Juan 12:41 - Mixteco del suroeste de Tlaxiaco Oaxaca

⁴¹ Nkachiꞌ Isaías rá tu̱ꞌun yaꞌá, chi nku̱káꞌnú ya̱chi̱ꞌ iniꞌ re̱ꞌ na̱sa kúñáꞌnú nasɨ́kuitɨꞌ Jesús, jee nkachiꞌ ya̱chi̱ꞌ re̱ꞌ jie̱ꞌe̱ꞌ‑e.

Juan 12:41 Iomraidhean Croise

Lucas 24:27

Saájee nka̱jiéꞌé Jesús ne̱ nu̱u̱nꞌ rá tu̱ꞌun ntee Moisés jín rá tu̱ꞌun ntee nɨꞌɨ rá te̱e ya̱ nna̱kani tu̱ꞌun nkene yuꞌú Ndiosíꞌ ne̱ yanaꞌán jee nna̱kachiꞌ va̱ꞌa re̱ꞌ rá tu̱ꞌun jie̱ꞌe̱ꞌ maáréꞌ ya̱ níso nu̱u̱nꞌ nɨꞌɨ Tutuꞌ Ííꞌ.

Juan 1:14

Jee maáréꞌ ya̱ kúvi Tu̱ꞌun vá nkenta nkuvi re̱ꞌ ɨɨn te̱e ñunéꞌyúꞌ jee nneeꞌ re̱ꞌ nteñu‑ó. Jee niniꞌ ránꞌ ya̱ viiꞌ nasɨ́kuitɨꞌ kúñáꞌnú re̱ꞌ. Kúñáꞌnú re̱ꞌ chi Se̱ꞌya métúꞌún Ndiosíꞌ kúvi re̱ꞌ ya̱ váji ne̱ nu̱u̱nꞌ Tátáꞌ‑ó Ndiosíꞌ. Jee ntántúníꞌ íyó mániꞌ iniꞌ re̱ꞌ néꞌyá re̱ꞌ yó jee mani kúvi re̱ꞌ ya̱ nááꞌ ya̱ saꞌ víꞌí káꞌ stúvi ya̱ nááꞌ jie̱ꞌe̱ꞌ Ndiosíꞌ.

Juan 1:18

Ndiosíꞌ chi ni ɨɨn ñɨvɨ ntu̱ví jíníꞌ nijinꞌ maa na̱sa íyó re̱ꞌ, chi métúꞌún ni Se̱ꞌya re̱ꞌ ya̱ kúvi Ndiosíꞌ ya̱ nééꞌ‑e jín re̱ꞌ jíníꞌ na̱sa íyó re̱ꞌ, jee suvi‑i vá nstúvi‑i na̱sa iniꞌ re̱ꞌ.

Juan 14:9

Jee nkachiꞌ Jesús nu̱u̱nꞌ re̱ꞌ: ―Ya nku̱kueꞌeꞌ víꞌí tiempúꞌ ya̱ nééꞌ ni̱ꞌ jín rán ví, Felipe, jee, ¿á ni ntiáꞌan kuniꞌ nú né ɨɨn kúvi nuꞌuꞌ résa? Chi ɨɨn ya̱ niniꞌ‑i nuꞌuꞌ, jee suni ya̱ niniꞌ‑i Tátáꞌ ni̱ꞌ. Saájee, ¿na̱ kuvi chi kachiꞌ nú ya̱: “Xinéꞌénꞌ Tátáꞌ nú nu̱u̱nꞌ ránuꞌuꞌ”, résa?

Juan 5:39

Jee ne̱ súkuáꞌa kávii kuitɨꞌ rán rá tu̱ꞌun nééꞌ nu̱u̱nꞌ Tutuꞌ níso Tu̱ꞌun Ndiosíꞌ, chi jiáni iniꞌ rán ya̱ nu̱u̱nꞌ Tutuꞌ vá ni̱ꞌi̱nꞌ rán ya̱ kutekuꞌ rán nɨ́ɨ́nkání jín Ndiosíꞌ. Soo rá tu̱ꞌun níso nu̱u̱nꞌ Tutuꞌ Ííꞌ vá ví ya̱ jiáꞌa ya̱ naáꞌ jie̱ꞌe̱ꞌ nuꞌuꞌ.

