Juan 1:34 - Mixteco del suroeste de Tlaxiaco Oaxaca

³⁴ Jee ya̱ niniꞌ ni̱ꞌ vá, jee jiáꞌa ni̱ꞌ ya̱ naáꞌ jie̱ꞌe̱ꞌ re̱ꞌ ya̱ maáréꞌ kúvi nijia Se̱ꞌya Ndiosíꞌ ―nkachiꞌ Juan.

Juan 1:34 Iomraidhean Croise

Mateo 11:27

’Maá Tátáꞌ ni̱ꞌ, nna̱taji re̱ꞌ ntáká ya̱ íyó nu̱u̱nꞌ nuꞌuꞌ. Jee ni ɨɨn ñɨvɨ ntu jíníꞌ ráa iniꞌ ni̱ꞌ né ɨɨn kúvi nuꞌuꞌ, ya̱ kúvi ni̱ꞌ Se̱ꞌya re̱ꞌ, chisaꞌ métúꞌún Tátáꞌ ni̱ꞌ Ndiosíꞌ ví ya̱ jíníꞌ re̱ꞌ iniꞌ ni̱ꞌ né ɨɨn kúvi nuꞌuꞌ. Jee suni ni ɨɨn ntu̱náꞌ jíníꞌ iniꞌ Tátáꞌ ni̱ꞌ né ɨɨn kúvi re̱ꞌ, chisaꞌ nuꞌuꞌ ya̱ kúvi ni̱ꞌ Se̱ꞌya re̱ꞌ jíníꞌ ni̱ꞌ iniꞌ re̱ꞌ né ɨɨn kúvi re̱ꞌ, jee néni ɨɨn ñɨvɨ ya̱ kuíni ni̱ꞌ stúvi ni̱ꞌ maa nu̱u̱nꞌ ráa jee kuniꞌ ráa iniꞌ Ndiosíꞌ né ɨɨn kúvi re̱ꞌ, chi nuꞌuꞌ ya̱ kúvi ni̱ꞌ Se̱ꞌya re̱ꞌ stúvi ni̱ꞌ maa nu̱u̱nꞌ ráa.

Mateo 16:16

Saájee nna̱xiníkó Simón Pedro, jee nkachiꞌ‑i: ―Noꞌó kúvi nú Cristo, Se̱ꞌya Ndiosíꞌ tékúꞌ.

Mateo 17:5

Jee ni káꞌánꞌ i̱i̱ꞌ ka̱ꞌ Pedro, jee nkenta vi̱ko̱ꞌ maa jiánu̱te̱ꞌ kuéntáꞌ íyó nuva ñuꞌunꞌ ñasɨꞌ‑ɨ ráa, jee nu̱u̱nꞌ vi̱ko̱ꞌ vá nkene ɨɨn ta̱chi̱yuꞌú, jee káchíꞌ‑i: ―Yaꞌá ví Se̱ꞌya ni̱ꞌ jee ñúnúunꞌ ni̱ꞌ re̱ꞌ, jee kúváꞌa iniꞌ ni̱ꞌ néꞌyá ni̱ꞌ re̱ꞌ. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ ―nkachiꞌ nusuyuꞌú vá.

Mateo 26:63

Soo níín íyó Jesús, jee su̱tu̱ꞌ kúñáꞌnú vá nkachiꞌ‑i nu̱u̱nꞌ re̱ꞌ: ―Tátúníꞌ ni̱ꞌ nu̱u̱nꞌ nú, nu̱u̱nꞌ súví Ndiosíꞌ tékúꞌ ya̱ kachiꞌ nú nu̱u̱nꞌ ráníꞌ retú noꞌó kúvi Cristo, ya̱ ñani Ndiosíꞌ tátúníꞌ nú ñɨ̱vɨ́, ya̱ kúvi nú Se̱ꞌya Ndiosíꞌ ―nkachiꞌ su̱tu̱ꞌ kúñáꞌnú vá nu̱u̱nꞌ Jesús.

Mateo 27:40

Jee káchíꞌ ráa nu̱u̱nꞌ re̱ꞌ: ―Noꞌó ya̱ káchíꞌ nú ya̱ kanɨꞌ nú veñu̱ꞌun káꞌnú, jee u̱ni̱ꞌ ki̱vɨ̱ꞌ nasaꞌá nú maa, ¡sikáku maánú!, ¡jee nuun nú nu̱u̱nꞌ kurúsiꞌ i̱ña̱ꞌ, retú Se̱ꞌya nijia Ndiosíꞌ ví nú! ―nkachiꞌ ráa nu̱u̱nꞌ re̱ꞌ.

