Jonás 3:4 - Mixteco del suroeste de Tlaxiaco Oaxaca

⁴ Jee nki̱vɨ re̱ꞌ nu̱u̱nꞌ ñuunꞌ vá, jee Nni̱kónúun re̱ꞌ ɨɨn ki̱vɨ̱ꞌ jee kuíre nka̱jiéꞌé re̱ꞌ nkachitu̱ꞌún re̱ꞌ nu̱u̱nꞌ rá ñɨvɨ ñuunꞌ Nínive, jee nkachiꞌ re̱ꞌ: ―Ki̱vɨ̱ꞌ uvíxiko (40) jee naanꞌ ñuunꞌ Nínive yaꞌá ―suꞌva nkachiꞌ re̱ꞌ nu̱u̱nꞌ ráa.

Jonás 3:4 Iomraidhean Croise

Jonás 3:10

Saájee ntɨɨn kuéntáꞌ Ndiosíꞌ ya̱ ne̱ ánímaꞌ ráa nxi̱nóo ráa rá kua̱chi sáꞌá ráa saájee nna̱kani iniꞌ Ndiosíꞌ jie̱ꞌe̱ꞌ ya̱ nkachiꞌ re̱ꞌ. Jee ntu nxi̱nóꞌo re̱ꞌ ráa.

Mateo 12:41

Jee rá ñɨvɨ ñuunꞌ Nínive kuiñɨ ráa jín rá ñɨvɨ íyó tiempúꞌ vitan ichinúúnꞌ Ndiosíꞌ ki̱vɨ̱ꞌ sanáaꞌ re̱ꞌ jie̱ꞌe̱ꞌ kua̱chi rá ñɨvɨ, jee sijíta ráa rá ñɨvɨ íyó tiempúꞌ vitan, chi ñɨvɨ ñuunꞌ Nínive vá nna̱kani iniꞌ ráa nxi̱nóo ráa kua̱chi ráa, sáá nteso̱ꞌo ráa Tu̱ꞌun Ndiosíꞌ nkachitu̱ꞌún Jonás nu̱u̱nꞌ ráa. Soo ¡kune̱ꞌyá rán!, íyó ni̱ꞌ jín rán yaꞌá jee máá kúñáꞌnú nasɨ́kuitɨꞌ ni̱ꞌ ka̱ꞌ nsú káꞌ Jonás.

Lucas 11:30

Chi sánikua̱ꞌ nkuvi Jonás ɨɨn seña nu̱u̱nꞌ rá ñɨvɨ ñuunꞌ Nínive yanaꞌán, jee suni sukuán nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, kuvi ni̱ꞌ seña a̱nasɨ́ ñáꞌnú nu̱u̱nꞌ rá ñɨvɨ tiempúꞌ vitan.

Lucas 11:32

Jee rá ñɨvɨ ñuunꞌ Nínive kuiñɨ ráa jín rá ñɨvɨ íyó tiempúꞌ vitan ichinúúnꞌ Ndiosíꞌ ki̱vɨ̱ꞌ sanáaꞌ re̱ꞌ jie̱ꞌe̱ꞌ kua̱chi rá ñɨvɨ, jee sijíta ráa rá ñɨvɨ íyó tiempúꞌ vitan, chi rá ñɨvɨ ñuunꞌ Nínive vá nna̱kani iniꞌ ráa nxi̱nóo ráa rá kua̱chi ráa sáá nteso̱ꞌo ráa Tu̱ꞌun Ndiosíꞌ nkachitu̱ꞌún Jonás nu̱u̱nꞌ ráa. Soo, ¡kune̱ꞌyá rán!, íyó ni̱ꞌ jín rán yaꞌá jee máá kúñáꞌnú nasɨ́kuitɨꞌ ni̱ꞌ ka̱ꞌ nsú káꞌ Jonás.