Juan 12:26 - Mixteco del suroeste de Tlaxiaco Oaxaca

²⁶ Jee retú íyó ne̱ ni ɨɨn sátíñú‑u nu̱u̱nꞌ nuꞌuꞌ, jee íyó‑o kunikɨnꞌ‑ɨ nuꞌuꞌ. Chi ñɨvɨ ya̱ sátíñú nu̱u̱nꞌ nuꞌuꞌ, jee nu̱u̱nꞌ kuneeꞌ ni̱ꞌ jee suni yukuán kuneeꞌ musúꞌ ni̱ꞌ. Jee retú íyó ɨɨn ñɨvɨ sátíñú nu̱u̱nꞌ nuꞌuꞌ, jee saꞌá Tátáꞌ ni̱ꞌ ya̱ kúñáꞌnú ráa.

Juan 12:26 Iomraidhean Croise

Mateo 16:24

Saájee nkachiꞌ re̱ꞌ nu̱u̱nꞌ rá te̱e súkuáꞌa re̱ꞌ vá: ―Retú néni ɨɨn ñɨvɨ kuíni‑i kunikɨnꞌ‑ɨ nuꞌuꞌ, jee íyó xináánꞌ‑a iniꞌ‑i rá níyo iniꞌ maáa, jee ɨɨn ni koo iniꞌ‑i kunoꞌo‑o jie̱ꞌe̱ꞌ níkɨ́nꞌ nuꞌuꞌ, kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá, jee kunikɨnꞌ nuꞌuꞌ.

Mateo 25:21

Jee nkachiꞌ i̱toꞌoꞌ re̱ꞌ nu̱u̱nꞌ re̱ꞌ: “Va̱ꞌa nsa̱ꞌá nú, chi musúꞌ va̱ꞌa síkínkuvi na̱a̱ꞌ kúvi nú. Chi síkúnkuvi na̱a̱ꞌ nú jín yakuꞌ tiñu lúlí, saájee kani ni̱ꞌ noꞌó nu̱u̱nꞌ kue̱ꞌe̱ꞌ tiñu ñáꞌnú ka̱ꞌ. Ki̱vɨ nu̱u̱nꞌ nasaꞌá sɨ́ɨꞌ ni̱ꞌ iniꞌ nú jín nuꞌuꞌ, ya̱ kúvi I̱toꞌoꞌ nú”, nkachiꞌ i̱toꞌoꞌ musúꞌ vá.

Marcos 8:34

I̱ña̱jée nkana re̱ꞌ rá ñɨvɨ jín rá te̱e súkuáꞌa re̱ꞌ ráa, jee nkachiꞌ re̱ꞌ nu̱u̱nꞌ ráa: ―Retú néni ɨɨn ñɨvɨ kuíni‑i kunikɨnꞌ‑ɨ nuꞌuꞌ, íyó xináánꞌ‑a iniꞌ‑i rá níyo iniꞌ maáa, jee ɨɨn ni koo iniꞌ‑i kunoꞌo‑o jie̱ꞌe̱ꞌ níkɨ́nꞌ nuꞌuꞌ kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá. Jee kunikɨnꞌ‑ɨ nuꞌuꞌ.

Lucas 12:37

Jee na̱ ka̱ꞌ netuꞌ ka̱ꞌ ví rá musúꞌ vá sáá nenta i̱toꞌoꞌ xí tiñu ráa jee naniꞌinꞌ re̱ꞌ ráa ya̱ íyó nito ráa. Jee máá naáꞌ nijia vá káchíꞌ ni̱ꞌ nu̱u̱nꞌ rán ya̱ suni ne̱ maá i̱toꞌoꞌ ráa nasatúꞌva re̱ꞌ maáréꞌ, jee sikúneeꞌ re̱ꞌ ráa yumesáꞌ, jee chisó re̱ꞌ nu̱u̱nꞌ ráa ya̱ kajiꞌ ráa.

Lucas 6:46

Saájee nkachiꞌ re̱ꞌ: ―¿Na̱ jie̱ꞌe̱ꞌ chi káꞌánꞌ rán nuꞌuꞌ, “I̱toꞌoꞌ ráníꞌ, I̱toꞌoꞌ ráníꞌ”, jee ni ntu sáꞌá ránú ya̱ káchíꞌ ni̱ꞌ rúja?

