Juan 13:8 - Mixteco del suroeste de Tlaxiaco Oaxaca

⁸ Soo nkachiꞌ Pedro: ―Ni nsáꞌ nakete kuitɨꞌ nú jie̱ꞌe̱ꞌ ni̱ꞌ ―nkachiꞌ re̱ꞌ. Jee nna̱xiníkó Jesús nu̱u̱nꞌ re̱ꞌ: ―Retú nsáꞌ nakete ni̱ꞌ noꞌó, nsáꞌ koo nú jín ni̱ꞌ.

Juan 13:8 Iomraidhean Croise

Génesis 42:38

Soo nna̱xiníkó Jacob nu̱u̱nꞌ Rubén: ―Se̱ꞌya yɨ́ɨ́ ni̱ꞌ Benjamín nkɨ̱ꞌɨ́nꞌ jín rán, chi ñaniꞌ re̱ꞌ José ni̱ꞌi̱ꞌ re̱ꞌ, jee métúꞌún re̱ꞌ ni ka̱ꞌ kínóo, jee retú ná kúvi ya̱ niváꞌa kunoꞌo re̱ꞌ ichi nu̱u̱nꞌ kɨ̱ꞌɨ̱nꞌ rán jín re̱ꞌ jee ránoꞌó jee saꞌá rán kuviꞌ ni máá tu̱nkuéká iniꞌ ni̱ꞌ ya̱ nyɨɨ ni̱ꞌ.

Mateo 16:22

Saájee kua̱ꞌa̱nꞌ sɨ́ɨ́n Pedro jín re̱ꞌ, jee nka̱jiéꞌé‑e núxeenꞌ‑e nu̱u̱nꞌ re̱ꞌ: ―I̱toꞌoꞌ, na̱ ka̱ꞌ kunáꞌví iniꞌ Ndiosíꞌ kune̱ꞌyá‑a noꞌó. Ni nsáꞌ kunoꞌo nú sukuán ―nkachiꞌ‑i.

Mateo 21:29

Jee nna̱xiníkó‑o nu̱u̱nꞌ tátáꞌ‑a, jee nkachiꞌ‑i: “Ntu kuíni ni̱ꞌ kɨ̱ꞌɨ̱nꞌ ni̱ꞌ”, nkachiꞌ‑i, soo kuéé jee nna̱kani iniꞌ‑i jee ña̱ꞌa̱nꞌ‑a.

Mateo 26:33

Soo nna̱xiníkó Pedro jee nkachiꞌ‑i: ―Súnika̱ꞌ ntáká ráa kininkava nayu̱ꞌví ráa jee xinóo ráa noꞌó, soo nuꞌuꞌ, chi ni nsáꞌ kininkava nayu̱ꞌví ni̱ꞌ jee ni nsáꞌ xinóo ni̱ꞌ noꞌó ―nkachiꞌ Pedro.

Mateo 26:35

Jee nkachiꞌ Pedro nu̱u̱nꞌ Jesús: ―Súnika̱ꞌ íyó kuviꞌ ni̱ꞌ jín noꞌó, soo ni nsáꞌ kachiꞌ ni̱ꞌ ya̱ ntu jíníꞌ ni̱ꞌ noꞌó ―nkachiꞌ Pedro, jee suni sukuán nkachiꞌ ntáká rá te̱e kútáꞌán jín Jesús ya̱ súkuáꞌa re̱ꞌ ráa.

Juan 13:6

Jee sáá nkenta re̱ꞌ nu̱u̱nꞌ Simón Pedro, jee nkachiꞌ Pedro nu̱u̱nꞌ re̱ꞌ: ―I̱toꞌoꞌ, ¿á saꞌ maánú nakete jie̱ꞌe̱ꞌ nuꞌuꞌ? ―nkachiꞌ Simón.

Juan 13:9

Jee nkachiꞌ Simón Pedro nu̱u̱nꞌ re̱ꞌ: ―I̱toꞌoꞌ, retú sukuán jee nsú kua̱chi kuitɨꞌ rá jie̱ꞌe̱ꞌ ni̱ꞌ ni nakete nú, chisaꞌ suni rá naꞌá ni̱ꞌ jín xi̱ni̱ꞌ ni̱ꞌ ranika̱ꞌ ―nkachiꞌ re̱ꞌ.

