Juan 14:13 - Mixteco del suroeste de Tlaxiaco Oaxaca

¹³ Jee néni ɨɨn ya̱ ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ, jee saꞌá ni̱ꞌ maa, sáva stúvi ni̱ꞌ ya̱ máá kúñáꞌnú nasɨ́kuitɨꞌ kúvi Tátáꞌ ni̱ꞌ jie̱ꞌe̱ꞌ ya̱ sáꞌá ni̱ꞌ.

Juan 14:13 Iomraidhean Croise

Mateo 21:22

Jee ntáká ya̱ ka̱ka̱nꞌ rán, ni jíkánꞌ táꞌvíꞌ rán nu̱u̱nꞌ Ndiosíꞌ, jee i̱nu̱ꞌ iniꞌ rán jee ni̱ꞌi̱nꞌ rán maa ―nkachiꞌ Jesús.

Mateo 7:7

’Ka̱ka̱nꞌ táꞌvíꞌ nu̱u̱nꞌ Ndiosíꞌ, jee taji re̱ꞌ ya̱ jíniñúꞌún rán. Nukú rá tiñu váꞌa íyó nu̱u̱nꞌ re̱ꞌ jee naniꞌinꞌ rán ya̱ taji re̱ꞌ. Jee ka̱ka̱nꞌ táꞌvíꞌ rán nu̱u̱nꞌ re̱ꞌ kuéntáꞌ kua̱ꞌ síkájián yuvéꞌí jee síkúne re̱ꞌ maa.

Marcos 11:24

Káchíꞌ ni̱ꞌ nu̱u̱nꞌ rán ya̱ nɨꞌɨ ya̱ ka̱ka̱nꞌ rán, ni jíkánꞌ táꞌvíꞌ rán nu̱u̱nꞌ Ndiosíꞌ, i̱nu̱ꞌ iniꞌ rán ya̱ ya nni̱ꞌi̱nꞌ rán maa, jee ni̱ꞌi̱nꞌ rán maa.

Lucas 11:9

Jee saáva káchíꞌ ni̱ꞌ nu̱u̱nꞌ ránú: Ka̱ka̱nꞌ táꞌvíꞌ rán nu̱u̱nꞌ Ndiosíꞌ, jee taji re̱ꞌ ya̱ jíniñúꞌún rán. Nukú rán rá tiñu váꞌa íyó nu̱u̱nꞌ re̱ꞌ jee naniꞌinꞌ rán ya̱ taji re̱ꞌ. Jee ka̱ka̱nꞌ táꞌvíꞌ rán nu̱u̱nꞌ re̱ꞌ kuéntáꞌ kua̱ꞌ síkájián yuvéꞌí jee síkúne re̱ꞌ maa.

Juan 10:30

Chi nuꞌuꞌ jín Tátáꞌ ni̱ꞌ, jee ɨɨn ni̱ꞌ kúvi ránꞌ ―nkachiꞌ Jesús.

Juan 12:44

Jee nka̱najíín ni̱ꞌin Jesús, jee nkachiꞌ re̱ꞌ: ―Ñɨvɨ ya̱ kúneí iniꞌ‑i nuꞌuꞌ, jee nsú kua̱chi nuꞌuꞌ ví ya̱ kúneí iniꞌ‑i, chisaꞌ suni kúneí iniꞌ ñɨvɨ vá ne̱ maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.

Juan 13:31

Jee sáá nkene Judas kua̱ꞌa̱nꞌ re̱ꞌ, jee nkachiꞌ Jesús: ―Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee vitan jee ya̱ túvi nijinꞌ nu̱u̱nꞌ rá ñɨvɨ na̱sa kúñáꞌnú nasɨ́kuitɨꞌ ni̱ꞌ jín tiñu níso ni̱ꞌ, jee túvi ya̱ kúñáꞌnú nasɨ́kuitɨꞌ ka̱ꞌ Ndiosíꞌ jie̱ꞌe̱ꞌ tiñu saꞌá ni̱ꞌ.

Juan 14:14

Retú ná kúvi ya̱ ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ, jee saꞌá ni̱ꞌ maa.

Juan 14:6

Jee nkachiꞌ Jesús nu̱u̱nꞌ‑u: ―Nuꞌuꞌ kúvi ni̱ꞌ ichi ya̱ nátuꞌva ñɨvɨ nu̱u̱nꞌ Ndiosíꞌ, jín nu̱u̱nꞌ nuꞌuꞌ va̱ji ya̱ naáꞌ, jín maáníꞌ ví ya̱ sáꞌá‑a ya̱ kutekuꞌ ñɨvɨ jín Ndiosíꞌ nɨ́ɨ́nkání. Ntu íyó inka ka̱ꞌ ichi ya̱ kenta ñɨvɨ nu̱u̱nꞌ Tátáꞌ ni̱ꞌ Ndiosíꞌ, chi métúꞌún nuꞌuꞌ ví‑i ya̱ sáꞌá ya̱ nkénta ñɨvɨ nu̱u̱nꞌ Ndiosíꞌ.

Juan 15:16

Chi nsú ránoꞌó nka̱ji rán nuꞌuꞌ, chisaꞌ nuꞌuꞌ nka̱ji ni̱ꞌ ránoꞌó ya̱ kɨꞌɨ rán nu̱u̱nꞌ ni̱ꞌ, jee ñani ni̱ꞌ ránoꞌó kuneeꞌ tiñu si̱kɨ̱ꞌ rán, sáva saꞌá rán tiñu ni̱ꞌ kuéntáꞌ kúun uva, sáva tiñu váꞌa vá kino̱o‑o kutú‑u. Sáva néni ɨɨn ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee taji re̱ꞌ maa nu̱u̱nꞌ rán.

Juan 15:7

Retú íñɨ́ ni̱ꞌin rán kínóo kutú rán nu̱u̱nꞌ nuꞌuꞌ, jín retú ñúꞌún iniꞌ rán rá tu̱ꞌun ya̱ nkachiꞌ ni̱ꞌ nu̱u̱nꞌ rán, saájee kuvi ka̱ka̱nꞌ rán néni ɨɨn ya̱ kuíni rán, jee saꞌá ni̱ꞌ ya̱ kuvi ya̱ jíkánꞌ rán.

Juan 16:23

Jee ki̱vɨ̱ꞌ yukuán jee ntu̱náꞌ ka̱ka̱tu̱ꞌún rán ka̱ꞌ nuꞌuꞌ. Máá nááꞌ vá káchíꞌ ni̱ꞌ nu̱u̱nꞌ rán ya̱ nu̱u̱nꞌ maá Tátáꞌ ni̱ꞌ ka̱ka̱nꞌ rán néni ɨɨn tiñu nu̱u̱nꞌ súví nuꞌuꞌ, jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ, jee taji re̱ꞌ maa nu̱u̱nꞌ rán.

Juan 16:26

Jee ki̱vɨ̱ꞌ yukuán jee ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ, soo nsáꞌ káchíꞌ ni̱ꞌ nu̱u̱nꞌ rán ya̱ ka̱ka̱nꞌ táꞌvíꞌ ni̱ꞌ nu̱u̱nꞌ Tátáꞌ ni̱ꞌ jie̱ꞌe̱ꞌ ránoꞌó.

Juan 16:7

Soo káchíꞌ ni̱ꞌ ya̱ naáꞌ nu̱u̱nꞌ rán ya̱ va̱ꞌa ka̱ꞌ kúvi nu̱u̱nꞌ ránoꞌó ya̱ kɨ̱ꞌɨ̱nꞌ noꞌonꞌ ni̱ꞌ, chi retánꞌ nkɨ̱ꞌɨ́nꞌ ni̱ꞌ, jee nsáꞌ kiji maáréꞌ ya̱ chineí chituvi re̱ꞌ nachuꞌun neí re̱ꞌ iniꞌ ánímaꞌ rán. Soo retú kɨ̱ꞌɨ̱nꞌ ni̱ꞌ, jee chuichí ni̱ꞌ re̱ꞌ kiji re̱ꞌ nu̱u̱nꞌ ránoꞌó.

Juan 4:10

Jee nna̱xiníkó Jesús nu̱u̱nꞌ ña, jee nkachiꞌ re̱ꞌ: ―Retánꞌ jíníꞌ nú ta̱ꞌvi̱ꞌ ya̱ jiáꞌa Ndiosíꞌ nu̱u̱nꞌ ñɨvɨ, jín retánꞌ jíníꞌ nú né ɨɨn kúvi ni̱ꞌ ya̱ káchíꞌ ni̱ꞌ nu̱u̱nꞌ nú ya̱: taji nú xá ntíꞌ nute koꞌo ni̱ꞌ, jee maánú ka̱ka̱nꞌ táꞌvíꞌ nú nu̱u̱nꞌ ni̱ꞌ, jee taji ni̱ꞌ nute nu̱u̱nꞌ nú ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín Ndiosíꞌ ―nkachiꞌ Jesús.

Juan 4:14

Soo ñɨvɨ ya̱ koꞌo nute ya̱ ku̱ꞌva ni̱ꞌ nu̱u̱nꞌ‑u, jee ni nsáꞌ kujichiꞌ ka̱ꞌ. Chisaꞌ nute ya̱ ku̱ꞌva ni̱ꞌ koꞌo‑o, jee kene vá iniꞌ‑i kuéntáꞌ kene nokoꞌ nute nu̱u̱nꞌ ñu̱ꞌún, jee saꞌá‑a ya̱ ni̱ꞌi̱nꞌ ñɨvɨ ya̱ kutekuꞌ‑u nɨ́ɨ́nkání jín Ndiosíꞌ ―nkachiꞌ Jesús.

Juan 5:19

Saájee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán: Nuꞌuꞌ, ya̱ kúvi ni̱ꞌ Se̱ꞌya Ndiosíꞌ, nkúvi saꞌá ni̱ꞌ ni ɨɨn tiñu ya̱ maáníꞌ, chi kua̱chi sáꞌá ni̱ꞌ sáni néꞌyá ni̱ꞌ ya̱ sáꞌá Tátáꞌ ni̱ꞌ. Chi néni ɨɨn tiñu ya̱ sáꞌá Tátáꞌ ni̱ꞌ Ndiosíꞌ, suni sukuán nuꞌuꞌ ya̱ kúvi ni̱ꞌ Se̱ꞌya Ndiosíꞌ nuún sáꞌá ni̱ꞌ maa.

Juan 7:37

Ki̱vɨ̱ꞌ nu̱u̱nꞌ nɨ́ꞌɨ viko vá ya̱ kúvi ki̱vɨ̱ꞌ ñáꞌnú ka̱ꞌ, jee nnakui̱ñɨ̱ꞌ nichiꞌ Jesús jee nkachiꞌ re̱ꞌ: ―Retú né ni̱ꞌ ɨɨn rán kuéntáꞌ jíchíꞌ iniꞌ ánímaꞌ‑a nute, jee natuꞌva nu̱u̱nꞌ ni̱ꞌ jee koꞌo [ya̱ taji ni̱ꞌ nu̱u̱nꞌ nú].

1 Corintios 14:13

Jee saáva ñɨvɨ ya̱ káꞌánꞌ inka nu̱u̱nꞌ tu̱ꞌun ya̱ ntu̱ví jiáku̱ꞌun iniꞌ‑i, jee íyó ka̱ka̱nꞌ táꞌvíꞌ ñɨvɨ vá nu̱u̱nꞌ Ndiosíꞌ ya̱ ku̱ꞌva re̱ꞌ nu̱u̱nꞌ‑u ya̱ kuvi nakachiꞌ‑i ná kúníꞌ kachiꞌ tu̱ꞌun káꞌánꞌ‑a vá.

Efesios 2:18

Chi jie̱ꞌe̱ꞌ ya̱ nsa̱ꞌá Cristo jee nni̱ꞌi̱nꞌ‑ó ya̱ kuvi natuꞌva‑ó nu̱u̱nꞌ Tátáꞌ‑ó Ndiosíꞌ, sáꞌá métúꞌún ni Ta̱chi̱ꞌ Ííꞌ re̱ꞌ yɨ́ꞌɨ́ iniꞌ ntáká‑ó, va̱ni ñɨvɨ Israel áxí va̱ni ntu̱ví.

Efesios 3:12

Jee jie̱ꞌe̱ꞌ yɨ́ꞌɨ́‑ó nu̱u̱nꞌ Cristo jee íyó neí iniꞌ‑ó ne̱ yuchí kúkáꞌnú iniꞌ‑ó natuꞌva‑ó nu̱u̱nꞌ Ndiosíꞌ chi kúneí iniꞌ‑ó Cristo.

Efesios 3:14

Jee jie̱ꞌe̱ꞌ vá, jee nákuíñɨꞌ ítɨ́ ni̱ꞌ jíkánꞌ táꞌvíꞌ ni̱ꞌ nu̱u̱nꞌ Ndiosíꞌ ya̱ kúvi re̱ꞌ Tátáꞌ [I̱toꞌoꞌ‑ó Jesús ya̱ kúvi Cristo].

Filipenses 4:13

Kuvi kuiñɨ ni̱ꞌ nu̱u̱nꞌ nta̱ká ya̱ nóꞌo ni̱ꞌ, chi yɨ́ꞌɨ́ ni̱ꞌ nu̱u̱nꞌ Cristo, ya̱ násáneí re̱ꞌ iniꞌ nuꞌuꞌ.

Colosenses 3:17

Jee néni ɨɨn tu̱ꞌun káꞌánꞌ rán, áxí néni ɨɨn tiñu ya̱ sáꞌá rán, jee saꞌá va̱ꞌa rán nɨꞌɨ nu̱u̱nꞌ súví I̱toꞌoꞌ‑ó Jesús. Jee ku̱ꞌva rán ya̱ kútaꞌviꞌ rán nu̱u̱nꞌ Tátáꞌ‑ó Ndiosíꞌ, jie̱ꞌe̱ꞌ ya̱ nsa̱ꞌá Cristo jie̱ꞌe̱ꞌ ránoꞌó.

Hebreos 13:15

Jee saáva jie̱ꞌe̱ꞌ ya̱ sáꞌá Cristo jie̱ꞌe̱ꞌ yó, jee yɨ́táꞌán íyó nakuetúꞌún‑ó Ndiosíꞌ, jee yukuán kúvi ya̱ násokoꞌ‑ó nu̱u̱nꞌ re̱ꞌ jín yuꞌú‑ó. Jee ku̱ꞌvayuꞌú‑ó ya̱ I̱toꞌoꞌ‑ó ví Jesús.

Hebreos 4:15

Chi maá su̱tu̱ꞌ kúñáꞌnú ya̱ íyó jín‑ó, jee ntu kúvi re̱ꞌ ɨɨn su̱tu̱ꞌ ya̱ ntu kúvi kunáꞌví iniꞌ re̱ꞌ kune̱ꞌyá re̱ꞌ yó jie̱ꞌe̱ꞌ ya̱ táyáꞌ iniꞌ‑ó, chi suni ne̱ maáréꞌ ni̱yo tu̱ꞌun xíníyo iniꞌ jín re̱ꞌ ntáká nu̱u̱nꞌ kuéntáꞌ kua̱ꞌ maáó ranika̱ꞌ. Soo ni ɨɨn kua̱chi ntu nsa̱ꞌá re̱ꞌ.

Hebreos 7:25

Jee rá ñɨvɨ ya̱ jiánatuꞌva ráa nu̱u̱nꞌ Ndiosíꞌ jie̱ꞌe̱ꞌ Cristo, jee saáva kávii kuitɨꞌ kuvi natavaꞌ Jesús ráa nu̱u̱nꞌ kua̱chi ráa, jee sikáku re̱ꞌ xinánitáꞌvíꞌ re̱ꞌ nɨ́ɨ́nkání ráa, chi tékúꞌ re̱ꞌ nɨ́ɨ́nkání, sáva yɨ́tuvi re̱ꞌ náma re̱ꞌ ráa nu̱u̱nꞌ Ndiosíꞌ.

Santiago 1:5

Soo retú néni ɨɨn ránoꞌó kúmániꞌ ta̱nɨ̱ꞌ xi̱ni̱ꞌ‑i, ka̱ka̱nꞌ maa nu̱u̱nꞌ Ndiosíꞌ, jee ku̱ꞌva re̱ꞌ maa nu̱u̱nꞌ‑u. Chi ntu ñúkúꞌvá iniꞌ re̱ꞌ jiáꞌa re̱ꞌ maa nu̱u̱nꞌ nɨꞌɨ ñɨvɨ, jee ni ntu násóyu̱ꞌú re̱ꞌ nu̱u̱nꞌ ñɨvɨ vá jie̱ꞌe̱ꞌ ya̱ jíkánꞌ maa.

Santiago 5:16

Saáva íyó nanaꞌmaꞌ ɨɨn inka rán jie̱ꞌe̱ꞌ kua̱chi rán, jee íyó ka̱ka̱nꞌ táꞌvíꞌ rán jie̱ꞌe̱ꞌ ɨɨn inka rán, sáva nuvi rán. Máá ñáꞌnú nasɨ́kuitɨꞌ ví ya̱ jíkánꞌ táꞌvíꞌ ñɨvɨ na̱a̱ꞌ jee sáꞌá Ndiosíꞌ tiñu jie̱ꞌe̱ꞌ ya̱ jíkánꞌ táꞌvíꞌ.

1 Pedro 2:5

Jee ránoꞌó ranika̱ꞌ, suni kúvi rán kuéntáꞌ rá yu̱u̱ꞌ tékúꞌ ya̱ jiátíñú Ndiosíꞌ ránoꞌó sáꞌá re̱ꞌ veꞌi nu̱u̱nꞌ yɨ́ꞌɨ́ Ta̱chi̱ꞌ Ííꞌ re̱ꞌ, sáva kuvi rán su̱tu̱ꞌ ííꞌ kɨtíñú rán nu̱u̱nꞌ tiñu re̱ꞌ, sáva so̱ko̱ꞌ rán nu̱u̱nꞌ Ndiosíꞌ máá tiñu sánikua̱ꞌ sátíñú Ta̱chi̱ꞌ Ííꞌ re̱ꞌ iniꞌ ránoꞌó ya̱ kúváꞌa iniꞌ re̱ꞌ néꞌyá re̱ꞌ maa jie̱ꞌe̱ꞌ yɨ́ꞌɨ́ rán nu̱u̱nꞌ Jesús ya̱ kúvi Cristo.

1 Juan 3:22

jee suni na̱ni kúvi ya̱ ka̱ka̱nꞌ‑ó nu̱u̱nꞌ re̱ꞌ, jee ni̱ꞌi̱nꞌ‑ó maa nu̱u̱nꞌ re̱ꞌ, chi síkúnkuvi‑ó ya̱ tátúníꞌ re̱ꞌ, chi sáꞌá‑ó ya̱ kúváꞌa iniꞌ re̱ꞌ néꞌyá re̱ꞌ maa.

1 Juan 5:14

Jee kúneí iniꞌ‑ó Ndiosíꞌ ya̱ retú jíkánꞌ‑ó na̱ni kúvi nu̱u̱nꞌ re̱ꞌ, ya̱ kúvi sánikua̱ꞌ kuíni re̱ꞌ, jee tésóꞌo ñáꞌnú re̱ꞌ maa.