Juan 1:44 - Mixteco del suroeste de Tlaxiaco Oaxaca

⁴⁴ Jee Felipe chi kúvi re̱ꞌ tee ñuunꞌ Betsaida, ya̱ kúvi ñuunꞌ Andrés jín Pedro.

Juan 1:44 Iomraidhean Croise

Mateo 10:3

jee súví ka̱ꞌ rá apóstol ví Felipe, jín Bartolomé, jín Tomás, jín Mateo, ya̱ kúvi‑i ɨɨn rá te̱e tɨ́ɨn xu̱ꞌún nu̱u̱nꞌ rá ñɨvɨ chúnáán xu̱ꞌún ya̱ náneeꞌ Roma, jín Jacobo ya̱ kúvi se̱ꞌya yɨ́ɨ́ Alfeo, jee Lebeo, ya̱ suni káꞌánꞌ ráa maa Tadeo,

Mateo 11:21

―¡Na̱ ka̱ꞌ náꞌví ka̱ꞌ ránoꞌó ñɨvɨ ñuunꞌ Corazín! ¡Na̱ ka̱ꞌ náꞌví ka̱ꞌ ránoꞌó ñɨvɨ ñuunꞌ Betsaida! Chi retánꞌ sukuán jee nu̱u̱nꞌ ñuunꞌ Tiro jín ñuunꞌ Sidón nsa̱ꞌá ni̱ꞌ rá tiñu a̱nasɨ́ ya̱ nsa̱ꞌá ni̱ꞌ nu̱u̱nꞌ rá ñuunꞌ ránú, jee ma̱káꞌ ya̱ nna̱kani iniꞌ ráa ya̱ nxi̱nóo ráa kua̱chi ráa yanaꞌán víꞌí jee kuꞌun ráa saꞌma nayɨ́ jee chisó ráa ya̱a̱ꞌ xi̱ni̱ꞌ ráa ya̱ stúvi‑i ya̱ kukúeká iniꞌ ráa jie̱ꞌe̱ꞌ kua̱chi nsa̱ꞌá ráa nékúvi.

Marcos 3:18

jín Andrés, Felipe, Bartolomé, Mateo, Tomás, jín Jacobo se̱ꞌya Alfeo, Tadeo, jín Simón ya̱ ni̱ñɨ re̱ꞌ jín rá te̱e ñujiínꞌ cananista,

Marcos 6:45

Kuíntañúꞌún Jesús nsi̱káa re̱ꞌ rá te̱e súkuáꞌa re̱ꞌ ráa iniꞌ barkúꞌ, jee kɨ̱ꞌɨ̱nꞌ ráa íyo ka̱ꞌ ichi nteñúꞌún nu̱u̱nꞌ ñuunꞌ Betsaida xíꞌna ka̱ꞌ suvire̱ꞌ, ni náchuichí re̱ꞌ rá ñɨvɨ.

Marcos 8:22

I̱ña̱jée nkenta ráa ñuunꞌ Betsaida. Jee nki̱naka rá ñɨvɨ ɨɨn te̱e kuáá nu̱u̱nꞌ Jesús jee ni̱ka̱nꞌ táꞌvíꞌ ráa nu̱u̱nꞌ re̱ꞌ, ya̱ sikáchiꞌi re̱ꞌ te̱e vá.

Lucas 10:13

Jee nkachiꞌ Jesús: ―¡Na̱ ka̱ꞌ náꞌví ka̱ꞌ ránoꞌó ñɨvɨ ñuunꞌ Corazín! ¡Na̱ ka̱ꞌ náꞌví ka̱ꞌ ránoꞌó ñɨvɨ ñuunꞌ Betsaida! Chi retánꞌ sukuán jee nu̱u̱nꞌ ñuunꞌ Tiro jín ñuunꞌ Sidón nsa̱ꞌá ni̱ꞌ rá tiñu a̱nasɨ́ ya̱ nsa̱ꞌá ni̱ꞌ nu̱u̱nꞌ rá ñuunꞌ ránú, jee ma̱káꞌ ya̱ nna̱kani iniꞌ ráa ya̱ nxi̱nóo ráa kua̱chi ráa yanaꞌán víꞌí jee kuꞌun ráa saꞌma nayɨ́ jee chisó ráa ya̱a̱ꞌ xi̱ni̱ꞌ ráa ya̱ stúvi‑i ya̱ kukúeká iniꞌ ráa jie̱ꞌe̱ꞌ kua̱chi nsa̱ꞌá ráa nékúvi.

Lucas 6:14

Jee rá nka̱ji re̱ꞌ ví: Simón ya̱ suni nsi̱kúnání re̱ꞌ maa Pedro, jín ñani‑i ya̱ naní Andrés, jín Jacobo jín Juan, jín Felipe, jín Bartolomé,

Lucas 9:10

Jee sáá nni̱kó rá te̱e najiáꞌáꞌ re̱ꞌ ya̱ níso ráa tiñu apóstol ya̱ nchu̱ichí re̱ꞌ ráa, jee nna̱kani ráa nu̱u̱nꞌ re̱ꞌ nɨꞌɨ rá tiñu nsa̱ꞌá ráa, jee nkeꞌen re̱ꞌ ráa kua̱ꞌa̱nꞌ sɨ́ɨ́n re̱ꞌ jín ráa nu̱u̱nꞌ ñuunꞌ naní Betsaida.

