Génesis 3:1 - Mixteco del suroeste de Tlaxiaco Oaxaca

¹ Ko̱o̱ꞌ kúvi kitɨ máñáꞌ ka̱ꞌ nsú ka̱ꞌ inka ka̱ꞌ rá kitɨ yúkú ya̱ nsa̱ꞌá I̱toꞌoꞌ‑ó Ndiosíꞌ. Suviti̱ꞌ vá nkachiꞌ nu̱u̱nꞌ ñaꞌan vá: ―¿Á nijia kúvi ya̱ nkachiꞌ Ndiosíꞌ nu̱u̱nꞌ rán ya̱ ntu íyó kajiꞌ niva̱ꞌa rán rá vixíꞌ néni ɨɨn yutun íñɨ́ nu̱u̱nꞌ viiꞌ víꞌí íyó, réja?

Génesis 3:1 Iomraidhean Croise

Mateo 10:16

’Jee kune̱ꞌyá rán, chi nuꞌuꞌ chúichí ni̱ꞌ ránoꞌó kɨ̱ꞌɨ̱nꞌ rán nteñu rá ñɨvɨ, kuéntáꞌ kuáꞌánꞌ rá lanchi nteñu rá váꞌúꞌ xe̱e̱nꞌ. Saáva nito koo rán kuéntáꞌ ko̱o̱ꞌ, soo kuꞌun másúꞌ saɨn iniꞌ rán kuéntáꞌ paloma.

Mateo 4:3

Saájee nkenta kui̱ꞌna̱ꞌ kúñáꞌnú ya̱ sikúvi‑i iniꞌ ñɨvɨ, jee nkachiꞌ‑i nu̱u̱nꞌ Jesús: ―Ya̱ kúvi nú Se̱ꞌya Ndiosíꞌ, jee kachiꞌ nu̱u̱nꞌ rá yu̱u̱ꞌ yaꞌá ya̱ nuvi ráa i̱xta̱tíláꞌ kajiꞌ nú ―nkachiꞌ‑i.

Mateo 4:6

Jee nkachiꞌ‑i nu̱u̱nꞌ Jesús: ―Ya̱ kúvi nú Se̱ꞌya Ndiosíꞌ, ku̱te̱ꞌ nú maánú ne̱ nu̱u̱nꞌ ñu̱ꞌún, chi káchíꞌ tu̱ꞌun níso nu̱u̱nꞌ Tutuꞌ Ííꞌ: Tatúníꞌ re̱ꞌ nu̱u̱nꞌ rá najiáꞌáꞌ ííꞌ re̱ꞌ jie̱ꞌe̱ꞌ noꞌó, jee kunaꞌá ráa noꞌó, sáva ntu kachiꞌi jie̱ꞌe̱ꞌ nú nu̱u̱nꞌ yuúꞌ jee tu̱fi̱ꞌ nú.

Mateo 4:9

Jee nkachiꞌ‑i nu̱u̱nꞌ re̱ꞌ: ―Nu̱u̱nꞌ noꞌó taji ni̱ꞌ ntáká rá yaꞌá, retú nakui̱ñi̱ꞌ ítɨ́ nú nu̱u̱nꞌ nuꞌuꞌ, kuneñu̱ꞌun nú nuꞌuꞌ ―nkachiꞌ‑i.

2 Corintios 11:14

Jee nsú tiñu tívɨ́ xíniꞌ‑ó ví‑i, chi ne̱ maá Satanás sáꞌá re̱ꞌ nika̱ꞌ maáréꞌ ya̱ kúvi re̱ꞌ najiáꞌáꞌ jiánu̱te̱ꞌ kuéntáꞌ ɨɨn najiáꞌáꞌ ííꞌ Ndiosíꞌ.

2 Corintios 11:3

Soo yúꞌví ni̱ꞌ ya̱ sa̱naanꞌ jee kusɨ́ɨ́n rán nu̱u̱nꞌ yɨ́tíñú rán ne̱ saɨn ninuꞌun iniꞌ rán nu̱u̱nꞌ métúꞌún Cristo, jee sukuán jíta antúníꞌ rán, kuéntáꞌ nxi̱náꞌví ko̱o̱ꞌ Eva jín máñáꞌ ti̱ꞌ.

1 Pedro 3:7

Jee suni sukuán ránoꞌó, te̱e íyó ñasɨ́ꞌɨ́, kuneeꞌ ñunkúún rán jín ñasɨ́ꞌɨ́ rán kani va̱ꞌa iniꞌ rán jie̱ꞌe̱ꞌ ya̱ jíniñúꞌún ráña, jee koo yɨ́ñúꞌún ñáꞌnú rán nu̱u̱nꞌ ráña, chi táyáꞌ iniꞌ ráña ka̱ꞌ nsú ka̱ꞌ ránoꞌó. Jee koo yɨ́ñúꞌún ñáꞌnú rán nu̱u̱nꞌ ráña chi suni ne̱ jíꞌín ráña jín ránoꞌó ni̱ꞌi̱nꞌ rán ɨɨn ni ta̱ꞌvi̱ꞌ sikútaꞌviꞌ Ndiosíꞌ ránoꞌó kutekuꞌ rán nɨ́ɨ́nkání jín re̱ꞌ saꞌá re̱ꞌ. Sukuán íyó saꞌá rán sáva ntu̱náꞌ kasɨꞌ nu̱u̱nꞌ ya̱ káꞌánꞌ rán jín Ndiosíꞌ.

Apoclipsis 12:15

Saájee ntavaꞌ ko̱o̱ꞌ vá nute yuꞌú ti̱ꞌ kuéntáꞌ ɨɨn ntekáꞌnú kua̱ꞌa̱nꞌ‑a ya̱ta̱ꞌ nu̱u̱nꞌ kuáꞌánꞌ ñaꞌan vá, sáva teni ña saꞌá‑a.

Apoclipsis 12:9

Sukuán nkuvi jee ntavaꞌ rá najiáꞌáꞌ ííꞌ vá ko̱o̱ꞌ mánasɨ́ yukuán antivɨ́ súkún. Jee ko̱o̱ꞌ mánasɨ́ vá kúvi ko̱o̱ꞌ ya̱ íyó ne̱ yanaꞌán víꞌí. Jee maátíꞌ ví ya̱ naní ti̱ꞌ kui̱ꞌna̱ꞌ kúñáꞌnú jín suni naní ti̱ꞌ Satanás. Jee maáa vá xínáꞌví‑i rá ñɨvɨ kua̱íyó ñɨ̱vɨ́. Jee ntavaꞌ ráa maa ne̱ jín rá najiáꞌáꞌ‑a antivɨ́ súkún, jee nsi̱kéne ráa maa jín ne̱ rá najiáꞌáꞌ‑a nu̱u̱nꞌ ñu̱ꞌún iniꞌ ñɨ̱vɨ́ yaꞌá.

Apoclipsis 20:2

Jee ntɨɨn re̱ꞌ ko̱o̱ꞌ mánasɨ́, ya̱ kúvi ko̱o̱ꞌ ya̱ íyó ne̱ yanaꞌán víꞌí, ya̱ kúvi‑i kui̱ꞌna̱ꞌ kúñáꞌnú ya̱ kúvi Satanás, jee niꞌniꞌ najiáꞌáꞌ ííꞌ vá maa kunuꞌniꞌ‑i ɨɨn mil (1000) kui̱ya̱ꞌ.