Juan 12:48 - Mixteco del suroeste de Tlaxiaco Oaxaca

⁴⁸ Soo ñɨvɨ ya̱ kúníichiꞌ iniꞌ‑i nuꞌuꞌ, jee ntu̱ví tɨ́ɨn‑ɨ tu̱ꞌun káꞌánꞌ ni̱ꞌ, jee ya̱ íyó ɨɨn ya̱ sanáaꞌ‑a kua̱chi si̱kɨ̱ꞌ ñɨvɨ vá jee keꞌneꞌ‑e kua̱chi si̱kɨ̱ꞌ vá. Rá tu̱ꞌun ya̱ nkachiꞌ ni̱ꞌ ví ya̱ keꞌneꞌ‑e kua̱chi vá ki̱vɨ̱ꞌ nu̱u̱nꞌ nɨ́ꞌɨ.

Juan 12:48 Iomraidhean Croise

Mateo 10:15

Chi máá naáꞌ vá káchíꞌ ni̱ꞌ nu̱u̱nꞌ ránoꞌó, ya̱ ki̱vɨ̱ꞌ kiji keꞌneꞌ Ndiosíꞌ kua̱chi ñɨvɨ, sú kunoꞌo nasɨ́kuitɨꞌ rá ñɨvɨ ñuunꞌ Sodoma jín ñuunꞌ Gomorra soo yakuꞌ ka̱ꞌ kunoꞌo ráa nsú káꞌ kua̱ꞌ xe̱e̱nꞌ nasɨ́kuitɨꞌ ntántúníꞌ ka̱ꞌ kunoꞌo rá ñɨvɨ ñuunꞌ vá.

Mateo 21:42

Jee nkachiꞌ Jesús nu̱u̱nꞌ ráa: ―¿Á ni ntiáné kaꞌvi rán Tutuꞌ níso Tu̱ꞌun Ndiosíꞌ?: Yu̱u̱ꞌ ya̱ nkuniichiꞌ rá te̱e jiáni veꞌi, jee yu̱u̱ꞌ vá nkenta nkuvi máá yu̱u̱ꞌ ñáꞌnú ka̱ꞌ íyótiñu, ya̱ káá skináꞌ veꞌi jín ya̱ jiáꞌa kuꞌvaꞌ nu̱u̱nꞌ sámáꞌ veꞌi. Maá I̱toꞌoꞌ‑ó Ndiosíꞌ nsa̱ꞌá maa, jee tívɨ́ xíniꞌ‑ó néꞌyá‑ó maa jín nchinúún‑ó, káchíꞌ nu̱u̱nꞌ Tutuꞌ Ííꞌ jie̱ꞌe̱ꞌ maáréꞌ.

Mateo 25:31

’Chi sáá niji tuku ni̱ꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee viiꞌ víꞌí kuñáꞌnú ni̱ꞌ, jee nɨꞌɨ rá najiáꞌáꞌ ííꞌ kutáꞌán ráa jín ni̱ꞌ, saájee ki̱kuneeꞌ ni̱ꞌ teyuꞌ nu̱u̱nꞌ tatúníꞌ ni̱ꞌ nu̱u̱nꞌ viiꞌ ñáꞌnú nasɨ́kuitɨꞌ.

Marcos 12:10

’¿Á ni ntiáné kaꞌvi rán Tutuꞌ yaꞌá ya̱ níso Tu̱ꞌun Ndiosíꞌ? Káchíꞌ‑i: Yu̱u̱ꞌ, ya̱ nku̱ichi iniꞌ rá te̱e jiáni veꞌi, yu̱u̱ꞌ vá nkenta kúvi yu̱u̱ꞌ máá ñáꞌnú ka̱ꞌ ya̱ níyotiñu ka̱ꞌ jiáꞌa‑a fuersáꞌ veꞌi vá.

Marcos 16:16

Ɨɨn ñɨvɨ ya̱ kuneí iniꞌ‑i tu̱ꞌun vá, jee kuanuté‑e, jee natavaꞌ Ndiosíꞌ maa nu̱u̱nꞌ kua̱chi‑i sikáku re̱ꞌ maa. Soo ɨɨn ya̱ ntu kúneí iniꞌ tu̱ꞌun vá, jee sanáaꞌ Ndiosíꞌ si̱kɨ̱ꞌ‑ɨ ya̱ kunoꞌo‑o.

