Génesis 48:4 - Mixteco del suroeste de Tlaxiaco Oaxaca

⁴ Jee nkachiꞌ re̱ꞌ nu̱u̱nꞌ ni̱ꞌ: “Kune̱ꞌyá, chi maáníꞌ saꞌá ya̱ nataꞌviꞌ víꞌí rá se̱ꞌya ichiyúkúnꞌ kiji nu̱u̱nꞌ nú jee nukueꞌeꞌ nasɨ́kuitɨꞌ ráa, jín ya̱ ne̱ nu̱u̱nꞌ noꞌó kene kue̱ꞌe̱ꞌ ñuunꞌ. Jee ku̱ꞌva ni̱ꞌ ñuꞌun yaꞌá nu̱u̱nꞌ rá ichiyúkúnꞌ nú ya̱ kiji ichinúúnꞌ nú sáva kuvi ñuꞌun ráa nɨ́ɨ́nkání”.

Génesis 48:4 Iomraidhean Croise

Génesis 12:2

Jee saꞌá ni̱ꞌ ya̱ kene nu̱u̱nꞌ noꞌó ɨɨn nación kuñáꞌnú, jee saꞌá ni̱ꞌ ya̱ netuꞌ kuvi nú, jee saꞌá ni̱ꞌ ya̱ te̱ku̱tu̱ꞌún nasɨ́kuitɨꞌ jie̱ꞌe̱ꞌ nú jín ya̱ netuꞌ kuvi inka ñɨvɨ jie̱ꞌe̱ꞌ noꞌó.

Génesis 17:13

Íyó keꞌneꞌ ti̱yu̱ꞌ jín siíyo ñɨɨn vá te̱e ya̱ kaku nu̱u̱nꞌ táꞌán veꞌi nú jín te̱e keꞌen nú jín xu̱ꞌún jee kuniso rán tratúꞌ ni̱ꞌ nu̱u̱nꞌ yɨkɨkúñu rán ya̱ koo nɨ́ɨ́nkání.

Génesis 17:6

Jee saꞌá ni̱ꞌ ya̱ kukueꞌeꞌ nasɨ́kuitɨꞌ ichiyúkúnꞌ nú, jee saꞌá ni̱ꞌ ya̱ ne̱ nu̱u̱nꞌ noꞌó kene kéꞌín nación, jee ne̱ nu̱u̱nꞌ noꞌó kene ráa kuvi te̱e ya̱ tatúníꞌ ráa kéꞌín rá ñuunꞌ.

Génesis 17:8

Jee taji ni̱ꞌ nu̱u̱nꞌ nú jín nu̱u̱nꞌ ichiyúkúnꞌ nú ya̱ kiji tiempúꞌ ichinúúnꞌ ñuꞌun nu̱u̱nꞌ nééꞌ nú kuéntáꞌ to̱ꞌo̱ꞌ, ya̱ kúvi nɨꞌɨ nu̱u̱nꞌ ñuꞌun Canaán sáva kuvi ñuꞌun ráa nɨ́ɨ́nkání. Jee kuvi ni̱ꞌ Ndiosíꞌ ráa ―nkachiꞌ Ndiosíꞌ nu̱u̱nꞌ Abraham.

Génesis 22:17

saꞌá víꞌí ni̱ꞌ ya̱ netuꞌ nasɨ́kuitɨꞌ kuvi nú ya̱ nukueꞌeꞌ víꞌí rá tataꞌ ichiyúkúnꞌ kene nu̱u̱nꞌ noꞌó kuéntáꞌ kue̱ꞌe̱ꞌ rá tiu̱u̱nꞌ íyó súkún jín kuéntáꞌ kue̱ꞌe̱ꞌ rá ñuítɨ́ káá yuꞌú nteñúꞌún. Jee kuneí rá tataꞌ ichiyúkúnꞌ nú kakɨnꞌ ráa si̱kɨ̱ꞌ rá ñɨvɨ túfíꞌ ta̱ꞌán jín ráa.

