Juan 1:51 - Mixteco del suroeste de Tlaxiaco Oaxaca

⁵¹ Jee nkachiꞌ Jesús nu̱u̱nꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ kuniꞌ nú kunune antivɨ́ ne̱ nu̱u̱nꞌ nééꞌ Ndiosíꞌ, jee kuniꞌ rán rá najiáꞌáꞌ ííꞌ Ndiosíꞌ náa núun ráa kiji ráa nu̱u̱nꞌ nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ―nkachiꞌ Jesús.

Juan 1:51 Iomraidhean Croise

Génesis 28:12

Jee yukuán nña̱ní re̱ꞌ ya̱ niniꞌ re̱ꞌ ɨɨn escalerá ya̱ íñɨ́‑ɨ ne̱ nu̱u̱nꞌ ñuꞌún jee kenta‑a ne̱ nu̱u̱nꞌ antivɨ́ súkún, jee niniꞌ re̱ꞌ rá najiáꞌáꞌ ííꞌ Ndiosíꞌ náa núun ráa nu̱u̱nꞌ escalerá vá.

Mateo 25:31

’Chi sáá niji tuku ni̱ꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee viiꞌ víꞌí kuñáꞌnú ni̱ꞌ, jee nɨꞌɨ rá najiáꞌáꞌ ííꞌ kutáꞌán ráa jín ni̱ꞌ, saájee ki̱kuneeꞌ ni̱ꞌ teyuꞌ nu̱u̱nꞌ tatúníꞌ ni̱ꞌ nu̱u̱nꞌ viiꞌ ñáꞌnú nasɨ́kuitɨꞌ.

Mateo 26:24

Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, máá naáꞌ nijia kɨ̱ꞌɨ̱nꞌ ni̱ꞌ kuviꞌ ni̱ꞌ sánikua̱ꞌ ya̱ níso nu̱u̱nꞌ Tutuꞌ níso Tu̱ꞌun Ndiosíꞌ jie̱ꞌe̱ꞌ nuꞌuꞌ, soo ¡na̱ ka̱ꞌ xe̱e̱nꞌ náꞌví ka̱ꞌ te̱e vá ya̱ naku̱ꞌva‑a nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ! Va̱ꞌa ka̱ꞌ retánꞌ ntu nkáku te̱e yukuán nékúvi, [chi xe̱e̱nꞌ kunoꞌo re̱ꞌ] ―nkachiꞌ Jesús.

Mateo 3:16

Jee sáá nkuvi ña̱nuté Jesús, jee máá nkene re̱ꞌ nu̱u̱nꞌ nute, jee máá hora yukuán nnine ne̱ antivɨ́ súkún nu̱u̱nꞌ nééꞌ Ndiosíꞌ, jee niniꞌ Jesús Ta̱chi̱ꞌ Ííꞌ Ndiosíꞌ ya̱ va̱ji nkuun kuéntáꞌ ɨɨn paloma, ña̱ko̱so̱ꞌ‑o re̱ꞌ.

Mateo 4:11

Saájee nkuiyo kui̱ꞌna̱ꞌ vá nu̱u̱nꞌ Jesús jee kua̱ꞌa̱nꞌ‑a, jee nkenta rá najiáꞌáꞌ ííꞌ Ndiosíꞌ nchi̱neí ráa Jesús.

Mateo 8:20

Jee nkachiꞌ Jesús nu̱u̱nꞌ‑u: ―Rá ñu̱nkuii chi íyó rá yaviꞌ kava nu̱u̱nꞌ kíxíꞌ rátíꞌ, jee rá kitɨ chúchíyoꞌ ya̱ jíkó súkún íyó takaꞌ rátíꞌ. Soo nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, ni ntu̱ví íyó nu̱u̱nꞌ kosoꞌ xi̱ni̱ꞌ ni̱ꞌ najia̱ví ni̱ꞌ ―nkachiꞌ Jesús.

Mateo 9:6

Soo nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, stúvi ni̱ꞌ nu̱u̱nꞌ rán sáva kukáꞌnú iniꞌ rán ya̱ nísotíñú ni̱ꞌ nu̱u̱nꞌ ñɨ̱vɨ́ yaꞌá sáva kunekáꞌnú iniꞌ ni̱ꞌ jie̱ꞌe̱ꞌ rá kua̱chi ñɨvɨ ―nkachiꞌ re̱ꞌ. Jee kuíre nkachiꞌ re̱ꞌ nu̱u̱nꞌ te̱e ntu kúvi kantaꞌ vá: ―Nako̱o, jee nakeꞌen tu̱nchi̱só nú jee kuánoꞌonꞌ veꞌi nú ―nkachiꞌ re̱ꞌ.

