Juan 10:16 - Mixteco del suroeste de Tlaxiaco Oaxaca

¹⁶ Jee suni íyó ñɨvɨ inka nación ya̱ kúvi ráa lanchi ni̱ꞌ ya̱ ntu yɨ́ꞌɨ́ rátíꞌ kuráꞌ yaꞌá. Jee suni íyó kinake̱ꞌen ni̱ꞌ ráa ni̱vɨ ráa xi̱ntíín ni̱ꞌ. Jee teso̱ꞌo ráa ta̱chi̱ꞌ káꞌánꞌ ni̱ꞌ. Jee ɨɨn ni métúꞌún ñɨvɨ ni̱ꞌ nunkáꞌnú koo. Jee métúꞌún ni xí I̱toꞌoꞌ ráa koo kunaka ni̱ꞌ ráa.

Juan 10:16 Iomraidhean Croise

Génesis 49:10

Jee nkuíyo bastón nu̱u̱nꞌ Judá, jee kino̱o bastón te̱e néetiñu jín rá ichiyúkúnꞌ kiji nu̱u̱nꞌ re̱ꞌ ya̱ tatúníꞌ ráa ne̱kua̱ꞌ kiji te̱e xí karútíꞌ vá, jee rá ñɨvɨ ntáká rá ñuunꞌ kaníjiá ráa re̱ꞌ.

Mateo 17:5

Jee ni káꞌánꞌ i̱i̱ꞌ ka̱ꞌ Pedro, jee nkenta vi̱ko̱ꞌ maa jiánu̱te̱ꞌ kuéntáꞌ íyó nuva ñuꞌunꞌ ñasɨꞌ‑ɨ ráa, jee nu̱u̱nꞌ vi̱ko̱ꞌ vá nkene ɨɨn ta̱chi̱yuꞌú, jee káchíꞌ‑i: ―Yaꞌá ví Se̱ꞌya ni̱ꞌ jee ñúnúunꞌ ni̱ꞌ re̱ꞌ, jee kúváꞌa iniꞌ ni̱ꞌ néꞌyá ni̱ꞌ re̱ꞌ. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ ―nkachiꞌ nusuyuꞌú vá.

Lucas 15:8

’Jee, ¿né ɨɨn ñaꞌan kúmí va̱ꞌa ña u̱ji̱ꞌ xu̱ꞌún ka̱a plata jee retú sukuíta ña ɨɨn, jee á ntu su natee ña ñuꞌunꞌ jee nastá ña veꞌi ña jee nanukú ñunkúún kávii ña nekuaꞌ naniꞌinꞌ ña maa rúja?

Juan 10:11

’Jee nuꞌuꞌ chi kúvi ni̱ꞌ kuéntáꞌ I̱toꞌoꞌ va̱ꞌa xí rá lanchi, ya̱ náka va̱ꞌa ni̱ꞌ rátíꞌ. Chi te̱e ya̱ náka va̱ꞌa re̱ꞌ rá lanchi re̱ꞌ asúnika̱ꞌ ne̱ kuviꞌ re̱ꞌ jie̱ꞌe̱ꞌ rátíꞌ ya̱ náka va̱ꞌa re̱ꞌ rátíꞌ.

Juan 10:2

Soo te̱e ya̱ kívɨ re̱ꞌ yuvéꞌí kuráꞌ lanchi, jee te̱e ya̱ saꞌá sukuán, jee maáréꞌ kúvi i̱toꞌoꞌ xí rá lanchi vá ya̱ náka‑a rátíꞌ.

Juan 10:27

Chi rá ñɨvɨ ni̱ꞌ ya̱ kúvi ráa kuéntáꞌ lanchi ni̱ꞌ, jee suviráa vá tésóꞌo ráa ta̱chi̱yuꞌú ni̱ꞌ. Jee jíníꞌ va̱ꞌa ni̱ꞌ iniꞌ ráa. Jee níkɨ́nꞌ ráa nuꞌuꞌ.

Juan 10:3

Jee te̱e ya̱ kúmí yuvéꞌí kuráꞌ lanchi, jee jíne re̱ꞌ yuvéꞌí sáva ki̱vɨ te̱e vá. Jee nákuniꞌ rá lanchi re̱ꞌ ta̱chi̱ꞌ káꞌánꞌ re̱ꞌ, jee sáá nákana re̱ꞌ rá lanchi maáréꞌ jee káꞌánꞌ re̱ꞌ súví ta ɨɨn rátíꞌ, jee táváꞌ re̱ꞌ rátíꞌ iniꞌ kuráꞌ.

