Juan 12:37 - Mixteco del suroeste de Tlaxiaco Oaxaca

³⁷ Soo súnika̱ꞌ kue̱ꞌe̱ꞌ víꞌí rá seña a̱nasɨ́ nsa̱ꞌá Jesús nu̱u̱nꞌ ráa, soo ni ntu̱ví nínúꞌ iniꞌ ráa re̱ꞌ.

Juan 12:37 Iomraidhean Croise

Mateo 11:20

Saájee nka̱jiéꞌé káꞌánꞌ xichiꞌ re̱ꞌ si̱kɨ̱ꞌ rá ñɨvɨ rá ñuunꞌ nu̱u̱nꞌ ni̱kónúun re̱ꞌ nsa̱ꞌá víꞌí re̱ꞌ ka̱ꞌ rá milagrúꞌ, jie̱ꞌe̱ꞌ ya̱ ntu̱ví nna̱kani iniꞌ ráa jie̱ꞌe̱ꞌ kua̱chi sáꞌá ráa jee nakunikɨnꞌ ráa ichi Ndiosíꞌ, saáva nkachiꞌ re̱ꞌ:

Lucas 16:31

’Soo nkachiꞌ Abraham nu̱u̱nꞌ‑u: “Soo retú ntu tɨɨn kuéntáꞌ ráa tu̱ꞌun ntee Moisés jín rá tu̱ꞌun nna̱kani rá te̱e ya̱ njiáꞌa Ndiosíꞌ nu̱u̱nꞌ rává, jee asúnika̱ꞌ natekuꞌ ɨɨn ni̱yɨ nako̱o‑o kɨ̱ꞌɨ̱nꞌ‑ɨ nu̱u̱nꞌ ráa, suni ni nsáꞌ sijínúꞌ‑u iniꞌ ráa”, nkachiꞌ Abraham ―nkachiꞌ Jesús.

Juan 1:11

Jee nkiji re̱ꞌ nu̱u̱nꞌ ñuunꞌ maáréꞌ Israel jee rá ñɨvɨ re̱ꞌ ntu nnákuatáꞌví ráa re̱ꞌ.

Juan 11:42

Jee nuꞌuꞌ chi ya̱ jíníꞌ ni̱ꞌ ya̱ sukuáni tésóꞌo nú ya̱ káchíꞌ ni̱ꞌ. Soo nkachiꞌ ni̱ꞌ sukuán, jie̱ꞌe̱ꞌ ya̱ kuvi ya̱ váꞌa rá ñɨvɨ ya̱ íñɨ́ yaꞌá, sáva jínúꞌ iniꞌ ráa ya̱ noꞌó nchu̱ichí nú nuꞌuꞌ va̱ji ni̱ꞌ saꞌá ni̱ꞌ tiñu nú.

Juan 12:36

Jee saáva ni nééꞌ ni̱ꞌ ka̱ꞌ jín rán, jee íyó kuneí iniꞌ rán nuꞌuꞌ, ya̱ kúvi ni̱ꞌ ñuꞌunꞌ nu̱u̱nꞌ rán, sáva kenta kuvi rán ñɨvɨ ya̱ jiáꞌnu rán nu̱u̱nꞌ ñuꞌunꞌ ―nkachiꞌ Jesús. Jee sáá nkuvi nkachiꞌ re̱ꞌ rá tu̱ꞌun yaꞌá, jee kua̱ꞌa̱nꞌ re̱ꞌ, jee nchi̱yuꞌuꞌ re̱ꞌ maáréꞌ nu̱u̱nꞌ ráa.

Juan 12:38

Jee saáva nkuna̱a̱ꞌ nu̱u̱nꞌ tu̱ꞌun ya̱ nkaꞌanꞌ Isaías, ya̱ kúvi ɨɨn ya̱ nna̱kani tu̱ꞌun nkene yuꞌú Ndiosíꞌ. Jee nkachiꞌ‑i: I̱toꞌoꞌ, ¿né ɨɨn ni̱nu̱ꞌ iniꞌ tu̱ꞌun ya̱ nna̱kani ránꞌ rúja? Jee, ¿né ɨɨn nu̱u̱nꞌ nstúvi Ndiosíꞌ fuersáꞌ ííꞌ ni̱ꞌin níso re̱ꞌ rúja? Nkachiꞌ Isaías.

Juan 15:24

Chi retánꞌ ni ntu̱ví nsáꞌá ni̱ꞌ rá tiñu a̱nasɨ́ váꞌa nteñu ráa, ya̱ ntu̱ví sáꞌá ni ɨɨn inka ñɨvɨ maa, jee nsáꞌ koo kua̱chi si̱kɨ̱ꞌ ráa nékúvi. Soo vitan jee ya̱ niniꞌ ráa rá tiñu ya̱ nsa̱ꞌá ni̱ꞌ jee táꞌvi iniꞌ ráa néꞌyá ráa nuꞌuꞌ jín Tátáꞌ ni̱ꞌ.

Juan 2:11

Jee tiñu yaꞌá ya̱ nsa̱ꞌá Jesús nu̱u̱nꞌ ñuunꞌ Caná ya̱ tɨ́ɨn Galilea nkuvi seña a̱nasɨ́ xíꞌnañúꞌún ya̱ nsa̱ꞌá Jesús. Jee seña yukuán nstúvi‑i ya̱ kúñáꞌnú nasɨ́kuitɨꞌ re̱ꞌ, jee rá te̱e súkuáꞌa re̱ꞌ ráa ni̱nu̱ꞌ iniꞌ ráa re̱ꞌ.

Juan 6:2

Jee kue̱ꞌe̱ꞌ víꞌí rá ñɨvɨ níkɨ́nꞌ ráa re̱ꞌ, chi nne̱ꞌyá ráa rá seña a̱nasɨ́ va̱ꞌa sáꞌá re̱ꞌ ya̱ xínúvi re̱ꞌ rá ñɨvɨ kúꞌvíꞌ.