Juan 13:5 - Mixteco del suroeste de Tlaxiaco Oaxaca

⁵ Jee kuíre nchuꞌun re̱ꞌ nute iniꞌ ɨɨn ñenkóꞌó, jee nka̱jiéꞌé re̱ꞌ nakete re̱ꞌ jie̱ꞌe̱ꞌ rá te̱e súkuáꞌa re̱ꞌ ráa, jee xínáchi re̱ꞌ jie̱ꞌe̱ꞌ ráa jín saꞌma vá ya̱ núꞌníꞌ chi̱ji re̱ꞌ.

Juan 13:5 Iomraidhean Croise

Génesis 18:4

Jee kiji rá musúꞌ ni̱ꞌ jín nute nakete ráa jie̱ꞌe̱ꞌ rán jee najia̱ví rán nu̱u̱nꞌ kátɨ́ jie̱ꞌe̱ꞌ yutun.

Génesis 19:2

Jee nkachiꞌ re̱ꞌ: ―Ránoꞌó tátáꞌ, kova̱ꞌa xá iniꞌ rán kɨ̱kino̱o rán yakuááꞌ veꞌi nuꞌuꞌ ya̱ kúvi ni̱ꞌ musúꞌ rán. Jee yukuán kuvi nakete rán rá jie̱ꞌe̱ꞌ rán, jee neꞌenꞌ xteñu̱ꞌún kuvi kɨ̱ꞌɨ̱nꞌ rán ichi kɨ̱ꞌɨ̱nꞌ rán ―nkachiꞌ re̱ꞌ nu̱u̱nꞌ ráa. Soo nkachiꞌ ráa: ―Ntu̱ví chi sú iniꞌ ichi chíkéꞌi ni kino̱o ránꞌ yakuááꞌ ―nkachiꞌ ráa nu̱u̱nꞌ re̱ꞌ.

Génesis 43:24

Jee kuíre kua̱ꞌa̱nꞌ‑a jín ráa veꞌi José, jee njia̱ꞌa‑a nute nu̱u̱nꞌ ráa sáva nakete ráa rá jie̱ꞌe̱ꞌ ráa, jee suni njia̱ꞌa ya̱ kajiꞌ rá burrúꞌ ráa.

Lucas 7:38

Jee íñɨ́ ña ichi yatáꞌ rá jie̱ꞌe̱ꞌ Jesús jee náꞌyúꞌ ña ne̱ xínáji ña jie̱ꞌe̱ꞌ re̱ꞌ jín ntenúúnꞌ ña jee suni téyuꞌú ña rá jie̱ꞌe̱ꞌ re̱ꞌ, jee xínáchi ña rá jie̱ꞌe̱ꞌ re̱ꞌ jín ixi xíníꞌ ña, jee nchi̱só ña nute jiáꞌánꞌ vi̱xi̱ꞌ rá jie̱ꞌe̱ꞌ re̱ꞌ.

Lucas 7:44

Saájee nna̱ikó Jesús nna̱kune̱ꞌyá re̱ꞌ nu̱u̱nꞌ ñaꞌan vá jee nkachiꞌ re̱ꞌ nu̱u̱nꞌ Simón: ―¿Á néꞌyá nú ñaꞌan yaꞌá? Sáá nki̱vɨ ni̱ꞌ iniꞌ veꞌi nú jee ntu ntaji nú nute nonoo rá jie̱ꞌe̱ꞌ ni̱ꞌ. Soo ñaꞌan yaꞌá jee ne̱ nxi̱náji ña jín ntenúúnꞌ ña jie̱ꞌe̱ꞌ ni̱ꞌ, jee nxi̱náchi ña maa jín ixi xíníꞌ ña.

Juan 13:10

Soo nkachiꞌ Jesús nu̱u̱nꞌ re̱ꞌ: ―Retú ɨɨn ñɨvɨ ya̱ ya nichi‑i, jee ntu̱ví jíniñúꞌún‑u ya̱ nakete‑e maáa, chisaꞌ kua̱chi jie̱ꞌe̱ꞌ re̱ꞌ ni, chi ya̱ íyó noo kua̱íyó ñɨvɨ vá. Jee ránoꞌó chi ya̱ íyó noo ánímaꞌ rán, sú nsáꞌ ntáká kuitɨꞌ rán íyó noo.

