Jonás 1:2 - Mixteco del suroeste de Tlaxiaco Oaxaca

² ―¡Kechí ntañúꞌún! Kuáꞌán chi kɨ̱ꞌɨ̱nꞌ nú ñuunꞌ káꞌnú naní Nínive jee, stekútu̱ꞌún nú nu̱u̱nꞌ rá ñɨvɨ ñuunꞌ vá ya̱ kúkáꞌnú iniꞌ ni̱ꞌ ya̱ ya njia̱ꞌa víꞌí nsa̱ꞌá ráa tiñu niva̱ꞌa ―nkachiꞌ I̱toꞌoꞌ‑ó.

Jonás 1:2 Iomraidhean Croise

Génesis 10:11

Nkene re̱ꞌ nu̱u̱nꞌ ñuꞌun yukuán ña̱ꞌa̱nꞌ re̱ꞌ nu̱u̱nꞌ ñuꞌun Asiria jee ñakɨnꞌ re̱ꞌ rá ñuunꞌ Nínive, jín Rehobot‑ir, jín Cala,

Jonás 3:2

―Nakuiñɨꞌ nú chi kɨ̱ꞌɨ̱nꞌ nú nu̱u̱nꞌ ñuunꞌ káꞌnú naní Nínive jee kachitu̱ꞌún nú nu̱u̱nꞌ ñɨvɨ ya̱ kachiꞌ ni̱ꞌ nu̱u̱nꞌ nú ―nkachiꞌ I̱toꞌoꞌ re̱ꞌ nu̱u̱nꞌ re̱ꞌ.

Jonás 3:3

Saájee nna̱kuiñɨꞌ Jonás jee kua̱ꞌa̱nꞌ re̱ꞌ ñuunꞌ Nínive, sánikua̱ꞌ nkachiꞌ I̱toꞌoꞌ re̱ꞌ. Nínive kúvi ɨɨn ñuunꞌ náꞌnú nasɨ́kuitɨꞌ, ya̱ ne̱ u̱ni̱ꞌ ki̱vɨ̱ꞌ jíniñúꞌún jíkónúun nu̱u̱nꞌ ñuunꞌ vá.

Jonás 4:11

’Chisaꞌ ñuunꞌ Nínive nééꞌ víꞌí ka̱ꞌ sientúꞌ o̱ko̱ꞌ mil rá ñɨvɨ ya̱ ntu jíníꞌ ráa ná kúvi ya̱ váꞌa ni jín ya̱ niváꞌa, ya̱ kúvi ráa kuéntáꞌ rá kuáchí lúlí, jee suni íyó víꞌí rá sa̱na̱ꞌ yukuán. ’Jee nuꞌuꞌ, ¿Á ntu víꞌí ka̱ꞌ vá íyó kunáꞌví iniꞌ ni̱ꞌ rá ñɨvɨ ñuunꞌ vá, résa? ―nkachiꞌ I̱toꞌoꞌ re̱ꞌ nu̱u̱nꞌ re̱ꞌ.

Mateo 10:18

’Jee suni kɨ̱naka rá ñɨvɨ ránoꞌó nu̱u̱nꞌ rá te̱e nísotíñú kúvi gobernador jín rá te̱e ya̱ tátúníꞌ rá nación sáva sijíta ráa ránoꞌó jie̱ꞌe̱ꞌ ya̱ yɨ́ꞌɨ́ rán nu̱u̱nꞌ ni̱ꞌ, jee suꞌva naku̱ꞌva rán ya̱ nááꞌ jie̱ꞌe̱ꞌ nuꞌuꞌ nu̱u̱nꞌ ráa jín nu̱u̱nꞌ rá ñɨvɨ ntáká nación ya̱ ntu kúvi ñɨvɨ ñuunꞌ Israel.

Mateo 12:41

Jee rá ñɨvɨ ñuunꞌ Nínive kuiñɨ ráa jín rá ñɨvɨ íyó tiempúꞌ vitan ichinúúnꞌ Ndiosíꞌ ki̱vɨ̱ꞌ sanáaꞌ re̱ꞌ jie̱ꞌe̱ꞌ kua̱chi rá ñɨvɨ, jee sijíta ráa rá ñɨvɨ íyó tiempúꞌ vitan, chi ñɨvɨ ñuunꞌ Nínive vá nna̱kani iniꞌ ráa nxi̱nóo ráa kua̱chi ráa, sáá nteso̱ꞌo ráa Tu̱ꞌun Ndiosíꞌ nkachitu̱ꞌún Jonás nu̱u̱nꞌ ráa. Soo ¡kune̱ꞌyá rán!, íyó ni̱ꞌ jín rán yaꞌá jee máá kúñáꞌnú nasɨ́kuitɨꞌ ni̱ꞌ ka̱ꞌ nsú káꞌ Jonás.

Santiago 5:4

¡Kune̱ꞌyá! Ntu nchúnáán va̱ꞌa rán xu̱ꞌún ya̱ꞌvi nu̱u̱nꞌ rá te̱e nna̱keꞌen tataꞌ sáꞌá nu̱u̱nꞌ ñuꞌun rán. Jee káꞌánꞌ kua̱chi ráa jie̱ꞌe̱ꞌ rán nu̱u̱nꞌ Ndiosíꞌ. Jee Ndiosíꞌ, ya̱ kúvi I̱toꞌoꞌ nu̱u̱nꞌ kue̱ꞌe̱ꞌ rá najiáꞌáꞌ ííꞌ re̱ꞌ nééꞌ antivɨ́, jee tésóꞌo ñáꞌnú re̱ꞌ ya̱ káꞌánꞌ kua̱chi rá te̱e nna̱keꞌen tataꞌ sáꞌá rán vá si̱kɨ̱ꞌ rán.

Apoclipsis 18:5

Chi nkaa víꞌí kua̱chi sáꞌá ráa nku̱súkún‑u nkenta‑a ne̱ nu̱u̱nꞌ antivɨ́ súkún, jee nna̱ku̱ꞌun iniꞌ Ndiosíꞌ rá tiñu níváꞌa sáꞌá ráa.