Hechos 10:43

Jee jie̱ꞌe̱ꞌ re̱ꞌ, nɨꞌɨ rá te̱e ya̱ nna̱kani ráa tu̱ꞌun nkene yuꞌú Ndiosíꞌ, jee nna̱stúvi ráa ya̱ naáꞌ jie̱ꞌe̱ꞌ Jesús. Nkachiꞌ ráa ya̱, jie̱ꞌe̱ꞌ ya̱ nsa̱ꞌá re̱ꞌ, nɨꞌɨ ñɨvɨ ya̱ kúneí iniꞌ ráa re̱ꞌ ni̱ꞌi̱nꞌ ráa ya̱ kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa.

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

Hebreos 1:3

Jee ne̱ tu̱u̱nꞌ maá Se̱ꞌya re̱ꞌ viiꞌ kúñáꞌnú‑u mákua kúñáꞌnú re̱ꞌ, chi nuún náku‑u iniꞌ re̱ꞌ, chi ɨɨn ni kuvi ni núvíꞌ ráa. Jee tu̱ꞌun káꞌánꞌ Se̱ꞌya re̱ꞌ níso fuersáꞌ ííꞌ jee jín tu̱ꞌun tátúníꞌ Se̱ꞌya re̱ꞌ íyó kutú nɨꞌɨ ya̱ íyó. Jee sáá nkuvi nna̱sánoo‑o yó nu̱u̱nꞌ kua̱chi‑ó jie̱ꞌe̱ꞌ ya̱ nsa̱ꞌá‑a, jee nna̱kuneeꞌ‑e ichi kuáꞌá nu̱u̱nꞌ nééꞌ re̱ꞌ kúñáꞌnú re̱ꞌ tátúníꞌ re̱ꞌ ne̱ antivɨ́ súkún.

1 Pedro 1:11

Jee nna̱nukú ráa na̱ tiempúꞌ jín na̱ja koo ntáká tu̱ꞌun stúvi ya̱chi̱ꞌ Ta̱chi̱ꞌ Ííꞌ Cristo ya̱ yɨ́ꞌɨ́ iniꞌ ráa nu̱u̱nꞌ ráa, ya̱ nkachiꞌ ya̱chi̱ꞌ‑i ya̱ kiji tu̱nóꞌó kunoꞌo Cristo, jín na̱ja vá viiꞌ nuñáꞌnú nasɨ́kuitɨꞌ re̱ꞌ sáá jiáꞌa tu̱nóꞌó vá.

Apoclipsis 19:10

Saájee nuꞌuꞌ nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñu̱ꞌún nu̱u̱nꞌ najiáꞌáꞌ ííꞌ vá sáva kuneñu̱ꞌun ni̱ꞌ maa. Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán. Chi suni táꞌán musúꞌ kúvi ni̱ꞌ jín noꞌó jín rá ñanitáꞌán nú, ya̱ yɨ́tíñú‑órán nu̱u̱nꞌ Ndiosíꞌ ya̱ níkɨ́nꞌ kutú váꞌa‑ó tu̱ꞌun jie̱ꞌe̱ꞌ Jesús. Saáva kuneñu̱ꞌun nú máá maá Ndiosíꞌ. Chi rá tu̱ꞌun na̱a̱ꞌ ya̱ nkachitu̱ꞌún Jesús, yukuán kúvi tu̱ꞌun na̱a̱ꞌ ya̱ jiáꞌa Ta̱chi̱ꞌ Ííꞌ nu̱u̱nꞌ rá ñɨvɨ ya̱ káchítu̱ꞌún na̱a̱ꞌ tu̱ꞌun kéne yuꞌú Ndiosíꞌ ―nkachiꞌ najiáꞌáꞌ ííꞌ vá.