Mateo 27:43

Chi nku̱neí iniꞌ re̱ꞌ Ndiosíꞌ, jee íyó sikáku Ndiosíꞌ maa ntañúꞌún retú kuíni Ndiosíꞌ sikáku maa, chi nkachiꞌ re̱ꞌ: “Se̱ꞌya Ndiosíꞌ ví ni̱ꞌ” ―nkachiꞌ ráa.

Mateo 27:54

Jee te̱e kúvi capitán rá soldado jín rá soldado ya̱ íñɨ́ ráa jín re̱ꞌ ya̱ kúmí ráa Jesús, jee sáá niniꞌ ráa ya̱ nta̱an jín nɨꞌɨ ya̱ nkuvi, jee nyu̱ꞌví nasɨ́kuitɨꞌ ráa, jee nkachiꞌ ráa: ―Máá nááꞌ nijia ya̱ Se̱ꞌya Ndiosíꞌ kúvi te̱e yaꞌá ―nkachiꞌ ráa.

Mateo 3:17

Saájee ɨɨn ta̱chi̱yuꞌú nteso̱ꞌo ne̱ antivɨ́ súkún, jee nkachiꞌ‑i: ―Yaꞌá kúvi Se̱ꞌya ni̱ꞌ jee ñúnúunꞌ ni̱ꞌ maa, jee kúváꞌa víꞌí iniꞌ ni̱ꞌ néꞌyá ni̱ꞌ maa ―nkachiꞌ Ndiosíꞌ.

Mateo 4:3

Saájee nkenta kui̱ꞌna̱ꞌ kúñáꞌnú ya̱ sikúvi‑i iniꞌ ñɨvɨ, jee nkachiꞌ‑i nu̱u̱nꞌ Jesús: ―Ya̱ kúvi nú Se̱ꞌya Ndiosíꞌ, jee kachiꞌ nu̱u̱nꞌ rá yu̱u̱ꞌ yaꞌá ya̱ nuvi ráa i̱xta̱tíláꞌ kajiꞌ nú ―nkachiꞌ‑i.

Mateo 4:6

Jee nkachiꞌ‑i nu̱u̱nꞌ Jesús: ―Ya̱ kúvi nú Se̱ꞌya Ndiosíꞌ, ku̱te̱ꞌ nú maánú ne̱ nu̱u̱nꞌ ñu̱ꞌún, chi káchíꞌ tu̱ꞌun níso nu̱u̱nꞌ Tutuꞌ Ííꞌ: Tatúníꞌ re̱ꞌ nu̱u̱nꞌ rá najiáꞌáꞌ ííꞌ re̱ꞌ jie̱ꞌe̱ꞌ noꞌó, jee kunaꞌá ráa noꞌó, sáva ntu kachiꞌi jie̱ꞌe̱ꞌ nú nu̱u̱nꞌ yuúꞌ jee tu̱fi̱ꞌ nú.

Mateo 8:29

Jee nka̱najíín ráa nsa̱ꞌá ta̱chi̱ꞌ néꞌí kákini yɨ́ꞌɨ́ iniꞌ ráa, jee nkachiꞌ ráa: ―¿Na̱kui chi kíní nú maánú nteñu ráníꞌ, Jesús, Se̱ꞌya Ndiosíꞌ? ¿Á váji nú yaꞌá sáva xinóꞌo nú ránuꞌuꞌ ne̱ ntiáꞌan ka̱ꞌ kenta tiempúꞌ ji̱nu rúja? ―nkachiꞌ ráa.

Marcos 1:1

Suꞌva nka̱jiéꞌé tu̱ꞌun váꞌa jie̱ꞌe̱ꞌ Jesús, ya̱ nísotíñú re̱ꞌ ya̱ kúvi Cristo, ya̱ ñani Ndiosíꞌ re̱ꞌ tatúníꞌ re̱ꞌ nu̱u̱nꞌ ñɨ̱vɨ́, jee kúvi re̱ꞌ Se̱ꞌya Ndiosíꞌ.

Marcos 1:11

Jee nkaꞌanꞌ ɨɨn ta̱chi̱yuꞌú ne̱ súkún jee nkachiꞌ‑i: ―Noꞌó kúvi Se̱ꞌya ni̱ꞌ jee ñúnúunꞌ ni̱ꞌ nó jee kúváꞌa víꞌí iniꞌ ni̱ꞌ néꞌyá ni̱ꞌ noꞌó.

