Génesis 39:10 - Mixteco del suroeste de Tlaxiaco Oaxaca

¹⁰ Jee súnika̱ꞌ nkachiꞌ ña suꞌva nu̱u̱nꞌ José ta ki̱vɨ̱ꞌ ta ki̱vɨ̱ꞌ soo ntu̱ví sáꞌá re̱ꞌ kuéntáꞌ nu̱u̱nꞌ káꞌánꞌ ña jee ntu ñákava re̱ꞌ kusuꞌ re̱ꞌ jín ña, ni ya̱ kutáꞌán re̱ꞌ jín ña.

Génesis 39:10 Iomraidhean Croise

Génesis 39:11

Jee ɨɨn ki̱vɨ̱ꞌ nki̱vɨ José iniꞌ veꞌi sáva saꞌá re̱ꞌ rá tiñu íyó saꞌá re̱ꞌ, soo ni ntu̱ví ni ɨɨn ñɨvɨ sátíñú iniꞌ veꞌi hora yukuán,

Génesis 39:8

Soo ntu njiáꞌayuꞌú re̱ꞌ saꞌá maa, jee nkachiꞌ re̱ꞌ nu̱u̱nꞌ ñasɨ́ꞌɨ́ i̱toꞌoꞌ re̱ꞌ vá: ―Teso̱ꞌo nú, i̱toꞌoꞌ ni̱ꞌ nxi̱nóo re̱ꞌ xi̱ntíín ni nɨꞌɨ ya̱ kúmí re̱ꞌ, jee ni ya̱ íyó ni̱ꞌ yaꞌá, jee ntu̱ví íyó re̱ꞌ ya̱ naniꞌvɨꞌ iniꞌ re̱ꞌ jie̱ꞌe̱ꞌ rá nantíñú íyó veꞌi re̱ꞌ.

Génesis 39:9

Jee ni ntu̱ví ne̱ íyó inka ka̱ꞌ ñɨvɨ ya̱ kúñáꞌnú ka̱ꞌ nsú ka̱ꞌ nuꞌuꞌ iniꞌ veꞌi yaꞌá. Jee ni ntu̱náꞌ kúsáꞌán re̱ꞌ ni ɨɨn nantíñú nu̱u̱nꞌ ni̱ꞌ, chi kua̱chi noꞌó ni, chi ñasɨ́ꞌɨ́ re̱ꞌ kúvi nú. ¿Na̱ja kúvi saꞌá nuꞌuꞌ ɨɨn ya̱ máá niváꞌa, jee saꞌá ni̱ꞌ kua̱chi nu̱u̱nꞌ Ndiosíꞌ rúja? ―nkachiꞌ José nu̱u̱nꞌ ña.

1 Corintios 15:33

Koto jiáꞌa rán xináꞌví rá ñɨvɨ ránoꞌó jín tu̱ꞌun káꞌánꞌ ráa, chi: “Retú jíka nú jín rá ñɨvɨ kánéꞌén, jee stívɨ́ ráa ránoꞌó nu̱u̱nꞌ ñujiínꞌ váꞌa jíka rán.”

1 Corintios 6:18

Jee saáva kunu rán siíyo rán maárán nu̱u̱nꞌ rá tiñu téní kúsíkɨ́ iniꞌ rán. Ntáká rá inka kua̱chi ya̱ sáꞌá ñɨvɨ, jee ntu saꞌá‑a kua̱chi si̱kɨ̱ꞌ yɨkɨkúñu‑u. Soo ñɨvɨ ya̱ kúsíkɨ́ iniꞌ‑i tiñu téní jín ñɨvɨ ya̱ ntu̱ví ntánáꞌá jín‑i, jee yukuán kúvi ya̱ sáꞌá‑a kua̱chi si̱kɨ̱ꞌ yɨkɨkúñu‑u.

1 Tesalonicenses 5:22

Chusává rán maárán nu̱u̱nꞌ nta̱ká nu̱u̱nꞌ ya̱ ni̱váꞌa.

1 Timoteo 5:14

Saáva kuíni ni̱ꞌ ya̱ ñaꞌan náꞌví núun kui̱ya̱ꞌ natana̱ꞌa ráa, jee sikuéꞌnu ráa se̱ꞌya, jee kuneeꞌ kuéntáꞌ ráa veꞌi ráa. Jee sukuán jee nkúne ña ichi nu̱u̱nꞌ ñɨvɨ núníꞌin ichi Cristo sáva ni ɨɨn nkúvi kaꞌanꞌ u̱ꞌvi̱ꞌ‑i kune̱ꞌyá‑a ráña.

2 Timoteo 2:22

Kunu nú chusává maánú nu̱u̱nꞌ ya̱ níyo iniꞌ nú ya̱ sɨ̱ɨ̱ꞌ iniꞌ ɨɨn te̱e súchí. Jee kunikɨnꞌ nú ichi ya̱ kino̱o na̱a̱ꞌ nú nu̱u̱nꞌ Ndiosíꞌ, ya̱ tu̱ꞌun kuneí iniꞌ nú Cristo, ya̱ tu̱ꞌun kunu̱u̱nꞌ nú Ndiosíꞌ jín ñɨvɨ, jín ya̱ tu̱ꞌun kuneeꞌ ñunkúún nú jín táꞌán nú. Jee saꞌá nú suꞌva jín rá ñɨvɨ ya̱ ni̱ka̱nꞌ táꞌvíꞌ ráa jín ánímaꞌ noo nu̱u̱nꞌ Cristo, ya̱ kuvi re̱ꞌ I̱toꞌoꞌ ráa.

1 Pedro 2:11

Ránoꞌó ñanitáꞌán ya̱ ñúnúunꞌ ni̱ꞌ, náxiníꞌvɨ́ꞌ ni̱ꞌ iniꞌ rán ya̱ koo rán kuéntáꞌ kua̱ꞌ retánꞌ kúvi rán to̱ꞌo̱ꞌ inka ñuunꞌ ya̱ váji íká rán jee ntu jiáꞌnu rán kuéntáꞌ jiáꞌnu rá ñɨvɨ ñɨ̱vɨ́ yaꞌá, jee saáva chusává rán rá tiñu ya̱ níyo iniꞌ rán saꞌá rán ya̱ ntu yɨ́ꞌɨ́ xi̱ntíín Ndiosíꞌ chi súkúta̱ꞌán‑a jín ánímaꞌ rán.