Jonás 1:3 - Mixteco del suroeste de Tlaxiaco Oaxaca

³ Sosaꞌ nkene re̱ꞌ kua̱ꞌa̱nꞌ re̱ꞌ inka ichi sáva nsiíyo re̱ꞌ nu̱u̱nꞌ I̱toꞌoꞌ‑ó. Kua̱ꞌa̱nꞌ re̱ꞌ nu̱u̱nꞌ ñuunꞌ Jope, ɨɨn ñuunꞌ káá yatin yuꞌú nteñúꞌún. Jee yukuán jiákui̱ñɨ̱ꞌ rá barkúꞌ jee, nna̱niꞌinꞌ re̱ꞌ ɨɨn barkúꞌ ya̱ sa̱néꞌ íyó kene‑e kɨ̱ꞌɨ̱nꞌ‑ɨ ñuunꞌ Tarsis, ɨɨn ñuunꞌ íká víꞌí. Jee kuísá nchu̱náán re̱ꞌ jee nki̱vɨ re̱ꞌ iniꞌ barkúꞌ. Jee nkene barkúꞌ kua̱ꞌa̱nꞌ‑a nu̱u̱nꞌ nteñúꞌún ichi ñuunꞌ Tarsis.

Jonás 1:3 Iomraidhean Croise

Génesis 3:8

Jee máá hora jiákɨ̱ꞌɨ ta̱chi̱ꞌ víjin ya̱ kuáini, jee ña̱kuso̱ꞌo ráa ya̱ jíkónúun I̱toꞌoꞌ‑ó Ndiosíꞌ nu̱u̱nꞌ viiꞌ víꞌí íyó, jee ña̱kɨ̱ꞌɨ yuꞌuꞌ te̱e vá jín ñasɨ́ꞌɨ́‑ɨ nu̱u̱nꞌ re̱ꞌ nteñu rá yutun íñɨ́ yukuán nu̱u̱nꞌ viiꞌ víꞌí íyó.

Génesis 4:16

Jee nkene Caín yukuán nu̱u̱nꞌ nkaꞌanꞌ‑a jín I̱toꞌoꞌ‑ó jee ña̱kuneeꞌ‑e nu̱u̱nꞌ ñuunꞌ Nod ya̱ káá ichi kénta nka̱niiꞌ nu̱u̱nꞌ káá ñuunꞌ Edén.

Jonás 1:10

Jee nyu̱ꞌví nasɨ́kuitɨꞌ ráa ka̱ꞌ, jee ni̱ka̱tu̱ꞌún ráa: ―¿Na̱ kuvi chi, nsa̱ꞌá nú sukuán? ―nkachiꞌ ráa, chi ya̱ jíníꞌ ráa ya̱ nkuini Jonás siíyo re̱ꞌ nu̱u̱nꞌ I̱toꞌoꞌ‑ó, chi ya̱ nna̱kani re̱ꞌ maa nu̱u̱nꞌ ráa.

Jonás 4:2

Saájee nkaꞌanꞌ Jonás jín I̱toꞌoꞌ‑ó, jee nkachiꞌ re̱ꞌ: ―I̱toꞌoꞌ ni̱ꞌ, yaꞌá ví ya̱ nkaꞌvi iniꞌ ni̱ꞌ ya̱ kuvi ne̱ sáá nééꞌ ni̱ꞌ ñuunꞌ ni̱ꞌ. Saáva máá hora yukuán nkuini ni̱ꞌ kɨ̱ꞌɨ̱nꞌ ni̱ꞌ ñuunꞌ Tarsis, chi jíníꞌ ni̱ꞌ ya̱ kúvi nú Ndiosíꞌ ya̱ íyó mániꞌ iniꞌ nú jín ya̱ náꞌví iniꞌ nú, ya̱ ntu ki̱tɨ̱ꞌ ñamaꞌ iniꞌ nú, chi na̱ ka̱ꞌ káꞌnú ka̱ꞌ iniꞌ nú, jee nákani iniꞌ nú xinóꞌo nú ñɨvɨ.