Juan 3:5

Jee nna̱xiníkó Jesús, jee nkachiꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ retú ntu nákaku jiáá tuku ɨɨn ñɨvɨ jee ntu kuvi ki̱vɨ‑ɨ naꞌá Ndiosíꞌ. Íyó nonoo kua̱chi ñɨvɨ kuéntáꞌ sáꞌá noo nute jee nakaku‑u sáꞌá Ta̱chi̱ꞌ Ííꞌ Ndiosíꞌ.

Hechos 22:16

Jee ntañúꞌún, ¿ná nétu nú? Nakuiñɨꞌ jee kuanuté. Ka̱ka̱nꞌ táꞌvíꞌ nu̱u̱nꞌ I̱toꞌoꞌ‑ó jee nasánoo re̱ꞌ jie̱ꞌe̱ꞌ kua̱chi nú”, suꞌva nkachiꞌ Ananías ―nkachiꞌ Pablo.

1 Corintios 6:11

Jee suꞌva ñaꞌnu sava rán nékúvi, soo vitan chi ya̱ ntu̱ví ka̱ꞌ, chi nna̱kete Ndiosíꞌ ránoꞌó jee nno̱noo rán nu̱u̱nꞌ kua̱chi, jee nsa̱ꞌá sɨ́ɨ́n Ndiosíꞌ ránoꞌó nu̱u̱nꞌ kua̱chi rán sáva kɨꞌɨ rán nu̱u̱nꞌ Cristo, jee ya nkino̱o na̱a̱ꞌ rán nsa̱ꞌá Ndiosíꞌ jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó Jesús ya̱ kúvi Cristo, jee ña̱tíñú Ndiosíꞌ‑ó Ta̱chi̱ꞌ Ííꞌ re̱ꞌ nsa̱ꞌá re̱ꞌ maa.

Efesios 5:26

Nsa̱ꞌá re̱ꞌ sukuán sáva saꞌá sɨ́ɨ́n re̱ꞌ yó sáva nkɨ́ꞌɨ‑ó ka̱ꞌ nu̱u̱nꞌ kua̱chi‑ó, jee nna̱sánoo re̱ꞌ ánímaꞌ‑ó jín tu̱ꞌun re̱ꞌ, kuéntáꞌ nna̱kete re̱ꞌ yó jín nute.

Colosenses 2:18

Jee koto jiáꞌa rán ya̱ xináꞌví ni ɨɨn ñɨvɨ ránoꞌó ya̱ kasɨꞌ ráa ni̱ꞌi̱nꞌ rán ta̱ꞌvi̱ꞌ rán, chi yɨ́tuvi ráa ya̱ xtúvi láꞌví ráa iniꞌ rán, jín ya̱ kuneñu̱ꞌun ráa rá najiáꞌáꞌ ííꞌ Ndiosíꞌ. Jee kíní ráa maáráa nu̱u̱nꞌ tiñu ya̱ ntu jíníꞌ kájíkuitɨꞌ ráa. Jee jiáni ka̱ꞌá téyɨ́ɨ́ iniꞌ ráa, chi antúníꞌ ráa yɨ́ꞌɨ́ xi̱ntíín ya̱ níyo néꞌén iniꞌ ráa, ya̱ ntu yɨ́ꞌɨ́‑ɨ naꞌá Ndiosíꞌ.

Colosenses 2:23

Jee jiáni iniꞌ ñɨvɨ ya̱ tu̱ꞌun níchí ví tu̱ꞌun yukuán, chi yɨ́tíñú ráa síkúnkuvi ráa maa sáva néñu̱ꞌun ni̱ꞌin ráa Ndiosíꞌ sáni kuíni ráa, jín ya̱ xtúvi láꞌví iniꞌ ráa, jín ya̱ xínóꞌo ráa yɨkɨkúñu ráa. Soo ntu̱náꞌ nu̱u̱nꞌ íyótiñu rá yukuán sáva kasɨꞌ‑ɨ nu̱u̱nꞌ ya̱ níyo néꞌén iniꞌ ráa saꞌá ráa jín yɨkɨkúñu kua̱chi ráa.