Marcos 1:10

Ni kua̱kene Jesús nu̱u̱nꞌ nute, kuísá niniꞌ re̱ꞌ ya̱ nine antivɨ́ nu̱u̱nꞌ nééꞌ Ndiosíꞌ, jee Ta̱chi̱ꞌ Ííꞌ Ndiosíꞌ va̱ji nkuun nu̱u̱nꞌ re̱ꞌ kuéntáꞌ ɨɨn paloma.

Marcos 14:62

Jee nkachiꞌ Jesús: ―Nuꞌuꞌ ví‑i. Jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, kuniꞌ rán nuꞌuꞌ kuneeꞌ ni̱ꞌ xiín ichi kuáꞌá Ndiosíꞌ ya̱ níso fuersáꞌ ííꞌ nu̱u̱nꞌ nɨꞌɨ, nu̱u̱nꞌ kúñáꞌnú ni̱ꞌ jín re̱ꞌ. Jee kuniꞌ rán niji ni̱ꞌ nteñu vi̱ko̱ꞌ súkún ―nkachiꞌ re̱ꞌ nu̱u̱nꞌ ráa.

Lucas 2:13

Jee sa̱naanꞌ kuitɨꞌ ntu̱vi kue̱ꞌe̱ꞌ víꞌí nasɨ́kuitɨꞌ ka̱ꞌ rá najiáꞌáꞌ ííꞌ va̱ji antivɨ́ ña̱kuiñɨ ráa xiín najiáꞌáꞌ ííꞌ vá, jee nákuetúꞌún ráa Ndiosíꞌ jee káchíꞌ ráa:

Lucas 2:9

Jee sa̱naanꞌ ni ntu̱vi ɨɨn najiáꞌáꞌ ííꞌ I̱toꞌoꞌ‑ó Ndiosíꞌ nu̱u̱nꞌ ráa, jee nuva I̱toꞌoꞌ‑ó Ndiosíꞌ nchu̱ti̱yu̱ꞌ ñuꞌunꞌ jiánu̱te̱ꞌ‑e ráa, jee nyu̱ꞌví nasɨ́kuitɨꞌ ráa.

Lucas 22:43

Saájee nkitu̱vi ɨɨn najiáꞌáꞌ ííꞌ Ndiosíꞌ ya̱ váji ne̱ antivɨ́ súkún nu̱u̱nꞌ re̱ꞌ sáva nna̱sáneí‑i iniꞌ re̱ꞌ.

Lucas 22:69

Soo ne̱ vitan jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kuneeꞌ ni̱ꞌ xiín ichi kuáꞌá Ndiosíꞌ ya̱ níso fuersáꞌ ííꞌ nu̱u̱nꞌ nɨꞌɨ, nu̱u̱nꞌ kúñáꞌnú ni̱ꞌ jín re̱ꞌ ―nkachiꞌ Jesús.

Lucas 24:4

Jee ni nku̱naan nku̱suꞌva ráña ya̱ nkuvi suꞌva, jee nkitu̱vi u̱vi̱ꞌ te̱e ña̱kui̱ñɨ̱ꞌ ráa xiín ráña, jee ñúꞌún ráa máá saꞌma jiánu̱te̱ꞌ nijia.

Lucas 3:21

Ne̱ ntiáꞌan ka̱ꞌ kɨꞌɨ Juan veka̱a, jee sáá íñɨ́ re̱ꞌ síkuánuté re̱ꞌ ntáká rá ñɨvɨ jee nkuvi suꞌva: suni nkenta Jesús nsi̱kuánuté re̱ꞌ maa. Jee ni káꞌánꞌ Jesús jín Ndiosíꞌ, jee nine antivɨ́ súkún kuéntáꞌ yuvéꞌí,

Juan 1:50

Jee nna̱xiníkó Jesús jee nkachiꞌ re̱ꞌ: ―¿Á jínúꞌ iniꞌ nú nuꞌuꞌ chi nkachiꞌ ni̱ꞌ ya̱ niniꞌ ni̱ꞌ noꞌó íñɨ́ nú jie̱ꞌe̱ꞌ yutun higo? Saꞌ víꞌí káꞌ kuniꞌ nú rá tiñu kúñáꞌnú ka̱ꞌ nsú káꞌ yaꞌá ―nkachiꞌ Jesús.