Génesis 26:4

Jee saꞌá ni̱ꞌ ya̱ nukueꞌeꞌ víꞌí rá tataꞌ ichiyúkúnꞌ váji nu̱u̱nꞌ nú kuéntáꞌ kue̱ꞌe̱ꞌ rá tiu̱u̱nꞌ íyó súkún, jee ku̱ꞌva ni̱ꞌ kua̱íyó rá ñuꞌun yaꞌá nu̱u̱nꞌ ráa. Jee kuatíñú ni̱ꞌ rá ichiyúkúnꞌ nú sáva kiji ya̱ netuꞌ kuvi ñɨvɨ ntáká rá nación íyó ñɨ̱vɨ́ yaꞌá.

Génesis 28:3

’Jee máá Ndiosíꞌ ya̱ níso re̱ꞌ nɨꞌɨ ntántúníꞌ fuersáꞌ ííꞌ jee na̱ ka̱ꞌ saꞌá re̱ꞌ ka̱ꞌ ya̱ váꞌa jín nú jee saꞌá re̱ꞌ ya̱ nataꞌviꞌ víꞌí nú jín ya̱ kukueꞌeꞌ nasɨ́kuitɨꞌ ichiyúkúnꞌ kiji nu̱u̱nꞌ nú, sáva ne̱ nu̱u̱nꞌ noꞌó kene kue̱ꞌe̱ꞌ ñuunꞌ.

Génesis 32:12

Jee maánú nkachiꞌ nú nu̱u̱nꞌ ni̱ꞌ ya̱ “saꞌá ni̱ꞌ ya̱ kɨ̱ꞌɨ̱nꞌ va̱ꞌa jín nú, jee saꞌá ni̱ꞌ ya̱ kukueꞌeꞌ nasɨ́kuitɨꞌ rá kiji kuvi ichiyúkúnꞌ nú kuéntáꞌ ñuítɨ́ káá yuꞌú nteñúꞌún ya̱ ntu̱ví kúvi kaꞌvi maa” ―nkachiꞌ Jacob nu̱u̱nꞌ Ndiosíꞌ.

Génesis 35:11

Jee suni nkachiꞌ Ndiosíꞌ nu̱u̱nꞌ re̱ꞌ: ―Nuꞌuꞌ ví Ndiosíꞌ ya̱ níso ni̱ꞌ nɨꞌɨ ntántúníꞌ fuersáꞌ ííꞌ. Nataꞌviꞌ víꞌí ka̱ꞌ jee kukueꞌeꞌ ka̱ꞌ ichiyúkúnꞌ nú, jee kene nu̱u̱nꞌ noꞌó ɨɨn nación jín kue̱ꞌe̱ꞌ víꞌí rá ñuunꞌ. Jee ne̱ nu̱u̱nꞌ yɨkɨkúñu nú kene rá ichiyúkúnꞌ nú ya̱ kuvi rá te̱e tatúníꞌ.

Génesis 46:3

Saájee nkachiꞌ Ndiosíꞌ: ―Nuꞌuꞌ kúvi Ndiosíꞌ, ya̱ kúvi Ndiosíꞌ ya̱ néñu̱ꞌun tátáꞌ nú. Koto yúꞌví nú kɨ̱ꞌɨ̱nꞌ nú nu̱u̱nꞌ ñuꞌun Egipto, chi yukuán saꞌá ni̱ꞌ ichiyúkúnꞌ kiji nu̱u̱nꞌ nú ɨɨn nación máá káꞌnú.

Génesis 47:27

Jee nneeꞌ rá ñɨvɨ Israel ñuꞌun Egipto. Jee yukuán nneeꞌ ráa nu̱u̱nꞌ ñuꞌun sánitɨ́ɨn Gosén. Jee yukuán nni̱ꞌi̱nꞌ ráa ñuꞌun, jee nna̱taꞌviꞌ víꞌí ráa jee nkenta ráa nnu̱kueꞌeꞌ nasɨ́kuitɨꞌ ráa.