Lucas 9:23

Saájee nkachiꞌ re̱ꞌ nu̱u̱nꞌ ntáká rá ñɨvɨ: ―Retú néni ɨɨn ñɨvɨ kuíni‑i kunikɨnꞌ‑ɨ nuꞌuꞌ jee xináánꞌ‑a iniꞌ‑i rá níyo iniꞌ maáa, jee ta ki̱vɨ̱ꞌ ɨɨn ni koo iniꞌ‑i kunoꞌo‑o jie̱ꞌe̱ꞌ nuꞌuꞌ kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá, jee kunikɨnꞌ‑ɨ nuꞌuꞌ.

Juan 10:27

Chi rá ñɨvɨ ni̱ꞌ ya̱ kúvi ráa kuéntáꞌ lanchi ni̱ꞌ, jee suviráa vá tésóꞌo ráa ta̱chi̱yuꞌú ni̱ꞌ. Jee jíníꞌ va̱ꞌa ni̱ꞌ iniꞌ ráa. Jee níkɨ́nꞌ ráa nuꞌuꞌ.

Juan 13:16

Máá nááꞌ vá káchíꞌ ni̱ꞌ nu̱u̱nꞌ rán ya̱ ɨɨn ya̱ kúvi musúꞌ ntu̱ví kúñáꞌnú‑u ka̱ꞌ nu̱u̱nꞌ ñɨvɨ ya̱ kúvi i̱toꞌoꞌ‑o. Jee ñɨvɨ ya̱ jíka jín tiñu sáꞌá re̱ꞌ ya̱ njia̱ꞌa inka ñɨvɨ tiñu vá nu̱u̱nꞌ re̱ꞌ, jee ntu̱ví kúñáꞌnú ka̱ꞌ ñɨvɨ vá nu̱u̱nꞌ ñɨvɨ ya̱ nchu̱ichí‑i maa jín tiñu vá.

Juan 14:15

’Retú ñúnúunꞌ rán nuꞌuꞌ, jee kaníjiá rán sikúnkuvi rán rá tu̱ꞌun ya̱ nta̱túníꞌ ni̱ꞌ nu̱u̱nꞌ rán.

Juan 14:3

Jee sáá kɨ̱ꞌɨ̱nꞌ ni̱ꞌ jee saꞌá túꞌva ni̱ꞌ nu̱u̱nꞌ kuneeꞌ rán, jee kiji tuku ni̱ꞌ, jee kinake̱ꞌen ni̱ꞌ ránoꞌó, sáva suni kuneeꞌ rán nu̱u̱nꞌ kuneeꞌ ni̱ꞌ.

Juan 15:20

’Íyó naku̱ꞌun iniꞌ rán rá tu̱ꞌun nkachiꞌ ni̱ꞌ nu̱u̱nꞌ rán sáá nkachiꞌ ni̱ꞌ: “Ya̱ ɨɨn musúꞌ jee ntu̱ví kúñáꞌnú re̱ꞌ ka̱ꞌ nsú káꞌ i̱toꞌoꞌ re̱ꞌ.” Ya jíto u̱ꞌvi̱ꞌ ñɨvɨ nuꞌuꞌ, jee suni sukuán koto u̱ꞌvi̱ꞌ ráa ránoꞌó. Jee retú ñúꞌún iniꞌ ñɨvɨ rá tu̱ꞌun ya̱ káchíꞌ ni̱ꞌ, jee suni kuꞌun iniꞌ ráa rá tu̱ꞌun ya̱ kachiꞌ ránoꞌó.

Juan 17:24

’Tátáꞌ ni̱ꞌ, jee rá ñɨvɨ ya̱ ntaji nú nu̱u̱nꞌ ni̱ꞌ, jee kuíni ni̱ꞌ ya̱ suni maáráa kuneeꞌ ráa jín nuꞌuꞌ nu̱u̱nꞌ kuneeꞌ ni̱ꞌ, sáva kuniꞌ ráa na̱ja viiꞌ nasɨ́kuitɨꞌ kúñáꞌnú ni̱ꞌ ya̱ ntaji nú nu̱u̱nꞌ ni̱ꞌ, chi ñúnúunꞌ nú nuꞌuꞌ ne̱ ntiáꞌan ka̱ꞌ nsa̱ꞌá nú ñɨ̱vɨ́.

Juan 21:22

Jee nkachiꞌ Jesús nu̱u̱nꞌ Pedro: ―Retú kuíni ni̱ꞌ ya̱ kino̱o re̱ꞌ kutekuꞌ re̱ꞌ ne̱ ki̱vɨ̱ꞌ nikó tuku ni̱ꞌ niji ni̱ꞌ, ¿na̱ kuvi chi jítú iniꞌ nú maa? Noꞌó, kunikɨnꞌ nuꞌuꞌ ―nkachiꞌ Jesús.

