Génesis 44:1 - Mixteco del suroeste de Tlaxiaco Oaxaca

¹ Jee nta̱túníꞌ José nu̱u̱nꞌ musúꞌ re̱ꞌ ya̱ néen kuéntáꞌ veꞌi re̱ꞌ: ―Chuꞌun chitú nú kuxtáꞌ rá te̱e yaꞌá jín nɨꞌɨ nikɨn ya̱ kuvi kɨ̱taꞌanꞌ kuꞌun iniꞌ kuxtáꞌ ráa, jee chuꞌun xu̱ꞌún ta ɨɨn ráa yuꞌú rá ta nu̱u̱nꞌ kuxtáꞌ ta ɨɨn ráa.

Génesis 44:1 Iomraidhean Croise

Génesis 24:2

Jee nkachiꞌ Abraham nu̱u̱nꞌ máá musúꞌ nyɨɨ ñáꞌnú ka̱ꞌ nu̱u̱nꞌ veꞌi re̱ꞌ ya̱ jiátíñú saɨn re̱ꞌ ya̱ néen kuéntáꞌ nɨꞌɨ ya̱ kúmí re̱ꞌ: ―Chisó naꞌá nú nteñu sɨ́ꞌɨn tíkóó ni̱ꞌ,

Génesis 42:25

Jee kuíre nta̱túníꞌ re̱ꞌ ya̱ chuꞌun chitú rá musúꞌ re̱ꞌ nikɨn iniꞌ kuxtáꞌ rá ñaniꞌ re̱ꞌ, jín ya̱ naxiníkó rá musúꞌ re̱ꞌ xu̱ꞌún ta ɨɨn rá ñaniꞌ re̱ꞌ, jee chuꞌun ráa xu̱ꞌún vá iniꞌ ta ɨɨn rá kuxtáꞌ rá ñaniꞌ re̱ꞌ, jín ya̱ ku̱ꞌva ráa neyu nu̱u̱nꞌ rá ñaniꞌ re̱ꞌ sáva kajiꞌ ráa maa ichi kua̱noꞌonꞌ ráa. Jee suꞌva nsa̱ꞌá rá musúꞌ re̱ꞌ.

Génesis 42:35

Jee sáá nkoyo ráa nikɨn ñuꞌun iniꞌ rá kuxtáꞌ ráa, jee niniꞌ ráa ya̱ ta iniꞌ kuxtáꞌ ráa ñuꞌun ɨɨn ɨɨn ñunu lúlí xu̱ꞌún ta ɨɨn ɨɨn maáráa jee sáá niniꞌ ráa rá ñunu lúlí jín xu̱ꞌún vá, jee maáráa jín tátáꞌ ráa nyu̱ꞌví.

Génesis 43:16

Jee niniꞌ José ya̱ Benjamín kútáꞌán jín ráa, jee nkachiꞌ José nu̱u̱nꞌ te̱e kúvi musúꞌ re̱ꞌ ya̱ néen kuéntáꞌ veꞌi re̱ꞌ: ―Kuáꞌán jín rá te̱e yaꞌá veꞌi ni̱ꞌ. Jee kaꞌniꞌ ɨɨn sa̱na̱ꞌ jee saꞌá stákoo maa, chi kajiꞌ rá te̱e yaꞌá jín nuꞌuꞌ sava nuví vitan ―nkachiꞌ José.

Génesis 43:19

Jee sáá nkenta ráa yuvéꞌí jee ña̱kuyatin ráa nu̱u̱nꞌ musúꞌ vá ya̱ néen kuéntáꞌ veꞌi José sáva kaꞌanꞌ ráa jín re̱ꞌ.

Génesis 43:2

Jee sáá nyajiꞌ ráa nɨꞌɨ nikɨn ya̱ ña̱keꞌen ráa nu̱u̱nꞌ ñuunꞌ Egipto, jee nkachiꞌ tátáꞌ ráa nu̱u̱nꞌ ráa: ―Nikó tuku rán jee kuákéꞌen rán ntíꞌ ka̱ꞌ ya̱ kajiꞌ‑ó ―nkachiꞌ re̱ꞌ.

Génesis 44:2

Jee copa ni̱ꞌ, ya̱ kúvi copa ka̱a kuíjín naní plata, jee chuꞌun nú maa yuꞌú kuxtáꞌ ñaniꞌ lúlí ráa, jín xu̱ꞌún ya̱ nchu̱náán nu̱u̱nꞌ nikɨn re̱ꞌ ―nkachiꞌ José. Jee musúꞌ vá nsa̱ꞌá‑a ya̱ nta̱túníꞌ José nu̱u̱nꞌ‑u.