Marcos 8:31

Jee nka̱jiéꞌé Jesús kachiꞌ re̱ꞌ nu̱u̱nꞌ ráa ya̱ íyó kunoꞌo nasɨ́kuitɨꞌ re̱ꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi re̱ꞌ Se̱ꞌya Ñɨvɨ. Jee rá te̱e kúñáꞌnú jín rá su̱tu̱ꞌ kúñáꞌnú, jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán kuichi iniꞌ ráa kune̱ꞌyá ráa re̱ꞌ. Jee kaꞌniꞌ ráa re̱ꞌ. Soo ki̱vɨ̱ꞌ uníꞌ jee natekuꞌ i̱i̱ꞌ re̱ꞌ kene re̱ꞌ nteñu rá ni̱yɨ.

Lucas 10:16

[Jee nkachiꞌ re̱ꞌ ka̱ꞌ nu̱u̱nꞌ rá te̱e ya̱ nchu̱ichí re̱ꞌ kɨ̱ꞌɨ̱nꞌ:] ―Ñɨvɨ ya̱ tésóꞌo‑o rá tu̱ꞌun káchítu̱ꞌún ránú, jee suni tésóꞌo‑o tu̱ꞌun káchítu̱ꞌún ni̱ꞌ. Jee ñɨvɨ ya̱ kúíchi iniꞌ‑i ránoꞌó, jee suni kúíchi iniꞌ‑i nuꞌuꞌ ranika̱ꞌ. Jee ñɨvɨ ya̱ kúíchi iniꞌ‑i nuꞌuꞌ, jee suni kúíchi iniꞌ‑i Ndiosíꞌ ranika̱ꞌ ya̱ nchu̱ichí‑i nuꞌuꞌ va̱ji ni̱ꞌ ―nkachiꞌ Jesús.

Lucas 17:25

Soo xíꞌna ka̱ꞌ íyó kunoꞌo nasɨ́kuitɨꞌ ni̱ꞌ, jee kuichi iniꞌ rá ñɨvɨ íyó tiempúꞌ vitan kune̱ꞌyá ráa nuꞌuꞌ.

Lucas 20:17

Saájee nna̱kune̱ꞌyá váꞌa Jesús nu̱u̱nꞌ ráa, jee nkachiꞌ re̱ꞌ: ―¿Na̱ jie̱ꞌe̱ꞌ káꞌánꞌ tu̱ꞌun yaꞌá ya̱ níso nu̱u̱nꞌ Tutuꞌ Ííꞌ Ndiosíꞌ ya̱ kachiꞌ‑i: Yu̱u̱ꞌ, ya̱ nku̱ichi iniꞌ rá te̱e jiáni veꞌi, jee yu̱u̱ꞌ vá nkenta kúvi yu̱u̱ꞌ máá ñáꞌnú ka̱ꞌ ya̱ íyótiñu‑u jiáꞌa‑a fuersáꞌ veꞌi vá, káchíꞌ nu̱u̱nꞌ Tutuꞌ Ííꞌ?

Lucas 7:30

Soo rá te̱e yɨ́ꞌɨ́ ñujiínꞌ fariseo jín rá te̱e súkuáꞌa tu̱ꞌun nta̱túníꞌ Ndiosíꞌ yanaꞌán, nkuniichiꞌ ráa ya̱ nkuíni Ndiosíꞌ saꞌá re̱ꞌ jie̱ꞌe̱ꞌ ráa, jee ntu ñɨ́netuꞌ ráa sikuánuté Juan ráa.

Lucas 9:22

Jee nkachiꞌ re̱ꞌ: ―Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee íyó kunoꞌo nasɨ́kuitɨꞌ ni̱ꞌ. Jee rá te̱e kúñáꞌnú jín rá su̱tu̱ꞌ kúñáꞌnú jín rá te̱e xinéꞌénꞌ tu̱ꞌun nta̱túníꞌ Ndiosíꞌ kuichi iniꞌ ráa kune̱ꞌyá ráa nuꞌuꞌ. Jee kaꞌniꞌ ráa nuꞌuꞌ. Soo ki̱vɨ̱ꞌ uníꞌ jee natekuꞌ i̱i̱ꞌ ni̱ꞌ kene ni̱ꞌ nteñu rá ni̱yɨ.