Juan 13:6

Jee sáá nkenta re̱ꞌ nu̱u̱nꞌ Simón Pedro, jee nkachiꞌ Pedro nu̱u̱nꞌ re̱ꞌ: ―I̱toꞌoꞌ, ¿á saꞌ maánú nakete jie̱ꞌe̱ꞌ nuꞌuꞌ? ―nkachiꞌ Simón.

Juan 13:8

Soo nkachiꞌ Pedro: ―Ni nsáꞌ nakete kuitɨꞌ nú jie̱ꞌe̱ꞌ ni̱ꞌ ―nkachiꞌ re̱ꞌ. Jee nna̱xiníkó Jesús nu̱u̱nꞌ re̱ꞌ: ―Retú nsáꞌ nakete ni̱ꞌ noꞌó, nsáꞌ koo nú jín ni̱ꞌ.

Juan 19:34

Soo ɨɨn rá soldado vá nki̱ní‑i lanza íyo yɨkɨ íkáꞌ Jesús, jee kuísá ntañúꞌún nkene ni̱ñɨ̱ꞌ jín nute yɨkɨ íkáꞌ Jesús.

Hechos 22:16

Jee ntañúꞌún, ¿ná nétu nú? Nakuiñɨꞌ jee kuanuté. Ka̱ka̱nꞌ táꞌvíꞌ nu̱u̱nꞌ I̱toꞌoꞌ‑ó jee nasánoo re̱ꞌ jie̱ꞌe̱ꞌ kua̱chi nú”, suꞌva nkachiꞌ Ananías ―nkachiꞌ Pablo.

1 Corintios 6:11

Jee suꞌva ñaꞌnu sava rán nékúvi, soo vitan chi ya̱ ntu̱ví ka̱ꞌ, chi nna̱kete Ndiosíꞌ ránoꞌó jee nno̱noo rán nu̱u̱nꞌ kua̱chi, jee nsa̱ꞌá sɨ́ɨ́n Ndiosíꞌ ránoꞌó nu̱u̱nꞌ kua̱chi rán sáva kɨꞌɨ rán nu̱u̱nꞌ Cristo, jee ya nkino̱o na̱a̱ꞌ rán nsa̱ꞌá Ndiosíꞌ jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó Jesús ya̱ kúvi Cristo, jee ña̱tíñú Ndiosíꞌ‑ó Ta̱chi̱ꞌ Ííꞌ re̱ꞌ nsa̱ꞌá re̱ꞌ maa.

Efesios 5:26

Nsa̱ꞌá re̱ꞌ sukuán sáva saꞌá sɨ́ɨ́n re̱ꞌ yó sáva nkɨ́ꞌɨ‑ó ka̱ꞌ nu̱u̱nꞌ kua̱chi‑ó, jee nna̱sánoo re̱ꞌ ánímaꞌ‑ó jín tu̱ꞌun re̱ꞌ, kuéntáꞌ nna̱kete re̱ꞌ yó jín nute.

1 Timoteo 5:10

jee retú túvi ya̱ váꞌa sáꞌá ña nu̱u̱nꞌ inka ñɨvɨ, jee retú nsi̱kuéꞌnu va̱ꞌa ña se̱ꞌya ña, jee retú ni̱yo ma̱ni̱ꞌ iniꞌ ña, ya̱ njia̱ꞌa ña ntíꞌ veꞌi ña kino̱o ñɨvɨ jíka ichi, jee retú nsa̱ꞌá ña tiñu suꞌva, sáva kootiñu ña nu̱u̱nꞌ rá ñɨvɨ yɨ́ꞌɨ́ nu̱u̱nꞌ Cristo, sú tiñu láꞌví ví‑i ya̱ nna̱kete ña jie̱ꞌe̱ꞌ ráa, jee retú nchi̱neí ña rá ñɨvɨ nóꞌo, jee retú nyɨ̱tíñú ña nsa̱ꞌá ña nta̱ká nu̱u̱nꞌ ya̱ váꞌa.

Hebreos 10:22

Jee saáva, ne̱ saɨn kúvi iniꞌ ánímaꞌ‑ó natuꞌva‑ó nu̱u̱nꞌ Ndiosíꞌ, jie̱ꞌe̱ꞌ kínóo kutú ánímaꞌ‑ó chi kúneí iniꞌ‑ó Cristo, chi nna̱saꞌá noo Cristo ánímaꞌ‑ó ya̱ kuniꞌ‑ó ya̱ ntu níso‑ó ka̱ꞌ ya̱ niva̱ꞌa. Jee ya̱ nno̱noo‑ó kuéntáꞌ nna̱kete‑ó yɨkɨkúñu‑ó jín nute ninuꞌun.