Juan 1:43

Jee ki̱vɨ̱ꞌ steñu̱ꞌún nkuini Jesús kɨ̱ꞌɨ̱nꞌ re̱ꞌ nu̱u̱nꞌ ñuunꞌ Galilea. Jee nna̱ketáꞌán re̱ꞌ Felipe, jee nkachiꞌ re̱ꞌ nu̱u̱nꞌ‑u: ―Kunikɨnꞌ nuꞌuꞌ.

Juan 1:45

Saájee ña̱nanukú Felipe Natanael, jee nkachiꞌ re̱ꞌ nu̱u̱nꞌ‑u: ―Nna̱ketáꞌán ránꞌ maáréꞌ ya̱ kúvi te̱e jie̱ꞌe̱ꞌ ya̱ ntee Moisés nu̱u̱nꞌ Tutuꞌ Ííꞌ níso tu̱ꞌun ley Ndiosíꞌ, jín suni jie̱ꞌe̱ꞌ‑e ya̱ ntee rá te̱e ya̱ nna̱kani tu̱ꞌun nkene yuꞌú Ndiosíꞌ ne̱ yanaꞌán. Jee yaꞌá ví Jesús se̱ꞌya José ya̱ kúvi te̱e ñuunꞌ Nazaret ―nkachiꞌ Felipe.

Juan 1:46

Jee nkachiꞌ Natanael nu̱u̱nꞌ Felipe: ―¿Á kúvi kene ɨɨn ya̱ váꞌa ñuunꞌ Nazaret rúja? ―nkachiꞌ Natanael. Jee nkachiꞌ Felipe nu̱u̱nꞌ re̱ꞌ: ―Neꞌenꞌ jee kuniꞌ nú ―nkachiꞌ re̱ꞌ.

Juan 1:48

Saájee nkachiꞌ Natanael nu̱u̱nꞌ Jesús: ―¿Na̱sa jíníꞌ nú nuꞌuꞌ? ―nkachiꞌ Natanael. Jee nkachiꞌ Jesús: ―Ne̱ sáá ntiáꞌan kana Felipe noꞌó, sáá íñɨ́ nú chi̱ji yutun higo, jee ya̱ niniꞌ ni̱ꞌ noꞌó ―nkachiꞌ Jesús.

Juan 12:21

Saájee rá ñɨvɨ yaꞌá, ña̱kuyatin ráa nu̱u̱nꞌ Felipe, te̱e ñuunꞌ Betsaida, ya̱ kúvi ɨɨn rá ñuunꞌ tɨ́ɨn Galilea. Jee ni̱ka̱nꞌ táꞌvíꞌ ráa nu̱u̱nꞌ Felipe, jee nkachiꞌ ráa: ―Tátáꞌ, kuíni rán kuniꞌ rán Jesús jee kaꞌanꞌ rán jín re̱ꞌ ―nkachiꞌ ráa.

Juan 12:22

Jee ña̱ꞌa̱nꞌ Felipe jee nkachiꞌ re̱ꞌ nu̱u̱nꞌ Andrés, saájee Andrés jín Felipe ña̱kachiꞌ ráa maa nu̱u̱nꞌ Jesús.

Juan 6:5

Jee sáá nna̱neꞌen nu̱u̱nꞌ Jesús nna̱kune̱ꞌyá re̱ꞌ jee niniꞌ re̱ꞌ ya̱ kue̱ꞌe̱ꞌ víꞌí rá ñɨvɨ va̱ji nu̱u̱nꞌ nééꞌ re̱ꞌ, jee nkachiꞌ re̱ꞌ nu̱u̱nꞌ Felipe: ―¿Né núꞌ kɨ̱keꞌen‑ó i̱xta̱tíláꞌ kajiꞌ rá ñɨvɨ yaꞌá?

Juan 6:7

Jee nna̱xiníkó Felipe nu̱u̱nꞌ Jesús: ―Ni ya̱ꞌvi ɨɨn te̱e sátíñú u̱vi̱ꞌ sientúꞌ (200) ki̱vɨ̱ꞌ nsáꞌ kenta keꞌen i̱xta̱tíláꞌ ya̱ ni̱ꞌi̱nꞌ ta ɨɨn ráa kajiꞌ ráa sú yakuꞌ.

Hechos 1:13

Sáá nkenta ráa ñuunꞌ vá, jee nkaa ráa iniꞌ veꞌi yósóꞌ táꞌán nu̱u̱nꞌ nkino̱o ráa. Ni̱yo Pedro, jín Juan, jín Jacobo, jín Andrés, jín Felipe, jín Tomás, jín Bartolomé, jín Mateo, jín Jacobo, ya̱ kúvi se̱ꞌya Alfeo, jín Simón, ya̱ nyɨꞌɨ ñujiínꞌ Celote, jín Judas ya̱ kúvi ñaniꞌ Jacobo.