Juan 10:1

Jee nkachiꞌ Jesús: ―Máá na̱a̱ꞌ vá káchíꞌ ni̱ꞌ nu̱u̱nꞌ rán ya̱ retú ɨɨn te̱e jee ntu̱ví kívɨ re̱ꞌ nu̱u̱nꞌ kúvi yuvéꞌí ɨɨn kuráꞌ rá lanchi, chisaꞌ inka ichi nu̱u̱nꞌ kúvi i̱ka̱ꞌ kuráꞌ nava re̱ꞌ ki̱vɨ re̱ꞌ, jee te̱e vá te̱e kuíꞌná kúvi re̱ꞌ.

Juan 10:7

Saájee tukuni nkachiꞌ Jesús: ―Máá na̱a̱ꞌ vá káchíꞌ ni̱ꞌ nu̱u̱nꞌ rán ya̱ nuꞌuꞌ kúvi ni̱ꞌ kuéntáꞌ yuvéꞌí kuráꞌ nu̱u̱nꞌ nene nívɨ rá lanchi.

Juan 13:16

Máá nááꞌ vá káchíꞌ ni̱ꞌ nu̱u̱nꞌ rán ya̱ ɨɨn ya̱ kúvi musúꞌ ntu̱ví kúñáꞌnú‑u ka̱ꞌ nu̱u̱nꞌ ñɨvɨ ya̱ kúvi i̱toꞌoꞌ‑o. Jee ñɨvɨ ya̱ jíka jín tiñu sáꞌá re̱ꞌ ya̱ njia̱ꞌa inka ñɨvɨ tiñu vá nu̱u̱nꞌ re̱ꞌ, jee ntu̱ví kúñáꞌnú ka̱ꞌ ñɨvɨ vá nu̱u̱nꞌ ñɨvɨ ya̱ nchu̱ichí‑i maa jín tiñu vá.

Juan 13:38

Jee nna̱xiníkó Jesús: ―¿Á nijia nú ya̱ íyó túꞌva nú kuviꞌ nú jie̱ꞌe̱ꞌ nuꞌuꞌ? Chi máá naáꞌ vá káchíꞌ ni̱ꞌ nu̱u̱nꞌ nú ya̱ ne̱ ntiáꞌan ka̱ꞌ kana stóꞌo jee u̱ni̱ꞌ íchí kachiꞌ nú ya̱ ntu jíníꞌ nú nuꞌuꞌ ―nkachiꞌ Jesús.

Juan 14:12

Jee máá naáꞌ vá káchíꞌ ni̱ꞌ nu̱u̱nꞌ rán: Ɨɨn ñɨvɨ ya̱ kúneí iniꞌ‑i nuꞌuꞌ, jee rá tiñu ya̱ sáꞌá nuꞌuꞌ, jee suni saꞌá‑a rá tiñu vá. Jee saꞌ víꞌí káꞌ saꞌá‑a tiñu ñáꞌnú ka̱ꞌ nsú káꞌ tiñu yaꞌá, chi nuꞌuꞌ jee kɨ̱ꞌɨ̱nꞌ noꞌonꞌ ni̱ꞌ nu̱u̱nꞌ Tátáꞌ ni̱ꞌ.

Juan 16:20

Máá nááꞌ vá káchíꞌ ni̱ꞌ nu̱u̱nꞌ rán, ya̱ kunaꞌyuꞌ rán jee nukuéká iniꞌ rán, soo rá ñɨvɨ ñɨ̱vɨ́ chisaꞌ kusɨ̱ɨ̱ꞌ iniꞌ ráa. Soo súka̱ꞌ kukuéká iniꞌ rán, jee tu̱nkuéká iniꞌ rán vá nuvi‑i tu̱ꞌun sɨ́ɨ́ꞌ iniꞌ rán.