1 Juan 1:7

Soo retú na̱a̱ꞌ jiáꞌnu‑ó kuéntáꞌ nu̱u̱nꞌ túúnꞌ ñuꞌunꞌ sánikua̱ꞌ íyó maáréꞌ nu̱u̱nꞌ túúnꞌ ñuꞌunꞌ ya̱ kúvi ya̱ na̱a̱ꞌ íyó maáréꞌ, saájee íyó ɨnuún‑ó jín ɨɨn inka táꞌán‑ó, jee nónoo‑ó nu̱u̱nꞌ re̱ꞌ chi ni̱ꞌi̱ꞌ maá Se̱ꞌya re̱ꞌ Jesús jee ñatɨ ni̱ñɨ̱ꞌ vá sáva nasánoo‑o yó nu̱u̱nꞌ nta̱ká kua̱chi‑ó.

1 Juan 5:6

Jee suvire̱ꞌ kúvi Jesús ya̱ nkiji re̱ꞌ jee túvi ya̱ kúvi re̱ꞌ Cristo sáá ña̱nuté re̱ꞌ jín nute, jee ñatɨ ni̱ñɨ̱ꞌ re̱ꞌ sáá ni̱ꞌi̱ꞌ re̱ꞌ nu̱u̱nꞌ kurúsiꞌ jie̱ꞌe̱ꞌ‑ó. Jee nsáꞌ kua̱chi kuitɨꞌ ña̱nuté re̱ꞌ jín nute, chisaꞌ suni ñatɨ ni̱ñɨ̱ꞌ re̱ꞌ nu̱u̱nꞌ kurúsiꞌ. Jee máá Ta̱chi̱ꞌ Ííꞌ Ndiosíꞌ ví ya̱ jiáꞌa ya̱ naáꞌ jie̱ꞌe̱ꞌ yaꞌá, chi mánitu̱ꞌun íyó na̱a̱ꞌ ñúꞌún iniꞌ re̱ꞌ.

Apoclipsis 1:5

Jee Jesús ya̱ kúvi Cristo síkúnkuvi na̱a̱ꞌ re̱ꞌ ya̱ jiáꞌa re̱ꞌ ya̱ naáꞌ jie̱ꞌe̱ꞌ Ndiosíꞌ. Jee xíꞌnañúꞌún re̱ꞌ ví ya̱ nna̱tekuꞌ i̱i̱ꞌ re̱ꞌ jee nkene re̱ꞌ nteñu rá níyɨ, kuéntáꞌ se̱ꞌya nkaku xíꞌnañúꞌún ya̱ kúñáꞌnú ka̱ꞌ. Jee kúñáꞌnú re̱ꞌ tátúníꞌ re̱ꞌ nu̱u̱nꞌ ntáká rá te̱e tátúníꞌ iniꞌ ñɨ̱vɨ́ yaꞌá. Jee maáréꞌ ví ya̱ ñúnúunꞌ re̱ꞌ yó, chi ñatɨ re̱ꞌ ni̱ñɨ̱ꞌ re̱ꞌ sáá ni̱ꞌi̱ꞌ re̱ꞌ jie̱ꞌe̱ꞌ kua̱chi yó, jee nna̱kani núne re̱ꞌ yó nu̱u̱nꞌ kua̱chi‑ó.

Apoclipsis 7:14

Jee nkachiꞌ ni̱ꞌ nu̱u̱nꞌ‑u: ―Tátáꞌ ni̱ꞌ, noꞌó jíníꞌ ―nkachiꞌ ni̱ꞌ. Jee nkachiꞌ‑i nu̱u̱nꞌ ni̱ꞌ: Rá ñɨvɨ yaꞌá ví rá nku̱neí ráa njia̱ꞌa ráa nu̱u̱nꞌ máá maá tu̱nóꞌó xéénꞌ nnoꞌo ráa. Jee nno̱noo ánímaꞌ ráa jie̱ꞌe̱ꞌ ni̱ꞌi̱ꞌ maáréꞌ ya̱ kúvi re̱ꞌ Lanchi Lúlí vá, kuéntáꞌ nna̱kete ráa saꞌma ráa jee nnu̱kuíjín‑i sáꞌá re̱ꞌ jín ni̱ñɨ̱ꞌ maáréꞌ.