Lucas 1:35

Jee nna̱xiníkó najiáꞌáꞌ ííꞌ vá nu̱u̱nꞌ ña: ―Ta̱chi̱ꞌ Ííꞌ kiji‑i nu̱u̱nꞌ noꞌó, jee kiji fuersáꞌ níꞌin níso maá Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ jee kenta‑a kikasɨꞌ kátɨ́‑ɨ noꞌó jee saꞌá‑a tiñu a̱nasɨ́ jín noꞌó. Jee saáva te̱e lúlí i̱i̱ꞌ ya̱ kaku vá kuna̱ní‑i Se̱ꞌya Ndiosíꞌ.

Lucas 3:22

jee nki̱nkuun Ta̱chi̱ꞌ Ííꞌ nu̱u̱nꞌ re̱ꞌ kuéntáꞌ kua̱ꞌ íyó ñunéꞌyúꞌ ɨɨn paloma, jee ne̱ antivɨ́ vá nkiji nusuyuꞌú, jee káchíꞌ‑i: ―Noꞌó kúvi Se̱ꞌya ni̱ꞌ jee ñúnúunꞌ ni̱ꞌ noꞌó, jee kúváꞌa víꞌí iniꞌ ni̱ꞌ néꞌyá ni̱ꞌ noꞌó.

Juan 1:18

Ndiosíꞌ chi ni ɨɨn ñɨvɨ ntu̱ví jíníꞌ nijinꞌ maa na̱sa íyó re̱ꞌ, chi métúꞌún ni Se̱ꞌya re̱ꞌ ya̱ kúvi Ndiosíꞌ ya̱ nééꞌ‑e jín re̱ꞌ jíníꞌ na̱sa íyó re̱ꞌ, jee suvi‑i vá nstúvi‑i na̱sa iniꞌ re̱ꞌ.

Juan 1:49

Jee nna̱xiníkó Natanael: ―Mestrúꞌ, noꞌó kúvi nijia Se̱ꞌya Ndiosíꞌ, jee noꞌó kúvi te̱e nísotíñú ya̱ kiji tatúníꞌ nú nu̱u̱nꞌ rá ñɨvɨ ñuunꞌ maáó Israel ―nkachiꞌ re̱ꞌ.

Juan 10:30

Chi nuꞌuꞌ jín Tátáꞌ ni̱ꞌ, jee ɨɨn ni̱ꞌ kúvi ránꞌ ―nkachiꞌ Jesús.

Juan 10:36

soo nu̱u̱nꞌ nkachiꞌ re̱ꞌ sukuán jie̱ꞌe̱ꞌ ráa, saájee jie̱ꞌe̱ꞌ nuꞌuꞌ, ya̱ Tátáꞌ ni̱ꞌ Ndiosíꞌ chi nsa̱ꞌá sɨ́ɨ́n re̱ꞌ nuꞌuꞌ kɨtíñú ni̱ꞌ saꞌá ni̱ꞌ tiñu re̱ꞌ jee nchu̱ichí re̱ꞌ nuꞌuꞌ va̱ji ni̱ꞌ iniꞌ ñɨvɨ yaꞌá, jee ránoꞌó, ¿na̱ja kúvi káchíꞌ rán ya̱ káꞌánꞌ niva̱ꞌa ni̱ꞌ jie̱ꞌe̱ꞌ Ndiosíꞌ, jie̱ꞌe̱ꞌ ya̱ nkachiꞌ ni̱ꞌ: “Kúvi ni̱ꞌ Se̱ꞌya Ndiosíꞌ”, rúja?

Juan 11:27

Jee nkachiꞌ ña nu̱u̱nꞌ re̱ꞌ: ―Saá, I̱toꞌoꞌ, jínúꞌ iniꞌ ni̱ꞌ ya̱ noꞌó kúvi nijia máá Cristo ya̱ kúvi Se̱ꞌya Ndiosíꞌ, ya̱ káchíꞌ nu̱u̱nꞌ Tutuꞌ Ííꞌ ya̱ kiji nú iniꞌ ñɨ̱vɨ́ yaꞌá ―nkachiꞌ ña.