Tito 3:5

jee sikáku re̱ꞌ yó nsú jie̱ꞌe̱ꞌ tiñu na̱a̱ꞌ nsa̱ꞌá‑ó ví‑i, chisaꞌ sikáku re̱ꞌ yó chi nku̱náꞌví iniꞌ re̱ꞌ nne̱ꞌyá re̱ꞌ yó. Jee nsi̱káku re̱ꞌ yó jie̱ꞌe̱ꞌ ya̱ Ta̱chi̱ꞌ Ííꞌ re̱ꞌ nna̱sánoo ánímaꞌ‑ó, jee suꞌva nsa̱ꞌá re̱ꞌ ya̱ nna̱kaku jiáá tuku‑ó, jín jie̱ꞌe̱ꞌ ya̱ nsama re̱ꞌ iniꞌ‑ó sáva nujiáá‑ó.

Hebreos 10:22

Jee saáva, ne̱ saɨn kúvi iniꞌ ánímaꞌ‑ó natuꞌva‑ó nu̱u̱nꞌ Ndiosíꞌ, jie̱ꞌe̱ꞌ kínóo kutú ánímaꞌ‑ó chi kúneí iniꞌ‑ó Cristo, chi nna̱saꞌá noo Cristo ánímaꞌ‑ó ya̱ kuniꞌ‑ó ya̱ ntu níso‑ó ka̱ꞌ ya̱ niva̱ꞌa. Jee ya̱ nno̱noo‑ó kuéntáꞌ nna̱kete‑ó yɨkɨkúñu‑ó jín nute ninuꞌun.

Apoclipsis 1:5

Jee Jesús ya̱ kúvi Cristo síkúnkuvi na̱a̱ꞌ re̱ꞌ ya̱ jiáꞌa re̱ꞌ ya̱ naáꞌ jie̱ꞌe̱ꞌ Ndiosíꞌ. Jee xíꞌnañúꞌún re̱ꞌ ví ya̱ nna̱tekuꞌ i̱i̱ꞌ re̱ꞌ jee nkene re̱ꞌ nteñu rá níyɨ, kuéntáꞌ se̱ꞌya nkaku xíꞌnañúꞌún ya̱ kúñáꞌnú ka̱ꞌ. Jee kúñáꞌnú re̱ꞌ tátúníꞌ re̱ꞌ nu̱u̱nꞌ ntáká rá te̱e tátúníꞌ iniꞌ ñɨ̱vɨ́ yaꞌá. Jee maáréꞌ ví ya̱ ñúnúunꞌ re̱ꞌ yó, chi ñatɨ re̱ꞌ ni̱ñɨ̱ꞌ re̱ꞌ sáá ni̱ꞌi̱ꞌ re̱ꞌ jie̱ꞌe̱ꞌ kua̱chi yó, jee nna̱kani núne re̱ꞌ yó nu̱u̱nꞌ kua̱chi‑ó.

Apoclipsis 7:14

Jee nkachiꞌ ni̱ꞌ nu̱u̱nꞌ‑u: ―Tátáꞌ ni̱ꞌ, noꞌó jíníꞌ ―nkachiꞌ ni̱ꞌ. Jee nkachiꞌ‑i nu̱u̱nꞌ ni̱ꞌ: Rá ñɨvɨ yaꞌá ví rá nku̱neí ráa njia̱ꞌa ráa nu̱u̱nꞌ máá maá tu̱nóꞌó xéénꞌ nnoꞌo ráa. Jee nno̱noo ánímaꞌ ráa jie̱ꞌe̱ꞌ ni̱ꞌi̱ꞌ maáréꞌ ya̱ kúvi re̱ꞌ Lanchi Lúlí vá, kuéntáꞌ nna̱kete ráa saꞌma ráa jee nnu̱kuíjín‑i sáꞌá re̱ꞌ jín ni̱ñɨ̱ꞌ maáréꞌ.