Romanos 1:1

Nuꞌuꞌ Pablo, ya̱ kúvi ni̱ꞌ musúꞌ ya̱ sáꞌá ni̱ꞌ tiñu Cristo Jesús, jín ya̱ nkana re̱ꞌ nuꞌuꞌ kuvi ni̱ꞌ najiáꞌáꞌ re̱ꞌ ya̱ kunisotíñú ni̱ꞌ tiñu apóstol ya̱ chúichí re̱ꞌ nuꞌuꞌ, chi nsa̱ꞌá sɨ́ɨ́n re̱ꞌ nuꞌuꞌ sáva stekútu̱ꞌún ni̱ꞌ tu̱ꞌun váꞌa Ndiosíꞌ.

Romanos 14:18

Chi ñɨvɨ ya̱ sukuán yɨ́tíñú‑u nu̱u̱nꞌ Cristo, jee kúváꞌa iniꞌ Ndiosíꞌ néꞌyá re̱ꞌ maa, jee kúváꞌa iniꞌ rá inka ñɨvɨ jie̱ꞌe̱ꞌ ya̱ sáꞌá‑a.

2 Corintios 4:5

Jee nsú jie̱ꞌe̱ꞌ maáráníꞌ ví ya̱ stékútu̱ꞌún ránꞌ, chisaꞌ káchítu̱ꞌún ránꞌ ya̱ I̱toꞌoꞌ nu̱u̱nꞌ kua̱íyó ví Jesús ya̱ kúvi Cristo. Jee ránuꞌuꞌ chi kúvi ránꞌ kua̱chi musúꞌ ni ya̱ sátíñú ránꞌ nu̱u̱nꞌ Jesús nu̱u̱nꞌ ya̱ váꞌa ránoꞌó.

2 Corintios 5:8

Soo ne̱ yuchí kúneí iniꞌ‑ó Ndiosíꞌ, jee kée ka̱ꞌ kene‑ó veꞌi‑ó yaꞌá, ya̱ kúvi yɨkɨkúñu‑ó, jee kɨ̱ꞌɨ̱nꞌ‑ó nu̱u̱nꞌ kuneeꞌ‑ó jín I̱toꞌoꞌ‑ó.

Gálatas 1:10

Saájee, jín tu̱ꞌun káꞌánꞌ ni̱ꞌ yaꞌá, ¿á nánukú ni̱ꞌ ya̱ kino̱o va̱ꞌa ni̱ꞌ nu̱u̱nꞌ rá ñɨvɨ áxí nu̱u̱nꞌ Ndiosíꞌ? ¿Á nánukú ni̱ꞌ ya̱ kuva̱ꞌa iniꞌ rá ñɨvɨ kune̱ꞌyá ráa nuꞌuꞌ? ¡Ntu̱ví! Chi ré nánukú ni̱ꞌ ya̱ kuva̱ꞌa iniꞌ rá ñɨvɨ kune̱ꞌyá ráa nuꞌuꞌ, jee nsú musúꞌ jiátíñú Cristo kúvi ni̱ꞌ, nékúvi.

Filipenses 1:23

Chi várésukuán jee tasáva ví ni̱ꞌ jee saꞌá ni̱ꞌ ni nuvi tiñu. Chi nóꞌónꞌ iniꞌ ni̱ꞌ ya̱ kuviꞌ ni̱ꞌ, jee kuneeꞌ ni̱ꞌ jín Cristo, nu̱u̱nꞌ ñuunꞌ íyó súkún, chi va̱ꞌa víꞌí ka̱ꞌ ví yaꞌá nu̱u̱nꞌ ni̱ꞌ.

Colosenses 3:24

Chi ya̱ jíníꞌ rán ya̱ ni̱ꞌi̱nꞌ rán nu̱u̱nꞌ máá I̱toꞌoꞌ‑ó ta̱ꞌvi̱ꞌ, ya̱ jiáꞌa re̱ꞌ nu̱u̱nꞌ rá ñɨvɨ yɨ́ꞌɨ́ nu̱u̱nꞌ re̱ꞌ, chi nu̱u̱nꞌ maá I̱toꞌoꞌ‑ó Cristo sátíñú rán.

