌ re̱ꞌ ñaniꞌ re̱ꞌ. Jee, ¿na̱ jie̱ꞌe̱ꞌ chi ñaꞌniꞌ re̱ꞌ maa, résa? Chi rá tiñu ya̱ nsa̱ꞌá re̱ꞌ nkuvi ya̱ niváꞌa, jee rá tiñu nsa̱ꞌá ñaniꞌ re̱ꞌ nkuvi ya̱ naáꞌ.

Apoclipsis 12:17

Saájee nki̱tɨ̱ꞌ iniꞌ ko̱o̱ꞌ mánasɨ́ vá néꞌyá ti̱ꞌ ña. Saájee kua̱ꞌa̱nꞌ ti̱ꞌ kantáꞌán ti̱ꞌ jín rá inka rá se̱ꞌya ichiyúkúnꞌ ña, ya̱ suvi kúvi rá ñɨvɨ ya̱ síkúnkuvi ráa tu̱ꞌun ya̱ tátúníꞌ Ndiosíꞌ, jee níkɨ́nꞌ na̱a̱ꞌ ni̱ꞌin ráa nu̱u̱nꞌ rá tu̱ꞌun Jesús.

Apoclipsis 12:9

Sukuán nkuvi jee ntavaꞌ rá najiáꞌáꞌ ííꞌ vá ko̱o̱ꞌ mánasɨ́ yukuán antivɨ́ súkún. Jee ko̱o̱ꞌ mánasɨ́ vá kúvi ko̱o̱ꞌ ya̱ íyó ne̱ yanaꞌán víꞌí. Jee maátíꞌ ví ya̱ naní ti̱ꞌ kui̱ꞌna̱ꞌ kúñáꞌnú jín suni naní ti̱ꞌ Satanás. Jee maáa vá xínáꞌví‑i rá ñɨvɨ kua̱íyó ñɨ̱vɨ́. Jee ntavaꞌ ráa maa ne̱ jín rá najiáꞌáꞌ‑a antivɨ́ súkún, jee nsi̱kéne ráa maa jín ne̱ rá najiáꞌáꞌ‑a nu̱u̱nꞌ ñu̱ꞌún iniꞌ ñɨ̱vɨ́ yaꞌá.