Lucas 9:26

Chi néni ɨɨn ñɨvɨ ya̱ kúkanuun‑u jie̱ꞌe̱ꞌ nuꞌuꞌ jín jie̱ꞌe̱ꞌ tu̱ꞌun ni̱ꞌ, jee suni maáníꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kukanuun ni̱ꞌ jie̱ꞌe̱ꞌ ñɨvɨ vá, sáá niji ni̱ꞌ va̱ne̱ꞌ tu̱u̱nꞌ nasɨ́kuitɨꞌ ya̱ maa viiꞌ kúñáꞌnú ni̱ꞌ jín Tátáꞌ ni̱ꞌ Ndiosíꞌ, jín rá najiáꞌáꞌ ííꞌ re̱ꞌ.

Juan 11:24

Jee nkachiꞌ Marta nu̱u̱nꞌ Jesús: ―Jíníꞌ ni̱ꞌ ya̱ natekuꞌ i̱i̱ꞌ tuku ku̱ꞌva ni̱ꞌ nako̱o re̱ꞌ kene re̱ꞌ nteñu rá níꞌiꞌ, sáá natekuꞌ i̱i̱ꞌ kua̱íyó rá ñɨvɨ níꞌiꞌ, ne̱ sáá kenta ki̱vɨ̱ꞌ nu̱u̱nꞌ nɨ́ꞌɨ ―nkachiꞌ ña.

Juan 5:45

Jee koto jiáni iniꞌ rán ya̱ nuꞌuꞌ xi̱kóñáꞌán ni̱ꞌ ránoꞌó ichinúúnꞌ Tátáꞌ ni̱ꞌ, chi íyó ɨɨn ya̱ xíkóñáꞌán‑a ránoꞌó, suvi ví Moisés, sú íyó tu̱ꞌun kúneí iniꞌ rán re̱ꞌ jie̱ꞌe̱ꞌ sikúnkuvi rán tu̱ꞌun ntee re̱ꞌ.

Juan 6:39

Jee yaꞌá kúvi ya̱ kuíni maáréꞌ ya̱ nchu̱ichí nuꞌuꞌ, ya̱ nta̱ká rá ñɨvɨ ya̱ ntaji re̱ꞌ nu̱u̱nꞌ ni̱ꞌ, jee nsáꞌ sukuíta ni̱ꞌ ni ɨɨn, chisaꞌ xinátekuꞌ i̱i̱ꞌ ni̱ꞌ ráa jee xinákóo ni̱ꞌ ráa kene ráa nteñu rá níꞌiꞌ ki̱vɨ̱ꞌ nu̱u̱nꞌ nɨ́ꞌɨ.

Juan 8:47

Chi ñɨvɨ yɨ́ꞌɨ́ nu̱u̱nꞌ Ndiosíꞌ jee suviráa chúꞌun iniꞌ ráa rá tu̱ꞌun re̱ꞌ. Soo ránoꞌó chi ntu̱ví chúꞌun iniꞌ rán maa, chi ntu̱ví kúvi rán ñɨvɨ re̱ꞌ ―nkachiꞌ Jesús.

Hechos 17:31

Chi ñani‑i ɨɨn ki̱vɨ̱ꞌ nu̱u̱nꞌ sanáaꞌ na̱a̱ꞌ‑a kua̱chi nɨꞌɨ ñɨvɨ ñɨ̱vɨ́. Jee ñani‑i ɨɨn te̱e, sáva sanáaꞌ re̱ꞌ jie̱ꞌe̱ꞌ kua̱chi ñɨvɨ. Jee nstúvi‑i ya̱ níso re̱ꞌ tiñu vá, chi nna̱stekúꞌ i̱i̱ꞌ‑i re̱ꞌ nteñu rá níꞌiꞌ jee nxi̱nákóo‑o yɨkɨkúñu re̱ꞌ.