Colosenses 4:12

Tájí Epafras tu̱ꞌun jíkátu̱ꞌún re̱ꞌ jie̱ꞌe̱ꞌ ránoꞌó, ya̱ suni kúvi re̱ꞌ táꞌán ñuunꞌ rán, jee kúvi re̱ꞌ musúꞌ ya̱ jiátíñú Cristo Jesús. Jee sáá káꞌánꞌ re̱ꞌ jín Ndiosíꞌ, jee sukuáni núnasɨ́ re̱ꞌ jíkánꞌ táꞌvíꞌ víꞌí re̱ꞌ jie̱ꞌe̱ꞌ rán, ya̱ kuiñɨ ni̱ꞌin rán, ya̱ kujia iniꞌ rán nu̱u̱nꞌ tu̱ꞌun kúneí iniꞌ rán, jee ya̱ koo kutú rán nu̱u̱nꞌ nɨꞌɨ ya̱ kuíni maá Ndiosíꞌ.

2 Pedro 1:1

Nuꞌuꞌ, Simón Pedro, ya̱ kúvi ni̱ꞌ musúꞌ nu̱u̱nꞌ I̱toꞌoꞌ‑ó Jesús ya̱ níso re̱ꞌ tiñu Cristo [ya̱ ñani Ndiosíꞌ sáva tatúníꞌ re̱ꞌ nu̱u̱nꞌ nɨꞌɨ] jee níso ni̱ꞌ tiñu apóstol chúichí re̱ꞌ nuꞌuꞌ nakani ni̱ꞌ tu̱ꞌun re̱ꞌ. Jee tée ni̱ꞌ tutuꞌ yaꞌá nu̱u̱nꞌ ránoꞌó ya̱ suni nni̱ꞌi̱nꞌ rán ya̱ kúneí iniꞌ rán Cristo kuéntáꞌ kua̱ꞌ ránuꞌuꞌ, jee máá viiꞌ yɨ́yáꞌvi ya̱ kúneí iniꞌ‑ó Cristo. Nni̱ꞌi̱nꞌ rán maa jie̱ꞌe̱ꞌ na̱a̱ꞌ ví Jesús ya̱ kúvi Cristo ya̱ kúvi re̱ꞌ Ndiosíꞌ‑ó jee nátavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó.

1 Juan 5:3

Chi tu̱ꞌun ñúnúunꞌ‑ó Ndiosíꞌ kúvi yaꞌá ya̱ síkúnkuvi‑ó rá tu̱ꞌun nta̱túníꞌ re̱ꞌ. Jee rá tiñu nta̱túníꞌ re̱ꞌ chi nsáꞌ véi ví‑i.

Judas 1:1

Nuꞌuꞌ Judas, ya̱ kúvi ni̱ꞌ musúꞌ Jesús, níso re̱ꞌ tiñu Cristo ya̱ ñani Ndiosíꞌ re̱ꞌ sáva tatúníꞌ re̱ꞌ nu̱u̱nꞌ nɨꞌɨ. Jee kúvi ni̱ꞌ ñaniꞌ Jacobo. Jee tée ni̱ꞌ tutuꞌ yaꞌá nu̱u̱nꞌ ránoꞌó ñɨvɨ ya̱ nkana Tátáꞌ‑ó Ndiosíꞌ ránoꞌó kɨꞌɨ rán nu̱u̱nꞌ re̱ꞌ, jee ñúnúunꞌ re̱ꞌ ránoꞌó. Jee maá Jesús, ya̱ kúvi re̱ꞌ Cristo, jee kúmí re̱ꞌ ránoꞌó ya̱ yɨ́ꞌɨ́ rán xi̱ntíín re̱ꞌ.

Apoclipsis 14:4

Jee suviráa kúvi ñɨvɨ ya̱ ntu nkúkuáchi ráa jín ñaꞌan, chi íyó noo ninuꞌun ánímaꞌ ráa. Jee suviráa ví ya̱ níkɨ́nꞌ ráa maáréꞌ ya̱ kúvi re̱ꞌ Lanchi Lúlí Ndiosíꞌ né ni ví nkuvi nu̱u̱nꞌ kuáꞌánꞌ re̱ꞌ. Jee suviráa kúvi ñɨvɨ ya̱ nna̱chuya̱ꞌvi Lanchi Lúlí vá ráa ne̱ nu̱u̱nꞌ rá ñɨvɨ ñɨ̱vɨ́ sáva nuvi ráa ñɨvɨ re̱ꞌ. Jee nso̱ko̱ꞌ ráa maáráa nu̱u̱nꞌ Ndiosíꞌ, jín nu̱u̱nꞌ maáréꞌ ya̱ kúvi Lanchi Lúlí vá kuéntáꞌ kúvi ráa parte xíꞌnañúꞌún tataꞌ sáꞌá jee va̱ji kue̱ꞌe̱ꞌ ka̱ꞌ.