Juan 10:4

Jee sáá ya̱ ntavaꞌ re̱ꞌ ntáká rá lanchi maáréꞌ, jee yósóꞌ re̱ꞌ ichinúúnꞌ rátíꞌ, jee níkɨ́nꞌ rátíꞌ ya̱ta̱ꞌ re̱ꞌ kua̱ꞌa̱nꞌ rátíꞌ, chi nákuniꞌ rátíꞌ ta̱chi̱ꞌ káꞌánꞌ re̱ꞌ.

Juan 10:5

Soo ɨɨn ñɨvɨ ya̱ ntu̱ví jíníꞌ rátíꞌ maa jee ntu̱né níkɨ́nꞌ rátíꞌ maa, chisaꞌ kene kunu rátíꞌ nu̱u̱nꞌ ñɨvɨ vá, chi ntu̱ví nákuniꞌ rátíꞌ ta̱chi̱ꞌ káꞌánꞌ ñɨvɨ vá ya̱ ntu jíníꞌ rátíꞌ.

Juan 11:52

Jee nsú kua̱chi kuitɨꞌ jie̱ꞌe̱ꞌ rá ñɨvɨ ñuunꞌ yaꞌá kuviꞌ re̱ꞌ, chisaꞌ suni kuviꞌ re̱ꞌ sáva kua̱íyó kuitɨꞌ rá ñɨvɨ ya̱ kúvi se̱ꞌya Ndiosíꞌ ya̱ ñe̱te̱nuun ráa nééꞌ ráa rá ñuunꞌ íyó ñɨ̱vɨ́ yaꞌá, jee nastútú re̱ꞌ ráa sáva ɨɨn ni ka̱ꞌ nuvi nta̱ká ráa.

Juan 17:20

’Soo nsú kua̱chi kuitɨꞌ jie̱ꞌe̱ꞌ rá ñɨvɨ yaꞌá ví ya̱ jíkánꞌ táꞌvíꞌ ni̱ꞌ nu̱u̱nꞌ nú, chi suni jíkánꞌ táꞌvíꞌ ni̱ꞌ jie̱ꞌe̱ꞌ rá ñɨvɨ ya̱ sukuán kuneí iniꞌ ráa nuꞌuꞌ jie̱ꞌe̱ꞌ tu̱ꞌun kachitu̱ꞌún rá te̱e yaꞌá jie̱ꞌe̱ꞌ nuꞌuꞌ.

Juan 6:37

Chi nta̱ká ñɨvɨ ya̱ táji Tátáꞌ ni̱ꞌ nu̱u̱nꞌ ni̱ꞌ, jee natuꞌva ráa nuꞌuꞌ. Jee ɨɨn ñɨvɨ natuꞌva‑a nuꞌuꞌ ni nsáꞌ sukuíta ni̱ꞌ maa nu̱u̱nꞌ ni̱ꞌ.

Hechos 15:14

Nna̱kani Simón sáá máá xíꞌnañúꞌún ni̱yo ma̱ni̱ꞌ iniꞌ Ndiosíꞌ jín rá ñɨvɨ ntu kúvi Israel, jee ntavaꞌ re̱ꞌ ñɨvɨ nteñu ráa, sáva kuvi rává ñɨvɨ re̱ꞌ.

Hechos 18:10

Chi íñɨ́ ni̱ꞌ jín nú. Ni ɨɨn ntu̱náꞌ kasɨꞌ nu̱u̱nꞌ nó sáva nsáꞌ saꞌá kini ráa nó. Chi íyó kue̱ꞌe̱ꞌ víꞌí ñɨvɨ ni̱ꞌ ki̱vɨ nu̱u̱nꞌ ni̱ꞌ ñuunꞌ yaꞌá.

Hechos 22:14

Jee nkachiꞌ re̱ꞌ: “Ndiosíꞌ, ya̱ nneñu̱ꞌun rá jííꞌ yanaꞌán‑ó, ñani re̱ꞌ nó sáva kuniꞌ nú ya̱ kuíni re̱ꞌ saꞌá nú, jee sáva kune̱ꞌyá nú máá maá te̱e ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ, jee sáva teso̱ꞌo nú ya̱ kaꞌanꞌ re̱ꞌ.

Romanos 11:25

Ránoꞌó ñanitáꞌán, kuíni ni̱ꞌ ya̱ kukáꞌnú iniꞌ rán tu̱ꞌun yaꞌá ya̱ ni̱yo yuꞌuꞌ‑u soo nstúvi Ndiosíꞌ maa nu̱u̱nꞌ‑ó. Kuíni ni̱ꞌ ya̱ kuniꞌ rán tu̱ꞌun yaꞌá, sáva nkútéyɨ́ɨ́ rán kani iniꞌ rán ya̱ níchí xi̱ni̱ꞌ rán. Chi nkuna̱a̱ꞌ iniꞌ Ndiosíꞌ ya̱ sava rá ñɨvɨ ya̱ ntu kúvi ñɨvɨ Israel kuneí iniꞌ ráa Cristo. Jee tu̱ꞌun yuꞌuꞌ vá kúvi ya̱ nkuni̱ꞌin ánímaꞌ sava rá ñɨvɨ ñuunꞌ Israel, ne̱kua̱ꞌ nɨꞌɨ rá ñɨvɨ ntu kúvi ñɨvɨ Israel ki̱vɨ ráa xi̱ntíín Ndiosíꞌ saá váji kuneí iniꞌ ráa Cristo.