Juan 16:23

Jee ki̱vɨ̱ꞌ yukuán jee ntu̱náꞌ ka̱ka̱tu̱ꞌún rán ka̱ꞌ nuꞌuꞌ. Máá nááꞌ vá káchíꞌ ni̱ꞌ nu̱u̱nꞌ rán ya̱ nu̱u̱nꞌ maá Tátáꞌ ni̱ꞌ ka̱ka̱nꞌ rán néni ɨɨn tiñu nu̱u̱nꞌ súví nuꞌuꞌ, jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ, jee taji re̱ꞌ maa nu̱u̱nꞌ rán.

Juan 21:18

Máá nááꞌ vá káchíꞌ ni̱ꞌ nu̱u̱nꞌ nú ya̱ sáá súchí nú ka̱ꞌ, jee nákúꞌun maánú saꞌma nú jee kua̱ꞌa̱nꞌ nú nu̱u̱nꞌ kuíni maánú. Soo sáá kujííꞌ nú jee sikáa nú naꞌá nú jee nachuꞌun inka ñɨvɨ saꞌma noꞌó, jee kɨ̱na̱ka ráa noꞌó nu̱u̱nꞌ ntu̱ví kuini nú kɨ̱ꞌɨ̱nꞌ nú.

Juan 3:3

Saájee nna̱xiníkó Jesús jee nkachiꞌ‑i nu̱u̱nꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ retú ntu nákaku jiáá tuku ɨɨn ñɨvɨ nu̱u̱nꞌ Ndiosíꞌ, jee ni̱ꞌ nsáꞌ kúvi kuniꞌ‑i na̱ kúvi ya̱ kɨꞌɨ‑ɨ naꞌá Ndiosíꞌ ya̱ tátúníꞌ re̱ꞌ nu̱u̱nꞌ‑u ―nkachiꞌ Jesús.

Juan 3:5

Jee nna̱xiníkó Jesús, jee nkachiꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ retú ntu nákaku jiáá tuku ɨɨn ñɨvɨ jee ntu kuvi ki̱vɨ‑ɨ naꞌá Ndiosíꞌ. Íyó nonoo kua̱chi ñɨvɨ kuéntáꞌ sáꞌá noo nute jee nakaku‑u sáꞌá Ta̱chi̱ꞌ Ííꞌ Ndiosíꞌ.

Juan 5:19

Saájee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán: Nuꞌuꞌ, ya̱ kúvi ni̱ꞌ Se̱ꞌya Ndiosíꞌ, nkúvi saꞌá ni̱ꞌ ni ɨɨn tiñu ya̱ maáníꞌ, chi kua̱chi sáꞌá ni̱ꞌ sáni néꞌyá ni̱ꞌ ya̱ sáꞌá Tátáꞌ ni̱ꞌ. Chi néni ɨɨn tiñu ya̱ sáꞌá Tátáꞌ ni̱ꞌ Ndiosíꞌ, suni sukuán nuꞌuꞌ ya̱ kúvi ni̱ꞌ Se̱ꞌya Ndiosíꞌ nuún sáꞌá ni̱ꞌ maa.

Juan 5:27

Jee suni ntaji Tátáꞌ ni̱ꞌ kunisotíñú ni̱ꞌ ya̱ nasanáaꞌ ni̱ꞌ kua̱chi rá ñɨvɨ, chi ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Juan 6:26

Jee nna̱xiníkó Jesús nu̱u̱nꞌ ráa jee nkachiꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ rán ya̱ nánukú rán nuꞌuꞌ nsú jie̱ꞌe̱ꞌ ya̱ niniꞌ rán rá seña a̱nasɨ́ nsa̱ꞌá ni̱ꞌ, chisaꞌ jie̱ꞌe̱ꞌ ya̱ nyajiꞌ rán i̱xta̱tíláꞌ ne̱ nnaꞌaꞌ iniꞌ rán.

Juan 6:32

Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán: Nsú Moisés ví ya̱ ntaji nu̱u̱nꞌ ránoꞌó máá i̱xta̱tíláꞌ ya̱ nkikuun antivɨ́, chisaꞌ máá Tátáꞌ ni̱ꞌ jiáꞌa máá maá i̱xta̱tíláꞌ nijia ya̱ nkikuun antivɨ́.

Juan 6:47

Jee máá naáꞌ vá káchíꞌ ni̱ꞌ nu̱u̱nꞌ rán: Ñɨvɨ ya̱ kúneí iniꞌ nuꞌuꞌ jee ya̱ níꞌínꞌ‑i ya̱ tékúꞌ‑u nɨ́ɨ́nkání Ndiosíꞌ.