Lucas 9:62

Soo nkachiꞌ Jesús nu̱u̱nꞌ‑u: ―Ɨɨn ñɨvɨ ya̱ kuíni‑i kunikɨnꞌ‑ɨ nuꞌuꞌ, soo retú nákúne̱ꞌyá‑a ichi yátá‑a nánikó iniꞌ‑i, saájee kúvi‑i kuéntáꞌ ɨɨn te̱e ya̱ retú nka̱jiéꞌé‑e ntɨɨn‑ɨ yutun xiníkɨꞌ jiáꞌa yukunꞌ, jee nákune̱ꞌyá yátá‑a ya̱ta̱ꞌ‑a, chi níkó iniꞌ‑i. Saájee ni ɨɨn ñɨvɨ ya̱ íyó suꞌva ntu íyótiñu ñɨvɨ vá sáva satíñú‑u nu̱u̱nꞌ Ndiosíꞌ jie̱ꞌe̱ꞌ tiñu tátúníꞌ re̱ꞌ.

Hechos 15:38

Soo ñani iniꞌ Pablo ya̱ ntu íyó va̱ꞌa ya̱ kɨ̱ꞌɨ̱nꞌ ráa jín Marcos, chi nxi̱nóo re̱ꞌ ráa sánitɨ́ɨn Panfilia, jee ntu ñáꞌánꞌ‑a ka̱ꞌ jín ráa nu̱u̱nꞌ tiñu sáꞌá ráa.

Hechos 26:19

’Saájee, nka̱níjiá ni̱ꞌ tu̱ꞌun nkachiꞌ re̱ꞌ nu̱u̱nꞌ ni̱ꞌ ne̱ súkún, kátáta rey Agripa.

Hechos 9:36

Ñuunꞌ Jope nééꞌ ɨɨn ñaꞌan níkɨ́nꞌ ña ichi Jesús, ya̱ naní ña Tabita, ya̱ tu̱ꞌun griego kuíni káchíꞌ Dorcas. Ñaꞌan yaꞌá sáꞌá víꞌí ña tiñu váꞌa, jee sáꞌá víꞌí ña caridad nu̱u̱nꞌ rá láꞌví.

Hechos 9:38

Soo ñuunꞌ Lida káá yatin jín ñuunꞌ Jope. Jee sáá nteso̱ꞌo rá ñɨvɨ níkɨ́nꞌ ichi Jesús, ya̱ nééꞌ Pedro yukuán, jee nta̱jí ráa u̱vi̱ꞌ te̱e kua̱ꞌa̱nꞌ ka̱ka̱nꞌ táꞌvíꞌ ráa nu̱u̱nꞌ re̱ꞌ: ―Koto kúkuéé nú jee kiji nú xá nu̱u̱nꞌ ñuunꞌ Jope.

Hechos 9:42

Jee nku̱káꞌnú iniꞌ nɨꞌɨ ñɨvɨ ñuunꞌ Jope ya̱ nkuvi. Jee kue̱ꞌe̱ꞌ ráa nku̱neí iniꞌ ráa I̱toꞌoꞌ‑ó.

Hechos 9:43

Jee kéꞌín ki̱vɨ̱ꞌ nkino̱o re̱ꞌ ñuunꞌ Jope ɨɨn veꞌi te̱e naní Simón, ya̱ te̱e sáꞌástákoo rá ñɨɨn ví re̱ꞌ.

1 Corintios 9:16

Soo sáá stékútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús, jee ntu̱ví íyó kutéyɨ́ɨ́ ni̱ꞌ jie̱ꞌe̱ꞌ ya̱ sáꞌá ni̱ꞌ maa, chi jie̱ꞌe̱ꞌ nika̱ꞌ ya̱ nte̱tuvi Ndiosíꞌ nuꞌuꞌ ya̱ saá íyó saꞌá ni̱ꞌ maa, saájee na̱ ka̱ꞌ náꞌví ni̱ꞌ retú ntu̱ví stékútu̱ꞌún ni̱ꞌ tu̱ꞌun váꞌa re̱ꞌ.

2 Tesalonicenses 1:9

Jee rá ñɨvɨ vá kunoꞌo nkáꞌnú ráa tu̱nóꞌó ya̱ ji̱ta ráa nɨ́ɨ́nkání, chi kusɨ́ɨ́n ráa nu̱u̱nꞌ I̱toꞌoꞌ‑ó, jín nu̱u̱nꞌ fuersáꞌ ííꞌ re̱ꞌ ya̱ viiꞌ kúñáꞌnú re̱ꞌ.