Juan 11:45 - Mixteco del suroeste de Tlaxiaco Oaxaca

⁴⁵ Saájee kue̱ꞌe̱ꞌ víꞌí rá ñɨvɨ Israel ya̱ váji kútáꞌán jín María, jee sáá niniꞌ ráa rá tiñu ya̱ nsa̱ꞌá Jesús jee ni̱nu̱ꞌ iniꞌ ráa re̱ꞌ.

Juan 11:45 Iomraidhean Croise

Juan 10:41

Jee kue̱ꞌe̱ꞌ rá ñɨvɨ kenta nu̱u̱nꞌ nééꞌ re̱ꞌ, jee nkachiꞌ ráa jín ɨɨn inka ráa: ―Máá nááꞌ kúvi nijia ya̱ Juan jee ni ntu̱ví nsáꞌá re̱ꞌ ni ɨɨn seña a̱nasɨ́, soo nɨꞌɨ rá tu̱ꞌun ya̱ nkachiꞌ re̱ꞌ jie̱ꞌe̱ꞌ te̱e yaꞌá kúvi ya̱ naáꞌ nijia ―nkachiꞌ ráa.

Juan 11:19

Jee kue̱ꞌe̱ꞌ víꞌí rá ñɨvɨ Israel yukuán nkenta ráa nu̱u̱nꞌ nééꞌ Marta jín María, sáva nasaꞌá neí ráa iniꞌ ráña, jie̱ꞌe̱ꞌ ya̱ níꞌiꞌ ku̱ꞌva ráña.

Juan 11:31

Saájee rá ñɨvɨ Israel ya̱ nééꞌ jín ña iniꞌ veꞌi ña jee nasaꞌá neí ráa iniꞌ ña, jee sáá niniꞌ ráa ya̱ numíjiꞌíꞌ nna̱kuiñɨꞌ ña jee nkene ña, jee nchi̱nikɨnꞌ rává ña, chi nkaꞌvi iniꞌ ráa ya̱ kua̱ꞌa̱nꞌ ña nu̱u̱nꞌ kava nu̱u̱nꞌ nse̱ꞌí ráa ku̱ꞌva ña sáva kunaꞌyuꞌ ña yukuán.

Juan 12:42

Soo sú na̱ja ka̱ꞌ jee kue̱ꞌe̱ꞌ ne̱ rá te̱e kúñáꞌnú nu̱u̱nꞌ rá ñɨvɨ Israel ni̱nu̱ꞌ iniꞌ ráa Jesús. Soo ntu nstúvi nijinꞌ ráa maa chi yúꞌví ráa rá te̱e fariseo, sáva ntu tavaꞌ rává ráa veꞌi sinagoga nu̱u̱nꞌ kútútú rá ñɨvɨ Israel jee nkúꞌva rává ki̱vɨ ráa ka̱ꞌ.

Juan 2:23

Jee sáá nééꞌ Jesús nu̱u̱nꞌ ñuunꞌ Jerusalén ya̱ kúvi rá ki̱vɨ̱ꞌ viko Pascua ya̱ sáꞌá rá ñɨvɨ Israel, jee kue̱ꞌe̱ꞌ rá ñɨvɨ ni̱nu̱ꞌ iniꞌ ráa re̱ꞌ, sáá niniꞌ ráa rá seña a̱nasɨ́ sáꞌá re̱ꞌ.

Juan 7:31

Jee kue̱ꞌe̱ꞌ rá ñɨvɨ ni̱nu̱ꞌ iniꞌ ráa ya̱ kúvi re̱ꞌ Cristo, jee nkachiꞌ ráa: ―Jee sáá kiji máá maá Cristo, ¿á saꞌá re̱ꞌ ka̱ꞌ seña a̱nasɨ́ nsú káꞌ te̱e yaꞌá rúja? ¡Ntu̱ví!, [saáva íyó kúvi re̱ꞌ Cristo].