Juan 13:9 - Mixteco del suroeste de Tlaxiaco Oaxaca

⁹ Jee nkachiꞌ Simón Pedro nu̱u̱nꞌ re̱ꞌ: ―I̱toꞌoꞌ, retú sukuán jee nsú kua̱chi kuitɨꞌ rá jie̱ꞌe̱ꞌ ni̱ꞌ ni nakete nú, chisaꞌ suni rá naꞌá ni̱ꞌ jín xi̱ni̱ꞌ ni̱ꞌ ranika̱ꞌ ―nkachiꞌ re̱ꞌ.

Juan 13:9 Iomraidhean Croise

Mateo 27:24

Jee sáá niniꞌ Pilato ya̱ ntu kúneí re̱ꞌ jín rá ñɨvɨ chisaꞌ víꞌí ka̱ꞌ kúváaꞌ ráa, jee ni̱ka̱nꞌ re̱ꞌ nute, jee nna̱naꞌá re̱ꞌ ichinúúnꞌ rá ñɨvɨ kue̱ꞌe̱ꞌ vá, jee nkachiꞌ re̱ꞌ: ―Ntu kuáchi si̱kɨ̱ꞌ ni̱ꞌ ya̱ kuviꞌ te̱e yaꞌá. ¡Yaꞌá ví si̱kɨ̱ꞌ maárán! ―nkachiꞌ re̱ꞌ nu̱u̱nꞌ ráa.

Juan 13:10

Soo nkachiꞌ Jesús nu̱u̱nꞌ re̱ꞌ: ―Retú ɨɨn ñɨvɨ ya̱ ya nichi‑i, jee ntu̱ví jíniñúꞌún‑u ya̱ nakete‑e maáa, chisaꞌ kua̱chi jie̱ꞌe̱ꞌ re̱ꞌ ni, chi ya̱ íyó noo kua̱íyó ñɨvɨ vá. Jee ránoꞌó chi ya̱ íyó noo ánímaꞌ rán, sú nsáꞌ ntáká kuitɨꞌ rán íyó noo.

Juan 13:8

Soo nkachiꞌ Pedro: ―Ni nsáꞌ nakete kuitɨꞌ nú jie̱ꞌe̱ꞌ ni̱ꞌ ―nkachiꞌ re̱ꞌ. Jee nna̱xiníkó Jesús nu̱u̱nꞌ re̱ꞌ: ―Retú nsáꞌ nakete ni̱ꞌ noꞌó, nsáꞌ koo nú jín ni̱ꞌ.

Hebreos 10:22

Jee saáva, ne̱ saɨn kúvi iniꞌ ánímaꞌ‑ó natuꞌva‑ó nu̱u̱nꞌ Ndiosíꞌ, jie̱ꞌe̱ꞌ kínóo kutú ánímaꞌ‑ó chi kúneí iniꞌ‑ó Cristo, chi nna̱saꞌá noo Cristo ánímaꞌ‑ó ya̱ kuniꞌ‑ó ya̱ ntu níso‑ó ka̱ꞌ ya̱ niva̱ꞌa. Jee ya̱ nno̱noo‑ó kuéntáꞌ nna̱kete‑ó yɨkɨkúñu‑ó jín nute ninuꞌun.

1 Pedro 3:21

Jee kuéntáꞌ kua̱ꞌ nkáku ráa nu̱u̱nꞌ nute vá, jee suni kuéntáꞌ sukuán kúnkunuún kúvi‑i ya̱ jiánuté‑ó tiempúꞌ vitan síkáku‑u ñɨvɨ, jie̱ꞌe̱ꞌ ya̱ nna̱tekuꞌ i̱i̱ꞌ Jesús ya̱ kúvi Cristo nkene‑e nteñu rá níyɨ. Soo nsú jie̱ꞌe̱ꞌ ya̱ siíyo rá téꞌén ñunéꞌyúꞌ‑ó jín nute, chisaꞌ jiánuté‑ó sáva stúvi‑ó ya̱ ne̱ ánímaꞌ‑ó chisóyuꞌú‑ó kueꞌnu na̱a̱ꞌ‑ó nu̱u̱nꞌ Ndiosíꞌ jín ya̱ jíkánꞌ táꞌvíꞌ‑ó nu̱u̱nꞌ Ndiosíꞌ ya̱ sííyo kua̱chi‑ó nonoo ánímaꞌ‑ó ya̱ jíníꞌ‑ó ya̱ ntu níso‑ó kua̱chi.