Juan 6:53

Saáva nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán: Retú nsáꞌ kajiꞌ rán yɨkɨkúñu ni̱ꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee retú nsáꞌ koꞌo rán ni̱ñɨ̱ꞌ ni̱ꞌ, jee nsáꞌ ni̱ꞌi̱nꞌ rán ya̱ kutekuꞌ rán nɨ́ɨ́nkání jín Ndiosíꞌ.

Juan 8:34

Jee nna̱xiníkó Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ ránoꞌó, ya̱ nta̱ká rá ñɨvɨ ya̱ saꞌá kua̱chi, jee yɨ́ꞌɨ́ ráa xi̱ntíín kua̱chi kuéntáꞌ ɨɨn musúꞌ kéꞌen ñɨvɨ.

Juan 8:51

Máá nááꞌ vá káchíꞌ ni̱ꞌ nu̱u̱nꞌ rán, ya̱ retú néni ɨɨn ñɨvɨ ya̱ chuꞌun iniꞌ tu̱ꞌun ni̱ꞌ, jee ni nsáꞌ kuviꞌ ánímaꞌ‑a chi koo‑o jín Ndiosíꞌ nɨ́ɨ́nkání ―nkachiꞌ Jesús.

Juan 8:58

Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ ne̱ ntiáꞌan ka̱ꞌ kaku Abraham, jee ya̱ íyó nuꞌuꞌ ―nkachiꞌ Jesús.

Hechos 10:11

Jee niniꞌ re̱ꞌ ya̱ nine antivɨ́. Jee niniꞌ re̱ꞌ ya̱ ne̱ súkún va̱ji kuun ɨɨn nantíñú nu̱u̱nꞌ ñuꞌun, jee túvi‑i kuéntáꞌ ɨɨn manta saꞌma káꞌnú. Va̱ji kuun‑u kuéntáꞌ réáꞌ tɨɨn ráa ni kúmíꞌ esquina saꞌma káꞌnú vá.

Hechos 7:56

Jee nkachiꞌ re̱ꞌ: ―¡Kune̱ꞌyá rán! Néꞌyá ni̱ꞌ núne antivɨ́ nu̱u̱nꞌ nééꞌ Ndiosíꞌ. Jee néꞌyá ni̱ꞌ Jesús, ya̱ nta̱jí Ndiosíꞌ re̱ꞌ nu̱u̱nꞌ ñɨ̱vɨ́ sáva kuvi re̱ꞌ Se̱ꞌya Ñɨvɨ, jee íñɨ́ re̱ꞌ ichi kuáꞌá Ndiosíꞌ ―nkachiꞌ Esteban.

2 Tesalonicenses 1:7

Jee suni ránoꞌó, ya̱ nóꞌo rán, íyó na̱a̱ꞌ ya̱ sáꞌá re̱ꞌ ya̱ najia̱ví rán jín ránuꞌuꞌ nu̱u̱nꞌ ya̱ nkúnoꞌo‑ó ka̱ꞌ, sáá kene I̱toꞌoꞌ‑ó Jesús súkún nu̱u̱nꞌ nééꞌ Ndiosíꞌ. Jee kenta nijinꞌ re̱ꞌ yaꞌá jín rá najiáꞌáꞌ ííꞌ re̱ꞌ, ya̱ níso ráa fesáꞌ ííꞌ re̱ꞌ.

2 Tesalonicenses 1:9

Jee rá ñɨvɨ vá kunoꞌo nkáꞌnú ráa tu̱nóꞌó ya̱ ji̱ta ráa nɨ́ɨ́nkání, chi kusɨ́ɨ́n ráa nu̱u̱nꞌ I̱toꞌoꞌ‑ó, jín nu̱u̱nꞌ fuersáꞌ ííꞌ re̱ꞌ ya̱ viiꞌ kúñáꞌnú re̱ꞌ.