Hechos 3:23

Jee ntáká ñɨvɨ nsáꞌ tɨɨn ráa tu̱ꞌun nakani te̱e vá ya̱ nakani tu̱ꞌun kene yuꞌú Ndiosíꞌ, kɨ̱naanꞌ ráa, jee koo sɨ́ɨ́n ráa nu̱u̱nꞌ rá ñɨvɨ yɨ́ꞌɨ́ nu̱u̱nꞌ Ndiosíꞌ, nkachiꞌ Moisés ne̱ tiempúꞌ nasɨ́kuitɨꞌ. Jee suni nkachiꞌ Pedro:

Romanos 2:16

Sukuán kuvi ki̱vɨ̱ꞌ saꞌá Ndiosíꞌ ya̱ sanáaꞌ Cristo Jesús jie̱ꞌe̱ꞌ rá tiñu íyó yuꞌuꞌ ya̱ nsa̱ꞌá rá ñɨvɨ jín ya̱ ñani iniꞌ ráa. Jee sanáaꞌ re̱ꞌ kua̱chi ráa sánikua̱ꞌ tu̱ꞌun váꞌa re̱ꞌ ya̱ káchítu̱ꞌún ni̱ꞌ.

2 Corintios 4:3

Chi retú tu̱ꞌun yɨ́séꞌí ví tu̱ꞌun va̱ꞌa jie̱ꞌe̱ꞌ Cristo ya̱ stékútu̱ꞌún ráníꞌ ya̱ ntu jiáku̱ꞌun iniꞌ ñɨvɨ maa, soo kua̱chi yɨ́séꞌí tu̱ꞌun vá nu̱u̱nꞌ rá ñɨvɨ ya̱ kuánaanꞌ nu̱u̱nꞌ Ndiosíꞌ.

2 Tesalonicenses 1:8

Jee kenta re̱ꞌ jín ñuꞌunꞌ itaꞌ, jee nachunáán re̱ꞌ xinóꞌo re̱ꞌ rá ñɨvɨ ntu mániꞌ ráa jín Ndiosíꞌ jee ntu íyó mániꞌ ráa tu̱ꞌun váꞌa jie̱ꞌe̱ꞌ I̱toꞌoꞌ‑ó Jesús.

Hebreos 10:25

Jee ntu íyó xinóo‑ó nutútú‑ó kuneñu̱ꞌun‑ó Ndiosíꞌ, kuéntáꞌ kua̱ꞌ ya̱ nka̱an sava rá ñɨvɨ sáꞌá ráa ya̱ ni ntu nútútú ráa. Chisaꞌ nakutíñú‑ó nachuneí‑ó iniꞌ ɨɨn inka‑ó, jee saꞌ víꞌí káꞌ chi jíníꞌ‑ó ya̱ kua̱kuyatin ki̱vɨ̱ꞌ nenta I̱toꞌoꞌ‑ó Jesús.

Hebreos 12:25

Jee saáva nito koo rán sáva ntu kúíchi iniꞌ rán Ndiosíꞌ ya̱ káꞌánꞌ jín rán. Chi nu̱u̱nꞌ ntu nkáku rá ñɨvɨ ya̱ nku̱ichi iniꞌ ráa maáréꞌ ya̱ nneeꞌ re̱ꞌ iniꞌ ñɨ̱vɨ́ yaꞌá jee nstúꞌva ya̱chi̱ꞌ re̱ꞌ nu̱u̱nꞌ ráa, jee saꞌ víꞌí káꞌ nkáku‑órán tu̱nóꞌó kunoꞌo‑ó retú nanikóyátá‑ó nu̱u̱nꞌ maáréꞌ ya̱ nééꞌ antivɨ́ jee stúꞌva ya̱chi̱ꞌ re̱ꞌ nu̱u̱nꞌ yó.

