Juan 12:1 - Mixteco del suroeste de Tlaxiaco Oaxaca

¹ I̱ñu̱ꞌ ka̱ꞌ ki̱vɨ̱ꞌ kúmániꞌ kenta maa ki̱vɨ̱ꞌ viko Pascua, jee ña̱ꞌa̱nꞌ tuku Jesús ñuunꞌ Betania, nu̱u̱nꞌ nééꞌ Lázaro, te̱e ya̱ níꞌiꞌ jee nxi̱nátekuꞌ Jesús maa nkene‑e nteñu rá níꞌiꞌ.

Juan 12:1 Iomraidhean Croise

Mateo 21:17

Jee nxi̱nóo re̱ꞌ ráa, jee nkene re̱ꞌ ñuunꞌ Jerusalén, jee kua̱ꞌa̱nꞌ re̱ꞌ ñuunꞌ Betania, jee yukuán nkino̱o re̱ꞌ yakuááꞌ ki̱vɨ̱ꞌ yukuán.

Marcos 11:11

Jee nki̱vɨ re̱ꞌ ñuunꞌ káꞌnú Jerusalén, jee kua̱ꞌa̱nꞌ re̱ꞌ nu̱u̱nꞌ veñu̱ꞌun káꞌnú. Nne̱ꞌyá re̱ꞌ nɨꞌɨ rá nantíñú yukuán. Jee kua̱ꞌa̱nꞌ re̱ꞌ ñuunꞌ Betania jín ni uxúꞌ u̱vi̱ꞌ (12) rá te̱e chi yánini ví‑i.

Lucas 24:50

Jee nkeꞌen Jesús ráa nkene re̱ꞌ jín ráa nu̱u̱nꞌ ñuunꞌ Jerusalén kua̱ꞌa̱nꞌ ráa ne̱ ñuunꞌ Betania. Jee sáá nkenta ráa yukuán, jee nkaneꞌen súkún Jesús rá naꞌá re̱ꞌ, jee ni̱ka̱nꞌ táꞌvíꞌ re̱ꞌ jie̱ꞌe̱ꞌ ráa nu̱u̱nꞌ Ndiosíꞌ sáva saꞌá‑a ya̱ váꞌa jín ráa.

Lucas 7:37

Saájee ñuunꞌ yukuán nééꞌ ɨɨn ñaꞌan kua̱chi nkusi̱kɨ́ iniꞌ. Jee sáá nku̱káꞌnú iniꞌ ña ya̱ nééꞌ Jesús yájíꞌ re̱ꞌ iniꞌ veꞌi tee fariseo vá jee nkenta ña yukuán ínaꞌá ña ɨɨn ti̱noꞌoꞌ lúlí yu̱u̱ꞌ alabastro ñúꞌún chitú nute jiáꞌánꞌ vi̱xi̱ꞌ.

Juan 11:1

Jee ni̱yo ɨɨn te̱e naní Lázaro ya̱ kúꞌvíꞌ re̱ꞌ. Kúvi re̱ꞌ te̱e ñuunꞌ Betania ya̱ kúvi ñuunꞌ María jín ku̱ꞌvi̱ꞌ ña Marta.

Juan 11:43

Jee sáá nkachiꞌ Jesús sukuán, jee nka̱najíín ni̱ꞌin re̱ꞌ: ―¡Lázaro, kene i̱ña̱ꞌ! ―nkachiꞌ re̱ꞌ.

Juan 11:44

Jee Lázaro, ya̱ níꞌiꞌ re̱ꞌ, nkene re̱ꞌ ne̱ yaviꞌ nu̱u̱nꞌ yɨ́ꞌɨ́ re̱ꞌ, jee yɨ́sukunꞌ rá naꞌá re̱ꞌ jín rá jie̱ꞌe̱ꞌ jín tiráꞌ saꞌma kuíjín, jee suni yɨ́sukunꞌ saꞌma nu̱u̱nꞌ re̱ꞌ ranika̱ꞌ. Jee nkachiꞌ Jesús nu̱u̱nꞌ rá ñɨvɨ: ―Nanají rán rá saꞌma ya̱ yɨ́sukunꞌ re̱ꞌ, jee siaáꞌ rán re̱ꞌ kɨ̱ꞌɨ̱nꞌ re̱ꞌ ―nkachiꞌ Jesús.

Juan 11:55

Jee ya nku̱yatin tiempúꞌ viko Pascua ya̱ néñu̱ꞌun rá ñɨvɨ Israel. Jee saáva kue̱ꞌe̱ꞌ nasɨ́kuitɨꞌ rá ñɨvɨ nta̱ká ñuunꞌ yukuán kua̱ꞌa̱nꞌ ráa Jerusalén sáva xíꞌna ka̱ꞌ íyó nasaꞌá noo ráa maáráa nu̱u̱nꞌ Ndiosíꞌ.

Juan 12:12

Jee ki̱vɨ̱ꞌ steñu̱ꞌún, jee kue̱ꞌe̱ꞌ nasɨ́kuitɨꞌ rá ñɨvɨ kénta ráa ya̱ kua̱ꞌa̱nꞌ ráa viko Pascua nu̱u̱nꞌ ñuunꞌ Jerusalén vá. Jee sáá nteso̱ꞌo ráa ya̱ va̱ji Jesús nu̱u̱nꞌ ñuunꞌ Jerusalén,

Juan 12:20

Jee íyótúníꞌ ni ñɨvɨ íyó ya̱ kúvi ñɨvɨ ñuunꞌ Grecia ya̱ kuáꞌánꞌ ráa viko nu̱u̱nꞌ ñuunꞌ Jerusalén, sáva kuneñu̱ꞌun ráa Ndiosíꞌ.

Juan 12:9

Jee kue̱ꞌe̱ꞌ nasɨ́kuitɨꞌ rá ñɨvɨ Israel nku̱káꞌnú iniꞌ ráa ya̱ nééꞌ Jesús nu̱u̱nꞌ ñuunꞌ Betania. Jee ña̱ꞌa̱nꞌ ráa yukuán, soo nsú kua̱chi Jesús ni kua̱ne̱ꞌyá ráa, chisaꞌ suni sáva kɨ̱ne̱ꞌyá ráa Lázaro, ya̱ nna̱tekuꞌ i̱i̱ꞌ re̱ꞌ nsa̱ꞌá Jesús.