1 Timoteo 3:16

Va̱tu̱ꞌ nijia ya̱ kúvi ya̱ naáꞌ, ya̱ mánasɨ́ ví tu̱ꞌun yuꞌuꞌ jie̱ꞌe̱ꞌ ichi na̱a̱ꞌ Ndiosíꞌ, ya̱ sukuán ntañúꞌún nstúvi re̱ꞌ nu̱u̱nꞌ‑ó: Ndiosíꞌ ntu̱vi nu̱u̱nꞌ ñɨ̱vɨ́, jee ni̱yo yɨkɨkúñu re̱ꞌ, chi nkenta kúvi re̱ꞌ ɨɨn te̱e. Nstúvi kájí nijia Ta̱chi̱ꞌ Ííꞌ re̱ꞌ, ya̱ na̱a̱ꞌ ví re̱ꞌ. Ntu̱vi re̱ꞌ nu̱u̱nꞌ rá najiáꞌáꞌ ííꞌ Ndiosíꞌ. Nte̱ku̱tu̱ꞌún jie̱ꞌe̱ꞌ re̱ꞌ nu̱u̱nꞌ rá ñɨvɨ ñɨ̱vɨ́. Ni̱nu̱ꞌ iniꞌ ñɨvɨ ñɨ̱vɨ́ re̱ꞌ. Nnaa re̱ꞌ kua̱noꞌonꞌ re̱ꞌ súkún nu̱u̱nꞌ ñuunꞌ viiꞌ nasɨ́kuitɨꞌ nu̱u̱nꞌ tátúníꞌ Ndiosíꞌ.

Hebreos 1:14

Chi ntáká rá najiáꞌáꞌ ííꞌ Ndiosíꞌ, jee súka̱ꞌ ntu̱ví íyó yɨkɨkúñu ráa, soo jiátíñú re̱ꞌ ráa kúvi ráa musúꞌ re̱ꞌ sáꞌá ráa tiñu re̱ꞌ, chi chúichí re̱ꞌ ráa sáva chineí ráa ntáká rá ñɨvɨ ya̱ ni̱ꞌi̱nꞌ rává ta̱ꞌvi̱ꞌ ya̱ nanitáꞌvíꞌ rává.

Judas 1:14

Jee suni nkachiꞌ ya̱chi̱ꞌ Enoc tu̱ꞌun nkene yuꞌú maá Ndiosíꞌ ya̱ nkaꞌanꞌ‑a jie̱ꞌe̱ꞌ rá te̱e túꞌún yaꞌá. Jee ne̱ nu̱u̱nꞌ Adán nkene se̱ꞌya re̱ꞌ jee ni̱yo se̱ꞌya se̱ꞌya re̱ꞌ jee suꞌva níkɨ́nꞌ va̱ji ichinúúnꞌ nkenta u̱xa̱ꞌ táꞌ ráa ne̱ sáá nkaku Enoc. Jee nkachiꞌ Enoc: “Kune̱ꞌyá, kiji I̱toꞌoꞌ jín kue̱ꞌe̱ꞌ víꞌí mil rá najiáꞌáꞌ ííꞌ re̱ꞌ,

Apoclipsis 19:11

Saájee niniꞌ ni̱ꞌ ya̱ níne antivɨ́ súkún nu̱u̱nꞌ nééꞌ Ndiosíꞌ. Jee nna̱kune̱ꞌyá ni̱ꞌ jee yukuán nkenta ɨɨn kitɨ kuíjín, jee ɨɨn ya̱ yósóꞌ ya̱ta̱ꞌ ti̱ꞌ vá naní maáréꞌ ya̱ Síkúnkuvi Na̱a̱ꞌ‑a jín Te̱e Na̱a̱ꞌ Ví‑i. Chi na̱a̱ꞌ jiéꞌnéꞌ re̱ꞌ ntáká tiñu, jee na̱a̱ꞌ kántáꞌán re̱ꞌ.

Apoclipsis 4:1

Sáá nkuvi rá tiñu sukuán, jee nuꞌuꞌ Juan nne̱ꞌyá ni̱ꞌ jee niniꞌ ni̱ꞌ ɨɨn yuvéꞌí núne ne̱ súkún. Jee maá nusuyuꞌú ya̱ nteso̱ꞌo ni̱ꞌ xíꞌnañúꞌún ya̱ ni̱ꞌin nkaꞌanꞌ‑a jín ni̱ꞌ kuéntáꞌ kua̱ꞌ tívɨ́ꞌ ɨɨn trompeta, jee nkachiꞌ‑i nu̱u̱nꞌ ni̱ꞌ: ―Tínkaa yaꞌá, jee xinéꞌénꞌ ni̱ꞌ nóꞌo ntáká rá tiñu ya̱ íyó kuvi tiempúꞌ ichinúúnꞌ ka̱ꞌ ―nkachiꞌ‑i.