Hebreos 2:3

Jee nu̱u̱nꞌ ni̱yo sukuán, jee maáórán, ¿na̱sa ka̱ꞌ vá saꞌá‑ó jee kaku‑ó nu̱u̱nꞌ tu̱nóꞌó vá, retú ntu nénu̱u̱nꞌ‑ó chuꞌun iniꞌ‑ó jie̱ꞌe̱ꞌ tu̱ꞌun máá ñáꞌnú káꞌ jie̱ꞌe̱ꞌ ya̱ na̱sa natavaꞌ Jesús yó nu̱u̱nꞌ kua̱chi‑ó sikáku re̱ꞌ yó rúja? Chi xíꞌna ka̱ꞌ nkachitu̱ꞌún maá I̱toꞌoꞌ‑ó Jesús tu̱ꞌun yaꞌá, jee kuíre rá te̱e ya̱ nteso̱ꞌo maa, jee nna̱stúvi ráa ya̱ naáꞌ jie̱ꞌe̱ꞌ tu̱ꞌun yaꞌá nu̱u̱nꞌ‑órán

Hebreos 4:12

Chi Tu̱ꞌun Ndiosíꞌ suni tékúꞌ‑u chi ni̱ꞌin yɨ́ɨ́‑ɨ xá jee sátíñú‑u iniꞌ‑ó. Chi Tu̱ꞌun Ndiosíꞌ kúvi kuéntáꞌ ɨɨn yuchiꞌ espada xe̱e̱nꞌ, soo xe̱e̱nꞌ nasɨ́kuitɨꞌ ka̱ꞌ kúvi tu̱ꞌun re̱ꞌ nsú káꞌ kua̱ꞌ xe̱e̱nꞌ ntáká rá yuchiꞌ espada ya̱ xe̱e̱nꞌ ni núvíꞌ íyó ichi yuꞌú, chi suni kívɨ tu̱ꞌun re̱ꞌ ne̱ nu̱u̱nꞌ kúnú iniꞌ‑ó sáva stúvi kájí‑i na̱sa íyó antúníꞌ‑ó jín ánímaꞌ‑ó, kuéntáꞌ kívɨ yuchiꞌ espada ne̱ nu̱u̱nꞌ kúnú sáva sasɨ́ɨ́n‑ɨ ne̱ nu̱u̱nꞌ ñútáꞌán rá yɨkɨ‑ó jín rá miki yɨkɨ‑ó. Jee jiéꞌnéꞌ na̱a̱ꞌ tu̱ꞌun re̱ꞌ antúníꞌ‑ó jín rá kuíni ánímaꞌ‑ó saꞌá‑ó.

1 Pedro 1:5

Chi jie̱ꞌe̱ꞌ ya̱ kúneí iniꞌ rán ya̱ sáꞌá Ndiosíꞌ jie̱ꞌe̱ꞌ rán, saáva kúmí re̱ꞌ ránoꞌó jín fuersáꞌ ííꞌ ni̱ꞌin re̱ꞌ sáva ni̱ꞌi̱nꞌ rán xinánitáꞌvíꞌ re̱ꞌ ránoꞌó ya̱ íyó stákoo‑o nsa̱ꞌá re̱ꞌ sáva stúvi nijinꞌ re̱ꞌ maa sáá kenta tióꞌ nu̱u̱nꞌ nɨ́ꞌɨ.

2 Pedro 3:3

Soo ya̱ xíꞌnañúꞌún ka̱ꞌ ví ya̱ íyó kuniꞌ rán ya̱ rá ki̱vɨ̱ꞌ nu̱u̱nꞌ nɨ́ꞌɨ, jee kiji rá ñɨvɨ ya̱ káꞌánꞌ kátá iniꞌ ráa jie̱ꞌe̱ꞌ tu̱ꞌun na̱a̱ꞌ Ndiosíꞌ, jee kueꞌnu ráa sánikua̱ꞌ ñúꞌún iniꞌ ráa saꞌá ráa rá tiñu néꞌí ya̱ níyo iniꞌ maáráa.

2 Pedro 3:7

Soo súkún jín ñɨ̱vɨ́ íyó vitan, jee jín máá tu̱ꞌun yuꞌuꞌ Ndiosíꞌ ya̱ ya íyó tu̱ꞌva tatúníꞌ re̱ꞌ sáva ka̱yu̱ꞌ ráa ki̱vɨ̱ꞌ sanáaꞌ re̱ꞌ kua̱chi jee xináánꞌ re̱ꞌ rá ñɨvɨ ya̱ ntu níkɨ́nꞌ ráa ichi Ndiosíꞌ.