Juan 19:7

Soo nna̱xiníkó rá te̱e kúñáꞌnú nu̱u̱nꞌ ñɨvɨ Israel vá nu̱u̱nꞌ Pilato: ―Ránuꞌuꞌ chi íyó ɨɨn tu̱ꞌun ley ya̱ tátúníꞌ‑i nu̱u̱nꞌ ránꞌ, jee sáni káchíꞌ tu̱ꞌun ley ránꞌ íyó kuviꞌ re̱ꞌ, chi jie̱ꞌe̱ꞌ ni ka̱ꞌ nkachiꞌ re̱ꞌ ya̱ kúvi re̱ꞌ Se̱ꞌya Ndiosíꞌ.

Juan 20:28

Saájee nna̱xiníkó Tomás jee nkachiꞌ‑i nu̱u̱nꞌ re̱ꞌ: ―¡I̱toꞌoꞌ maáníꞌ jín Ndiosíꞌ maáníꞌ!

Juan 20:31

Soo rá tu̱ꞌun yaꞌá ntee ni̱ꞌ nu̱u̱nꞌ tutuꞌ yaꞌá, sáva ránoꞌó ji̱nu̱ꞌ iniꞌ rán ya̱ Jesús kúvi re̱ꞌ Cristo, ya̱ nátavaꞌ‑a ñɨvɨ nu̱u̱nꞌ kua̱chi ráa, jín ya̱ kúvi re̱ꞌ Se̱ꞌya Ndiosíꞌ, jee sáva ni̱ꞌi̱nꞌ rán ya̱ kutekuꞌ rán nɨ́ɨ́nkání jín re̱ꞌ jie̱ꞌe̱ꞌ ya̱ kúneí iniꞌ rán re̱ꞌ.

Juan 6:69

Jee ránuꞌuꞌ chi ya̱ ínúꞌ iniꞌ ránꞌ jee ya jíníꞌ ránꞌ ya̱ noꞌó vá ííꞌ ya̱ va̱ji ne̱ nu̱u̱nꞌ Ndiosíꞌ ―nkachiꞌ Pedro.

Romanos 1:4

Jee nstúvi Ta̱chi̱ꞌ Ííꞌ Ndiosíꞌ ya̱ Jesús kúvi re̱ꞌ Se̱ꞌya Ndiosíꞌ chi nna̱tekuꞌ i̱i̱ꞌ re̱ꞌ nkene re̱ꞌ nteñu rá ni̱yɨ, jín fuersáꞌ ííꞌ níso re̱ꞌ. Máá Jesús níso re̱ꞌ tiñu Cristo [ya̱ ñani Ndiosíꞌ re̱ꞌ tatúníꞌ re̱ꞌ nu̱u̱nꞌ nɨꞌɨ], ya̱ kúvi re̱ꞌ I̱toꞌoꞌ‑ó.

2 Corintios 1:19

Chi Se̱ꞌya Ndiosíꞌ kúvi Jesús ya̱ kúvi Cristo, [ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ]. Jie̱ꞌe̱ꞌ Jesús ví ya̱ nste̱kútu̱ꞌún ránuꞌuꞌ nu̱u̱nꞌ ránoꞌó. Nuꞌuꞌ jín Silvano jín Timoteo ví ya̱ nste̱kútu̱ꞌún ránꞌ nu̱u̱nꞌ ránoꞌó jie̱ꞌe̱ꞌ re̱ꞌ. Jee nsáꞌ u̱vi̱ꞌ nu̱u̱nꞌ jiáni iniꞌ Cristo jee ntu̱ví nkáchíꞌ re̱ꞌ “kuvi” soo tuku “nkúvi” nkachiꞌ re̱ꞌ. Chisaꞌ Cristo sukuáni káchíꞌ re̱ꞌ ya̱ “kuvi”.

Hebreos 7:3

Chi ntu̱náꞌ káꞌánꞌ Tutuꞌ Ííꞌ jie̱ꞌe̱ꞌ tátáꞌ re̱ꞌ, ni jie̱ꞌe̱ꞌ nánáꞌ re̱ꞌ, ni jie̱ꞌe̱ꞌ tataꞌ ichiyúkúnꞌ re̱ꞌ, ni jín jie̱ꞌe̱ꞌ sáá nkaku re̱ꞌ, ni jín jie̱ꞌe̱ꞌ sáá ni̱ꞌi̱ꞌ re̱ꞌ. Jee suni suꞌva kúnkunuún íyó jín jie̱ꞌe̱ꞌ Se̱ꞌya Ndiosíꞌ, ya̱ kúvi re̱ꞌ su̱tu̱ꞌ nɨ́ɨ́nkání.

