Juan 14:1 - Mixteco del suroeste de Tlaxiaco Oaxaca

¹ Jee nkachiꞌ tuku ka̱ꞌ Jesús: ―Koto nániꞌvɨꞌ iniꞌ ánímaꞌ rán, chisaꞌ ya̱ ya kúneí iniꞌ rán Ndiosíꞌ jee suni íyó kuneí iniꞌ rán nuꞌuꞌ.

Juan 14:1 Iomraidhean Croise

Juan 11:33

Saájee sáá niniꞌ Jesús ya̱ náꞌyúꞌ ña, jín rá ñɨvɨ Israel ya̱ kútáꞌán jín ña nkenta ráa yukuán náꞌyúꞌ ráa, jee nku̱níní iniꞌ ánímaꞌ re̱ꞌ jee nnu̱kuéká iniꞌ re̱ꞌ.

Juan 12:27

’Vitan jee núkuéká iniꞌ ánímaꞌ ni̱ꞌ. ¿Ná kachiꞌ ni̱ꞌ? “¿Á kachiꞌ ni̱ꞌ ya̱: Tátáꞌ ni̱ꞌ, sikáku nuꞌuꞌ nu̱u̱nꞌ tu̱nóꞌó va̱ji‑i nu̱u̱nꞌ ni̱ꞌ tiempúꞌ yaꞌá?” Soo nkúvi, chi jie̱ꞌe̱ꞌ tu̱nóꞌó yaꞌá va̱ji ni̱ꞌ kunoꞌo ni̱ꞌ tiempúꞌ yaꞌá.

Juan 12:44

Jee nka̱najíín ni̱ꞌin Jesús, jee nkachiꞌ re̱ꞌ: ―Ñɨvɨ ya̱ kúneí iniꞌ‑i nuꞌuꞌ, jee nsú kua̱chi nuꞌuꞌ ví ya̱ kúneí iniꞌ‑i, chisaꞌ suni kúneí iniꞌ ñɨvɨ vá ne̱ maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.

Juan 13:19

Jee ne̱ vitan jee ya̱ káchíꞌ ya̱chi̱ꞌ ni̱ꞌ na̱ kúvi ya̱ kuvi sú ne̱ ntiáꞌan ka̱ꞌ kuvi‑i, sáva sáá kuvi rá tu̱ꞌun nkachiꞌ ni̱ꞌ yaꞌá, jee i̱nu̱ꞌ iniꞌ rán ya̱ Nuꞌuꞌ Ví ya̱ íyó nɨ́ɨ́nkání.

Juan 16:24

Ne̱ vitan jee ni ntiáꞌan ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ. Jee vitan jee íyó ka̱ka̱nꞌ rán jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee ni̱ꞌi̱nꞌ rán ya̱ taji re̱ꞌ nu̱u̱nꞌ rán, sáva chitú ya̱ kúsɨ́ɨꞌ nasɨ́kuitɨꞌ iniꞌ rán.

Juan 16:3

Jee saꞌá ráa sukuán jín ránoꞌó, chi ntu̱ví jíníꞌ ráa iniꞌ Tátáꞌ ni̱ꞌ ni iniꞌ nuꞌuꞌ.

Juan 16:6

Chisaꞌ kúkuéká nasɨ́kuitɨꞌ iniꞌ rán chi nkachiꞌ ni̱ꞌ nu̱u̱nꞌ rán rá tu̱ꞌun ya̱ sukuán koo.

Juan 5:23

Nsa̱ꞌá re̱ꞌ suꞌva, sáva nta̱ká ñɨvɨ chiñúꞌún ráa nuꞌuꞌ, ya̱ kúvi ni̱ꞌ Se̱ꞌya re̱ꞌ, kuéntáꞌ chíñúꞌún ráa Tátáꞌ ni̱ꞌ. Jee ñɨvɨ ya̱ ntu chíñúꞌún nuꞌuꞌ, ya̱ kúvi Se̱ꞌya re̱ꞌ, jee suni ntu chíñúꞌún ñɨvɨ vá Tátáꞌ ni̱ꞌ ya̱ nchu̱ichí nuꞌuꞌ va̱ji ni̱ꞌ.

Juan 6:40

Chi yaꞌá kúvi ya̱ kuíni Tátáꞌ ni̱ꞌ ya̱ nchu̱ichí nuꞌuꞌ: Nta̱ká ñɨvɨ ya̱ jínúꞌ iniꞌ ráa néꞌyá ráa Se̱ꞌya Ndiosíꞌ, jee kúneí iniꞌ ráa maa, jee kutekuꞌ ráa nɨ́ɨ́nkání jín re̱ꞌ, jee xinátekuꞌ i̱i̱ꞌ ni̱ꞌ ráa jee xinákóo ni̱ꞌ ráa kene ráa nteñu rá níꞌiꞌ ki̱vɨ̱ꞌ nu̱u̱nꞌ nɨ́ꞌɨ. Chi nuꞌuꞌ kuvi ni̱ꞌ Se̱ꞌya Ndiosíꞌ ―nkachiꞌ Jesús.

2 Corintios 2:7

Jee saáva, íyó va̱ꞌa ka̱ꞌ ya̱ íyó kunekáꞌnú iniꞌ rán kune̱ꞌyá rán ñɨvɨ vá, jee nasaváꞌa rán iniꞌ‑i, sáva nkúneí tu̱nkuéká iniꞌ‑i jín‑i.

Efesios 1:15

Saáva, sáá nteso̱ꞌo ni̱ꞌ tu̱ꞌun jie̱ꞌe̱ꞌ rán, jie̱ꞌe̱ꞌ ya̱ kúneí iniꞌ rán I̱toꞌoꞌ‑ó Jesús, jín jie̱ꞌe̱ꞌ ya̱ ñúnúunꞌ rán ntáká rá ñɨvɨ ya̱ nsa̱ꞌá sɨ́ɨ́n Ndiosíꞌ ráa, sáva kɨꞌɨ ráa nu̱u̱nꞌ Cristo,

2 Tesalonicenses 2:2

koto jiáꞌa rán sisákánuun ñamaꞌ ñɨvɨ antúníꞌ ránoꞌó, jee koto kuníní iniꞌ rán jie̱ꞌe̱ꞌ tu̱ꞌun káchíꞌ ñɨvɨ yukuán nu̱u̱nꞌ rán, ya̱ ya nkenta ki̱vɨ̱ꞌ ya̱ niji tuku I̱toꞌoꞌ‑ó, sáva tatúníꞌ re̱ꞌ nu̱u̱nꞌ nɨꞌɨ jee keꞌneꞌ re̱ꞌ kua̱chi. Jee koto sáꞌá rán kuéntáꞌ nu̱u̱nꞌ tu̱ꞌun vá, sú káchíꞌ ráa ya̱ tu̱ꞌun vá va̱ji‑i nu̱u̱nꞌ Ta̱chi̱ꞌ Ííꞌ, áxí ya̱ va̱ji‑i nu̱u̱nꞌ tu̱ꞌun yuꞌuꞌ ránuꞌuꞌ, áxí nu̱u̱nꞌ tutuꞌ ntee ránꞌ níso tu̱ꞌun vá ya̱ nkene nu̱u̱nꞌ ránuꞌuꞌ.

1 Pedro 1:21

Chi jie̱ꞌe̱ꞌ Cristo jee jínúꞌ iniꞌ rán Ndiosíꞌ, ya̱ kúvi re̱ꞌ ya̱ nna̱xinátekuꞌ i̱i̱ꞌ tuku re̱ꞌ Cristo nnene‑e nteñu rá níyɨ, jee nnu̱ñáꞌnú nasɨ́kuitɨꞌ‑ɨ nsa̱ꞌá re̱ꞌ, jee saáva kúneí iniꞌ rán ínúꞌ iniꞌ rán Ndiosíꞌ, jee íyó kutú tu̱neí iniꞌ rán nétu rán ya̱ saꞌá re̱ꞌ.