2 Tesalonicenses 2:13

Soo sukuáni íyó ku̱ꞌva ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ jie̱ꞌe̱ꞌ ránoꞌó, ñaniꞌ jín ku̱ꞌva. Ñúnúunꞌ I̱toꞌoꞌ‑ó ránoꞌó. Chi nka̱ji Ndiosíꞌ ránoꞌó, ne̱ ntiáꞌan kiko̱o ñɨ̱vɨ́, sáva natavaꞌ re̱ꞌ ránoꞌó nu̱u̱nꞌ kua̱chi rán nanitáꞌvíꞌ rán. Nanitáꞌvíꞌ rán jie̱ꞌe̱ꞌ ya̱ nsa̱ꞌá sɨ́ɨ́n Ta̱chi̱ꞌ Ííꞌ re̱ꞌ ránoꞌó, sáva kɨꞌɨ rán nu̱u̱nꞌ re̱ꞌ, jín jie̱ꞌe̱ꞌ ya̱ kúneí iniꞌ rán tu̱ꞌun na̱a̱ꞌ jie̱ꞌe̱ꞌ Jesús.

Hebreos 13:20

Jee maá Ndiosíꞌ ya̱ sáꞌá re̱ꞌ ya̱ nééꞌ va̱ꞌa ñunkúún‑ó, jee maáréꞌ nxi̱nákóo re̱ꞌ nna̱xtekúꞌ re̱ꞌ I̱toꞌoꞌ‑ó Jesús ya̱ kúvi Cristo nene‑e nteñu rá ni̱yɨ, ɨɨn pasto kúñáꞌnú nu̱u̱nꞌ‑ó ya̱ náka‑a yó kuéntáꞌ lanchi. Chi jín ni̱ñɨ̱ꞌ maáa ya̱ ñatɨ sáá ni̱ꞌi̱ꞌ‑i yukuán kúvi ya̱ ñakɨnꞌ kutú‑u tratúꞌ‑u ya̱ koo nɨ́ɨ́nkání.

1 Pedro 2:10

Chi nékúvi jee ránoꞌó ni ntu kúvi rán ñɨvɨ re̱ꞌ, soo vitan jee kúvi rán ñɨvɨ re̱ꞌ, chi nékúvi jee ránoꞌó ni ntu nníꞌínꞌ rán kúnáꞌví iniꞌ re̱ꞌ ránoꞌó, soo vitan jee nni̱ꞌi̱nꞌ rán kúnáꞌví iniꞌ re̱ꞌ ránoꞌó.

1 Pedro 2:25

Chi nékúvi jee kúvi rán kuéntáꞌ rá lanchi ya̱ nkene sɨ́ɨ́n, soo vitan nni̱kó rán nu̱u̱nꞌ Cristo, ya̱ maáréꞌ vá kúmí ránoꞌó kuéntáꞌ ɨɨn ya̱ kúmí‑i lanchi, jee néen kuéntáꞌ re̱ꞌ ránoꞌó.

1 Pedro 5:4

Saájee sáá nenta nijinꞌ maáréꞌ ya̱ néen kuéntáꞌ re̱ꞌ yó ya̱ kúñáꞌnú re̱ꞌ nu̱u̱nꞌ nɨꞌɨ rá te̱e néen kuéntáꞌ ráa rá ñɨvɨ Ndiosíꞌ, jee ni̱ꞌi̱nꞌ rán ta̱ꞌvi̱ꞌ taji re̱ꞌ nu̱u̱nꞌ rán ya̱ viiꞌ nasɨ́kuitɨꞌ kúñáꞌnú rán ya̱ ntu náánꞌ‑a.

Apoclipsis 3:20

Kune̱ꞌyá rán, chi kuéntáꞌ íñɨ́ ni̱ꞌ yuvéꞌí rán síkájián ni̱ꞌ, retú néni ɨɨn rán teso̱ꞌo tu̱ꞌun káꞌánꞌ ni̱ꞌ jee chuꞌun iniꞌ rán maa jee ki̱vɨ ni̱ꞌ iniꞌ ánímaꞌ‑a kuéntáꞌ sine‑e yuvéꞌí jee ki̱vɨ ni̱ꞌ, jee kajiꞌ ni̱ꞌ i̱xta̱ꞌ jín‑i jee kajiꞌ ñɨvɨ vá jín nuꞌuꞌ.