1 Juan 2:23

Jee nta̱ká ñɨvɨ ya̱ kúíchi iniꞌ ráa Jesús, jee ni ntu̱ví íyó Tátáꞌ‑ó Ndiosíꞌ jín ráa. Jee ñɨvɨ ya̱ jiáꞌayuꞌú ya̱ Se̱ꞌya Ndiosíꞌ kúvi re̱ꞌ I̱toꞌoꞌ‑o, jee suni íyó Tátáꞌ‑ó Ndiosíꞌ jín‑i.

1 Juan 3:8

Soo ñɨvɨ ya̱ sáꞌá kua̱chi, jee íñɨ́ ráa jín kui̱ꞌna̱ꞌ kúñáꞌnú. Chi kui̱ꞌna̱ꞌ kúñáꞌnú sáꞌá‑a kua̱chi ne̱ tiempúꞌ xíꞌnañúꞌún. Jee jie̱ꞌe̱ꞌ yaꞌá kúvi ya̱ nkiji máá Se̱ꞌya Ndiosíꞌ sáva xináánꞌ re̱ꞌ rá tiñu ya̱ sáꞌá kui̱ꞌna̱ꞌ kúñáꞌnú.

1 Juan 4:9

Jee jie̱ꞌe̱ꞌ yaꞌá ntu̱vi nijinꞌ ya̱ ñúnúunꞌ Ndiosíꞌ yó, chi nchu̱ichí re̱ꞌ Se̱ꞌya re̱ꞌ, ya̱ métúꞌún‑u vá sɨ́ɨ́n íyó, nkiji‑i iniꞌ ñɨ̱vɨ́ yaꞌá sáva ni̱ꞌi̱nꞌ‑ó ya̱ kutekuꞌ‑ó nɨ́ɨ́nkání jín re̱ꞌ jie̱ꞌe̱ꞌ ya̱ nsa̱ꞌá Se̱ꞌya re̱ꞌ.

1 Juan 5:20

Soo jíníꞌ‑ó ya̱ nkiji Se̱ꞌya Ndiosíꞌ, jee nsa̱ꞌá re̱ꞌ ya̱ ki̱ku̱ꞌun iniꞌ‑ó sáva kuniꞌ‑ó maáréꞌ ya̱ kúvi nijia re̱ꞌ Ndiosíꞌ. Jee yɨ́ꞌɨ́‑ó iniꞌ naꞌá maáréꞌ ya̱ kúvi nijia Ndiosíꞌ. Yɨ́ꞌɨ́‑ó naꞌá Se̱ꞌya re̱ꞌ, Jesús ya̱ kúvi Cristo. Suvivá kúvi nijia‑a Ndiosíꞌ, jee maáa ví ya̱ sáꞌá‑a ya̱ kutekuꞌ‑ó nɨ́ɨ́nkání jín Ndiosíꞌ.

2 Juan 1:9

Nta̱ká ñɨvɨ ya̱ jiáꞌa ka̱ꞌ nu̱u̱nꞌ tu̱ꞌun na̱a̱ꞌ, jee ntu kínóo kutú ráa jín tu̱ꞌun nxi̱néꞌénꞌ Cristo, jee ntu̱ví íyó Tátáꞌ‑ó Ndiosíꞌ jín ráa. Jee ñɨvɨ ya̱ kínóo kutú‑u jín tu̱ꞌun vá jee Tátáꞌ‑ó Ndiosíꞌ jín suni máá Se̱ꞌya re̱ꞌ íyó ráa jín ñɨvɨ vá.

Apoclipsis 2:18

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, rá nééꞌ nu̱u̱nꞌ ñuunꞌ Tiatira: “Nuꞌuꞌ kúvi ni̱ꞌ Se̱ꞌya Ndiosíꞌ ya̱ íyó rá titɨ nchinúún ni̱ꞌ kuéntáꞌ yáá ñuꞌunꞌ. Jee rá jie̱ꞌe̱ꞌ ni̱ꞌ jiánu̱te̱ꞌ ráa kuéntáꞌ kua̱ꞌ xiñúꞌ jiánu̱te̱ꞌ ka̱a kuáán ya̱ núlɨɨ‑ɨ. Tu̱ꞌun yaꞌá káchíꞌ nuꞌuꞌ: