Juan 13:4 - Mixteco del suroeste de Tlaxiaco Oaxaca

⁴ Jee sáá nkuvi nku̱xíní, jee nna̱kuiñɨꞌ re̱ꞌ, jee nxi̱tá re̱ꞌ saꞌma níji re̱ꞌ, jee nkeꞌen re̱ꞌ ɨɨn saꞌma xínáchi jee niꞌniꞌ re̱ꞌ maa chi̱ji re̱ꞌ.

Juan 13:4 Iomraidhean Croise

Lucas 12:37

Jee na̱ ka̱ꞌ netuꞌ ka̱ꞌ ví rá musúꞌ vá sáá nenta i̱toꞌoꞌ xí tiñu ráa jee naniꞌinꞌ re̱ꞌ ráa ya̱ íyó nito ráa. Jee máá naáꞌ nijia vá káchíꞌ ni̱ꞌ nu̱u̱nꞌ rán ya̱ suni ne̱ maá i̱toꞌoꞌ ráa nasatúꞌva re̱ꞌ maáréꞌ, jee sikúneeꞌ re̱ꞌ ráa yumesáꞌ, jee chisó re̱ꞌ nu̱u̱nꞌ ráa ya̱ kajiꞌ ráa.

Lucas 17:7

’Soo ¿né ɨɨn rán íyó ɨɨn musúꞌ nú ya̱ kua̱satíñú‑u jiáꞌa‑a yukunꞌ jín xi̱ni̱kɨ̱ꞌ áxí kua̱kumí‑i rá sa̱na̱ꞌ, jee sáá nenta‑a ya̱ ñáꞌanꞌ‑a nu̱u̱nꞌ kuꞌúꞌ, jee á kachiꞌ nú nu̱u̱nꞌ‑u: “Jia̱ꞌa, kuneeꞌ nú yuꞌú mesa kuxíní nú”, rúja?

Lucas 17:8

¡Ntu̱ví kuitɨꞌ! Chisaꞌ, ¿á nsáꞌ kachiꞌ nú nu̱u̱nꞌ‑u: “Saꞌá stákoo ya̱ kuxíní ni̱ꞌ, jee nasatúꞌva nú maánú sáva chisó nú ya̱ kajiꞌ ni̱ꞌ ne̱kua̱ꞌ ré nkuvi nyajiꞌ ni̱ꞌ niꞌi ni̱ꞌ, saájee kuíre kajiꞌ nú koꞌo nú”, káchíꞌ nú rúja?

Lucas 22:27

Chi, ¿né ɨɨn kúvi ya̱ kúñáꞌnú ka̱ꞌ, á ya̱ nééꞌ yuꞌú mesa yájíꞌ‑i, áxí ya̱ chísó ko̱ꞌo̱ꞌ nu̱u̱nꞌ mesa rúja? ¿Á ntu su kúñáꞌnú ka̱ꞌ kúvi ya̱ nééꞌ yuꞌú mesa rúja? Soo nuꞌuꞌ, jee nééꞌ ni̱ꞌ nteñu rán kuéntáꞌ kua̱ꞌ ɨɨn musúꞌ, ya̱ yɨ́tíñú ni̱ꞌ nu̱u̱nꞌ rán.

Juan 13:12

Jee sáá nnɨꞌɨ nkuvi nna̱kete re̱ꞌ jie̱ꞌe̱ꞌ ráa, jee nna̱keꞌen tuku re̱ꞌ saꞌma níji re̱ꞌ nna̱kuniji re̱ꞌ maa, jee nna̱kuneeꞌ tuku re̱ꞌ yuꞌú mesa, jee nkachiꞌ re̱ꞌ nu̱u̱nꞌ ráa: ―¿Á jiáku̱ꞌun iniꞌ rán tiñu ya̱ nsa̱ꞌá ni̱ꞌ jín rán sukuán?

2 Corintios 8:9

Chi ya̱ jíníꞌ rán ya̱ íyó mániꞌ iniꞌ I̱toꞌoꞌ‑ó Jesús ya̱ kúvi Cristo néꞌyá re̱ꞌ yó ya̱ sáꞌá re̱ꞌ ya̱ váꞌa jín‑ó. Chi sú kúká re̱ꞌ chi xi̱ntíín re̱ꞌ ví nɨꞌɨ ya̱ íyó, soo nna̱saꞌá láꞌví re̱ꞌ maáréꞌ jie̱ꞌe̱ꞌ ya̱ kúvi ya̱ váꞌa nu̱u̱nꞌ ránoꞌó, sáva ni̱ꞌi̱nꞌ‑órán ya̱ yɨ́yáꞌvi ka̱ꞌ ya̱ táji Ndiosíꞌ, jie̱ꞌe̱ꞌ ya̱ nnoꞌo láꞌví Cristo.

1 Juan 3:11

Chi yaꞌá kúvi tu̱ꞌun ya̱ nteso̱ꞌo rán ne̱ nka̱jiéꞌé nku̱neí iniꞌ rán Jesús ne̱ xíꞌnañúꞌún, ya̱ kunu̱u̱nꞌ‑ó ɨɨn inka táꞌán‑ó.